Baaghi TV

Tag: چلڈرن اسپتال

  • بہاولپور میں چلڈرن ہسپتال کے قیام فیصلہ

    بہاولپور میں چلڈرن ہسپتال کے قیام فیصلہ

    بہاولپور میں چلڈرن ہسپتال کے قیام کی اصولی منظوری دیدی گئی-

    وزیراعلیٰ پنجاب مریم نواز شریف سے ڈپٹی سپیکر پنجاب اسمبلی ملک ظہیر اقبال چنڑ نے ملاقات کی جس میں صوبے کی مجموعی سیاسی صورتحال، جنوبی پنجاب میں جاری ترقیاتی منصوبوں اور عوامی فلاحی اقدامات پر تفصیلی تبادلہ خیال کیا گیاملاقات کے دوران ڈپٹی سپیکر نے پنجاب میں روڈز کی تعمیر و بحالی کے اقدامات پر وزیراعلیٰ کو خراج تحسین پیش کیا اور کہا کہ مریم نواز شریف کی قیادت میں صوبہ ترقی کی نئی راہوں پر گامزن ہے۔

    ملک ظہیر اقبال نے بہاولپور میں برن سنٹر کے قیام پر وزیراعلیٰ کا شکریہ ادا کرتے ہوئے کہا کہ جنوبی پنجاب کے عوام کو صحت کی بنیادی سہولتیں ان کی دہلیز پر فراہم کرنا قابل تحسین قدم ہےانہوں نے “فیلڈ ہسپتال”، “کلینک آن ویل” اور “مریم نواز ہیلتھ کلینک پراجیکٹ” جیسے عوام دوست منصوبوں کو سراہتے ہوئے انہیں پنجاب کی صحت سہولیات میں انقلابی تبدیلی قرار دیا۔

    خضدار:جبری مشقت پر مجبور 9 ہندو افراد بازیاب،2 زمیندار گرفتار

    ڈپٹی سپیکر نے پنجاب ڈویلپمنٹ پروگرام کے تحت تمام شہروں کی یکساں ترقی کے ویژن کو “گیم چینجر” قرار دیا اور ایئر ایمبولنس سروس، فیلڈ ہسپتالز کے قیام اور تجاوزات کے خاتمے کے لیے کیے جانے والے اقدامات کو قابل ستائش قرار دیااس موقع پر عوامی ضروریات کو مدنظر رکھتے ہوئے بہاولپور میں چلڈرن ہسپتال کے قیام کی اصولی منظوری دی گئی جسے سول ہسپتال کے قریب تعمیر کرنے پر اتفاق کیا گیا-

    وزیراعلیٰ مریم نواز شریف نے منصوبے کا تفصیلی پلان طلب کرتے ہوئے کہا کہ پنجاب کی ترقی ان کے دل کے بے حد قریب ہے جنوبی پنجاب کو ترقی کے مرکزی دھارے میں لانا ان کی حکومت کی اولین ترجیح ہے اور عوامی فلاح پر مبنی فیصلے ان کے وژن کا حصہ ہیں۔ڈپٹی سپیکر ملک ظہیر اقبال نے کہا کہ وزیراعلیٰ مریم نواز شریف کی قیادت میں پنجاب حقیقی ترقی کی راہ پر گامزن ہے اور عوام دوست فیصلے حکومت کا طرہ امتیاز ہیں۔

    یوٹیلیٹی اسٹورز کےملازمین نے اسلام آباد میں دھرنے کا اعلان کر دیا

  • ڈاکٹروں کی غیر قانونی ہڑتال کیخلاف لاہورہائیکورٹ میں درخواست دائر

    ڈاکٹروں کی غیر قانونی ہڑتال کیخلاف لاہورہائیکورٹ میں درخواست دائر

    ڈاکٹروں کی غیر قانونی ہڑتال کے خلاف لاہور ہائی کورٹ میں درخواست دائر کردی گئی۔

    باغی ٹی وی : ینگ ڈاکٹرزایسوسی ایشن (وائے ڈی اے) کےخلاف درخواست جوڈیشل ایکٹوازم پینل کی طرف سےدائر کی گئی ہے درخواست میں مؤقف اپنایا گیا کہ سرکاری اسپتالوں میں سستا علاج عوام کا بنیادی حق ہے لیکن ڈاکٹرز نے غیر قانونی طور پر ہڑتال کردی جس سے غریب مریضوں کو شدید مشکلات کا سامنا ہے۔

