Baaghi TV

Tag: ڈاکٹر خالد مقبول صدیقی

  • شرجیل میمن اور خالد مقبول کا پرنس کریم آغا خان کے انتقال پر گہرے دکھ کا اظہار

    شرجیل میمن اور خالد مقبول کا پرنس کریم آغا خان کے انتقال پر گہرے دکھ کا اظہار

    سندھ کے سینئر وزیر شرجیل انعام میمن اور متحدہ قومی موومنٹ پاکستان کے چیئرمین ڈاکٹر خالد مقبول صدیقی نے پرنس کریم آغا خان کے انتقال پر گہرے دکھ کا اظہار کیا ہے۔

    باغی ٹی وی کے مطاببق اپنےتعزیتی پیغام شرجیل انعام میمن نے کہا کہ پرنس کریم آغا خان نے دنیا بھر میں فلاح و بہبود کے لیے بے شمار خدمات انجام دیں۔انہوں نے کہا کہ پرنس کریم آغا خان کی انسانیت سے محبت، تعلیم و فلاح و بہبود کی کاوشیں ناقابل فراموش ہیں۔شرجیل میمن نے کہا کہ دکھ کی اس گھڑی میں حکومت سندھ اسماعیلی برادری اور ان کے چاہنے والوں کے ساتھ ہے۔

    دوسری جانب متحدہ قومی موومنٹ پاکستان کے چیئرمین ڈاکٹر خالد مقبول صدیقی نے اپنے ایک تعزیتی بیان میں پرنس کریم آغا خان مرحوم کے بعد نئے بننے والے پرنس اور ان کے اہلخانہ اور پوری اسماعیلی برادری سے دلی ہمدردی کا اظہار کرتے ہوئے کہا کہ شاہ کریم آغا خان مرحوم نے اپنی زندگی انسانیت کی خدمت، صحت و تعلیم کے فروغ، اور اتحاد کی مثال قائم کرنے کے لیے وقف کر دی۔انہوں نے کہا کہ شاہ کریم آغا خان مرحوم اور ان کے آبا و اجداد کی پاکستان کے لیے کی گئیں خدمات ہمیشہ یاد رکھی جائیں گی۔ڈاکٹر خالد مقبول صدیقی نے دعا کی کہ اللہ تعالٰی مرحوم شاہ کریم آغا خان کے درجات بلند فرمائے، ان کے اہلِ خانہ اور پیروکاروں کو صبرِ جمیل عطا فرمائے۔آمین

    سی آئی اے سب انسپکٹر پر فائرنگ میں پولیس ٹیم ہی ملوث نکلی

    سونا مہنگا، فی تولہ قیمت 3 لاکھ روپے کے قریب پہنچ گئی

    خیبرپختونخوا میں میٹرک اور انٹر کے سالانہ امتحانات ملتوی

    شہریوں کو لوٹنے والے 3 جعلی کانسٹیبلز اصلی پولیس کے ہتھے چڑھ گئے

  • وفاقی وزیرتعلیم کی کراچی میں 2 جامعات کے افتتاح کی خوشخبری

    وفاقی وزیرتعلیم کی کراچی میں 2 جامعات کے افتتاح کی خوشخبری

    وفاقی وزیر تعلیم ڈاکٹر خالد مقبول کی کوششوں سے دسمبر میں دو مزید یونیورسٹیاں کراچی کو ملیں گی۔

