Tag: چیف سیکریٹری سندھ

بچوں کے حقوق کے تحفظ اور بنیادی سہولیات تک رسائی کو یقینی بنانے کے لیے چیف سیکریٹری سندھ آصف حیدر شاہ کی زیر صدارت اہم اجلاس منعقد ہوا جس میں سیکریٹری صحت ریحان اقبال بلوچ، سیکریٹری انفارمیشن ٹیکنالوجی نور احمد سموں، سیکریٹری سوشل پروٹیکشن، ڈی جی نادرا سندھ اور دیگر متعلقہ حکام نے شرکت کی۔

باغی ٹی وی کے مطابق اجلاس میں چیف سیکریٹری سندھ نے بچوں کے حقوق کے تحفظ اور انہیں ویکسینیشن، تعلیم اور صحت کی بنیادی سہولیات تک رسائی دلانے میں پیدائش کی رجسٹریشن کے اہم کردار کو اجاگر کیا۔ انہوں نے اعلان کیا کہ صوبائی حکومت سندھ لوکل گورنمنٹ ایکٹ میں ترمیم کرے گی تاکہ پیدائش کی رجسٹریشن کو لازمی بنایا جا سکے۔ انہوں نے کہا کہ یہ اقدام بچوں کی 100 فیصد رجسٹریشن کے ہدف کے حصول میں ایک اہم سنگ میل ثابت ہوگا۔چیف سیکریٹری نے مزید کہا کہ صوبائی حکومت پہلے ہی اس عمل کو آسان بنانے کے لیے سندھ بھر میں پیدائش کی رجسٹریشن کو مفت کر چکی ہے۔ اس اقدام کا مقصد مالی رکاوٹوں کو ختم کرنا اور پسماندہ طبقات کو یہ سہولت باآسانی فراہم کرنا ہے۔ حکومت کے اس فعال اقدام سے رجسٹریشن کے عمل میں تیزی آئے گی، خاص طور پر دیہی اور دور دراز علاقوں میں جہاں یہ شرح ماضی میں کم رہی ہے۔

چیف سیکریٹری آصف حیدر شاہ نے کہا کہ بچوں کے حقوق کا تحفظ، ان کی خوشحالی اور محفوظ بچپن ہر بچے کا بنیادی حق ہے اور یہ حقوق انہیں قانونی حیثیت اسی وقت حاصل ہو سکتے ہیں جب ان کی پیدائش کی رجسٹریشن ہو۔ اجلاس کو بتایا گیا کہ پیدائش، شادی، طلاق اور وفات کی رجسٹریشن کی ذمہ داری سندھ لوکل گورنمنٹ ایکٹ 2013 کے تحت محکمہ بلدیات کی آئینی ذمہ داری ہے۔چیف سیکریٹری نے کہا کہ محکمہ بلدیات اور نادرا کے درمیان روابط کو مزید مثر بنایا جا رہا ہے تاکہ پیدائش کی رجسٹریشن کا مکمل ڈیجیٹل ڈیٹا انٹری نظام نافذ کیا جا سکے۔ یہ ڈیجیٹل نظام نہ صرف درستگی کو یقینی بنائے گا بلکہ عمل کو تیز کرے گا اور تمام ریکارڈز کو بروقت اپ ڈیٹ کیا جائے گا۔ چیف سیکریٹری سندھ نے کہا کہ بچوں کی پیدائش کی رجسٹریشن کے لیے سرکاری و نجی اسپتالوں، لیڈی ہیلتھ ورکرز اور دیگر متعلقہ ذرائع سے ڈیٹا اکٹھا کیا جائے گا تاکہ صوبے بھر میں پیدائش کا مکمل ریکارڈ یقینی بنایا جا سکے۔

چیف سیکریٹری سندھ آصف حیدر شاہ نے مزید کہا کہ پیدائش کی رجسٹریشن کے حوالے سے عوام میں آگاہی پیدا کرنے کے لیے ایک جامع مہم شروع کی جائے گی تاکہ خاندانوں کو خاص طور پر پسماندہ علاقوں میں اس اہمیت سے آگاہ کیا جا سکے۔ انہوں نے کہا کہ والدین کو اپنے بچوں کی بروقت رجسٹریشن کے لیے صحت مراکز، اسکولوں اور مقامی حکام کے ساتھ مل کر اقدامات کیے جائیں گے۔حکومت کا ماننا ہے کہ ہر بچے کی رجسٹریشن نہ صرف انفرادی خاندانوں کے لیے فائدہ مند ہوگی بلکہ صوبے میں منصوبہ بندی اور عوامی سہولیات کی فراہمی میں بھی بہتری آئے گی۔ پیدائش کے درست اعداد و شمار کی مدد سے حکومت وسائل کی تقسیم، صحت سے متعلق مہمات اور تعلیمی ضروریات کے حوالے سے بہتر فیصلے کر سکے گی۔ چیف سیکریٹری سندھ آصف حیدر شاہ نے اپنے مزید کہا کے اختتام پر کہا کہ بچوں کے حقوق کے تحفظ، انہیں بنیادی سہولیات کی فراہمی اور سندھ کے بچوں کے روشن مستقبل کو یقینی بنانے کے لیے 100 فیصد پیدائش کی رجسٹریشن کے اس منصوبے پر عملدرآمد حکومت کی اولین ترجیح ہے۔

