Baaghi TV

Tag: ڈالر

  • کالج کی جانب فیس ڈالرز میں وصول،طلبا عدالت پہنچ گئے

    کالج کی جانب فیس ڈالرز میں وصول،طلبا عدالت پہنچ گئے

    سندھ ہائیکورٹ ،ڈاو انٹرنیشنل میڈیکل کالج کی جانب سے فیس ڈالرز میں وصول کرنے کا معاملہ ،طلبا و طالبات نے ڈالرز میں فیس وصولی کے خلاف سندھ ہائیکورٹ سے رجوع کرلیا

    وکیل درخواست گزار نے عدالت میں کہا کہ 15 لاکھ سے فیس چالان شروع کیا تھا، اب 32 لاکھ کردیا ہے، لوگ کیا اپنے آپ کو بیچ کر وہ چالان بھریں؟ یونیورسٹی پاکستان میں ہے اور ہم سے ڈالر میں فیس لی جارہی ہے، یونیورسٹی سی کیٹیگری ہے، ایک مہینے میں کسی کو 32 لاکھ کا چالان تو کسی کو 28 لاکھ کا چالان دیا گیا ہے، جسٹس عدنان اقبال چوہدری نے ریمارکس دیتے ہوئے کہا کہ ابھی بھی پاکستان سے سستا ڈاکٹر کہیں نہیں بنتا،

    شہاب سرکی ایڈووکیٹ نے کہا کہ ریگیولیشن میں یہی ہے کہ یے اپنی فیس بڑھا نہیں سکتے، عدالت نے 26 جولائی کے لئے فریقین کو نوٹس جاری کردیئے ،جسٹس عدنان اقبال نے ریمارکس دیتے ہوئے کہا کہ آپ چالان بھرنا چاہیں تو بھریں، بعد میں دیکھیں گے اگر غیرقانونی ہوا تو پیسے واپس کروا دیں گے، وکیل درخواست گزار نے کہا کہ ہم فیس افورڈ ہی نہیں کر سکتے، جسٹس عدنان اقبال چوہدری نے ریمارکس دیتے ہوئے کہا کہ ہم اس وقت اس پر کوئی اسٹے آرڈر جاری نہیں کرسکتے، عدالت نے درخواست پر مزید سماعت 26 جولائی تک ملتوی کردی

    شوہر نامرد،شادی کے چھ ماہ بعد بیوی نے شوہر پر درج کروایا مقدمہ

    فحاشی کے اڈے پر چھاپہ، پولیس کو ملیں صرف خواتین ،پولیس نے کیا کام سرانجام دیا؟

    جادو سیکھنے کے چکر میں بھائی کے بعد ملزم نے کس کو قتل کروا دیا؟

    پولیس کا ریسٹورنٹ پر چھاپہ، 30 سے زائد نوجوان لڑکے لڑکیاں گرفتار

    واٹس ایپ پر محبوبہ کی ناراضگی،نوجوان نے کیا قدم اٹھا لیا؟

    بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

  • ڈالر کی قیمت میں مزید اضافہ

    ڈالر کی قیمت میں مزید اضافہ

    ملک بھر میں روپے کے مقابلے میں امریکی ڈالر کی قیمت میں ایک مرتبہ پھر بڑا اضافہ دیکھا گیا ہے جبکہ اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے پہلے کاروباری روز کے دوران انٹربینک میں روپے کے مقابلے میں ڈالرکی قدر میں ایک روپے سڑسٹھ پیسے کااضافہ ہوا ہے۔


    اعداد و شمار کے مطابق روپے کی قدر تنزلی کے بعد ڈالر 277 روپے 59 پیسے سے بڑھ کر 279 روپے 26 پیسے کا ہو گیا ہے جبکہ مرکزی بینک کے مطابق امریکی ڈالر کے مقابلے میں روپے کی قدر میں 0.60 فیصد کی تنزلی دیکھی گئی۔
    مزید یہ بھی پڑھیں؛
    پرویز خٹک کی جانب سے نئی پارٹی بنائے جانے پر عمران خان کا ردعمل بھی سامنے آ گیا
    ایشیا کپ سے متعلق معاملات طے پا گئے، میگا ٹورنامنٹ کا آغازکہاں سے ہوگا؟
    3 ماہ تک سمندر میں کچی مچھلی کھا کر اور بارش کا پانی پی کر زندہ رہنے والا شخص
    تحریک انصاف کے 44 اور ہمارے 14ماہ کا جائزہ لیا جائے،مریم اورنگزیب
    توشہ خانہ فوجداری کارروائی سے متعلق کیس کی سماعت 18 جولائی تک ملتوی

    ادھر دوسری جانب اوپن مارکیٹ میں ڈالر تین روپے مہنگا ہو گیا اور قیمت 283 روپے کی سطح پر پہنچ گئی ہے۔ کرنسی ڈیلرز کے مطابق درآمدی اوربیرونی ادائیگیوں کیلئے ڈالرکی طلب بڑھنے سےڈالرمہنگا ہوا، علاوہ ازیں یورو کی قیمت 313 روپے، جاپانی ین 2 روپے، برطانوی پاؤنڈ 365 روپے، سعودی ریال 74 روپے، ملائیشین رنگٹ 61 روپے، بھارتی روپے 3.4 روپے، قطری ریال 76 روپے کا ہو گیا ہے۔