    باغی ٹی وی کے مطابق وفاقی وزیر تعلیم ڈاکٹر خالد مقبول صدیقی نے کہا ہے کہ 14 دسمبر کو کراچی میں نیشنل ٹیکسٹائل یونیورسٹی کیمپس کا افتتاح ہوگا جبکہ دسمبر میں ہی نیشنل اسکلز یونیورسٹی کا کیمپس بھی کراچی کو دینے جارہے ہیں۔خالد مقبول نے کہا کہ اگلے سال مارچ میں میرپورخاص میں بھی وفاقی یونیورسٹی کے کیمپس کا قیام عمل میں لایا جائے گا جس سے میرپورخاص سمیت سانگھڑ، عمر کوٹ اور تھرپارکر کے طالبعلم مستفید ہوں گے۔انہوں نے کہا کہ ایم کیو ایم پاکستان ملک بھر میں جامعات قائم کرکے علم و آگہی کی روشنی پھیلائے گی، یونیورسٹی کیمپس کیلئے جگہیں دیکھ رکھی ہیں لیکن زمین حاصل کرنے میں مشکلات اور رکاوٹیں ہیں۔خالد مقبول صدیقی نے کہا کہ ایسی جگہیں بھی ہیں جو دس دس سال سے بند پڑی ہیں لیکن انکو حاصل کرنا مشکل بنایا جارہا ہے، سندھ کو 20 یونیورسٹیاں وفاق سے دینے کا وعدہ پورا کروں گا۔

    سندھ حکومت کا 30 اضلاع میں کھلاڑیوں کے لئے ونٹر کوچنگ کیمپ کا اعلان

    باغیوں کی پیش قدمی، بشار الاسد کابینہ فرار ہونے کیلئے فوجی بیس پر جمع

    فاروق ستار سے کراچی مارکیٹوں کے نمائندہ وفود کی ملاقات

    بارات کی فائرنگ سے موت، دولہےاور والد کے خلاف مقدمہ درج

  • ماؤں سے گزارش ہے کہ بیٹیوں کو نشتر پکڑنا بھی سکھائیں، خالد مقبول صدیقی

    ماؤں سے گزارش ہے کہ بیٹیوں کو نشتر پکڑنا بھی سکھائیں، خالد مقبول صدیقی

    متحدہ قومی موومنٹ پاکستان سرجانی ٹاؤن کے زیر اہتمام ویژن آف فیوچر کے نام سے تقریب کا انعقاد کیا گیا۔