سندھ حکومت کی کراچی کی بہتری کے لیے خصوصی ٹاسک فورس قائم

اسرائیلی فوجیوں پر حملہ کرنے والی جنگلی بلی کی دھوم مچ گئی

سندھ حکومت نے کراچی میں ٹریفک مسائل کے حل کیلئے بڑا قدم اٹھاتے ہوئے چیف سیکریٹری سندھ نے شہر میں قائم تمام بچت بازار اور چارجڈ پارکنگ کی تفصیلات طلب کرلی۔

باغی ٹی وی کے مطابق چیف سیکریٹری سندھ آصف حیدر شاہ کی زیر صدارت اجلاس ہوا ، جس میں کمشنر کراچی نے بریفنگ دیتے ہوئے کہا کہ شہر میں 145 بچت بازار لگائے جاتے ہیں، غیر قانونی بچت بازاروں کی این او سی دینے میں ٹاؤن کا عملہ ملوث ہوتا ہے۔ کمشنر کراچی نے آگاہی دیتے ہوئے کہا کہ شہر میں اس وقت 400 چارجز پارکنگ ہیں، بہت سے پارکنگ راستوں پر ہونے سے ٹریفک کے مسائل ہو رہے ہیں۔چیف سیکریٹری سندھ نے شہر میں قائم تمام بچت بازار اور چارجڈ پارکنگ کی تفصیلات طلب کرتے ہوئے کہا کہ شہر میں قائم تمام قانونی اورغیر قانونی بچت بازاروں کی تفصیلات فراہم کی جائیں۔

اجلاس میں چیف سیکریٹری نے ٹریفک میں رکاوٹ پیدا کرنے والی چارجڈ پارکنگ کی بڑھتی ہوئی تعداد کا نوٹس لیتے ہوئے کہا کہ سیکریٹری بلدیات، کے ایم سی، ڈی ایم سیز، ٹائونز اور کینٹونمنٹ بورڈ سے 3 روز میں تفصیلات لی جائے۔اس موقع پر چیف سیکریٹری سندھ نے ہدایت دیتے ہوئے کہا کہ بچت بازاروں کی این او سی کو بھی روگیورلائیز کیا جائے گا، جبکہ ٹریفک پولیس کی این او سی کے بغیر کوئی بچت بازار نہیں لگایا جائے۔چیف سیکریٹری سندھ نے کہا کہ بچت بازاروں کے اطراف ٹریفک جام رہتا ہے، روڈ پر قائم تمام غیر قانونی پارکنگ کو ہٹایا جائے، شہر میں بے قاعدہ بنے یوٹرنز ختم کر کے اور ٹریفک انجینئرنگ سے یوٹرن بنائے جائیں۔

چیف سیکریٹری سندھ نے کمشنر کراچی کو ہدایت دیتے ہوئے کہا کہ بڑی شاہراہوں کے سروس روڈ سے انکروچمنٹ ہٹا کرمکمل بحال کیا جائے، اس کے علاوہ شہر کے تمام راستوں پر ٹریفک سائن بورڈ لگائے جائیں۔واضح رہے کہ اجلاس میں کمشنر کراچی، ڈی آئی جی ٹریفک اور ڈپٹی کمشنر ساؤتھ سمیت دیگر شریک تھے۔

