لاہور: الخیر فاؤنڈیشن کے چیئرمین امام قاسم نے کہا ہے کہ ہر سال کی طرح اس سال بھی رمضان المبارک میں پاکستان، فلیسطین، افریقی اور دیگر اسلامی ممالک میں فلاحی کاموں کا سلسلہ جاری رکھیں گے۔
باغی ٹی وی: غزہ اور مغربی کنارہ کے مسلمان اس وقت شدید مشکلات کا سامنا کر رہے ہیں خوراک اور ادویات کی کمی کے باعث مشکلات میں روز بروز اضافہ ہو رہا ہے اسرائیلی جارحیت تاریخ کی بدترین سطح کو چھو رہی ہے الخیر فاونڈیشن ہمیشہ کی طرح اس مشکل گھڑی میں فلسطین کے نہتے اور مظلوم مسلمانوں کی امداد کے لیے دن رات کوشاں ہے-
سوشل میڈیا میں ہونے والی اپنے اوپر تنقید کے حوالے سے امام قاسم کا کہنا تھا کہ انہوں نے کبھی چیریٹی کے پیسوں کو ذاتی مقاصد یا سہولت کے لیے استعمال نہیں کیا، غزہ سے لندن کابزنس کلاس کا سفر ائیر لائن کی طرف سے ممبر شپ کا تحفہ تھا جس پر الخیر فاونڈیشن کا ایک پاونڈ بھی خرچ نہیں کیا گیا بعد ازا ں ان کا کہنا تھا کہ جلد ہی سرور فاونڈیشن کے اشراک سے پاکستان میں صاف پانی کے پلانٹس کی تنصیب کا کام مزید تیز کیا جائے گا۔