    علاوہ ازیں ادھر ملک بھر میں فی تولہ سونے کی قیمت میں تیزی سے اضافہ ہونے لگا ہے ، بین الاقوامی مارکیٹ میں فی اونس سونے کی قیمت دو امریکی ڈالر کے بعد 1957 امریکی کرنسی ہو گئی ہے۔ عالمی مارکیٹ میں قیمتیں بڑھنے کے بعد لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، ملتان سمیت دیگر جگہوں پر فی تولہ سونے کی قیمت 1600 روپے بڑھ کر 214800 روپے ہو گئی ہے۔

    اُدھر دس گرام سونے کا بھاؤ 1371 روپے سے بڑھ کر 184156 روپے ہو گیا ہے۔ تاہم فی تولہ اور دس گرام چاندی کی قیمتوں میں استحکام ریکارڈ کیا گیا اور قدریں بالترتیب 2650 روپے اور 2271.94 روپے ہو گئی ہے۔

  • ورلڈ بینک نے پاکستان کیلئے 10 کروڑ ڈالر کی منظوری دے دی

    ورلڈ بینک نے پاکستان کیلئے 10 کروڑ ڈالر کی منظوری دے دی

    اسلام آباد: ورلڈ بینک نے پاکستان کے لئے 10 کروڑ ڈالر کی منظوری دے دی ہے۔

    باغی ٹی وی: عالمی بینک کے مطابق رقم پنجاب میں منصوبہ بندی کے پروگرام کے لئے خرچ ہوگی، پروگرام کا مقصد 60 فیصد خاندان میں منصوبہ بندی کو بڑھانا ہے منصوبہ بندی پاکستان کی ترقی کے لئے اہم ہے، زیادہ آبادی ترقی کی شرح میں رکاوٹ کا باعث بنتی ہے جب کہ آبادی میں اضافے سے غربت میں اضافہ ہوتا ہے۔

    دوسری جانب انٹربینک میں روپے کے مقابلے میں آج بھی ڈالرکی گراوٹ کا سلسلہ جاری ہےآج انٹربینک میں کاروبار کے آغاز پر ڈالرکا بھاؤ 3 روپے 48 پیسےکم ہوکر 274 روپے ہوگیا، بعدازاں ڈالر ایک روپے 98 پیسے کمی کے بعد 275 روپے 50 پیسےکا ہوگیا انٹربینک تبادلہ مارکیٹ میں گزشتہ روز ڈالر ایک روپیہ 9 پیسے سستا ہونےکے بعد277 روپے 48 پیسے پر بند ہوا تھا،دوسری جانب اوپن مارکیٹ میں ڈالر 2 روپے سستا ہوکر 279 روپےکا ہوگیا ہے۔

    پاکستان ریلوے نیٹ ورک کو شمسی توانائی پر منتقل کرنے کا فیصلہ

    خیال رہےکہ عالمی مالیاتی فنڈ (آئی ایم ایف) کے ایگزیکٹو بورڈ نے پاکستان کا 3 ارب ڈالرز قرض پروگرام منظور کرلیا ہے، آئی ایم ایف کے ایگزیکٹو بورڈ نے پاکستان کے ساتھ اسٹینڈ بائے معاہدے کی منظوری دی ہے جس کے بعد فوری طور پر ایک ارب 20 کروڑ ڈالر کی قسط پاکستان کو جاری کردی جائےگی۔

    پاکستان کی پہلی خاتون انگریزی مصنفہ، صحافی، ایڈیٹر اورشاعرہ بیگم زیب النساء حمید اللہ

    خزانہ اسحاق ڈار نے بتایا ہےکہ سعودی عرب اور یو اے ای سے 3 ارب ڈالر آچکےہیں، اس سے ہمارے اسٹیٹ بینک کےذخائر میں بہتری آئے گی، آئی ایم ایف معاہدے کی خلاف ورزی کرنے کا سوچنا بھی زیادتی ہوگی،وزیر خزانہ نے کہا کہ پچھلی حکومت کی طرف سے آئی ایم ایف معاہدے کی خلاف ورزی کی قیمت ملک نے ادا کی، کوشش ہے کہ موجودہ حکومت کی مدت پوری ہونے تک ملک میں زرمبادلہ کے ذخائر 14 سے 15 ارب ڈالر کے درمیان ہوں اسٹیٹ بینک کے پاس موجود ذخائر 9 سے 10 ارب ڈالر کے درمیان ہونے چاہئیں۔

