Tag: ڈاکٹرعامرلیاقت

کراچی: محکمہ صحت سندھ نے ڈاکٹر عامر لیاقت کی موت کی وجہ جاننے کیلئے پولیس سرجن کراچی کو 23 جون کو قبرکشائی کرکے پوسٹ مارٹم کرنے کی ہدایت جاری کردی۔

باغی ٹی وی : تفصیلات کے مطابق پاکستان تحریک انصاف کے ٹکٹ پر رکن قومی اسمبلی منتخب ہونے والے ڈاکٹر عامر لیاقت حسین کی قبر کشائی بحکم عدالت 23 جون کو کی جائے گی تاکہ جسد خاکی کا پوسٹ مارٹم کیا جاسکے۔

عامر لیاقت کی قبر کشائی کی درخواست پر عدالت نے لواحقین کو طلب کر لیا

صوبائی محکمہ صحت نے پولیس سرجن کراچی ڈاکٹر سمیہ سید کی سربراہی میں 4 رکنی میڈیکل بورڈ تشکیل دے دیا ہے، قبر کشائی کے موقع پر متعلقہ مجسٹریٹ اور دیگر پولیس حکام بھی موجود ہوں گے۔

ڈاکٹر عامرلیاقت حسین کی قبر کشائی کر کے ان کے باڈی کے کچھ اعضاء کے نمونے لیے جائیں گے جو کیمیکل ایگزامنینشن کے لیے لبیارٹری بھیجے جائیں گے اور لیبارٹری رپورٹ کے بعد اینکر عامر لیاقت کی موت کی وجہ کا تعین کیا جاسکے گا۔

ڈاکٹر عامر حسین کے پوسٹ مارٹم اور قبر کشائی کے احکامات متعلقہ عدالتی حکم پر کیا جائے گا۔

واضح رہے کہ 9 جون کو ڈاکٹر عامر حسین لیاقت کی پراسرار موت کے بعد ان کے اہل خانہ نے پوسٹ مارٹم کروانے سے انکار کردیا تھا جس پر مجسٹریٹ نے ان کی باڈی کے بیرونی حصّے کا معائنہ کرکے میت کو ورثاء کے حوالے کرنے کا حکم دیا تھا، بعدازاں ڈاکٹر عامر لیاقت کی تدفین عمل میں لائی گئی تھی ڈاکٹر عامر لیاقت حسین 9 جون 2022 بروز جمعرات کو اچانک انتقال ہوگیا تھا۔

عامر لیاقت کی قبر کشائی کیلئے میڈیکل بورڈ کی تشکیل کا حکم

اس سے قبل جوڈیشل مجسٹریٹ شرقی وزیر حسین میمن نے اینکر پرسن عامر لیاقت کی موت کی وجہ جاننے کے لیے سیکریٹری کو صحت میڈیکل بورڈ بنانے کا تحریری حکم جاری کیا تھا اس حوالے سے سٹی کورٹ کے جوڈیشل مجسٹریٹ شرقی وزیر حسین میمن نے سیکریٹری صحت کو ایک خط لکھا تھا خط میں عامر لیاقت حسین کے پوسٹ مارٹم کے لیے ضروری اقدامات کا بھی حکم دیا۔

قبل ازیں بق رکن قومی اسمبلی ڈاکٹرعامر لیاقت کی قبر کشائی اور پوسٹ مارٹم کےحوالہ سے دائر درخواست پر سماعت ہوئی دوران سماعت درخواست گزار کے وکیل بیرسٹر ارسلان نے عدالت میں موقف اپنایا تھا کہ ڈاکٹرعامر لیاقت کی اچانک پراسرار موت ہوئی ہے جس کی وجہ کا تعین بہت ضروری ہے عامر لیاقت حسین کی اچانک موت سے ان کے مداحوں میں شکوک و شبہات ہیںشبہہ ہے کہ عامر لیاقت کو جائداد کے تنازع پر قتل کیا گیا ہےعامر لیاقت کی قبر کشائی اور پوسٹ مارٹم کے لیے خصوصی بورڈ تشکیل جائے کیوں کہ وجہ موت کا سامنے آنا ضروری ہے

دوسری جانب ڈاکٹر عامر لیاقت کی وفات کے باعث خالی ہونے والی این اے 245 کراچی کی نشست پرالیکشن کمیشن نے الیکشن شیڈول کا اعلان کر دیا، اس نشست پر الیکشن 27 جولائی کو ہو گا ضمنی الیکشن کے لئے کاغذات نامزدگی 22 سے 24 جون تک جمع ہوں گے اسکروٹنی27 جون جبکہ حتمی فہرست 6 جولائی کو جاری کی جائے گیامیدواروں کو انتخابی نشان7 جولائی کو جاری کئے جائیں گے

عثمان بزدار کی درخواست ضمانت پر فیصلہ آ گیا

اسلام آباد : وزیراعظم عمران خان سے رکن قومی اسمبلی عامرلیاقت کی ملاقات ہوئی ، عامر لیاقت کا کہنا ہے کہ عمران خان پر امید ہیں تحریک عدم اعتماد ناکام ہو گی۔اس موقع پر عامر لیاقت نے کہا کہ میرے کپتان دل وجان سے عزیز ہیں میں ان کوکیسے چھوڑ سکتا ہوں

تفصیلات کے مطابق وزیراعظم عمران خان سے رکن قومی اسمبلی عامر لیاقت اور ان کی اہلیہ کی ملاقات ہوئی ، ملاقات کے حوالے سے عامر لیاقت نے بتایا ملاقات میں ملک وقوم کے حوالے سے بہت باتیں ہوئیں ، وزیر اعظم سے دوستی پہلے سےتھی ختم نہیں ہوئی