میرپور خاص: فلسطین کی فتح پر جماعت اسلامی کا یوم تشکر اور ریلی

چیمپئنز ٹرافی 2025 کے لیے بھارتی اسکواڈ کا اعلان

بہاولپور:سرائیکی چوک فرنیچر مارکیٹ میں آگ بھڑک اُٹھی

ننکانہ صاحب: دانش سکول میں سالانہ آرٹ اینڈ سائنس میلے کا شاندار انعقاد

سندھ حکومت نے صوبے میں قائم تمام دارالامان کو اپ گریڈ کرنے کا فیصلہ کرلیا ہے۔

باغی ٹی وی کے مطابق سندھ حکومت نے صوبے میں ورکنگ ویمن کی سہولت کے لیے 115 ڈے کیئر سینٹر بنانے کا فیصلہ کیا ہے۔ چیف سیکریٹری سندھ آصف حیدر شاہ کی زیرصدارت محکمہ ترقی نسواں کا اجلاس ہوا جس میں صوبائی وزیر برائے ترقی نسواں شاہینہ شیرعلی سمیت محکمہ کے افسران نے شرکت کی اجلاس میں محکمہ ترقی نسواں کے ترقیاتی منصوبوں پرآگاہی دی گئی۔صوبائی وزیرنے کہا کہ عورتوں کو تحفظ کے ساتھ روزگار کے مواقع فراہم کرنے پربھی کام کررہے ہیں، محکمہ ترقی نسواں کے 954 ملین روپے کے 8 منصوبے زیر تعمیر ہیں۔چیف سیکرٹری سندھ نے یقین دہانی کروائی کہ ہنرمند خواتین کی مدد کے لیے محکمے کو فنڈز فراہم کیے جائیں گے۔انہوں نے کہا کہ صوبے کے دارالامان میں بچوں کے لیے پلے ایریا، ٹیوٹر فراہم کیے جائیں گے، پہلے مرحلے میں سرکاری اداروں اور جامعات میں ڈے کیئر سینٹر بنائے جائیں گے۔چیف سیکریٹری نے کہا کہ محکمہ ترقی نسواں کے ترقیاتی منصوبوں میں تاخیر برداشت نہیں کی جائے گی۔

جرمن چانسلر کیخلاف تحریک عدم اعتماد کامیاب ہو گئی

مدارس بل ایکٹ ، فوری گزٹ نوٹیفکیشن جاری کیا جائے، اتحاد تنظیمات مدارس

شام میں تمام مسلح دھڑے ختم کرنے کا اعلان

آئندہ 24 گھنٹوں کے دوران موسم سرد اور خشک رہے گا

چیف سیکریٹری سید آصف حیدر شاہ نے کہا ہے کہ سب سے اہم مسئلہ صوبے کی عوام کا اعتماد بحال کرنا ہے،عوام انتظامیہ پر بھروسہ نہیں کرتے،اس کی بڑی وجہ ان کے مسائل وقت پر حل نہ ہونا ہے.