    دریائے ستلج میں پانی کی سطح میں مسلسل اضافہ،20 سے زائد دیہات زیر آب، زمینی …

    عالمی مالیاتی فنڈ (آئی ایم ایف) کی مینیجنگ ڈائریکٹر (ایم ڈی) کرسٹالینا جارجیوا کا کہنا ہےکہ پاکستان کو اس پروگرام پر پوری لگن سے عمل کرنا ہوگا، ماضی میں قرض پروگرام کی پالیسیوں پر عملدرآمد نہ ہونے سے مہنگائی میں اضافہ ہوا قرض پروگرام کی پالیسیوں پر عمل نہ ہونے کے باعث پاکستان کے اندرونی و بیرونی مالی ذخائرمیں کمی آئی، پالیسیوں پر تسلسل سے عملدرآمد کے ذریعے عدم توازن دور ہوگا۔

    جو نیازی کو کندھوں پہ بٹھا کے لائے تھے وہ ہسپتال مکمل کرواتے،وزیراعظم

  • ڈالر کے مقابلہ میں روپے کی قدر میں مزید بہتری

    ڈالر کے مقابلہ میں روپے کی قدر میں مزید بہتری

    امریکی ڈالر کے مقابلے میں روپے کی قدر مزید تیزی سے بہتر ہونے لگی ہے جبکہ اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے چوتھے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 1 روپے 2 پیسے کم ہو گئی ہے۔ دن بھر ٹریڈنگ کے دوران ایک موقع پر امریکی ڈالر کی قیمت میں 3 روپے کی کمی دیکھی گئی تھی۔

    اعداد و شمار کے مطابق کاروبار کے اختتام پر انٹر بینک میں روپے کے مقابلے میں امریکی ڈالر کی قیمت 277 روپے 48 پیسے سے کم ہو کر 276 روپے 46 پیسے ہو گئی ہے۔ مرکزی بینک کے مطابق امریکی ڈالر کے مقابلے میں روپے کی قدر میں 0.37 فیصد کی بحالی دیکھی گئی۔ تاہم خیال رہے کہ گزشتہ روز بھی روپے کے مقابلے میں امریکی ڈالر کی قدر 1 روپیہ 9 پیسے گر گئی تھی اور قدر 278 روپے 57 پیسے سے کم ہو کر 277 روپے 48 پیسے ہو گئی تھی۔

    اُدھر اوپن مارکیٹ میں بھی ڈالر2روپے سستا ہو کر 278 روپے پر آگیا۔ معاشی ماہرین کا کہنا ہے کہ سعودی عرب، متحدہ عرب امارات، عالمی مالیاتی ادارے (آئی ایم ایف) معاہدے کے بعد روپیہ اپنی ’منصفانہ قدر‘ کی جانب بڑھ رہا ہے، موجودہ منظر نامے میں روپے کی قیمت تقریباً 265 روپے بنتی ہے۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ماہرین کے مطابق درآمدی اشیا اور خام مال کی مانگ میں کمی کی وجہ سے کرنٹ اکاؤنٹ میں توازن حاصل کرنے کی توقع ہے، جس کے نتیجے میں امکان ہے کہ کم از کم آئندہ 6 ماہ تک کوئی خاص اتار چڑھاؤ نہیں آئے گا۔ جو لوگ اثاثے کے طور پر ڈالر جمع کر رہے ہیں وہ گھبرا کر اپنے ڈالر فروخت کر سکتے ہیں۔ پاکستان کو موجودہ صورتحال کو ایک اہم موقع سمجھ کر اس سے فائدہ اٹھانا چاہیے۔ تاہم ماہرین کے مطابق اگر اسی طرح مسلسل کے ساتھ روپے کی قدر بحالی ہوتی رہی تو پٹرولیم مصنوعات کی قیمتوں سمیت دیگر درآمد کی جانے والی اشیاء میں بھی گراوٹ دیکھنے کو مل سکتی ہے۔

    دوسری جانب عالمی مارکیٹ میں قیمتیں بڑھنے کے بعد پاکستان میں فی تولہ سونے کے بھاؤ میں ہزاروں روپے کا بڑا اضافہ دیکھا گیا، بین الاقوامی مارکیٹ میں فی اونس سونے کی قیمت 13 ڈالر اضافے کے بعد 1959 امریکی کرنسی ہو گئی ہے۔ عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، ملتان سمیت دیگر جگہوں پر فی تولہ سونے کی قیمت 4 ہزار روپے بڑھوتری کے بعد 208000 روپے ہو گئی ہے۔ اُدھر دس گرام سونے کی قیمت بھی 3429 روپے بڑے اضافے کے بعد 178326 روپے ہو گئی ہے۔ مزید برآں فی تولہ اور دس گرام چاندی کی قیمتوں میں 50 روپے اور 42.87 روپے کا اضافہ دیکھا گیا اور قدریں بالترتیب 2600 روپے اور 2229.08 روپے ہو گئی ہے۔