    باغی ٹی وی کی رپورٹ کے مطابق تقریب میں شرکاء سے خطاب کرتے ہوئے چیئرمین ایم کیو ایم ڈاکٹر خالد مقبول صدیقی نے کہا کہ ایم کیو ایم شہری علاقوں کا مُکمل مینڈیٹ رکھنے والی جماعت ہے کامیاب یوتھ کنونشن کے انعقاد سے کراچی اور حیدرآباد کے نوجوانوں نے بتا دیا کہ وه سب اُس تنظیم کے ساتھ کھڑے ہیں جس نے پاکستان کو ایسا طرزِ سیاست دیا ہے جس نے ایوانوں کو ہلا دیا ہے انہوں نے کہا کہ ایم کیو ایم ختم نہیں ہوئی ہے بلکہ دشمنوں میں مایوسی پھیل گئی ہے ایم کیو ایم نے کوٹہ سسٹم کے خاتمے کا حل نکال کر قوم کو دے دیا ہے نوجوانوں تیار رہو عنقریب کراچی حیدر آباد میرپور خاص میں دُنیا کی مایہ ناز جامعات کے کیمپس کھلنے جارہے ہیں، ڈاکٹر خالد مقبول صدیقی نے مزید کہا کہ ماؤں سے گزارش ہے کہ بیٹیوں کو صِرف چمٹا ہی نہیں نشتر پکڑنا بھی سکھائیں گھر چلانا ہی نہیں مُلک چلانا بھی سکھائیں یہی ہمارے دین کا بھی تقاضہ ہے انہوں نے نوجوانوں کو مخاطب کرتے ہوئے کہا کہ خود کو قابل بنائیں اِس مُلک کے ایوان آپ کے مُنتظر ہیں یہ مُلک شہر اور یہ تنظیم آپ کی ہے وطن بنانے والے ہمارے اجداد تھے بچانے والے ہم ہیں چلانے والے آپ نوجوان ہوں گے، سینئر مرکزی رہنماء و رکن قومی اسمبلی ڈاکٹر فاروق ستار نے شرکاء سے خطاب کرتے ہوئے کہا کہ آج کا یوتھ کنونشن صرف ٹریلر ہے بہت جلد سرجانی ٹاؤن میں نوجوانوں کا جلسہ منعقد کیا جائے گا ایم کیو ایم نوجوانوں کو اس شہر کی قیادت دینے جارہی ہے۔ انہوں نے کہا کہ کراچی اور حیدرآباد کے کامیاب اور فقید المثال جلسوں نے ثابت کردیا کہ نوجوان ایم کیو ایم کے ساتھ کھڑے ہیں اور وہ وقت بھی آگیا ہے کہ نوجوان نسل کو بلدیاتی کونسلز صوبائی اور قومی اسمبلیوں میں بھیجا جائے نوجوانوں کو نئے عہد سے جوڑ کر کراچی کو اِس قابل بنانا ہے کہ یہ شہر پُورے پاکستان کو لیڈ کرے ہم شہری سندھ کے نوجوانوں کو تعلیمی اور معاشی طور پر خود مختار بنانا چاہتے ہیں تاکہ وہ دنیا بھر میں پاکستان کی نمائندگی کرسکیں اور ساتھ ہی چیئرمین ایم کیو ایم سے بھی سفارش کرونگا کہ کراچی کا اگلا میئر اس شہر کی بیٹی ہو۔ انہوں نے مزید کہا کہ دؤر حاضر میں وقت کو بربادی سے بچا کر اسے اپنے لئے سود مند بنانا ہے ہمیں قدرتی وسائل اور توانائی کی بچت کو فروغ دے کر توانائی کی گھمبیر صورتِ حال سے نبردآزما ہونا ہے غیر نصابی سرگرمیوں کی آگاہی بھی معاشرے کیلئے ناگزیر ہوچکی ہے۔ ڈاکٹر فاروق ستار نے پیپلز پارٹی کی قیادت کو مخاطب کرتے ہوئے کہا کہ سیاسی اختلافات کو بھلا کر شہر کی ترقی و تعمیر کیلئے ہمیں ساتھ بیٹھنا ہوگا مل کر عوامی مسائل کے حل کیلئے کوشش کرتے ہیں تم سیوریج کے نظام کو بہتر بناؤ ہم سڑک کی تعمیر کرینگے، انہوں سرجانی میں قابضہ مافیا کو بھی متنبہ کرتے ہوئے کہا کہ ہوش کے ناخن لو اگر شہری اداروں نے اگر قبضہ مافیا کو لگام نہیں ڈالی تو یہ ہُنر ہمیں آتا ہے۔ حق پرست ایم پی اے شیخ عبداللہ نے شرکاء سے گفتگو کرتے ہوئے کہا کہ شہر سندھ کے نوجوانوں کو روزگار سے محروم کیا جارہا ہے اس محرومی کے خاتمے کیلئے ایم کیو ایم تسلسل سے کوشش کررہی ہے ایم کیو ایم عوام کو آی ٹی کی تعلیم دے کر خود مختار اور خود کفیل بنانے کیلئے کام کر رہی ہے تاکہ نوجوانوں احساس محرومی سے نکل کر اپنے پیروں پر کھڑے ہوسکیں۔ اس موقع پر سینئر مرکزی رہنماء انیس احمد قائم خانی سمیت دیگر مرکزی رہنماء، انچارج سی او سی فرقان اطیب و اراکین سی او سی، رکن صوبائی اسمبلی ریحان اکرم اور سرجانی ٹاؤن کے نوجوانوں نے بڑی تعداد میں شرکت کی۔