رکن قومی اسمبلی کا کہنا تھا کہ ابھی ووٹ کا فیصلہ نہیں ہوا، عمران خان پُراُمید ہیں تحریک عدم اعتماد ناکام ہو گی، جو ہونے والا ہے وہ نہیں ہونے والا اور جو نہیں ہونے والا وہ ہونے والا ہے۔

اس دوران وزیر اعظم سے ارکان قومی اسمبلی عالیہ حمزہ اورسائرہ بانو کی بھی ملاقات ہوئی ، جس میں وفاقی وزرا اسد عمر، علی زیدی اورمعاون خصوصی عامر ڈوگر بھی موجود تھے۔ارکان قومی اسمبلی نے وزیر اعظم کی قیادت پر مکمل اعتماد کا اظہار کیا۔

اس سے قبل وزیراعظم عمران خان کی زیر صدارت سیاسی کمیٹی کا اجلاس ہوا تھا ، جس میں ملکی سیاسی صورتحال پر مشاورت کی گئی۔

اجلاس میں 27مارچ جلسےکی تیاریوں کے حوالے سے اقدامات کا جائزہ لیاگیا اور اتحادی جماعتوں اور پی ٹی آئی ارکان سے رابطوں پر بریفنگ دی گئی۔

لاہور:عامر لیاقت کی اہلیہ سے علیحدگی، سیّدہ طوبیٰ نے تصدیق کر دی:اپنا معاملہ اللہ کے سپرد کرتی ہوں:اطلاعات کے مطابق پاکستان تحریک انصاف کے رکن قومی اسمبلی عامر لیاقت حسین کی اہلیہ اداکارہ طوبی نے تصدیق کی ہے کہ انہوں نے شوہر سے علیحدگی اختیار کرلی۔

سیدہ طوبیٰ انور نے انسٹاگرام پوسٹ میں تصدیق کی کہ ان کے قریبی رشتے دار اور دوست جانتے ہیں انہوں نے 14 ماہ قبل ہی شوہر سے علیحدگی اختیار کی تھی۔اداکارہ نے شوہر سے علیحدگی کا سبب بتائے بغیر بتایا کہ اب انہیں صلح کی کوئی صورت نظر نہیں آتی، اس لیے وہ خلع کے لیے عدالت سے رجوع کرنے جا رہی ہیں۔

طوبیٰ انور نے میڈیا اور مداحوں سے اپیل کی کہ ان کے مشکل وقت کا بھرم رکھ کر ان کی پرائیویسی کا بھی خیال رکھا جائے۔ ان کے لیے مشکل وقت ہے مگر انہیں یقین ہے خدا ہر کسی کے لیے ہمیشہ اچھے ہی فیصلے کرتے ہیں۔

View this post on Instagram

A post shared by Syeda Tuba Anwar (@syedatuba)

طوبیٰ عامر کی جانب سے شوہر عامر لیاقت سے علیحدگی کی تصدیق کی پوسٹس پر کئی شوبز شخصیات، صحافیوں اور مداحوں نے ان کے لیے نیک خواہشات کا اظہار کیا۔

خیال رہے کہ عامر لیاقت ، طوبیٰ انور سے علیحدگی اور طلاق کی خبروں کی سختی سے تردید کرتے رہے ہیں۔انہوں نے اپنے ویڈیو پیغام میں واضح کیا تھا کہ اُن کی صرف ایک شادی ہے جو طوبیٰ سے ہے۔

قبل ازیں، ہانیہ نامی ایک خاتون نے عامر لیاقت کی تیسری اہلیہ ہونے کا دعویٰ کیا تھا۔

عامر لیاقت حسین کی پہلی شادی

عامر لیاقت نے پہلی شادی سیدہ بشریٰ اقبال سے کی تھی، جن سے ان کے دو بچے ہیں۔ تاہم یہ تعلق 2020 میں طلاق پر منتج ہوا۔ جس پر بشریٰ اقبال کا کہنا تھاک ہ طلاق دینا ایک بات ہے، لیکن طوبیٰ کو کال پر لے کر اس کی درخواست پر ایسا کرنا میرے اور بچوں کے لیے بہت تکلیف دہ اور صدمے کی بات تھی۔

سیدہ بشریٰ اقبال نے مزید لکھا کہ اپنا معاملہ اللہ پر چھوڑتی ہوں۔

عامر لیاقت حسین کی دوسری شادی

پی ٹی آئی رہنما نے 2018 میں پاکستانی ماڈل اور اداکارہ سیدہ طوبیٰ سے دوسری شادی کی۔ سیدہ طوبیٰ رمضان ٹرانسمیشن میں عامر لیاقت کے ساتھ بطور میزبان بھی نظر آئیں۔ عامر لیاقت اور سیدہ طوبیٰ کے درمیان علیحدگی کی افواہیں بھی گزشتہ سال زیر گردش رہیں تاہم انہوں نے افواہوں کی تردید کرتے ہوئے بتایا تھا کہ طوبیٰ اب بھی ان کی اہلیہ ہیں۔

سوشل میڈیا پر چلنے والی افواہوں کے مطابق عامر لیاقت حسین نے نامور اداکارہ اور سوشل میڈیا اسٹار صندل خٹک سے تیسری شادی کی ہے۔صندل خٹک سے اپنی تیسری شادی کے مطابق عامر لیاقت اور صںدل خٹک نے کوئی بیان جاری نہیں کیا اور نہ ہی اس حوالے سے کسی قسم کی تصدیق یا تردید کی ہے۔