کراچی چڑیا گھر میں ہتھنی نور جیاں کی بیماری کے دوران لاپرواہی کے الزام پر عہدے سے ہٹائے گئے خالد ہاشمی چڑیا گھر کے دوبارہ ڈائریکٹرتعینا ت کر دیئے گئےہیں-

باغی ٹی وی: 22 اپریل 2023 کو کراچی کے چڑیا گھر میں موجود بیمار ہتھنی نور جہاں چل بسی تھی جو کئی ہفتوں سے بیمار تھی خالد ہاشمی کے دور میں ہتھنی نور جہاں کی بیماری اور علاج میں لاپرواہی کے علاوہ چڑیا گھر میں جانوروں کی خوراک بند ہونے کا معاملہ بھی سامنے آیا تھا،جانوروں کیلئے کھانا فراہم کرنے والی کمپنی نے چڑیا گھر کے سینئر ڈائریکٹر پر رشوت وصولی کا الزام عائد کیا تھا۔

قطر سے ایل این جی کارگو پاکستان پہنچ گئے

کنٹریکٹر کمپنی کی جانب سے ایڈمنسٹریٹر کراچی کو لکھے گئے خط میں کہا گیا تھا کہ تین سال سے خوراک کے واجب الادا 3 کروڑ 46 لاکھ روپے کی عدم ادائیگی کے باعث کمپنی جانوروں کی خوراک مہیا کرنے سے قاصر ہے، جبکہ سینئر ڈائریکٹر خالد ہاشمی نے رقم کی ادائیگی کے عوض 25 فیصد حصہ طلب کیا ہے جس کے بعد انظامیہ نے خالد ہاشمی کو معطل کرد یا تھا-

پاکستان میں کوئی شعبہ ایسا نہیں ہےجہاں عدم استحکام نہیں ،شیخ رشید

تاہم کےایم سی نے یکم مارچ کے بعد کے تقرر و تبادلے منسوخ کردیئے ہیں جس میں ڈائریکٹرسفاری پارک کنور ایوب کو چڑیا گھر یا اضافی چارج دیا گیا تھا اورخالد ہاشمی دوبارہ چڑیا گھر کراچی کے ڈائریکٹر تعینات ہوگئے ہیں-

گرین ہاؤس گیسوں کےباعث ہمالیائی گلیشیئرز 80 فیصد تک پگھل جائیں گے

کراچی کے چڑیا گھر میں ہتھنی نور جہاں کے بعد افریقی شیرنی کی زندگی بھی خطرے میں پڑ گئی۔

باغی ٹی وی : جانوروں کےتحفظ کی عالمی تنظیم فور پاز کیجانب سے چڑیا گھر کی چاروں شیرنیوں کی اسکریننگ مکمل کرلی گئی سالوں بعد ہونے والی اسکرینگ سے جانوروں کی صحت کی اصل حقیقت اور سابق انتظامیہ کی غفلت کے انکشافات سامنے آ رہے ہیں-

سری لنکا دو ہتھنیاں پاکستان کو تحفے میں دے گا

فور پاز کے ڈاکٹرز نے بتایا کہ اسکریننگ میں انکشاف ہوا ہے کہ ایک افریقی شیرنی سالوں سے بیمار ہونے کے باعث بینائی کھو بیٹھی ہے شیرنی اپنی عمر مکمل کر چکی ہے مگر عدم توجہ کے باعث بیماری میں مبتلا ہوکر زندگی اور موت کی جنگ لڑ رہی ہےکمزور اور نڈھال شیرنی کا اب علاج بھی ممکن نہیں رہا جبکہ بیماری کی اس نہج پر اسے کسی اور جگہ پر منتقل کرنا بھی بظاہر ناممکن دکھائی دے رہا ہے۔

ہتھنی نور جہاں کی موت پر شہری مقدمہ درج کرانے تھانے پہنچ گیا

واضح رہے کہ کچھ روز قبل چڑیا گھر کی ہتھنی نور جہاں بھی مناسب علاج اور دیکھ بھال نہ ہونے کی وجہ سے چل بسی تھی ہتھنی نور جہاں سمیت 4 مادہ ہاتھیوں کو 2009 میں پاکستان لایا گیا تھا، افریقی نسل کی ہتھنیوں کو تنزانیہ سے لایا گیا تھا۔

مغرب سے کم ہواؤں کے بادلوں کا سلسلہ پاکستان میں داخل

شہر قائد کراچی کے چڑیا گھر میں کئی روز سے بیمار ہتھنی نورجہاں کی موت ہو گئی ہے

چڑیا گھر کے ایڈمنسٹریٹر سیف الرحمان نے ہتھنی کی موت کی تصدیق کی ہے، اور بتایاکہ ہتھنی کو کل سے بخار تھا، اسے بچانے کی تمام کوششیں کی گئیں، مگر کامیاب نہ ہو سکے، ہتھنی نورجہاں کا علاج عالمی ماہرین کی نگرانی میں ہو رہا تھا، گزشتہ دنوں ہتھنی کے علاج کے لیے فورپاز کی ٹیم بھی کراچی آئی تھی ،چڑیا گھر کی انتظامیہ کا کہنا ہے کہ نورجہاں کا کچھ ماہ پہلے آپریشن کیا گیا تھا، جس کے بعد پیچیدگیوں کے باعث ہتھنی کو چلنے پھرنے میں دشواری تھی۔

