کرناٹک: 20 سالہ نوجوان نے آن لائن آرڈر کیے آئی فون کے لیے رقم نہ ہونے پر مبینہ طور پر ڈیلیوری بوائے کو ہی قتل کر دیا-
باغی ٹی وی:"انڈیا ٹو ڈے” کے مطابق یہ دل خراش واقعہ بھارتی ریاست کرناٹک کے ہاسن ضلع میں 7 فروری کو پیش آیا جہاں ہیمانت دت نامی نوجوان نے آئی فون آرڈر کیا اور جب ڈیلیوری بوائے اسے دینے آیا تو پیسے نہ ہونے کی وجہ سے اسے قتل کر دیا-
شمالی کوریا کا طویل فاصلے تک مار کرنے والے بین البراعظمی بیلسٹک میزائل کا تجربہ
بھارتی میڈیا کے مطابق ہیمانت نے ڈیلیوری بوائے کی کمر میں چاقو کے وار سے قتل کردیا اور لاش گھر میں چھپا دی بعدازاں اس نے لاش قریبی ریلوے اسٹیشن پر جلا دی اور قتل کا ثبوت ختم کرنا چاہا لیکن ناکام رہا۔
رپورٹس کے مطابق یہ معاملہ اس وقت سامنے آیا جب 11 فروری کو ریلوے اسٹیشن کے قریب سے لاش کے کچھ آثار ملے جس پر پولیس نے کارروائی کا آغاز کیا، مقتول کی شناخت 23 سالہ ہیمانتھ نائیک کے نام سے ہوئی جو ای کارٹ ایکسپریس میں ملازمت کرتا تھااور اس رات وہ سیکنڈ ہینڈ فون ڈیلیور کرنے گیا تھا۔
22 سالہ لڑکی بچے کو جنم دینے کے بعد ایمبولینس میں بورڈ کا امتحان دینے سینٹر پہنچ…
تاہم جب وہ ملزم کے گھر پہنچا اور فون کے لیے 46 ہزار روپے کا مطالبہ کیا تو اس نے ہیمانتھ نائیک کو قتل کردیا اور لاش کو ریلوے اسٹیشن کے قریب جلانے سے پہلے چار دن تک اپنے گھر میں چھپائے رکھا۔
ملزم ایک بیگ میں لاش کو ڈال کر ریلوے اسٹیشن پر لے کر گیا جس کی سی سی ٹی وی بھی سامنے آئی جس کی مدد سے پولیس ملزم تک پہنچی اور اسے گرفتار کیا۔