Tag: ڈریپ

اسلام آباد: ڈرگ ریگولیٹری اتھارٹی آف پاکستان (ڈریپ) نے مارکیٹ میں دستیاب 5 غیرمعیاری سیرپ کی نشاندہی کرتے ہوئے الرٹ جاری کردیا۔

باغی ٹی وی :بزنس ریکارڈر کی رپورٹ کے مطابق مذکورہ سیرپ میںTexcol DM 10mg/5ml syrup، Cestonil Plus syrup، Speczine 5mg/5ml Syrup، Aphylin Syrup اور Zolint Suspension شامل ہیں۔

ڈریپ کی طرف سے جاری کردہ الرٹ میں کہا گیا کہ ڈائریکٹوریٹ آف ڈرگز کنٹرول (ڈی ڈی سی)، پنجاب نے مذکورہ سیرپ کی تیاریوں میں ایتھیلین گلائکول اور ڈائی ایتھیلین گلائکول کی نشاندہی کی ہے۔ ڈرگ ٹیسٹنگ لیبارٹریز کے تجزیے نے ان سیرپ کو غیر معیاری قرار پایا ہے۔

ڈریپ نے ہیلتھ پروفیشنل اور صارفین کو مشورہ دیا ہے کہ بیچ نمبر اور کمپوزیشن کے ساتھ پانچ سیرپ کے استعمال سے گریز کریں-

(i) لاہور میں تیار کردہ Cestonil Plus شربت بیچ نمبر 061357 کمپوزیشن تھامین 1.75mg، Riboflavin 2.62mg، Pyridoxine 1.54mg، Nicotinamide 10.50mg M/s Razzee Therapeutics۔

(ii) لاہور میں تیار کردہ Texcol DM 10mg/5ml سیرپ بیچ نمبر 09980 کمپوزیشن Dextromethorphan جو M/s Razzee Therapeutics نے تیار کیا ہے۔

(iii) Spectrum Laboratories کے تحت لاہور میں تیار کردہ Speczine 5mg/5ml Syrup بیچ نمبر 280 287 کمپوزیشن Promethazine

(iv) Obsons Pharmaceuticals کے تحت لاہور میں تیار کردہ Aphylin Syrup کا بیچ نمبر 24B056 مرکب Aminophylline 32mg, Diphenhydramine 8mg, Ammonium HCl 30mg

(v) Libra (Private) Ltd کے تحت پشاور میں تیار کردہ Zolint Suspension بیچ نمبر 24003 مرکب Furazolidone 25mg/5ml، Metronidazole 75mg/5ml۔

واضح رہے کہ Di-ethylene Glycol (DEG) اور Ethylene Glycol (EG) کے صحت پر سنگین نتائج کا باعث بنتے ہیں۔

اسلام آباد: ڈرگ ریگولیٹری اتھارٹی آف پاکستان (ڈریپ) نے کھانسی کے شربت میں زہریلے مادے کا ا لرٹ جاری کیا ہے-

باغی ٹی وی : ڈریپ نے جمعرات کو ایک ”ریپڈ الرٹ“ جاری کرتے ہوئے کہا ہے کہ اس نے کھانسی کے سیرپ میں استعمال ہونے والے خام مال میں زہریلے اجزا پکڑے ہیں یہ زہریلے اجزا خام مال کی ایک خاص کھیپ یا بیچ میں پائے گئے ہیں تاہم جس کمپنی نے یہ کھیپ بھیجی تھی اس کے دیگر بیچزسے تیار کردہ کھانسی کا سیرپ مارکیٹ سے اٹھانے اور جانچ کے بعد ہی جاری کرنے کا حکم دیا گیا ہےیہ کیمیکل تھائی لینڈ کی کمپنی ڈاؤ کیمیکل سے درآمد کیا گیا تھا۔

برطانوی خبر رساں ادارے کے مطابق ڈریپ کے مطابق ڈاؤ کیمیکل کے درآمد شدہ خام مادے پروپلین گلائیکول کی کھیپ نمبر C815N30R41 میں مضرِصحت کثافتوں کی مقدار پائی گئی مذکورہ کھیپ ضبط کر لی گئی ہے اور اس کی پوری سپلائی چین کے حوالے سے تحقیقات کی جا رہی ہیں ڈریپ کا کہنا ہےکہ بدنیتی ثابت ہوئی تو ملوث افراد کے خلاف کرمنل کیس فائل کریں گے، تاہم ڈاؤ کییمکل نے فوری طور پر کوئی ردعمل نہیں کیا۔

