گجرات:چوہدری شجاعت حسین کا آج سے باقاعدہ ٹوئٹر پر شمولیت کا اعلان،اطلاعات کے مطابق سابق وزیراعظم اور مسلم لیگ (ق) کے سربراہ چوہدری شجاعت حسین نے سماجی رابطے کی ویب سائٹ ٹوئٹر پر شمولیت اختیار کرلی ہے۔

چوہدری شجاعت حسین نے آج سے باقاعدہ ٹوئٹر پر شمولیت اختیار کرنے کا اعلان کیا۔

انہوں نے کہا کہ پہلے میں ٹوئٹر پر موجود نہیں تھا، سیاست کا تقاضہ تھا کہ میں خود لوگوں تک اپنا پیغام پہنچاؤں۔

ق لیگی سربراہ نے مزید کہا کہ یہ میرا واحد ذاتی ٹوئٹر اکاؤنٹ ہے، اس کے سوا جو بھی اکاؤنٹس ہیں، اُن سے میرا یا میرے خاندان کا کوئی تعلق نہیں۔

چوہدری شجاعت حسین کے ٹوئٹر اکاؤنٹ کو مختصر وقت میں تقریباً 14 ہزارسے زائد افراد نے فالو کرلیا ہے۔

آج میں نے باقاعدہ طور پر ٹویٹر پر شمولیت اختیار کی ہے۔ آج سے پہلے میں اس پلیٹ فارم پر موجود نہیں تھا۔ سیاست کا تقاضہ تھا کہ میں بذات خود لوگوں تک اپنا پیغام پہنچاؤں۔ یہ میرا واحد اور ذاتی ٹویٹر اکاؤنٹ ہے اس کے علاوہ جو بھی اکاؤنٹس ہیں میرا یا میرے خاندان کا ان سے کوئی تعلق نہیں۔ pic.twitter.com/8JdYT94rbf

— Chaudhry Shujat Hussain (@ChaudhryShujatH) May 14, 2022

یاد رہے کہ چند دن پہلے چوہدری شجاعت حسین کی وفات کی جھوٹی خبریں پھیلائی جارہی تھیں تواس دوران چوہدری شجاعت حسین کی طرف سے یہ پیغام جاری کیا گیا تھا کہ چوہدری شجاعت حسین ٹھیک ہیں ، اس کے بعد خود سابق وزیر اعظم اور مسلم لیگ (ق) کے سربراہ چوہدری شجاعت حسین نے سوشل میڈیا پر زیر گردش خبروں کو بے بنیاد قرار دیا ہے۔

لاہور سے جاری بیان میں چوہدری شجاعت حسین نے کہا کہ الحمدللہ، میں بالکل خیریت سے ہوں۔انہوں نے کہا کہ سوشل میڈیا پر چلنے والی خبریں بے بنیاد ہیں، ان گمراہ کن خبروں پر دھیان نہ دیا جائے۔

گجرات: اسپیکر پنجاب اسمبلی چوہدری پرویز الہٰی نے کہا کہ عہدوں کا فائدہ تب ہوتا ہے جب ساتھ عزت بھی ملے اور آپ کے کام بھی نظر آئیں-

باغی ٹی وی : گجرات میں ظہور پیلس میں کارکنوں سے خطاب کرتے ہوئے چوہدری شجاعت حسین نے کہا کہ ہمارا ضمیر صاف ہے ہمیشہ صاف ستھری سیاست کی، آپسی اختلافات کی افواہیں اڑانے والوں کا کوئی علاج نہیں اداروں کے خلاف بیانات سے ہر کسی کو گریز کرنا چاہیے۔

جبکہ اسپیکر پنجاب اسمبلی چوہدری پرویز الہٰی نے کہا کہ سب کہہ رہے ہیں ہمارا آپس میں اختلاف ہے اور چوہدری سالک چلا گیا لیکن وہ کہیں نہیں گیا، چوہدری شجاعت نے جب کان پکڑ کر کہا سیدھے ہو جاؤ تو سب اپنی آنکھوں سے دیکھ لیں گے الیکشن و سیاست میں سولو فلائٹ کی گنجائش نہیں ہوتی،معمول کے اختلافات ہر گھر میں ہوتے ہیں اور سوچ رائے الگ ہونے کے باوجود سب ایک ہی گھر میں رہتے ہیں۔

