Tag: ڈاکٹر طارق سلیم

راولپنڈی:امیرجماعت اسلامی شمالی پنجاب ڈاکٹرطارق سلیم تنظیمی دورے پر یورپ روانہ،اقبال خان قائمقام امیرصوبہ مقرر،حلف کے بعد ذمہ داریاں سنبھال لیں۔صوبائی سیکرٹریٹ میں منعقدہ تقریب میں صوبائی ڈپٹی سیکرٹریزجنرل ڈاکٹرحمیداللہ ملک،حافظ تنویراحمد،سیکرٹری اطلاعات انعام الحق اعوان،صدرجے آئی یوتھ اویس اسلم مرزا،محمداطہرشیخ،مولانا غیاث احمدسمیت راولپنڈی واسلام آباد کے ذمہ داران شریک تھے۔اس موقع پر گفتگو کرتے ہوئے قائمقام امیرصوبہ اقبال خان نے کہاکہ 26اگست کو اضلاع کی سطح پر جماعت اسلامی کے یوم تاسیس کی تقاریب منعقد ہوں گی،اس موقع پر کشمیرکے مظلوم عوام سے اظہاریکجہتی سمیت تاسیس پاکستان کے مقاصدکوبھی اجاگرکیا جائے گا۔انھوں نے کہاکہ ہندوستان نے مقبوضہ کشمیرمیں ظلم کی انتہا کردی ہے حریت کانفرنس اور جماعت اسلامی سمیت تمام سیاسی قیادت پابند سلاسل ہے اور نریندرمودی کے غنڈوں کے ہاتھوں اہل کشمیر کی مال،جان اورعزت وآبرو محفوظ نہیں ہندوستانی فوجی اورآرایس ایس کے درندے گھروں میں گھس کربہنوں اوربیٹیوں کی عصمتیں لوٹ رہے ہیں ان بدترین حالات کے باوجودپاکستانی حکمران بیان بازی سے آگے بڑھنے کیلئے تیارنہیں کشمیری عوام کی نسل کشی اورمظالم کے خلاف جماعت اسلامی ملک بھرمیں آوازبلند کررہی ہے،22کروڑ عوام کواپنے مظلوم مسلمان بھائیوں اوربہنوں کیلئے توانا آوازبننا ہوگا تاکہ نام نہاد عالمی برادری کی بے حسی ختم ہواوروہ بیدارہوکرنریندرموذی کے خلاف موثرکاروائی کرے۔

راولپنڈی :امیرجماعت اسلامی پنجاب ڈاکٹرطارق سلیم نے کہاہے کہ عمران خان کی وفاقی اورعثمان بزدارکی پنجاب حکومت سابقہ بدترین حکومتوں کا تسلسل ہیں آئی ایم ایف سمیت پوری دنیا سے بھیک مانگتے والے ماموں چاچوں کونوازنے کیلئے نئے نئے عہدے پیداکرکے قومی خزانے کوچونا لگارہے ہیں،پنجاب حکومت کا اپنے اورپارٹی دفاع کیلئے 40ترجمان مقرر کرنا شرمناک اقدام ہے حکومت ہوش کے ناخن لے اورعوامی خزانے کوشیرمادرنہ سمجھے۔ وزیرخارجہ،مقبوضہ کشمیراورپاکستان کولاشوں کے تحفے دینے والے ہندوستان کوملتانی سوہن حلوہ بھجوارہے ہیں ساڑھی اورآم کی پیٹیوں والی ن لیگ اور تحریک انصاف میں کوئی فرق نہیں مودی سے محبت کرنے والے پاکستان کے حکمران بنے بیٹھے ہیں،جماعت اسلامی کشمیرکازکی مکمل پشتیانی جاری رکھے گی۔ ان خیالات کااظہارانھوں نے حشمت علی کالج گراؤنڈ میں کشمیر کنگز اور جے آئی یوتھ کے اشتراک سے منعقد ہونے والی برہان وانی رمضان کرکٹ کپ کی تقریب اور عوامی افطارپروگرامات میں خطاب کرتے ہوئے کیا۔تقریب میں صدرجے آئی یوتھ پاکستان زبیراحمدگوندل،صدرجے آئی یوتھ آزادجمو ں کشمیر،صدرجے آئی یوتھ پنجاب اویس اسلم مرزا،اطہرشیخ،قاضی شوکت محمود،ضیاء اللہ چوہان سمیت دیگرنے بھی خطاب کیا۔ڈاکٹرطارق سلیم نے کہاکہ برہان وانی رمضان کرکٹ کپ کے انعقاد سے دنیا میں کشمیر کے حوالے سے امن کا پیغام فروع پائے گااس کے ذریعے نوجوانوں کو صحت مند اور مثبت سرگرمی فراہم کی جارہی ہے۔ انھوں نے کہاکہ اس وقت بھارت نے کشمیر کے گراونڈز کو فوجی چھاونی میں تبدیل کر دیا ہے، ایک دن آئے گا کہ جب کشمیر کے گراونڈزبھی اسی طرح آباد ہوں گے