    جبکہ ادھر اسٹیٹ بینک کی جانب سے جاری کردہ اعداد و شمار کے مطابق 7 جولائی 2023 کو سٹیٹ بینک کے پاس زرمبادلہ کے ذخائر کا حجم 4.53ارب ڈالر اور کمرشل بینکوں کے پاس زرمبادلہ کے ذخائر کا حجم 5.31ارب ڈالر ریکارڈ کیا گیا۔ تاہم گزشتہ ہفتہ کے دوران زرمبادلہ کے ذخائر میں 61ملین ڈالر کا اضافہ ہوا ۔رواں ہفتے کے دوران، اسٹیٹ بینک کو سعودی عرب سے 2 ارب ڈالر ، متحدہ عرب امارات سے ایک ارب ڈالر اور آئی ایم ایف سے تقریباً 1.2 ارب ڈالر موصول ہوئے ۔ مزکزی بینک کے مطابق یہ رقوم 14 جولائی 2023 کو ختم ہونے والے ہفتے کے لئے ایس بی پی کے زرمبادلہ ذخائر میں ظاہر ہوں گی۔

  • روپے کے مقابلے میں ڈالر کی قیمت میں ایک بار پھر کمی

    روپے کے مقابلے میں ڈالر کی قیمت میں ایک بار پھر کمی

    اسٹیٹ بینک کے اعداد و شمار کے مطابق رواں ہفتے کے تیسرے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں ایک مرتبہ پھر 37 پیسے کی کمی دیکھی گئی ہے.

    اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے تیسرے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں ایک مرتبہ پھر 37 پیسے کی کمی دیکھی گئی۔اسٹیٹ بینک اعداد و شمار کے مطابق انٹر بینک میں روپے کے مقابلے میں امریکی ڈالر کی قیمت 277 روپے 41 پیسے سے کم ہو کر 277 روپے 04 پیسے ہو گئی ہے۔

    مرکزی بینک کے مطابق انٹر بینک میں امریکی ڈالر کے مقابلے میں روپے کی قدر میں 0.13 فیصد کی بحالی دیکھی گئی۔ دوسری طرف اوپن مارکیٹ میں امریکی ڈالر کی قیمت 280 روپے کے قریب پہنچ گئی ہے۔ اُدھر روپے کے مقابلے میں دیگر کرنسیوں میں سعودی ریال کی قدر 73.8554، بھارتی روپیہ کی قیمت 3.356 ، برطانوی پاؤنڈز 352.22، یورو کی قیمت 300 روپے پر پہنچ گئی ہے۔
    مزید یہ بھی پڑھیں؛
    وہاب ریاض نے سوشل میڈیا پر اپنی وائرل ویڈیو پر ہونے والی تنقید پر ردعمل کا اظہار کیا ہے
    عالمگیر ترین کی نماز جنازہ کب ہو گی؟ اعلان ہو گیا
    نواز شریف کو سیاسی انتقام کا نشانہ بنایا گیا،مریم اورنگزیب
    عالمگیر خان ترین کے موت کی خبر نے کر کٹ حلقوں کو بھی سوگوار کر دیا
    تمیم اقبال انٹرنیشنل کرکٹ سے ریٹائر
    بینظیر کفالت سہ ماہی وظائف کی 55ارب 41 کروڑ سے زائد رقم تقسیم
    سوات؛ پہاڑی تودہ گرنے سے جاں بحق ہونے والوں کی تعداد 8 ہوگئی
    جبکہ خیال رہے کہ پیر کے دن بینک کی تعطیلات کے باعث کاروبار نہیں ہو سکا تھا، منگل والے دن امریکی ڈالر کے مقابلے میں 10.55 روپے کی قدر بحال ہوئی تاہم بدھ کو امریکی ڈالر 2 روپے کے قریب اضافہ دیکھا گیا تھا۔ معاشی ماہرین کا کہنا ہے کہ امریکی ڈالر کے مقابلے میں روپے کی قدر اسی طرح بحال ہوتی رہی تو آئندہ چند ہفتوں کے دوران پٹرولیم مصنوعات سمیت درآمد کی جانے والی اشیاء کی قیمتوں میں کمی کی توقع ہے۔

    دوسری جانب ملک پر مجموعی قرضوں کی مالیت 58ہزار 962ارب روپے تک پہنچ گئی، وفاقی حکومت نے مالی سال 23-2022 کے پہلے 11 ماہ کے دوران یومیہ بنیادوں پر 33ارب 89کروڑ روپے کا قرضہ لیا اور وفاقی حکومت نے مالی سال 23-2022 کے پہلے 11 ماہ کے دوران یومیہ بنیادوں پر 33ارب 89کروڑ روپے کا قرضہ لیاملک پر مجموعی قرضوں کی مالیت 58ہزار 962ارب روپے تک پہنچ گئی، مقامی قرضوں میں 5968ارب روپے جبکہ غیرملکی قرضوں میں 5161ارب روپے کا اضافہ ہوا ہے۔