ٹریفک حادثہ: ایوان صدر میں تعینات اے ٹی ایس فورس کا ایک جوان جاںبحق دوسرا زخمی

اسپیکر پنجاب اسمبلی نے کہا کہ 1950 سے چوہدری ظہور الہٰی خاندان سیاست کا مرکز و محور چل آرہا ہے، چوہدری ظہور الہٰی نے ہم بھائیوں کو اور ہم نے اپنی نسل کو ایک ہی بات سکھائی کہ بڑوں کی عزت کرنی ہے جبکہ نئی نسل کو بھی یہی سکھایا کہ سیاست میں اصل مقصد ہدف حاصل کرنا ہونا چاہیے جبکہ صبر، حوصلے اور نیک نیتی کے ساتھ چلیں تو عہدے جھولی میں آگرتے ہیں۔

پرویز الہٰی نے کہا کہ سیاست میں ضروری نہیں کہ آپ سیاست میں اتریں اور فوری عہدہ مل جائے، عہدوں کا فائدہ تب ہوتا ہے جب ساتھ عزت بھی ملے اور آپ کے کام بھی نظر آئیں، میں تو اللہ تعالیٰ سے یہی کہتا ہوں جو بھی عہدہ دے عزت سے دے کیونکہ اگر عزت نہیں تو کچھ نہیں۔

اٹک: شیخ راشد شفیق کو آج عدالت میں پیش کیا جائے گا

لاہور: سابق وزیراعظم چوہدری شجاعت حسین نے وزیراعظم عمران خان کی جانب سے سیاسی لیڈروں کے نام بگاڑنے پر برہم ہو گئے-

باغی ٹی وی : تفصیلات کے مطابق پاکستان تحریک انصاف (ف) کی حکمران جماعت کی اتحادی پارتی مسلم لیگ (ق) کا متحدہ اپوزیشن کی جانب سے وزیر اعظم کے خلاف تحریک عدم اعتماد سے متعلق 2 روزہ مشاورتی اجلاس ختم ہوگیا، اجلاس میں ق لیگ نے حکومت کی بجائے اپوزیشن کا ساتھ دینے کا اشارہ دیا ہے۔

عدم اعتماد کے دن شاہراہ دستور پر 20 لاکھ لوگ لائیں گے، ن لیگی رہنما احسن اقبال

ذرائع کا کہنا ہے کہ ق لیگ کے زیادہ تر رہنما حکومتی رویے سے نالاں ہیں، اپوزیشن کی پیشکش کا مثبت جواب دینے پر زور دیا ہے جس پر فیصلہ دیگر اتحادی دھڑوں کے ساتھ مل کر کیا گیا۔

سابق وزیراعظم چوہدری شجاعت حسین نے مسلم لیگ ق کے اراکین پارلیمنٹ کے اجلاس کے بعد صحافیوں سے غیر رسمی گفتگو کرتے ہوئے کہا کی وزیر اعظم کو تندو تیز الفاظ استعمال کرنے اور سیاسی قیادت کو ایک دوسرے کے خلاف برے القابات سے گریز کرنا چاہیے۔

انہوں نے کہا کہ وزیراعظم عمران خان ریاست مدینہ کی تو ہمیشہ بات کرتے ہیں لیکن اچھا ہوتا وہ قرآن پاک کی سورۃ الحجرات کی آیت نمبر 11 ترجمہ کے ساتھ پڑھ لیتے تو اپنے جلسوں میں سیاسی لیڈروں پر الزامات لگانے کے ساتھ ساتھ انہیں برے ناموں اور القاب سے نہ پکارتے۔