    حسن علی نے سرفراز کو کراچی کا سلمان خان قرار دے دیا

    جوڈیشل ایکٹوازم پینل نے درخواست میں عدالت سے ینگ ڈاکٹرز ایسوسی ایشن کی رجسٹریشن معطل کرنے کی بھی استدعا کردی ہے۔

    خیال رہے کہ گزشتہ دنوں چلڈرن اسپتال لاہور میں ڈاکٹر پر تشدد کے خلاف ینگ ڈاکٹرز ایسوسی ایشن نے صوبے بھر کے تمام سرکاری اسپتالوں کی او پی ڈیز بند رکھنے کا اعلان کیا تھا چلڈرن ہسپتال میں بچی کی ہلاکت پر لواحقین آپے سے باہر ہو گئے تھے اور اسپتال میں لواحقین نے ڈیوٹی ڈاکٹر کو تشدد کا نشانہ بنایا تھا۔

    بنگلہ دیش نے معیشت کے تمام شعبوں میں پاکستان کو پیچھے چھوڑ دیا

    ایک سال کی بچی میڈیکل وارڈ میں داخل تھی، طبیعت نہ سنبھلنے پر ڈاکٹرز کی کوشش کے باوجود جانبر نہ ہو سکی اور خالق حقیقی سے جا ملی بچی کی ہلاکت پر لواحقین آپے سے باہر ہو گئے، لواحقین نے اسپتال میں توڑ پھوڑ کی اور ڈیوٹی ڈاکٹر و عملہ پر تشدد کیا، لواحقین نے ڈیوٹی ڈاکٹر کو تھپڑوں، لاتوں اور گھونسوں سے تشدد کا نشانہ بنایا، لواحقین کے تشدد سے ڈاکٹر شدید زخمی ہو گیا، مشتعل لواحقین نے لیڈی ڈاکٹرز اور نرسنگ سٹاف کو بھی گالیاں دیں۔

    جناح ہاؤس لاہور پر حملے کا ایک اور شر پسند گرفتار

    مذکورہ واقعہ کے بعد ڈاکٹرز نے اسپتال میں علاج معالجہ بند کر دیا تھس اور او پی ڈی بند کر کے فیروز پور روڈ پر احتجاجی مظاہرہ کیا تھا، ڈاکٹرز کے احتجاج کے باعث فیروز پور روڈ پر گاڑیوں کی لمبی لائنیں لگ گئی تھیں۔

  • لاہور چلڈرن اسپتال نرسری وارڈ عملے کی بڑی غفلت،زیادہ ہیٹ دینے سے 2 بچے جھلس گئے

    لاہور چلڈرن اسپتال نرسری وارڈ عملے کی بڑی غفلت،زیادہ ہیٹ دینے سے 2 بچے جھلس گئے

    لاہور چلڈرن اسپتال نرسری وارڈ عملے کی بڑی غفلت ،زیادہ ہیٹ دینے سے 2 بچے جھلس گئے جس میں سے ایک بچے کی حالت غیر ہوگئی۔

    لاہور کے چلڈرن اسپتال کی نرسری میں بچوں کے جلنے کا واقعہ دوران علاج پیش آیا۔ عملے نے نرسری میں بچوں کو مبینہ طور پر ہیٹ زیادہ دے دی تھی جس کی وجہ سے ایک بچے کی حالت غیر ہوگئی۔

    فرح گوگی کےخلاف ایک اور مقدمہ درج


    زرائع کے مطابق لاہور نرس نرسسز وارڈ میں بچوں کو ہیٹ دینے والا وارمر جلتا چھوڑ کر گئی تھی لاہور وارڈ میں موجود چار بچے وارمر کی ہیٹ جھلس گئے اے ایم ایس چلڈرن ڈاکٹر حسن رضا نے واقعہ سے لاعلمی کا اظہار کیا-