گورنر سندھ کامران ٹیسوری نے ہتھنی کی موت پر سماجی رابطے کی ویب سائٹ ٹویٹر پر ٹویٹ کی اور کہا کہ نورجہاں کے انتقال کا سن کر بہت افسوس ہوا ،بلدیہ عظمی کراچی نے بیمار ہتھنی کی زندگی بچانے کی یرممکن کوشش کی،غیر ملکی ڈاکٹروں کے مشورے کے مطابق اس کا علاج جاری تھا،عید کے دن اس فسوس ناک خبر سے بہت دکھ ہوا ،

نورجہاں کے انتقال کا سن کر بہت افسوس ہوا ،بلدیہ عظمی کراچی نے بیمار ہتھنی کی زندگی بچانے کی یرممکن کوشش کی،غیر ملکی ڈاکٹروں کے مشورے کے مطابق اس کا علاج جاری تھا،عید کے دن اس فسوس ناک خبر سے بہت دکھ ہوا ، pic.twitter.com/vZ8AgZjdEB

— Kamran Tessori (@KamranTessoriPk) April 22, 2023

کراچی چڑیا گھر میں بیمار ہتھنی کے علاج میں لاپرواہی برتنے پر سینئر ڈائریکٹر زو کو عہدے سے فارغ کردیا گیا تھا کراچی کے چڑیا گھر میں ہتھنی نورجہاں کی بیماری کے معاملے میں لاپرواہی برتنے پر سینئر ڈائریکٹر زو خالد ہاشمی کو عہدے سے ہٹادیا گیا۔

بھارت میں حاملہ ہتھنی کے منہ میں کریکر ڈال کر اسے مار دیا گیا

اسلاموفوبیا ، حاملہ ہتھنی کی کریکر دھماکوں سے ہلاکت کا الزام بی جے پی رہنما نے مسلمانوں کے سر دھر دیا

مودی کے بھارت میں مسلم خاتون سے ہتھنی کی اہمیت زیادہ

کراچی کے چڑیا گھر میں ہتھنی نورجہاں کی طبیعت خراب ہونےپرغیر ملکی ڈاکٹروں پر مشتمل ٹیم علاج کے لئے پہنچی ٹیم میں 4 ویٹرنری ڈاکٹروں سمیت 12 ارکان نے ہتھنی کا معائنہ کرلیا ہے۔

باغی ٹی وی : عامرخلیل نے کہا کہ ڈاکٹرز ٹیم نے ہاتھی کا معائنہ کیا ہے ایکسرے بھی کیے جارہے ہیں اور ہرممکن کوشش کر رہے ہیں کہ ہتھنی صحتیاب ہوجائے 2 گھنٹے کامعائنہ کا وقت ہے ہاتھی کو کرین کی مدد سے سہارا دے کر کھڑا کیا گیا اور ہمیں انتظامیہ کی مکمل سپورٹ اور حمایت حاصل ہے۔

رات کو تھوڑی تاخیر سے کھانا کھانا صحت کیلئےنقصان دہ نہیں،تحقیق

قبل ازیں مرینا ایوانووا کا کہنا تھا کہ ہتھنی کے پیر میں تکلیف کے سبب کرین سے سہارا دیا جائے گا، دو گھنٹے کا مرحلہ ہے جس میں پیر کے انفیکشن سے متعلق جانچ کی جائے گی۔

دوسری جانب گورنرسندھ کامران ٹسوری نے چڑیا گھرمیں اسپتال بنانے کی منظوری دیدی ہے –

ٹرمپ گرفتار،اس کے بعد پاکستانی ٹرمپ کی باری ہے،ناصر شاہ

گورنر سندھ کامران ٹیسوری کا کہنا تھا کہ ہتھنی نور جہاں کی طبیعت ناساز ہونے پر ہمارے ڈاکٹروں نے علاج کی بھر پور کوشش کی مقامی، ویتنام، جرمنی، آسٹریا کے ڈاکٹرزعلاج کررہے ہی دنیا کی سب سے بہترین ٹیم کراچی پہنچ چکی ہے،ہماری کوتاہیاں ہیں کہ ہم نے ہتھنی کا خیال نہیں رکھا،انہو ں نے امید ظاہر کی کہ ہتھنی نورجہاں کا علاج ممکن ہو سکے گا۔

گورنر سندھ کا کہنا تھا کہ 14سال سے ہتھنی ملکہ نور جہاں نے بچوں کولطف اندوزکیا جبکہ چڑیا گھر کے مسائل حل کیے جا رہے ہیں میں 15 سے 20 دن میں روزانہ کی بنیاد پرمعاملے کو دیکھ رہا ہوں، انہوں نے دو سے 3 ماہ میں چڑیا گھر میں جانوروں کا ہسپتال بنانے کا بھی اعلان کیا جس کی سمری دیدی گئی ہے۔

فن لینڈ نیٹو کا رکن بن گیا

واضح رہے کہ بیمار ہتھنی نور جہاں گزشتہ تین ماہ سے پیٹ کے نچلے حصے میں سوجن کے باعث سخت تکلیف اور اذیت کا شکار ہے، جس کا علاج شروع کردیا گیا۔

کراچی : چڑیا گھر میں دو ہتھنیوں مدھو بالا اور نورجہاں کا آج ہونےوالا دانتوں کاعلاج ملتوی ہو گیا تاہم اب ہتھنیوں کے دانتوں کی سرجری کل ہو گی۔

باغی ٹی وی : کراچی کے چڑیا گھر کی ہتھنیاں دانتوں کی تکلیف میں مبتلا ہو گئی ہیں، جنہیں اس تکلیف سے نجات دلانے کے لیے روٹ کینال کیا جائے گا کراچی چڑیا گھر کی 16 سالہ مدھو بالا اور 17سالہ نور جہاں نامی ہتھنیوں کا روٹ کینال ہوگا دونوں ہتھنیاں دانتوں کی تکلیف میں مبتلا ہیں۔

چڑیا گھر انتظامیہ کے مطابق موسم کے باعث دو سرجنز کی کراچی آمد میں تاخیر ہوئی فور پاز ٹیم کے مطابق سرجری اب بدھ کے روز صبح 10 بجے پرفارم کی جائے گی۔

آسٹریا سے آنے والے انٹرنیشنل فور پاز نامی تنظیم کے ڈاکٹرز روٹ کینال آپریشن کریں گے مدھو بالا کا دانت گل چکا ہے، جس کا آپریشن آج کیا جانا تھاغیر ملکی ڈاکٹرزکی ٹیم نے دونوں ہتھنیوں کامعائنہ کر لیا ہےڈاکٹرز نے بتایا کہ دونوں ہتھنیوں کے دانتوں کا انفیکشن خطرناک مرحلے تک پہنچ گیا ہے اور وہ مسلسل درد میں مبتلا ہیں۔

واضح رہے کہ کراچی میں چار ہاتھی ہیں جن میں سونو اور ملکہ جو سفاری پارک میں رہتے ہیں جبکہ دو ہتھنیاں نورجہاں اور مدھو بالا چڑیا گھر میں ہیں۔

قبل ازیں گزشتہ برع نومبر میں انکشاف ہوا تھا کہ کراچی کے چڑیا گھر میں مدھوبالا اور نورجہاں ہتھنیوں کے دانت غائب ہوگئےتھے جن کے بارے میں انتظامیہ بھی لاعلم تھی فور پاوز نامی بین الاقوامی این جی او کے ماہرین سفاری پارک پہنچے جہاں انہوں نے دونوں ہاتھیوں کے رہن سہن کا جائزہ لیا بلکہ کچھ ٹیسٹ بھی کیے تھے جس پر پتہ چلا تھا کہ سونو کہلانے والا ہاتھی ہتھنی نکلی جبکہ ہتھنیوں کے ناخنوں میں فنگس بھی پایا گیا تھا اور ناخن بڑنے ہونے پر بھی نہیں کاٹے گئے تھے-

فور پاوز نامی بین الاقوامی این جی او نے کراچی چڑیا گھر کا بھی دورہ کیا تھا جس پر انکشاف ہوا تھا کہ 17 سالہ نورجہاں کے دانت ٹوٹ گئے ہیں جس سے وہ شدید تکلیف میں ہے اور اسے فوری علاج کی ضرورت ہے اس کے ساتھ ہی 16 سالہ مدھو بالا بھی عمر پوری ہونے کے باوجود اب تک بالغ نہیں ہو پارہی اور وجہ دیکھ بھال کا ٹھیک نہ ہونا جبکہ اطراف میں موجود شورو غل ہے جس سے دونوں ہاتھی ذہنی دباؤ کا شکار بھی ہیں۔

اس حوالے سے چڑیا گھر انتظامیہ کا کہنا تھا کہ ہتھنیوں کے دانت گنا اور درختوں کی شاخیں کھانے سے جھڑ گئے ہیں۔دوسری جانب سندھ ہائیکورٹ میں این جی او نے اپنی سفارشات بھی جمع کروائیں تھیں جس میں ہتھنیوں میں خون کی کمی کا بھی بتایا گیا تھا-