    اسٹیٹ بینک کی طرف سے جاری کردہ اعدادوشمار کے مطابق وفاقی حکومت نے مالی سال 23-2022 کے پہلے 11 ماہ کے دوران یومیہ بنیادوں پر 33ارب 89کروڑ روپے کا قرضہ لیا، اس طرح ہر گھنٹے ایک ارب 40کروڑ 95لاکھ روپے کا قرض لیا گیا۔ اعدادوشمار کے مطابق مئی 2023 کے اختتام پر مقامی قرضوں کی مالیت 37ہزار 54ارب روپے جبکہ غیرملکی قرضوں کی مالیت 21 ہزار908 ارب روپے تک پہنچ گئی۔ قرضوں کی مالیت بڑھانے میں روپے کی بے قدری نے اہم کردار ادا کیا، مجموعی قرضوں کے حجم میں روپے کی بے قدری کی وجہ سے 40فیصد اضافہ ہوا۔ اسٹیٹ بینک کے مطابق جون 2022 کے اختتام پر قرضوں کی مالیت روپے کی قیمت 204.37 روپے پرلگائی گئی جبکہ مئی 2023 میں قرضوں کی مالیت کا تعین 285.38 روپےکی بنیاد پر کیا گیا۔

  • انٹر بینک؛ ڈالر کے مقابلے میں روپے کی قدر میں 3.83 فیصد بحالی ریکارڈ

    انٹر بینک؛ ڈالر کے مقابلے میں روپے کی قدر میں 3.83 فیصد بحالی ریکارڈ

    آئی ایم ایف سے ہونے والے سٹینڈ بائی معاہدے کے بعد معاشی غیر یقینی صورتحال کے بادل چھٹنے پر امریکی ڈالر کے مقابلے میں روپے کی قدر تیزی سے بحال ہونے لگی ہے اور اب اس میں پہلے سے بہتری نوٹ کی گئی ہے جبکہ فاریکس ایسوسی ایشن کا بتانا ہے کہ صبح کاروبار کے آغاز کے ساتھ انٹربینک مارکیٹ میں ڈالر 15 روپے کم ہو کر 271 روپے کی سطح پر آگیا تھا جبکہ تعطیلات سے قبل آخری روز 285.99 روپے پر بند ہوا تھا۔


    علاوہ ازیں اسٹیٹ بینک آف پاکستان کی طرف سے جاری کردہ اعداد و شمار کے مطابق رواں ہفتے کے پہلے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 10 روپے 55 پیسے کی بڑی کمی ریکارڈ کی گئی ہے اور انٹر بینک میں روپے کے مقابلے میں امریکی ڈالر کی قیمت 285 روپے 99 پیسے کی کمی کے بعد 275 روپے 44 پیسے ہو گئی ہے۔
    مزید یہ بھی پڑھیں؛
    صفائی کی مد میں کروڑوں روپے خورد برد کر لیے گئے، میر صادق عمرانی
    عمرانی دورحکومت میں 29 افراد کو فوجی عدالتوں سے سزا سنائی گئی،درخواست دائر
    بھارت کی جانب سے پانی چھوڑنے سے دریائے ستلج میں پانی کا بہاؤ بڑھ سکتا ہے
    خیال رہے کہ اسٹیٹ بینک کے مطابق رواں ہفتے کے پہلے کاروباری روز کے دوران انٹر بینک میں امریکی ڈالر کے مقابلے میں روپے کی قدر میں 3.83 فیصد کی بحالی دیکھی گئی ہے
    اُدھر روپے کے مقابلے میں امریکی ڈالر کی قیمت میں کمی کے بعد ملک پر 1250 ارب روپے سے زائد کے غیر ملکی قرضوں کی کمی ریکارڈ کی گئی جبکہ دوسری طرف گزشتہ روز کی طرح اوپن مارکیٹ میں آج بھی روپے کے مقابلے میں امریکی ڈالر کی قیمت میں 5 روپے کی تنزلی دیکھی گئی اور قیمت 280 روپے کے قریب پہنچ گئی ہے۔

    پاکستان اسٹاک ایکسچینج میں گزشتہ روز کی تاریخی تیزی کے بعد آج مندی کا رجحان دیکھنے میں آیا ہے جبکہ آج 100 انڈیکس میں 341 پوائنٹس کی کمی ریکارڈ کی گئی جس کے بعد انڈیکس 43 ہزار 557 پوائنٹس کی سطح پر بند ہوا ہے۔ کاروباری دن میں 100 انڈیکس 1023 پوائنٹس کے بینڈ میں رہا۔ بازار میں آج 41 کروڑ شیئرز کا کاروبار پونے 16 ارب روپے میں طے ہوا۔ مارکیٹ کیپٹلائزیشن 65 ارب روپے کم ہوکر 6622 ارب روپے ہے۔

  • ڈالر کی قیمت میں ریکارڈ کمی

    ڈالر کی قیمت میں ریکارڈ کمی

    اوپن مارکیٹ میں مزید سستا ہو گیا۔

    باغی ٹی وی: عید الاضحٰی کی چھٹیوں کے بعد ڈالر کی قیمت میں یکدم بڑی کمی ریکارڈکی گئی، آج پیر کو پہلے کاروباری روز کے دوران ڈالر کی قیمت میں مزید 5 روپے کی کمی ریکارڈ کی گئی جس کے بعد ڈالر کی نئی قیمت اوپن مارکیٹ میں 284 روپے پر آگئی ہے۔