    اپوزیشن لیڈر علی خورشیدی کو کراچی کے ٹریفک مسائل پر گہری تشویش

    کیماڑی پولیس کا منشیات اڈے پر چھاپہ،لیاری گینگ کمانڈر ساتھیوں سمیت گرفتار

    کراچی پولیس کی انسداد جرائم کے خلاف ہفتہ وار کاروائیوں کی رپورٹ

    کراچی:اسٹیل ٹائون انسپکٹر کے اغوا کا مقدمہ درج، چھالیہ کے گودام سیل ، ملزم گرفتار

    ناکام احتجاجی مظاہرے، بلوچ یکجہتی کمیٹی غیور بلوچوں کو بہکانے میں مکمل ناکام

    قائداعظم ٹرافی ،کراچی بلوز نے کوئٹہ کو 9 وکٹوں سے ہرادیا

  • خالد مقبول صدیقی کا فلسطینی طلبہ کیلئے تعلیمی اسکالرشپ میں اضافے کا اعلان

    خالد مقبول صدیقی کا فلسطینی طلبہ کیلئے تعلیمی اسکالرشپ میں اضافے کا اعلان

    ڈاکٹر خالد مقبول صدیقی نے پاکستان میں فلسطینی طلبہ کیلئے تعلیمی اسکالرشپ میں اضافے کا بھی اعلان کرتے ہوئے کہا ہے کہ پاکستان اس حوالے سے اپنے تمام تر وسائل بروئے کارلارہا ہے۔

    باغٰ ٹی وی کی رپورٹ کے مطابق عمان کے دارالحکومت مسقط میں اسلامی ممالک کے وزرائے تعلیم کی منعقدہ کانفرنس سے خطاب کرتے ہوئے متحدہ قومی موومنٹ پاکستان کے چیئرمین اور پاکستان کے وفاقی وزیر تعلیم نے کہا ہے کہ تاریخ کے اس اہم ترین اور فیصلہ کُن موڑ پر برادر اسلامی ممالک کو فلسطین میں جاری اسرائیلی جارحیت سے متاثر فلسطین نظام تعلیم، تعلیمی انفراسٹرکچر اور طالبعلموں کی مدد کرنا ہمارا دینی اور تاریخی فریضہ ہے، ہمیں مشکل کی اس گھڑی میں اپنے فلسطینی بھائیوں کو تنہا نہیں چھوڑنا چاہئے ورنہ تاریخ ہمیں معاف نہیں کرے گی۔ انہوں نے کہا کہ پاکستان کی وزرات تعلیم کی جانب سے ہدایت جاری کردی گئی ہیں کہ فلسطین میں اسرائیلی جارحیت کے باعث جو طلبہ اپنی تعلیم جاری رکھنے سے قاصر ہیں انہیں پاکستان کی جامعات میں ان کی تعلیم جاری رکھنے کے مواقع فراہم کرنے کیلئے اقدامات کئے جائیں۔

    انہوں نے کانفرنس میں دیگر اسلامی ممالک کے وزرائے تعلیم سے درخواست کرتے ہوئے کہا کہ ہمیں اس کڑے وقت میں اپنے فلسطینی بھائیوں کی ہر ممکن مدد کرنا چاہیے۔

    مصطفیٰ کمال کا ناردرن بائی پاس کو ڈبل ٹریک کرنے اور مکمل کارآمد بنانے کا مطالبہ

  • پاکستان میں دو قومیں رہتی ہیں ایک ظالم دوسری مظلوم ہے ،خالد مقبول صدیقی

    پاکستان میں دو قومیں رہتی ہیں ایک ظالم دوسری مظلوم ہے ،خالد مقبول صدیقی

    کراچی: متحدہ قومی موومنٹ (ایم کیو ایم) پاکستان خالد مقبول صدیقی کاکہنا ہے کہ پاکستان میں دو قومیں رہتی ہیں ایک ظالم دوسری مظلوم ہے ہم مصلحتاً بھی منافقت نہیں کرنا چاہتے-

