Tag: چیف جسٹس پاکستان

چیف جسٹس پاکستان یحییٰ آفریدی کی سربراہی میں سپریم کورٹ میں سالانہ چھٹیوں کے بعد نئے عدالتی سال کے موقع پر جوڈیشل کانفرنس منعقد ہوئی۔

کانفرنس میں سپریم کورٹ اور ہائیکورٹس کے ججز کے ساتھ ساتھ اٹارنی جنرل منصور عثمان اعوان، پاکستان بار کونسل اور سپریم کورٹ بار ایسوسی ایشن کے عہدے داران نے شرکت کی،چیف جسٹس یحییٰ آفریدی نے تقریب سے خطاب کرتے ہوئے کہا کہ اس روایت کا آغاز 1970 کی دہائی میں ہوا تھا جبکہ 2004 سے اسے باقاعدگی سے منایا جا رہا ہےیہ موقع ہے کہ عدلیہ اپنی کارکردگی کا جائزہ لے اور آنے والے سال کے اہداف طے کرے۔

چیف جسٹس نے کہا کہ عہدہ سنبھالنے کے بعد اصلاحات کی ضرورت محسوس کی اور 5 نکات پر مبنی اصلاحاتی عمل شروع کیا گیا، سپریم کورٹ میں ڈیجیٹل فائلنگ اور ای سروسز کا آغاز ہو چکا ہے نظامِ انصاف میں مصنوعی ذہانت کا استعمال ہونا چاہیے لیکن ہم فی الحال اس کے لیے مکمل طور پر تیار نہیں ہیں، ہزار فائلیں ڈیجیٹلی اسکین کی جائیں گی اور یہ پراجیکٹ 6 ماہ میں مکمل ہوگا مقدمات کی فہرست بندی (فکسنگ) مستقبل میں آرٹیفیشل انٹیلیجنس کے ذریعے کی جائے گی اور ڈیجیٹل اسکین پراجیکٹ کی کامیابی کے بعد عدالت میں اے آئی کا باقاعدہ استعمال شروع ہوگا،شفافیت کے لیے اندرونی آڈٹ کا عمل بھی شروع کیا جا چکا ہے تاکہ ادارے کی کارکردگی مزید بہتر بنائی جا سکے۔

اسلام آباد: چیف جسٹس پاکستان یحییٰ آفریدی نے عید الفطر کے موقع پر عدلیہ، قانونی برادری اور عوام کو عید کی مبارکباد پیش کی۔

باغی ٹی وی : اپنے پیغام میں چیف جسٹس پاکستان یحییٰ آفریدی نے کہا کہ عید الفطر رمضان المبارک کے مقدس مہینے کے اختتام کی علامت ہے اور ہمیں ہمدردی، رواداری اور ایثار کی خوبیوں کی یاد دلاتی ہے ہم قانون کی حکمرانی کو برقرار رکھنے کے غیر متزلزل عزم کا اعادہ کرتے ہیں اور دعا کرتے ہیں کہ یہ عید پوری قوم کے لیے امن، خوشحالی اور خوشیوں کا باعث بنے۔

انہوں نے کہا کہ عید کے اس پرمسرت موقع پر ہمیں اپنے معاشرے کے ان کم نصیب افراد کو یاد رکھنا چاہیے جو مشکلات کا شکار ہیں، آئیے ہم اللہ کی نعمتوں کو مہربانی، سخاوت اور ایثار کے ساتھ دوسروں میں بانٹیں، کیونکہ یہی رویہ ہمیں بھائی چارے، انصاف اور دیانت پر مبنی ایک بہتر معاشرہ تشکیل دینے کی ترغیب دیتا ہے۔

صدر مملکت نے نواب شاہ،بلاول نے لاڑکانہ میں نماز عید ادا کی

پاکستان بھر میں عیدالفطر منائی جا رہی، صدر مملکت،وزیراعظم،عسکری قیادت کی مبارکباد