    دوسری جانب عالمی مالیاتی ادارے (آئی ایم ایف) اور پاکستان کے درمیان معاہدے کے بعد کاروباری ہفتے کے پہلے ہی روز زبردست تیزی دیکھنے میں آئی، اسٹاک ایکس چینج کے 100 انڈیکس میں 2436 پوائنٹس کا اضافہ ریکارڈ کیا گیا جس کے بعد 100 انڈیکس 43 ہزار 889 کی سطح پر ٹریڈ ہورہا ہے۔آئی ایم ایف سے 3 ارب ڈالر کی اسٹینڈ بائے اریجمنٹ کے بعد پاکستان اسٹاک ایکسچینج کی تاریخ میں پہلی مرتبہ کاروبار کا 2 ہزار 231 پوائنٹس اضافے کے ساتھ آغاز ہوا-

    پاکستان اسٹاک مارکیٹ میں زبردست تیزی

    پاکستان اسٹاک ایکسچینج میں 100 انڈیکس 2 ہزار 400 پوائنٹس کے تاریخی اضافے کے بعد 43 ہزار 853 پر آ گیا ہے۔ عید الاضحیٰ کی تعطیلات سے قبل 100 انڈیکس 41 ہزار 452 پوائنٹس پر بند ہوا تھا۔

    وزیراعظم شہباز شریف نے پاکستان اسٹاک ایکس چینج میں 2 ہزار 231 پوائنٹس کے غیرمعمولی اضافے کے ساتھ کاروبار کے آغاز پر قوم اور کاروباری برادری کو مبارک دی اور کہا کہ الحمدللہ، ملک دوبارہ ترقی کے راستے پر گامزن ہو چکا ہےشدید مایوسیوں کے بعد امید کا نیا سورج طلوع ہو رہا ہے، قوم کو مبارک ہو،آئی ایم ایف سے سٹاف لیول معاہدے اور 3 ارب ڈالر کے سٹینڈ بائی ارینجمنٹ کے نتیجے میں سرمایہ کاروں اور کاروباری برادری کا تیزی سے اعتماد بحال ہو رہا ہے خدا کرے کہ پاکستان کی ترقی کا سفر یوں ہی جاری رہے قائد محمد نوازشریف نے معاشی ترقی، مہنگائی میں کمی اور پاکستان کی تعمیر وترقی کا سفر جہاں چھوڑا تھا، وہیں سے پھر دوبارہ آغاز ہو رہا ہے ہماری مسلسل محنت اور درست پالیسیوں کے نتیجے میں معاشی بحالی کے آثار نمایاں ہونا شروع ہوگئے ہیں-

    آئی ایم ایف کی ایک اور شرط تسلیم، گیس اور بجلی کی قیمت میں اضافہ

  • پاکستان اسٹاک مارکیٹ میں زبردست تیزی

    پاکستان اسٹاک مارکیٹ میں زبردست تیزی

    آئی ایم ایف سے معاہدے کے بعد پاکستان سٹاک ایکسچینج کے انڈیکس میں 2392 سے زائد پوائنٹس کا اضافہ ریکارڈ کیا گیا

    پاکستان اسٹاک مارکیٹ میں زبردست تیزی ،کاروبار کے آغاز پر انڈیکس میں 2200 پوائنٹس کا اضافہ ہوا ہے انڈیکس 43 ہزار 439 پوائنٹس پر ٹریڈ ہو رہا ہے ، 5 فیصد کی تیزی کے سبب ٹریڈنگ عارضی طور پر معطل کردی گئی ،ٹریڈنگ کا دوبارہ آغاز تھوڑی دیر میں ہوگا

    مارکیٹ میں ایک روز کی دوران یہ ریکارڈ اضافہ ہے اسٹاک مارکیٹ میں 9 کروڑ 91 لاکھ سے زائد حصص کا کاروبار ہوا ،
    سٹاک مارکیٹ ریگولیشن کے مطابق پانچ فیصد اضافے یا کمی کے بعد اپر اور لوئر سرکٹ لگا دیے جاتے ہیں جس کے تحت کاروبار عارضی طور پر بند کر دیا جاتا ہے سٹاک ایکسچینج میں زبردست تیزی کے رجحان کی وجہ پاکستان اور آئی ایم ایف کے درمیان معاہدہ ہے جس کی تین دن قبل منظوری دی گئی تھی

