Tag: چین اور امریکا

چین اور امریکا کے درمیان دفاعی مذاکرات بیجنگ میں شروع ہو گئے ہیں، جس کا مقصد دونوں ممالک کے فوجی روابط اور دوطرفہ تعلقات کو مضبوط بنانا ہے۔

امریکی قانون سازوں کے ایک وفد نے پیر کو چین کے وزیر دفاع ڈونگ جون سے ملاقات کی۔ وفد کی قیادت ڈیموکریٹ رکن ایوان نمائندگان ایڈم اسمتھ نے کی، جو امریکی ہاؤس آرمڈ سروسز کمیٹی میں سینیئر ترین رکن ہیں۔ یہ کمیٹی امریکی محکمہ دفاع اور مسلح افواج کی نگرانی کرتی ہے۔ایڈم اسمتھ نے کہا کہ وہ 2019 کے بعد ایوان نمائندگان سے چین آنے والا پہلا وفد ہیں اور فوجی معاملات میں بات چیت کے دروازے کھولنے کے لیے مزید ملاقاتوں اور جامع گفتگو کی ضرورت پر زور دیا۔

چینی وزیر دفاع ڈونگ جون نے کہا کہ یہ دورہ دونوں ممالک کے مواصلاتی روابط کو مضبوط کرنے کی کوششوں میں ایک “اچھا” مرحلہ ہے۔ انہوں نے امریکی قانون سازوں پر زور دیا کہ وہ رکاوٹیں ختم کریں اور عملی اقدامات کریں جو فوجی روابط اور دوطرفہ تعلقات کو بہتر بنا سکیں۔ڈونگ جون نے مزید کہا کہ چین کی فوج مستحکم اور مثبت تعلقات قائم کرنے کے لیے تیار ہے، تاہم قومی خودمختاری، سلامتی اور ترقیاتی مفادات کا تحفظ اس کی ترجیح رہے گا۔

یہ مذاکرات امریکی صدر ڈونلڈ ٹرمپ اور چینی صدر شی جن پنگ کے حالیہ فون کال کے بعد ہوئے، جس میں تجارتی کشیدگی، سیمی کنڈکٹر چپس پر پابندیاں، ٹک ٹاک کی ملکیت، بحیرہ جنوبی چین میں سرگرمیاں اور تائیوان کے حساس مسائل زیرِ بحث آئے۔دونوں صدور نے اکتوبر کے آخر میں جنوبی کوریا میں فورم کے موقع پر مزید مذاکرات پر اتفاق کیا، اور ٹرمپ نے اگلے سال کے اوائل میں چین کے دورے کا اعلان کیا جبکہ صدر شی بعد میں امریکا آئیں گے۔

ایچ-1 بی ویزا فیس میں ڈاکٹرز کو استثنیٰ دینے پر غور

اسرائیل کے جنگی جرائم کی تحقیقات،امریکا کا آئی سی سی پر مکمل پابندیوں کا امکان

ٹیکس نادہندگان کی مخبری پر انعامی رقم 15 کروڑ کرنے کی سفارش

لاکھوں قانونی مہاجرین کو واپس بھیج کر £230 بلین بچائیں گے، نائجل فراج

محض الفاظ نہیں، عملی اقدامات سے خواتین کو بااختیار بنانا ہوگا،اسحاق ڈار

چین اور امریکا کے درمیان تجارتی مذاکرات کا نیا مرحلہ لندن میں شروع ہوگیا ہے۔ اس سے قبل گزشتہ ماہ جنیوا میں دونوں ممالک کے درمیان مذاکرات کا دور ہوا تھا۔

عالمی خبر رساں ادارے اے ایف پی کے مطابق، چینی سرکاری ایجنسی شنہوا نے بتایا ہے کہ دونوں فریقین کی ملاقات برطانیہ کے دفتر خارجہ کے زیر انتظام تاریخی لنکاسٹر ہاؤس میں جاری ہے۔ چینی نائب وزیر اعظم ہی لیفینگ ایک بار پھر مذاکراتی ٹیم کی سربراہی کر رہے ہیں۔

دوسری جانب، امریکی صدر ڈونلڈ ٹرمپ نے اعلان کیا ہے کہ وزیر خزانہ اسکاٹ بیسنٹ، وزیر تجارت ہاورڈ لٹنک اور تجارتی نمائندے جیمیسن گریر امریکی وفد کی قیادت کر رہے ہیں۔ ٹرمپ نے سوشل میڈیا پلیٹ فارم ’ٹروتھ سوشل‘ پر کہا کہ ’’ملاقات بہت اچھی ہونی چاہیے‘‘۔

وائٹ ہاؤس کی پریس سیکرٹری، کیرولین لیوٹ نے فاکس نیوز‘ کو بتایا کہ ہم چاہتے ہیں چین اور امریکا جنیوا میں طے پانے والے معاہدے پر عملدرآمد جاری رکھیں۔اگرچہ برطانیہ براہ راست مذاکرات میں شامل نہیں ہے، تاہم برطانوی حکومت کے ترجمان کا کہنا تھا کہ برطانیہ آزاد تجارت کا حامی ہے اور ’’تجارتی جنگ کسی کے مفاد میں نہیں‘‘، اس لیے ان مذاکرات کا خیرمقدم کیا جا رہا ہے۔

یاد رہے کہ یہ مذاکرات ٹرمپ اور چینی صدر شی جن پنگ کے درمیان ہونے والی پہلی عوامی طور پر اعلان کردہ ٹیلیفونک گفتگو کے چند دن بعد شروع ہوئے ہیں۔ ٹرمپ نے اس گفتگو کو ’’بہت مثبت‘‘ قرار دیا تھا۔چینی صدر کا کہنا تھا: ’’چین-امریکا تعلقات کو درست سمت میں لے جانے کے لیے رہنمائی اور درست سمت کا تعین ضروری ہے‘‘۔

واضح رہے کہ دونوں ممالک کے درمیان کشیدگی بڑھ چکی ہے، اور صدر ٹرمپ نے چین پر مئی میں جنیوا معاہدے کی خلاف ورزی کا الزام عائد کیا ہے، جو ٹیرف میں کمی سے متعلق تھا۔

بلاول بھٹو زرداری کا سندھ طاس معاہدے کی بحالی اور پاک بھارت جامع مذاکرات پر زور

ہیوسٹن میں بھارتی سفارت خانے کے سامنےاحتجاج، خالصتان اور کشمیر کی آزادی کے نعرے

ثنا میر آئی سی سی ہال آف فیم میں شامل ہونے والی پہلی پاکستانی خاتون کرکٹر بن گئیں

گرمی کی شدید لہر، پنجاب میں معمول سے درجہ حرارت زیادہ رہنے کا امکان

کراچی: شہری نے ڈاکوؤں کو گاڑی سے کچل دیا، عوام کا تشدد