ٹکٹوں کی تقسیم پر بلوچستان میں پی پی پی اندرونی اختلافات کا شکار

ڈریپ نے کہاکہ کراچی میں سینٹرل ڈرگ اتھارٹی میں ایک نمونے کا جائزہ لیا گیا جس میں مذکورہ کھیپ میں ایتھلین گلائیکول کی حد سے زیادہ مقدار پائی گئی جو صحت کے لیے سنگین مسائل پیدا کر سکتی ہے ایتھلین گلائیکول جسم میں جانے سے مرکزی اعصابی نظام، دل اور گردوں کو نقصان پہنچ سکتا ہے۔

برطانوی خبر رساں ادارے کے مطابق یہ واضح نہیں ہے کہ درآمد شدہ کھیپ کے ذریعے مقامی سطح پر سیرپ تیار کیے گئے تھے یا نہیں، تاہم ڈریپ نے حکم دیا ہے کہ ڈاؤ کیمیکل تھائی لینڈ سے جتنا بھی پروپلین گلائیکول منگوایا گیا ہے اس کی تمام کھیپوں سے تیار کردہ سیرپ کو مارکیٹ میں روک لیا جائے۔

عام انتخابات، آصفہ بھٹو انتخابی مہم چلانے کے لئے میدان میں آ گئیں

واضح رہے کہ یہ واقعہ ایسے وقت پر سامنے آیا ہے جب انڈونیشیا، گمبیا اور ازبکستان میں 300 بچوں کی ہلاکت کا سبب پروپلین گلائیکول کو قرار دیا جا رہا ہے پروپلین گلائیکول کھانسی کے شربت میں عام استعمال ہوتا ہے تاہم درآمدی کھیپ نمبر C815N30R41 میں مضرصحت کثافتیں یا زہریلے مادے شامل پائے گئے ہیں۔

اسلام آباد: ڈریپ نے سیرپ بنانے والی تمام فارماسوٹیکل کمپنیوں کو گلیسرین اور سوربیٹول ٹیسٹ کرنے کی ہدایت کردی ہے-

باغی ٹی وی: تفصیلات کے مطابق ڈبلیو ایچ او کا کہناتھا کہ لاہور کی فارماسیوٹیکل کمپنی کے بنائے ہوئے کھانسی کے شربت میں زہریلی کثافتیں پائی گئیں،غیر معیاری سیرپ مالدیپ، نجی سمیت کئی ممالک میں پایا گیاڈریپ کا کہنا ہے کہ متعلقہ فارماسیوٹیکل کمپنی کاسیرپ سیکشن پچھلے ماہ بند کر چکے ہیں۔

دوسری جانب ڈریپ نے سیرپ بنانے والی تمام فارماسوٹیکل کمپنیوں کو گلیسرین اور سوربیٹول ٹیسٹ کرنے کی ہدایت کردی ہے، ترجمان ڈریپ کی جانب سے بیان میں کہا گیا ہے کہ گلیسرین اور سوربیٹول کھانسی اور الرجی کا شربت بنانے میں استعمال کی جاتی ہے، سیرپ بنانے والی تمام فارماسوٹیکل کمپنیاں گلیسرین ٹیسٹ کرکے استعمال کریں جعلی اور ان رجسٹرڈ ادویات بیچنے والوں کے خلاف کارروائی کی جارہی ہے۔

ڈالر کی قیمت کتنی کم ہو نے کا امکان ہے؟

لاہور کی سڑکوں اور شاہراہوں کے واشنگ پروگرام کا باضابطہ آغاز

ٹھٹھہ:جئے سندھ محاذ نے NGO سے تمام سرکاری ہسپتال واپس لینے کیلئے تحریک چلانے …

اسلام آباد: ملک میں ضروری ادویات کی عدم دستیابی کے معاملے پر پیشرفت ہوئی ہے۔

باغی ٹی وی: ڈرگ ریگولیٹری اتھارٹی نے کہا ہے کہ عدم دستیاب دواؤں کی ترجیحی بنیادوں پر رجسٹریشن کی جائے گی اور200 ادویات کی قیمتوں میں اضافے کی سمری حکومت کو بھجوا دی گئی ہے ماہرین امراض قلب کا کہنا ہے کہ ملک بھر میں اس وقت کئی ضروری اور جان بچانے والی دوائیں دستیاب نہیں، ملک میں اس وقت انجیو گرافی میں استعمال ہونے والی ڈائی کی بھی قلت ہے۔

ماہرین کے مطابق اصلی دواؤں کی عدم موجودگی کے باعث جعلی اور اسمگلڈ دوائیں سپلائی کی جارہی ہیں، دماغی اور اعصابی نظام کے علاج کی کئی ضروری دوائیں بھی مارکیٹ میں دستیاب نہیں ہیں۔