باغی ٹی وی کے مطابق بیچ لگژری ہوٹل میں انگلش اسپیکنگ یونین کے دعوت پر ممبران انگلش اسپیکنگ یونین سے خطاب کرتے ہوئے آصف حیدر شاہ کا کہنا تھا کہ صوبے میں غربت،بے روزگاری ودیگر بڑے چیلنجز کا سامنا کرنا پڑ رہا ہے،کوشش ہے کہ عوام کو زیادہ سے زیادہ ریلیف دیں اور ان کے بنیادی مسائل حل کریںاس موقع پر پیٹرن انچیف انگلش اسپیکنگ عزیز میمن،صدر پرویز مدراس والا،جنرل سیکریٹری مجید عزیز،سنئیر نائب صدر عرفان قریشی نے بھی اظہار خیال کیا،اس موقع پر ممبران نے چیف سیکریٹری سندھ سے مختلف سوالات بھی کئے،ایک سوال پر چیف سیکریٹری نے کہا کہ یہ تاثر درست نہیں کہ کراچی اب روشنیوں کا شہر نہیں رہا،آج بھی کراچی ملک کے دیگر شہروں کے مقابلے بہتر حالت میں ہے،انہوںنے کہا کہ یہ بات درست ہے کہ مسائل بہت زیادہ ہیں ،لیکن اس کا مقصد یہ نہیں کہ ان پر توجہ نہیں دی جارہی یا انہیں حل کرنے کی کوشش نہیں کی جارہی،انہوں نے کہا کہ اس وقت سب سے بڑا مسئلہ شہر میں آبادی کا بوجھ ہے،انفرااسٹریکچر اس طرح نہیں بڑھا جس طرح ضرورت ہے ،انہوں نے ایک سوال پر کہا کہ جوآخری مردم شماری کی گئی ہے اس میں صحیح آبادی ظاہر کی گئی اس سلسلے میں کسی کو ابہام نہیں ہونا چاہیے،چیف سیکریٹری سندھ نے کہاکہ یہ تاثر بھی درست نہیں کہ سندھ میںکام کرنے والے سرکاری افسران یا ملازمین پر سیاستدانوں کا دباو ہوتا ہے،اگر کوئی سرکاری افسر یہ سمجھتا ہے کہ اسے ناجائز کام کیلئے مجبور کیا جارہا تو اس کی یہ ذمہ داری ہے کہ وہ یہ کام نہ کرے،انہوں نے کہا کہ میں نے چیف سیکریٹری کی حیثیت سے ماتحت افسران کو واضح ہدایت دی ہوئی ہے کہ وہ لوگوں کے مسائل حل کریں اور تمام کام قائدے و قانون کے مطابق سے کئے جائیں،انہوںنے کہا کہ جب میں حیدرآباد میں کمشنر تھا تو اس وقت میں نے یہ بات محسوس کرلی تھی کہ لوگوں کا اعتماد حاصل کرنا ضروری ہے،انہوں نے کہا کہ یہ تاثر بھی درست نہیں کی سرکاری افسران وقت پر دفاتر میں موجود نہیں ہوتے ،میں خود صبح 9 بجے دفتر میں موجود ہوتا ہے اور اسی طرح دیگر عملہ بھی آفس میں پہنچ جاتا ہے،ایک سوال پر چیف سیکریٹری نے کہا کہ اپنی جان کے تحفظ کے لئے موٹر سائیکل والوں کی ذمہ داری ہے کہ وہ زیادہ سے زیادہ ہیلمنٹ کا استعمال کریں ،حکومت اگر سختی کرتی ہے تو شور مچنا شروع ہوتا ہے کہ لوگوں کو تنگ کیا جارہا ہے،انہوں نے نائجیریا اور ناروے کا حوالہ دیتے ہوئے کہا کہ ان ممالک میں کرپشن زیادہ ہے اور وہاں کی حکومتیں اس مسئلے کو حل کرنے کی کوشش کررہی ہے،پیٹرن انچیف عزیز میمن نے خطبہ استقبالیہ پیش کرتے ہوئے کہا کہ وزیراعلی سندھ سید مراد علی شاہ نے سیدآصف حیدر شاہ کا درست انتخاب کیا ہے،آصف حیدر شاہ میں وہ صلاحیت ہے کہ وہ صوبے کے مسائل حل کرسکتے ہیں،انہوں نے کہا کہ انگلش اسپیکنگ یونین وہ پلیٹ فارم ہے جو مختلف شعبوں میں لوگوں کی خدمت کررہاہے،انہوں نے کہا کہ اس بات میں کوئی شک نہیں کہ صوبے میں مسائل بہت زیادہ ہیں،لیکن ان مسائل کا حل بھی ضرور ی ہے،پرویز مدراس والا نے چیف سیکریٹری سندھ کا تعارف کراتے ہوئے کہا کہ سید آصف حیدر شاہ سول انجنئیر ہونے کے علاوہ پانچ مرتبہ گولڈ میڈل بھی حاصل کرچکے ہیں،انہوں نے کہا کہ چیف سیکریٹری صوبے کے 61 ویں چیف سیکریٹری ہیں،وہ اعلی تعلیم یافتہ ہیں اور صوبے کے مسائل حل کرنے کی پوری صلاحیت رکھتے ہیں،مجید عزیز نے کہا کہ چیف سیکریٹری سید آصف حیدرشاہ کا تعلق اسی صوبہ سندھ سے ہے اور انہیں شہری اور دیہی علاقوں کے مسائل کا پوری طرح علم ہے اور ہمیں یقین ہے کہ وہ لوگوں کو زیادہ سے زیادہ ریلیف دیں گے،سنئیر نائب صدر عرفان قریشی نے مہمانوں کا شکریہ ادا کرتے ہوئے کہا کہ ہم مختلف اعلی شخصیات کو خطاب کی دعوت دیتے ہیں اور ہماری یہ خوش قسمتی ہے کہ چیف سیکریٹری آج ممبران سے خطاب کے لئے ہمارے درمیان موجود تھے،تقریب کے اختتام پر چیف سیکریٹری کو انگلش اسپیکنگ یونین کی جانب سے ممنٹم پیش کیا گیا۔

وفاقی وزیرتعلیم کی کراچی میں 2 جامعات کے افتتاح کی خوشخبری

سندھ حکومت کا 30 اضلاع میں کھلاڑیوں کے لئے ونٹر کوچنگ کیمپ کا اعلان

معاشی استحکام کے لیے سیاسی استحکام کی اشد ضرورت ہے، محمد اورنگزیب

کراچی میں پارہ مزید گر گیا، سردی بڑھنے کا امکان

علم اور مہارت سے معاشرے میں مثبت تبدیلی لائی جاسکتی ہے، وزیراعلی سندھ