    باغی ٹی وی: کراچی میں پاکستان ہاؤس میں منعقدہ پروگرام میں شرکاسے خطاب کرتے ہوئے ڈاکٹر خالد مقبول صدیقی کا کہنا تھا کہ آپ ارادے کے ساتھ آئے ہیں اور ہم بھی ارادے کے ساتھ جڑے ہوئے ہیں امید ہےکہ آپ سب بھی نئے لوگوں کو تنظیم میں شامل کرائیں گے، ملک کے 4 صوبے ہیں جنکی شناخت لسانی ہے ان صوبوں کی تقسیم انگریز کر کے گیا ہے،آپ کا حکمران چاہتا ہے کہ قوم عقیدے، مذہب اور مسلک کے نام پر تقسیم رہے،تاکہ ان کے مفادات محفوظ رہیں۔

    ڈاکٹر خالد مقبول صدیقی کا کہنا ہے کہ بھٹو صاحب 1970ء میں پنجاب کی حمایت سے جیتے تھے اور حکومت بنائی تھی، مگر انہوں نے پنجاب میں کوئی پیکیج نہیں دیا، سندھ میں دیا پنجاب میں شہروں اور دیہات میں پنجابی بولنے والے رہتے ہیں، سندھ میں صورتِ حال مختلف ہے ایم کیو ایم لسانی نہیں قومی فکر رکھتی ہے، پاکستان میں دو قومیں رہتی ہیں ایک ظالم دوسری مظلوم ہے ہم مصلحتاً بھی منافقت نہیں کرنا چاہتے، 1987ء میں بلدیاتی انتخابات میں ایم کیو ایم نے 2 شہروں سے حصہ لیا اور کامیاب ہو گئی۔

    ‘یار بلوچ’ مجھے اونچی آواز میں صدر نہ کہو کہیں مولانا نہ سن لیں،آصف زرداری

    یوکرین کا روس پر جوابی حملہ،14 افراد ہلاک

    سال 2023 ایوی ایشن سیکٹر کے لیے تباہ کن رہا

  • حکومت سے خراب معاملات کی وجہ گورنر سندھ اور اسد عمرہیں ،سربراہ ایم کیوایم

    حکومت سے خراب معاملات کی وجہ گورنر سندھ اور اسد عمرہیں ،سربراہ ایم کیوایم

    سربراہ ایم کیو ایم ڈاکٹر خالد مقبول صدیقی کا کہنا ہے کہ حکومت سے ہمارے معاملات گورنر سندھ اور اسد عمر کے آمرانہ رویے کے باعث خراب ہوئے-

    باغی ٹی وی : نجی خبررساں ادارے کو دیئے گئے انٹرویو میں سربراہ ایم کیو ایم ڈاکٹر خالد مقبول صدیقی کا کہنا تھا کہ گورنر صاحب 4 بجے سو کر اٹھتے تھے اور 7 بجے کے بعد کسی اور ہی موڈ میں ہوتے تھے-

    ناظم جوکھیو قتل کیس کے ملزم ایم این اے جام عبدالکریم پاکستان پہنچ گئے

    ان کا کہنا تھا کہ ان 3 گھنٹوں میں جب بھی فون کیا ہم سے بات نہیں کرائی گئی پھر ایک دن ان کے دوست بٹ نامی صاحب آئے اور کہا کہ 1 کروڑ روپیہ فی بندہ لگے گا اگر گرفتار بندوں کو چھڑوانا چاہتے ہیں-

    ڈاکٹرخالدمقبول صدیقی نے کہا کہ پی ٹی آئی حکومت میں آکے بہت برے طریقے سے ایکسپوز ہوگئی، پی ٹی آئی حکومت بغیر ہوم ورک کے آئی تھی جو آئے اُن کی بھی غلطی اور جو لائے تھے اُن کی بھی غلطی تھی-