    الحمدللہ، ملک دوبارہ ترقی کے راستے پر گامزن ہو چکا،وزیراعظم
    وزیراعظم شہباز شریف نے پاکستان اسٹاک ایکس چینج میں 2 ہزار 231 پوائنٹس کے غیرمعمولی اضافے کے ساتھ کاروبار کے آغاز پر قوم اور کاروباری برادری کو مبارک دی اور کہا کہ الحمدللہ، ملک دوبارہ ترقی کے راستے پر گامزن ہو چکا ہے
    شدید مایوسیوں کے بعد امید کا نیا سورج طلوع ہو رہا ہے، قوم کو مبارک ہو،آئی ایم ایف سے سٹاف لیول معاہدے اور 3 ارب ڈالر کے سٹینڈ بائی ارینجمنٹ کے نتیجے میں سرمایہ کاروں اور کاروباری برادری کا تیزی سے اعتماد بحال ہو رہا ہے خدا کرے کہ پاکستان کی ترقی کا سفر یوں ہی جاری رہے قائد محمد نوازشریف نے معاشی ترقی، مہنگائی میں کمی اور پاکستان کی تعمیر وترقی کا سفر جہاں چھوڑا تھا، وہیں سے پھر دوبارہ آغاز ہو رہا ہے ہماری مسلسل محنت اور درست پالیسیوں کے نتیجے میں معاشی بحالی کے آثار نمایاں ہونا شروع ہوگئے ہیں

    ظفر موتی والا کا کہنا ہے کہ معیشت کیلئے آئی ایم ایف معاہدہ کتنا ضروری تھا اندازہ ہوگیا، مارکیٹ میں جو حصص انڈر ویلیو تھے وہ بحال ہوئے، اسٹاک مارکیٹ اب تیزی کی جانب گامزن ہے

    وفاقی وزیر دفاع خواجہ آصف نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ الحمدللہ تمامتر معاشی نجومیوں کی پیشینگوئیوں کے بر عکس شہباز شریف کی قیادت میں پی ڈی ایم کی مخلوط حکومت نے آئی ایم ایف سے ریلیف حاصل کیا ۔اتحادی جماعتوں کا بھرپور تعاون اور اعتماد نے کامیابی کو ممکن بنایا۔ یہ کامیابی ایک مہلت ھے اور اسکے دوران ھم نے اپنا گھر درست کرنا ھے۔ ٹیکس بجلی گیس اورھر قسم کی چوری کا خاتمہ اشد ضرورت ھے نہیں تو ھمیں اس صورت حال کا خدانخواستہ پھر سامنا کرنا پڑے گا۔ اپنے اور بیگانے نکتہ چینوں سے درخواست ھے کہ حوصلہ رکھیں اور معاشی بحالی میں اپنا کردار ادا کریں جزاک اللہ

    ہوشیار۔! آدھی رات 3 بڑی خبریں آگئی

    زمان پارک کی جادوگرنی، عمران پر دس سال کی پابندی حسان نیازی کہاں؟ پتہ چل گیا

    لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

    لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

    بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

    اینکر پرسن مبشر لقمان اوورسیز پاکستانیوں کی آواز بننے کے لئے میدان میں آ گئے

  • آئی ایم ایف کا اعتراض،بجٹ میں پیش کردہ ٹیکس ایمنسٹی اسکیم واپس لے لی گئی

    آئی ایم ایف کا اعتراض،بجٹ میں پیش کردہ ٹیکس ایمنسٹی اسکیم واپس لے لی گئی

    عالمی مالیاتی فنڈ (آ ئی ایم ایف) کے مطالبے پر بجٹ میں پیش کردہ ٹیکس ایمنسٹی اسکیم واپس لے لی گئی، ایمنسٹی اسکیم کا مقصد ملک میں ڈالر کی قلت پر قابو پانا تھا۔

    باغی ٹی وی: ذرائع کے مطابق بیرون ملک سے ایک لاکھ ڈالر بھجوانے پر ذرائع آمدن ظاہر نہ کرنےکی چھوٹ دی گئی تھی، بیرون ملک سے رقوم بینکنگ چینل کے ذریعے بھیجنےکی شرط عائد کی گئی تھی اور آئی ایم ایف نے اس ایمنسٹی اسکیم پر اعتراض اٹھایا تھا۔

    اس کے علاوہ 2 ہزار سی سی سے بڑی لگژری گاڑیوں پر ٹیکس میں اضافے کی تجویز دی گئی ہے جب کہ کھاد کی فروخت پر 3 روپے فی کلو فیڈرل ایکسائز ڈیوٹی عائد ہے۔

    انسانی اسمگلنگ میں ایجنٹ مافیا کے ساتھ اداروں کے افسرملوث ہوتے ہیں،وزیر دفاع

    خیال رہے کہ پاکستان اور آئی ایم ایف کے درمیان نویں جائزے اور پروگرام کی بحالی کی راہ میں رکاوٹیں دور ہوگئی ہیں وزیراعظم شہباز شریف کی آئی ایم ایف کی ایم ڈی سے ملاقاتوں اور رابطوں سے یہ پیشرفت ممکن ہوئی ہے، وزیراعظم اور ایم ڈی آئی ایم ایف کے درمیان پیرس میں رابطوں اور ملاقاتوں سے بریک تھرو ہوا ہے۔