ڈریپ کی غفلت کے باعث عوام کی زندگیوں سے کھیلا جارہا ہے،آڈٹ رپورٹ نے بھانڈا …

قبل ازیں آڈٹ رپورٹ نےڈرگ ریگولیٹری اتھارٹی آف پاکستان( ڈریپ )کی سنگین غفلت کا بھانڈا پھوڑ دیا ہے، ڈریپ رجسٹریشن بورڈ کی طرف سے غیر رجسٹرڈ ہونے پر معطل دوائیں بھی مارکیٹ سے واپس نہیں اٹھائی گئیں آڈٹ رپورٹ میں انکشاف ہوا ہے کہ ڈریپ کی غفلت کے باعث عوام کی زندگیوں سے کھیلا جارہا ہے سر درد، سوجن، پٹھوں کے درد کی کچھ دواؤں کو معطل کیا گیا تھا، تاہم ڈریپ رجسٹریشن بورڈ کی طرف سے غیر رجسٹرڈ ہونے پر معطل کی گئی دوائیں مارکیٹ سے واپس نہیں اٹھائی گئیں، اور دوائیں تاحال مارکیٹ میں دستیاب ہیں۔

ایل پی جی کی قیمت میں 10روپےفی کلو اضافہ

آڈٹ رپورٹ میں کہا گیا ہے کہ ڈریپ کا اسٹاک واپس نہ لینا لوگوں کی جانوں سے کھیلنا ہے، آڈٹ نے ذمہ دار افراد کے خلاف انکوائری کی ہدایت کی ہے، اور کہا ہے کہ ڈریپ رجسٹریشن بورڈ نے خود ان دواؤں کو معطل کر رکھا تھا۔

اسلام آباد:پیناڈول کی فی گولی قیمت میں 35 پیسے کا اضافہ کردیا گیا، ڈریپ نے پیراسیٹامول کمپنیز کو ریٹیلرز کو ڈسکاؤنٹ دینے کی شرط ختم کردی، جس کا نوٹیفکیشن بھی جاری کردیا گیا۔

ڈرگ ریگولیٹری اتھارٹی پاکستان (ڈریپ) نے پیناڈول کی فی گولی کی قیمت میں 35 پیسے کا اضافہ کردیا، جس کے بعد قیمت 1.35 روپے سے بڑھ کر 1.70 روپے ہوگئی۔

ڈریپ نے مارکیٹ میں پیناڈول کی قلت ختم کرنے کیلئے اقدام اٹھاتے ہوئے پیراسیٹامول کمپنیز کو ریٹیلرز کو ڈسکاؤنٹ دینے کی شرط بھی ختم کردی۔فارمیسز اور میڈیکل اسٹورز کو کمپنیز کی جانب سے پیرا سیٹامول پر 15 فیصد تک ڈسکاؤنٹ دینا لازمی تھا، ڈریپ نے رعایت کی شرط کے خاتمے کا نوٹیفکیشن بھی جاری کردیا۔

واضح رہے کہ ملک میں پیناڈول کی شدید قلت پیدا ہونے کے بعد محکمہ صحت کی ہدایت پر متعلقہ افسران نے کئی گوداموں پر چھاپے مارے اور کروڑوں گولیاں برآمد کی تھیں۔

یہ ایک درد کش دوا ہے جو عام طور پر لوگ استعمال کرتے ہیں۔ اسے اکثر بخار، پٹھوں میں درد، سر درد وغیرہ کے علاج کے لیے لیا جاتا ہے۔ یہ بھی ایک کمزور اینٹی سوزش ایجنٹ ہے، اور اس طرح یہ بیماریوں کی قدرے وسیع رینج کا علاج کرسکتا ہے۔ یہ کیمیکلز کی پیداوار کو روک کر کام کرتا ہے جو جسم میں درد کا باعث بنتے ہیں۔ یہ سب سے زیادہ استعمال ہونے والی دوائیوں میں سے ایک ہے (ایسی دوا جس کے لیے نسخے کی ضرورت نہیں ہوتی)۔
پیناڈول فارمولا۔
نمایاں کیمیکل جو پیناڈول کو اس کی خاص خصوصیات دیتا ہے وہ پیراسیٹامول ہے۔
پیناڈول بنانے والے۔
پیناڈول بنانے والا پاکستان میں (جی ایس کے -سمتھ کیلائن) ہے اور اس کی علاوہ مختلف شکلوں میں مینوفیکچرر موجود ہیں