    انہوں نے کہا کہ مجھے جب وزیراعظم عمران خان کی حکومت بچتی ہوئی نظر نہیں آئی تو میں نے وزیراعظم کو استعفٰی دے کر پی ٹی آئی کی حکومت بچانے کا کہا تو وہ ناراض ہوگئے انہوں نے دعویٰ کیا کہ اگرہمیں دو وزارتین اور گورنرشپ چاہئے ہوتی تو دو دن میں مل جاتی-

    واضح رہے کہ گزشتہ روز ایم کیو ایم نے باضابطہ طور پر حکومت سے علیحدگی اور اپوزیشن سے اتحاد کا اعلان کیا تھا اسلام آباد میں بلاول بھٹو،شہبازشریف اور مولانا فضل الرحمان کے ساتھ مشترکہ پریس کانفرنس کرتے ہوئے ایم کیو ایم کے کنوینئر خالد مقبول صدیقی نے کہا تھا کہ آج تاریخی موقع پر جمع ہوئے ہیں، قومی قیادت امتحان سے گزر رہی ہے، یہ مبارکبادوں سے زیادہ امتحان کا دن ہے، ایسے میں ہم نے نئی امیدیں لیکر اپوزیشن کے ساتھ چلنے کا فیصلہ کیا ہے۔

    پیپلز پارٹی اور ایم کیو ایم کا معاہدہ مہاجر برائے فروخت معاہدہ ہے : مصطفیٰ کمال

    خالد مقبول نے کہا تھا کہ ہم چاہتے ہیں سیاسی اختلافات ختم کرکے آگے بڑھیں اور ایسے دور کا آغاز ہو جہاں سیاسی اختلاف ، ذاتی دشمنی نہ سمجھی جائے، تبدیلی کے اس سفر میں اب متحدہ اپوزیشن کے ساتھ ہیں، امید ہے آنے والی تبدیلی ملک کے لیے اچھی ثابت ہوگی زشتہ اسمبلی میں ہماری 26 نشستیں تھیں جن کو 7 کردیا گیا، اس کے باوجود نہ ہماری 7 نشستوں کے بغیر حکومت بن سکتی ہے اور نہ ہی جاسکتی ہے۔

    شہباز شریف نے کہا تھا کہ آصف زرداری اور بلاول بھٹو نے ایم کیو ایم کے ساتھ کھلے دل سے مذاکرات کیے، پی پی پی اور ایم کیو ایم نے ماضی کو ایک طرف رکھ کر نئے سفر کا آغاز کیا، ملکی تاریخ میں آج اہم دن ہے، اپوزیشن کا متحدہ قومی جرگہ آج بیٹھا ہے، ایم کیو ایم کے دوستوں کا شکریہ ادا کرتا ہوں، وزیراعظم عمران خان کو چاہیے کہ استعفی دے دیں، ان سے امید تو نہیں لیکن وہ نئی ریت کا آغاز کرسکتے ہیں۔

    بلاول بھٹو زرداری نے ایم کیو ایم کا شکریہ ادا کرتے ہوئے کہا تھا کہ سینیٹ الیکشن کے وقت بھی خواہش تھی کہ ایم کیو ایم سے اتحاد ہو اور ہم نے انہیں سندھ میں مل کر کام کرنے کی پیشکش تھی، 2018 میں الیکشن کے نام پر سلیکشن ہوئی، ملک اور ساری سیاسی جماعتوں کیخلاف سازش کی گئی پی پی اور ایم کیو ایم میں دوری کے باعث کراچی کا نقصان ہوا، اب تمام قومی قیادت ایک صفحے پر جمع ہوچکی ہے جس کے نتیجے میں وزیراعظم عمران خان اپنی اکثریت کھو چکے ہیں، عمران خان وزیراعظم نہیں رہے اور ان کے پاس استعفی کے سوا کوئی آپشن نہیں رہا۔

    بے فکر رہیں اسمبلی میں اپوزیشن کا پارہ مائنس 160 ہوگا : حلیم عادل شیخ