ہانگ کانگ:سمندری طوفان کے باعث مال بردار بحری جہاز ڈوب گیا،بحری جہاز میں موجود 24 کریو ممبران ہلاک، 3 کو بچا لیا گیا-
باغی ٹی وی : ” این بی سی نیوز” کے مطابق ہانگ کانگ میں ریسکیو سروسز نے ہفتے کے روز بتایا کہ بحیرہ جنوبی چین میں کام کرنے والا ایک صنعتی امدادی جہاز طوفان میں ڈوب گیا جس میں عملے کے 2 درجن سے زائد افراد کے ممکنہ نقصان کا خدشہ ہے۔
لینڈ سلائیڈنگ میں بھارتی فوج کا کیمپ تباہ، 21 ہلاک، کئی لاپتہ
حکام نے ریسکیو میں مدد کے لیے طیارے اور ہیلی کاپٹر روانہ کیے، مقامی وقت کے مطابق شام 5:30 بجے تک 30 کے عملے میں سے کم از کم تین افراد کو محفوظ مقام پر لایا گیا۔
ہانگ کانگ گورنمنٹ فلائنگ سروس کی طرف سے جاری کی گئی تصاویر میں عملے کے ایک رکن کو ریسکیو ہیلی کاپٹر تک پہنچاتے ہوئے دکھایا گیا جب بڑی لہریں ڈوبتے ہوئے جہاز سے ٹکرا رہی تھیں، جو دو حصوں میں ٹوٹ گیا تھا۔
یہ حادثہ ہانگ کانگ سے تقریباً 186 میل جنوب میں پیش آیا۔
روس کوسلامتی کونسل سے نکالاگیاتوپھراقوام متحدہ میں کوئی بھی رہ سکے گا:روس کا انتباہ
فلائنگ سروس نے جہاز کا نام یا اصل نام نہیں بتایا۔ اس نے ایک بیان میں کہا ہے کہ عملے کے ارکان طوفان چابہ کی وجہ سے پیش آنے والی مشکلات پر بات چیت کر رہے تھے، جس میں 68 میل فی گھنٹہ کی رفتار سے ہوائیں چل رہی تھیں-
یہ طوفان ہفتے کے روز بعد میں ساحلی صوبے گوانگ ڈونگ کے مغربی حصے سے ٹکرایا ہانگ کانگ سروس نے بچاؤ کی کوششوں کے لیے دو فکسڈ ونگ طیارے اور چار ہیلی کاپٹر بھیجے۔