جیل میں تیسری عید، سیکورٹی وجوہات،عمران خان نماز عید نہ پڑھ سکے

اسلام آباد: نئے چیف جسٹس پاکستان کےلیے تین نام پارلیمانی کمیٹی کو بھجوادئیے گئے۔

باغی ٹی وی: ذرائع کے مطابق سپریم کورٹ کے رجسٹرار نے چیف جسٹس پاکستان قاضی فائز عیسیٰ کی جانب سے تین نام خصوصی پارلیمانی کمیٹی کو بھجوادیئے ہیں، وزارت قانون کی جانب سے رجسٹرار سپریم کورٹ کو خط لکھا گیا تھا جس میں تین سینئر ترین ججوں کے نام نئے چیف جسٹس کے لیے مانگے گئے تھے ۔

26 ویں آئینی ترمیم کے نفاذ کے بعد نئے چیف جسٹس کے تقرر کیلئے پارلیمانی کمیٹی کا اجلاس آج ہوگا اور نئے چیف جسٹس کی تقرری موجودہ چیف جسٹس قاضی فائز عیسیٰ کی ریٹائرمنٹ سے تین روز قبل کی جائے گی۔

چیف جسٹس قاضی فائز عیسیٰ ریٹائرمنٹ سے قبل چیمبر ورک پر چلے گئے ہیں جہاں وہ ان دنوں فیصلے لکھیں گے، سپریم کورٹ کے تین سینئر ترین ججوں میں پہلے نمبر پر جسٹس منصور علی شاہ، دوسرے نمبر پر جسٹس منیب اختر اور تیسرے نمبر پر جسٹس یحییٰ آفریدی ہیں۔

اسلام آباد: چیف جسٹس پاکستان قاضی فائز عیسیٰ نے عہدے کا حلف اٹھانے کے بعد سماعت کے لیے پہلا بینچ تشکیل دیدیا۔

باغی ٹی وی : جسٹس قاضی فائز عیسیٰ نے گزشتہ کئی ماہ سے یہ مؤقف اختیار کر رکھا تھا کہ جب تک سپریم کورٹ پریکٹس اینڈ پروسیجر ایکٹ کا فیصلہ نہیں ہوتا وہ کسی بھی بینچ کا حصہ نہیں بنیں گے اور انہوں نے اس بات کا اظہار ملٹری کورٹ سے متعلق کیس کے بینچ سے علیحد ہوتے وقت بھی کیا تھااب انہوں نے آج اپنےعہدے کا حلف اٹھانے کےبعد سماعت کے لیے پہلا بینچ تشکیل دے دیا ہے جس کی سماعت کل بروز پیر کو ہو گی، کیس کی سماعت سپریم کورٹ کا 14 رکنی فل کورٹ کرے گا۔

واضح رہے کہ سپریم کورٹ پریکٹس اینڈ پروسیجر ایکٹ چیف جسٹس پاکستان کے اختیارات سے متعلق ہے جسے پارلیمنٹ سے منظور کیا تھا تاہم سابق چیف جسٹس عمر عطا بندیال کی سربراہی میں 8 رکنی لارجر بینچ نے پریکٹس اینڈ پروسیجر ایکٹ پر حکم امتناع دیا تھا۔

چیف جسٹس پاکستان کےحلف کیساتھ سپریم جوڈیشل کونسل اورجوڈیشل کمیشن میں بھی اہم تبدیلیاں

یاد رہے کہ جسٹس قاضی فائز عیسیٰ نے 29 ویں چیف جسٹس آف پاکستان کے عہدے کا حلف اٹھا لیا،چیف جسٹس پاکستان جسٹس قاضی فائز عیسیٰ کے حلف لینے کے بعد سپریم جوڈیشل کونسل اور جوڈیشل کمیشن میں بھی اہم تبدیلیاں ہوگئی ہیں، اور جسٹس اعجازالاحسن سپریم جوڈیشل کونسل کے رکن بن گئے ہیں،چیف جسٹس پاکستان کے حلف کے ساتھ ہی سپریم جوڈیشل کونسل اور جوڈیشل کمیشن میں بھی اہم تبدیلیاں سامنے آئی ہیں۔

آئین کے مطابق چیف جسٹس اور 2 سینئر ججزسپریم جوڈیشل کونسل کا حصہ ہوتے ہیں، جسٹس قاضی فائز عیسٰی نے چیف جسٹس کا حلف اٹھالیا ہے، اور اب جسٹس اعجازالاحسن سپریم جوڈیشل کونسل کے رکن بن گئے ہیں، جب کہ جسٹس سردار طارق پہلے ہی سپریم جوڈیشل کونسل کاحصہ ہیں دوسری جانب جسٹس منیب اختر ججز تقرری کیلئےقائم جوڈیشل کمیشن کا حصہ بن گئےہیں، جب کہ جسٹس سردار طارق، جسٹس اعجازالاحسن اور جسٹس منصورعلی شاہ پہلے ہی کمیشن کا حصہ ہیں۔