وزیراعظم گھبرا چکے ہیں اور گالیاں دینے پر اتر آئے ہیں،بلاول زردای

چوہدری شجاعت حسین نے آیت کا مفہوم پیش کیا کہ ”اے ایمان والو! مرد دوسرے مردوں کا مذاق نہ اڑاؤ ممکن ہے کہ وہ تم سے بہتر ہوں اور نہ عورتیں عورتوں کا مذاق اڑائیں ممکن ہے کہ یہ ان سے بہتر ہوں اور آپس میں ایک دوسرے پر عیب نہ لگاؤ اور نہ کسی کو برے لقب دو، ایمان کے بعد فسق برا نام ہے، جو توبہ نہ کریں وہی لوگ ظالم ہیں“۔

چوہدری شجاعت حسین نے سیاست دانوں کو سخت بیانات سے درگزر کرنے اور شائستگی کا دامن ہاتھ سے نہ چھوڑنے کی تلقین کی کہا کہ میرا تمام سیاست دانوں کو مشورہ ہے کہ سیاست میں شائستگی اور رواداری کا دامن ہاتھ سے نہ چھوڑا جائے۔

اسپیکر پنجاب اسمبلی چوہدری پرویز الٰہی نے اپوزیشن کی جانب جھکاؤ کا اشارہ دیتے ہوئے کہا کہ اگر حزب اختلاف کا ساتھ دیا تو وزارتوں سے مستعفی ہوں گے، اپوزیشن سے اسمبلیاں مکمل کرنے پر اتفاق ہوا ہے موجودہ اسمبلیاں اپنی مدت پوری کریں گی۔

روسی صدر اور ٹرمپ نے عزت دی کیونکہ ان کو پتہ تھا میں دونمبر نہیں ، وزیراعظم

انہوں نے کہا کہ اپوزیشن لیڈر کے ساتھ کسی بھی وقت ملاقات متوقع ہے، مسلم لیگ (ن) کے صدر شہباز شریف کی جانب سے پارلیمانی جماعتوں کے عشائیہ میں شرکت کرنے میں کوئی مضائقہ نہیں، ہم اپنا فیصلہ کرچکے ہیں تاہم اگلے دو دن حکومتی اتحادیوں سے مشاورت کے بعد آئندہ کی حکمت عملی کا اعلان مشترکہ کریں گے،مسلم لیگ ق، ایم کیو ایم اور بلوچستان عوامی پارٹی مل کر چل رہے ہیں، آئین و قانون بڑا واضح ہے، اسپیکر قومی اسمبلی کو اس پر عمل کرنا چاہئیے-

پرویز الہیٰ ںے کہا کہ شہباز شریف سے ملاقات کسی بھی وقت ہو سکتی ہے آج جہانگیر ترین گروپ کے عون چوہدری ملاقات کے لیے آئے تھے، اگلے دو دن میں وہ بھی ہمیں اپنی حمایت کا بتائیں گے وزیراعظم عمران خان کو اپنی کوششیں جاری رکھنا چاہئیں۔

پاکستان کےسیاسی منظرنامےپرکچھ ہورہا ہے:دعا ہے کہ اللہ پاکستان کے لیےبہتر ہی…

اسلام آباد:عمران خان جیتےگا:چوہدری شجاعت میرے بھائی ہیں:میں اس خاندان کےبارے میں بُراسوچ بھی نہیں سکتا،اطلاعات کے مطابق وفاقی وزیر داخلہ شیخ رشید احمد نے کہا کہ 15 مارچ کے بعد عمران خان کی پوزیشن واضح ہوجائے گی۔

اسلام آباد میں تقریب سے خطاب کے دوران شیخ رشید نے کہا کہ عمران خان کہیں نہیں جارہے، وہ اپنے 5 سال پورے کریں گے، 15 مارچ کے بعد عمران خان کی پوزیشن واضح ہوجائے گی۔

وزیر داخلہ نے کہا کہ گزشتہ روز کوئٹہ میں ایک عمومی بات کی تھی کہ جن کی 4،5 سیٹیں ہیں وہ بھی وزارت اعلیٰ مانگ رہی ہیں، میں نے چوہدری برادران کا نام نہیں لیا تھا لیکن لوگ میری بات سے خفا ہوگئے۔

شیخ رشید نے کہا کہ یہ کوئی ڈھکی چھپی بات نہیں کہ چوہدری ظہور الہٰی اور خواجہ صفدر کے مجھ پر احسانات ہیں، جب گرفتار ہوا تھا تو چوہدری شجاعت کی والدہ گھر سے کھانا بھیجتی تھیں، چوہدری شجاعت میرے بھائی ہیں ان کے خلاف کوئی بات نہیں کروں گا۔

وزیر داخلہ نے کہا کہ انسان کو امتحان کے وقت دوستوں کےساتھ کھڑے ہونا چاہیے، میں عمران خان کے ساتھ چٹان کی طرح کھڑا ہوں، جو عمران خان کے ساتھ کھڑا ہوگا اسے اللہ اور قوم عزت دے گی۔

وفاقی وزیر نے کہا کہ انصاف الاسلام کا کوئی کارکن گرفتار نہیں، ضرورت پیش آئی تو گرفتاریاں بھی کریں گے۔ جو قانون کو ہاتھ میں لے گا اسے قانون اپنے ہاتھ میں لے گا۔

شیخ رشید نے کہا کہ 23 مارچ سے 30 مارچ کے درمیان اہم ترین دن ہوں گے۔ 7 دنوں کے لئے رینجرز اور ایف سی کو طلب کرلیا ہے۔ ضرورت پڑی تو فوج کو بھی بلایا جاسکتا ہے لیکن کوشش ہوگی کہ ان کو نا بلانا پڑے۔

وزیر داخلہ نے کہا کہ اجلاس بلانا اسپیکر کا کام ہے، اسپیکر قومی اسمبلی 15 مارچ کے بعد اجلاس بلانے کا فیصلہ کرلیں گے، ملک انارکی کی جانب جارہا ہے، جیتنے کے بعد اور جیتنے سے پہلے لوگ باتیں کرتے ہیں لیکن ہمیں تلخیوں کی طرف نہیں جانا چاہیے

کراچی :چوہدری شجاعت حسین نے ملک کے استحکام و سیاست میں شرافت کو فروغ دیا:ان خیالات کااظہار پاکستان مسلم لیگ سندھ کے صدر طارق حسن کیا ، ان کا کہنا تھا کہ پاکستان مسلم لیگ (ق) سندھ کے تحت تمام شہروں. گاؤں اور گھوٹوں میں پاکستان مسلم لیگ کے مرکزی صدر سابق وزیراعظم چوہدری شجاعت حسین کا یوم پیدائشں بھرپور انداز میں منایا گیا اس موقع پر سالگرہ کے کیک کٹنگ کی تقریبات منعقد کی گیئں

ذرائع کے مطابق اس موقع پر مسلم لیگ سندھ کے صدر محمد طارق حسن نے کہا کہ قائد چوہدری شجاعت حسین نے ہمیشہ جمہوریت کی بالادستی. ملک کے استحکام اور سیاست میں شرافت کے فروغ کیلئے ہر اول درجے کا کردار ادا کیا اس موقع پر مسلم لیگ ق سندھ کے جنرل سیکرٹیری کنور ارشد علی خان نے کہا کہ بلاشبہ قائد چوہدری شجاعت حسین سیاست میں رواداری کی پہچان ہیں

اس موقع ہر مسلم لیگ ق کراچی کے صدر محمد جمیل احمد خان نے کہا کہ چوہدری شجاعت حسین کی حق و سچ کے پیغام کیلئے کوشاں ہیں اس موقع پر مسلم لیگ کے صوبائی سیکرٹیری اطلاعات محمد صادق شیخ نے کہا کہ چوہدری شجاعت حسین انتہائی وضع دار. معاملہ فہم.سچائی و عظمت کی گواہی مخالفین بھی دیتے ہیں اللہ پاک قائد چوہدری شجاعت حسین ہمیشہ شاد و آباد اور صحت مند رکھے

اس موقع پر سندھ کے سینئر نائب نعمت خلجی. شاہد عباسی. معیزالحسن. نیاز شیخ. فرید قریشی. عبدالقادر چاچڑ. مالک جانباز. سردار الہی بخشں بھٹی اور دیگر نے سندھ بھر میں تقریبات سے خطاب کیا.