    تحریک انصاف سے مذاکرات پر نواز شریف کا دو ٹوک موقف

    بچوں کے ورثا نے چلڈرن اسپتال میں سراپا احتجاج کیا جس کے بعد مظاہرین کو اے ایم ایس ڈاکٹر حسن رضا کے حکم پر سیکورٹی نے اسپتال سے نکال دیا-

    اسپتال کے میڈیکل ڈائریکٹر پروفیسر سلیم کا کہنا ہے کہ جلنے والے بچوں کے علاج پر خصوصی توجہ دی جارہی ہے جبکہ واقعہ کے بعد انکوائری کمیٹی تشکیل دے دی گئی ہے۔ پروفیسر جاوید اقبال کی سربراہی میں کمیٹی واقعے کی تفتیش کرے گی۔

    عمران خان نے حکومت کے ساتھ مذاکرات کیلئے کمیٹی کا اعلان کردیا

  • لاہور: چلڈرن اسپتال کی تیسری منزل پر آتشزدگی

    لاہور: چلڈرن اسپتال کی تیسری منزل پر آتشزدگی

    لاہور: چلڈرن اسپتال کی تیسری منزل پر آگ بھڑک اٹھی-

    باغی ٹی وی : ریسکیو حکام کے مطابق چلڈرن اسپتال کی تیسری منزل پر لگی آگ پر قابو پالیا گیا ہے ،آگ چلڈرن اسپتال کی فارمیسی میں لگی تھی چلڈرن اسپتال آتشزدگی پر وزیر اعلی ٰپنجاب نے انکوائری کا حکم دیتے ہوئے سیکریٹری صحت سے رپورٹ طلب کرلی ہے-

    وزیر اعلی ٰپنجاب نے کہا کہ چلڈرن اسپتال آتشزدگی کے واقعے کی ہر پہلو سے تحقیقات کی جائے-

    ریسکیوذرائع کے مطابق کولنگ کے عمل کے دوران ہی دوبارہ آگ بھڑک اٹھی-

    میڈیکل ڈائریکٹر چلڈرن اسپتال پروفیسر محمد سلیم کا کہنا ہے کہ آگ لگنے کی وجوہات کا تعین نہیں ہوسکا،ممکن ہے آگ ڈی فریزر سے شارٹ سرکٹ کے باعث لگی ہو انکوائری کمیٹی بنادی گئی نقصان کا تعین کیا جارہاہے، میڈیسن بحال اور علاج معالجے میں کوئی رکاوٹ نہیں آرہی، ادویات کی مالیت کا تخمینہ نہیں لگایا جاسکا،50فیصد ادویات کا اسٹاک موجود ہوتا ہے،ماڈل فارمیسی کام کررہی ہے ، ایمرجنسی نافذ کردی گئی ہے-

    قبل ازیں جناح ہسپتال کے سیکنڈ فلور کے عمر آئی سی یو میں آگ بھڑک اٹھی تھی-

    لاہور: دینی مدرسے کے استاد پرفائرنگ اورقتل کی دھمکیاں:مقدمہ درج

    واضح رہے کہ سال 2020 میں چلڈرن ہسپتال کی لانڈری میں آگ لگ گئی تھی کسی بھی قسم کے جانی نقصان مہیں ہوا تھاچلڈرن ہسپتال میں آتشزدگی کے باعث بجلی بند ہو گئی تھی اور ہر طرف دھواں چھا گیا تھا۔ایم ڈی چلڈرن ہسپتال پروفیسر سلیم نے کہا تھا کہ آگ اے سی پلانٹ میں شارٹ سرکٹ سے لگی۔ آگ نے لانڈری یونٹ کو بھی لپیٹ میں لے لیا تھا-

    اقدام قتل اور بھتہ لینے کے مقدمات میں مطلوب اشتہاری شوٹر گرفتار