آئی ایم ایف کےایجنڈے کو پوری طاقت سےآگےبڑھایا جا رہا ہے،حافظ نعیم

واضح رہے کہ جوڈیشل کمیشن کے سربراہ چیف جسٹس اور4 سینئر ججزرکن ہوتے ہیں، جب کہ کمیشن کے دیگر ارکان میں ایک ریٹائرڈ جج، وزیرقانون اور اٹارنی جنرل شامل ہوتے ہیں پاکستان بار کونسل کا ایک نمائندہ بھی جوڈیشل کمیشن کا حصہ ہوتا ہے۔

سابق صدر سپریم کورٹ بار ایسوسی ایشن امان اللہ کنرانی نے چیف جسٹس پاکستان اور عمران خان کو تنقید کا نشانہ بنایا یے-

باغی ٹی وی: سماجی رابطے کی ویب سائٹ ٹوئٹر پر مولانا رومی کی حکایت” ہزار قابل لوگوں کی موت سے اتنا نقصان نہیں ہوتا جتنا ایک احمق مالک بن جانے سے ہوتا ہے” شئیر کرتے ہوئے سابق وزیر اعظم اور چیف جسٹس پاکستان کو تنقید کا نشانہ بنایا-

وفاقی کابینہ کا اجلاس آج وزیراعظم ہاؤس میں ہوگا

اپنی ہنستی بستی اُجاڑنےوالے2سجیلےرہبروں کےنام جنابIKنے2اسمبلیاں توڑیں جہاں کوئ عُذر نہ تھااورآئیندہ چندمہینوں میں عام انتخابات مقررہ مدت پر ھوجاتےدودھ کادودھ پانی کاپانی ھوجاتادوسرےCJPبھی ریٹائرمنٹ سےچندماہ قبل ساتھیوں سےٹکرائےجہاں ساتھی ججزپُرسکون اندازمیں اپنےکام میں مصروف تھے pic.twitter.com/PKrwtW4OcS

— Amanullah Kanrani (@amankanrani1) April 9, 2023

اپنے بیان میں سابق صدر سپریم کورٹ بار ایسوسی ایشن سینیٹر (ر ) امان اللہ کنرانی نے کہا کہ 2 سجیلے رہبروں نے اپنی ہنستی بستی زندگی اجاڑ لی –

انہوں نے لکھا کہ عمران خان نے 2ا سمبلیاں توڑیں جہاں کوئی عُذر نہ تھا اورآئیندہ چند مہینوں میں عام انتخابات مقررہ مدت پر ہو جاتے دودھ کا دودھ پانی کا پانی ہوجاتا-

ایمل ولی خان کا عارف علوی،عمران خان اور بیرسٹر سیف کو گرفتار کرنے کا مطالبہ

انہوں نے لکھا کہ دوسرے چیف جسٹس پاکستان بھی ریٹائرمنٹ سےچندماہ قبل ساتھیوں سےٹکرائے جہاں ساتھی ججز پُرسکون انداز میں اپنے کام میں مصروف تھے-

واضح رہے کہ عمران خان پر عدم اعتماد آنے کے بعد جب وہ وزیراعظم ہاوس سے نکالے گئے تو اسکے بعد انہوں نے پنجاب اور خیبر پختونخواہ کی اسمبلیاں تحلیل کر دیں حالانکہ وہ جانتے تھے کہ الیکشن وقت پر ہوں گے اور صوبائی اسمبلیوں کے الیکشن الگ ممکن نہیں ۔ پرویز الہی نے بھی عمران خان کو اسمبلیاں تحلیل نہ کرنے کا مشورہ دہا تھا لیکن وہ نہ مانے اگر عمران خان اسمبلی تحلیل نہ کرتے تو ان پر پنجاب میں جو مقدمات بن رہے ہیں وہ نہ بنتے کیونکہ پنجاب میں انکی حکومت تھی تاہم اپنے ہی غلط فیصلوں کے نتائج عمران خان اب بھگت رہے ہیں