    جاپان میں نئے جان لیوا وائرس کا انکشاف

    دوسری جانب عالمی مالیاتی ادارے ( آ ئی ایم ایف) کی مشاورت ی مشاورت سے نئے فنانس بل کی تیاری جاری ہےآئی ایم ایف پروگرام کی کامیابی کے لیے نئے بجٹ میں تبدیلیوں کا امکان ہےوزیر خزانہ اسحاق ڈار نے ہفتہ کو اعلان کیا کہ بجٹ میں 215 ارب سے زائد کے نئے ٹیکس عائد کرنے کا فیصلہ کیا گیا ہے، ٹیکس وصولیوں کا ہدف 9 ہزار 200 ارب سے بڑھا کر 9 ہزا 415 ارب کردیا گیا۔

    انسانی اسمگلروں کے خلاف کریک ڈاؤن جاری، 2 انسانی اسمگلرز گرفتار

    ذراٸع کے مطابق آئی ایم ایف کی شرائط پر دی گئی سبسڈی واپس لیے جانے کی تیاری کی جارہی ہے پراپرٹی کی خرید اور فروخت پر ٹیکس ایک فیصد سے بڑھا کر 2 فیصد کرنے کا امکان ہے، پراپرٹی ٹیکس بڑھانے سےحکومت کو 45 ارب کے اضافی ٹیکس وصول ہوں گے کھاد پر 5 فیصد فیڈرل ایکسائز ڈیوٹی عائد کرنے کا بھی امکان ہے، کھاد پر فیڈرل ایکساٸز ڈیوٹی بڑھانے سے 35 ارب اضافی وصول ہوں گے انکم ٹیکس میں سالانہ 24 لاکھ سے زائد آمدن پر ٹیکس 2.5 فیصد اضافہ کیا ہے۔

    منی لانڈرنگ کیس:ضمانت ملنے کے باوجود پرویز الہی کی رہائی نہ ہو سکی

  • غیر قانونی منی چینجرسے تقریباََ ۹ کروڑ ملکی وغیرملکی کرنسی برآمد

    غیر قانونی منی چینجرسے تقریباََ ۹ کروڑ ملکی وغیرملکی کرنسی برآمد

    غیر قانونی کرنسی ایکسچینجز کے خلاف ایف آئی اے اسلام آباد زون نے گھیرا تنگ کر لیا،

    ایف آئی اے کمرشل بینکنگ سرکل اسلام آباد کی گوجر خان میں بڑی کاروائی،غیر قانونی منی چینجر سے تقریباََ ۹ کروڑ ملکی و غیر ملکی کرنسی برآمد کر لی،غیرقانونی کاؤنٹر B پر کرنسی کی خرید و فروخت میں ایک لیگل کرنسی ایکسچینج “ ایزی ایکسچینج” کے ملازمین ملوث نکلے۔ ملازمان لیگل دکان کے علاوہ دوسری جگہ غیر قانونی کاؤنٹر پر غیر ملکی کرنسی کی خریدو فروخت کر رہے تھے۔ ایزی ایکسچینج کا ایک ملازم کیشیر عبدالباسط غیر قانونی کاؤنٹر جبکہ دوسرا اتوار کے دن دکان کا سسٹم بند کر کے out of book غیر قانونی سرگرمی میں مصروف تھا۔ برآمد کی گئی ملکی اور غیر ملکی کرنسی میں امریکی ڈالر برطانوی پاؤنڈ، یورو، ملائیشین رنگٹ ،قطری ریال ،سعودی ریال، اور اماراتی درہم وغیرہ شامل ہیں۔ ایزی ایکسچینج کی برانچ سے out of book کرنسی برآمد ہوئی جیسے قبضہ میں لے لیا گیا۔ کرنسی کی غیر قانونی خرید و فروخت میں ملوث کمپنیوں کے خلاف سخت کاروائیاں جاری رکھی جائے گی. ایف آئی اے کمرشل بینکنگ سرکل اسلام آباد کی ٹیم نے گوجر خان ریلوے روڈ پر چھاپہ مارا جو کے غیر قانونی غیر ملکی کرنسی کی خرید و فروخت میں ملوث تھے۔

    ملازمان نے سرسری دریافت پر انکشاف کیا کہ یہ ایزی ایکسچینج کے ملازم ہیں جو کے ایزی ایکسچینج کے برانچ مینیجر محمد رضوان اور ڈائریکٹر شاہزیب جمیل کے کہنے پر انہی کے پیسوں پر کام کر رہے تھے۔جس کی نشاندہی پر ایزی ایکسچینج کو بھی چیک کیا گیا جو کے بروز اتوار سسٹم کے بغیر کرنسی کی خریدوفروخت میں غیر قانونی طور پر ملوث پایا گیا دکان متذکرہ کی کیش سسٹم سے زیادہ نکلی۔ جسے قبضے میں لے لیا گیا۔ موقع پر موجود ملازمان عبدلباسط، قیصر عباس جعفری، محمد رضوان برانچ مینیجر اور مالک و ڈائریکٹر شاہزیب جمیل کے خلاف مقدمہ درج کر لیا گیا۔ تفتیش جاری ہے۔

    لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
    بینگ سرچ انجن تمام صارفین کیلئے کھول دیا گیا
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا