Tag: ڈینگی

پنجاب بھر میں جاری مون سون سیزن ڈینگی کے پھیلاؤ کا خدشہ، وزیراعلیٰ پنجاب چودھری پرویز الٰہی ان ایکشن وزیر اعلی پنجاب چودھری پرویزالٰہی نے صوبے بھر میں انسداد ڈینگی کیلئے موثر مہم چلانے کا حکم دے دیا

وزیراعلیٰ پنجاب چودھری پرویز الٰہی کی زیرصدارت اجلاس ہوا،پنجاب بھر میں انسداد ڈینگی کیلئے کئے گئے اقدامات کا جائزہ لیا گیا سیکرٹری صحت نے انسداد ڈینگی کے اقدامات پر بریفنگ دی چیف سیکرٹری کامران افضل، پرنسپل سیکرٹری وزیر اعلی محمد خان بھٹی، سابق چیئرمین پلاننگ اینڈ ڈویلپمنٹ سلمان غنی، سابق پرنسپل سیکرٹری وزیر اعلی پنجاب جی ایم سکندر اور متعلقہ محکموں کے سیکرٹریز،کمشنر لاہور ڈویژن، ماہرین اور متعلقہ حکام نے اجلاس میں شرکت کی، تمام ڈویژنل کمشنرز اور ڈپٹی کمشنرز ویڈیو لنک کے ذریعے اجلاس میں شریک ہوئے

وزیراعلیٰ چوھدری پرویز الہیٰ کا کہنا تھا کہ انسداد ڈینگی کیلئے کی جانے والی سرگرمیوں کی موثر مانیٹرنگ اور درست رپورٹنگ کی جائے۔ وزیراعلیٰ چودھری پرویز الٰہی نے انسداد ڈینگی کیلئے تربیت یافتہ سٹاف کو بھرتی کرنے کا حکم دے دیا، اور کہا کہ انسداد ڈینگی اقدامات کے ساتھ کلینکل مینجمنٹ پر پورا فوکس کیا جائے انسداد  ڈینگی کی ٹیموں کو نچلی سطح پر متحرک کیا جا ئے۔ انسداد ڈینگی کیلئے تشکیل کردہ ٹیمیں باقاعدگی سے وزٹ کریں۔ ان ڈوراورآؤٹ ڈورسرویلنس پر خصوصی توجہ دی جائے صر ف لاہور میں ہی نہیں بلکہ پنجاب کے ہر شہر میں انسداد ڈینگی کی سرگرمیاں نظر آنی چاہئیں۔ڈینگی مچھر کی بریڈنگ سپاٹس کو ترجیحی بنیادوں پر ختم کیا جائے۔ ڈینگی سے بچاؤ کیلئے بھرپور آگاہی مہم چلائی جائے۔ ڈینگی سے بچاؤ کی مہم میں کمیونٹی کو بھی شامل کیا جائے ہسپتالوں میں ڈینگی کے مریضوں کے علاج معالجے کیلئے موثرانتظامات ہونے چاہئیں۔

انیل مسرت منموہن سنگھ کے ہمراہ سیلفی بنانے لگے تو کیا ہوا؟

سابق بھارتی وزیراعظم منموہن سنگھ کا کرونا ٹیسٹ، کیا آئی رپورٹ؟

ڈینگی کا ڈنگ تیز، ہسپتال بھر گئے

لاہور میں ڈینگی کیسز کی شرح میں کمی

انسداد ڈینگی کے حوالے سے غیر تسلی بخش کارکردگی،وزیراعلیٰ کی وارننگ

وزیراعلیٰ پنجاب حمزہ شہباز شریف کی زیر صدارت اعلی سطح کا اجلاس ہوا

اجلاس میں پنجاب کے ہر ضلع میں انسداد ڈینگی کیلئے جاری مہم کے حوالے سے متعلقہ محکموں کی کارکردگی کا جائزہ لیا گیا وزیر اعلی حمزہ شہباز نے ڈینگی کنٹرول مہم کی مانیٹرنگ کیلئے یونین کونسل کی سطح پر خصوصی کمیٹیاں بنانے کی ہدایت کر دی اور مانیٹرنگ کمیٹیوں کی تشکیل کا عمل 24 گھنٹے میں مکمل کرنے کا حکم دے دیا،وزیراعلیٰ پنجاب کا کہنا تھا کہ ڈپٹی کمشنرز ڈینگی کنٹرول مہم کی مانیٹرنگ کے لئے خود فیلڈ میں نکلیں۔ ہر ضلع میں ہیلتھ افسران کو بھی مہم کی مانیٹرنگ کیلئے فیلڈ وزٹ کرنے کا حکم دے دیا اور کمشنرز کو تمام ڈپٹی کمشنرز،ضلعی ہیلتھ افسران اور متعلقہ حکام کی مانیٹرنگ کی ہدایت کی اور کہا کہ انسداد ڈینگی کیلئے فیلڈ سرگرمیوں کا تمام ڈیٹا اپ ڈیٹ اور مستند ہونا چاہئے۔

وزیر اعلی حمزہ شہباز نے انسداد ڈینگی کے حوالے سے غیر تسلی بخش کارکردگی پر 4 اضلاع کے انتظامی افسران کو وارننگ دی اور کہا کہ یہ انسان کی زندگیوں کا معاملہ ہے، کارکردگی کو بہتر بنایا جائے، تمام محکمے ڈینگی کنٹرول کیلئے اپنا متعین کردار بھر پور طریقے سے ادا کریں۔ انسداد ڈینگی مہم میں خامیوں کو فوری طورپر دور کیا جائے۔ غیر تسلی بخش کارکردگی پر ذمہ دار افسروں کے خلاف انضباطی کارروائی عمل میں لائی جائے گی ،اجلاس میں ماہرین نے بریفنگ دیتے ہوئے کہا کہ ڈینگی لاروا کو مکمل طورپر ختم کرنا ضروری ہے۔ اجلاس میں صوبائی وزیر خواجہ سلمان رفیق، چیف سیکرٹری،پرنسپل سیکرٹری وزیر اعلی، متعلقہ محکموں کےسیکرٹریز،کمشنر لاہورڈویژن و اعلی افسران نے شرکت کی، ڈویژنل کمشنرز ویڈیو لنک کے ذریعے اجلاس میں شریک ہوئے

صوبائی وزیر خواجہ سلمان رفیق نے کہا کہ انسدادای سرگرمیو ں میں کوتاہی برتنے والے متعلقہ محکمہ جات کو آخری وارننگ دی جارہی ہے، وقت ڈینگی کاانتظارکرنے کا نہیں بلکہ قابوپانے کیلئے پیشگی اقدامات اٹھانے کا ہے، وزیراعلی پنجاب حمزہ شہبازکی ہدایت کے مطابق ڈینگی کی صورتحال پرقابوپانے کیلئے اقدامات کررہے ہیں۔ڈینگی کے رپورٹ ہونے والے ہرکیس کو رسپونس کیا جا رہا ہے۔ ، پنجاب کے سرکاری ہسپتالوں میں ڈینگی کے زیر علاج مریضوں میں سے کوئی بھی تشویشناک حالت میں نہیں ہے، جنوری سے ابھی تک پنجاب میں ڈینگی کے باعث کوئی ہلاکت رپورٹ نہیں ہوئی ہے، پنجاب کے سرکاری ہسپتالوں میں ڈینگی کے مریضوں کیلئے 4202 بسترمختص کئے گئے ہیں

ٹرمپ کو ویلکم کرتے وقت مودی نے ایسے نام سے پکارا کہ ٹرمپ منہ دیکھتے رہ گئے، دیا کھرا جواب

انیل مسرت منموہن سنگھ کے ہمراہ سیلفی بنانے لگے تو کیا ہوا؟

سابق بھارتی وزیراعظم منموہن سنگھ کا کرونا ٹیسٹ، کیا آئی رپورٹ؟

ڈینگی کا ڈنگ تیز، ہسپتال بھر گئے

لاہور میں ڈینگی کیسز کی شرح میں کمی

صوبائی وزیرخواجہ سلمان رفیق نے ڈینگی کی صورتحال کا جائزہ لینے کیلئے ہنگامی اجلاس طلب کرلیا۔اجلاس پنجاب ہیلتھ انشی ایٹومینجمنٹ کمپنی میں منعقدہوا۔اجلاس میں ڈائریکٹر سی ڈی سی ڈاکٹرشاہد حسین
مگسی،ڈاکٹرعامر،آئی پی ایچ سے افسران اور وڈیولنک کانفرنس کے ذریعے جویریہ حیات اور منیب احمد نے شرکت کی۔ صوبائی وزیرخواجہ سلمان رفیق نے اجلاس کے دوران پنجاب بھرمیں ڈینگی کی صورتحال کا تفصیلی جائزہ لیا۔ ڈائریکٹر سی ڈی سی ڈاکٹرشاہدحسین مگسی نے صوبائی وزیر خواجہ سلمان رفیق کو اجلاس کے دوران ڈینگی کی صورتحال کی تفصیلات سے آگاہ کیا۔

صوبائی وزیر خواجہ سلمان رفیق نے کہا کہ صوبہ بھرمیں ڈینگی کی صورتحال کومسلسل مانیٹرکررہے ہیں۔پنجاب میں گزشتہ چوبیس گھنٹوں کے دوران ابھی تک ڈینگی کے 6کیسزرپورٹ ہوئے ہیں۔ پنجاب میں گزشتہ چوبیس گھنٹوں کے دوران رپورٹ ہونے والے 6مریضوں کا تعلق ضلع لاہورسے ہے۔ پنجاب بھرسے ابھی ڈینگی کے166کیسزرپورٹ ہوچکے ہیں۔

خواجہ سلمان رفیق کا کہنا تھا کہ لاہورسے ابھی تک ڈینگی کے 84کیسزرپورٹ ہوچکے ہیں۔ ابھی تک راولپنڈی سے 14،فیصل آباد سے 12اور شیخوپورہ سے ڈینگی کے 7 مریض سامنے آچکے ہیں۔ پنجاب کے مختلف سرکاری ہسپتالوں میں ڈینگی کے 14مریض داخل ہیں۔ لاہورکے مختلف سرکاری ہسپتالوں میں ڈینگی کے7مریض زیرعلاج ہیں۔ پنجاب کے سرکاری ہسپتالوں میں ڈینگی کے زیر علاج مریضوں میں سے کوئی بھی تشویشناک حالت میں نہیں ہے۔

صوبائی وزیر خواجہ سلمان رفیق نے کہا کہ جنوری سے ابھی تک پنجاب میں ڈینگی کے باعث کوئی ہلاکت رپورٹ نہیں ہوئی ہے۔ پنجاب کے سرکاری ہسپتالوں میں ڈینگی کے مریضوں کیلئے 4202بسترمختص کئے گئے ہیں۔ پنجاب کے سرکاری ہسپتالوں کے 14بستروں پر ڈینگی کے مریض زیرعلاج ہیں۔ پنجاب کے سرکاری ہسپتالوں میں ڈینگی کے داخل مریضوں میں سے 2سسپیکٹڈ،4پروب ایبل اور8کنفرم ہیں۔ پنجاب میں ڈینگی کے رپورٹ ہونے والے کیسزسے متعلق علاقہ جات میں سرویلنس سخت کرنے کی ہدایت کردی گئی ہے۔ فیلڈ سٹاف کے ساتھ خود جا کرہاٹ سپاٹس پرانسدادی سرگرمیوں کی نگرانی کروں گا۔

خواجہ سلمان رفیق نے کہا کہ محکمہ صحت کے تمام افسران کو ڈینگی کی صورتحال بارے الرٹ کررہاہوں،محکمہ صحت کے ساتھ ساتھ عوام بھی اپنے گھروں کی صفائی ستھرائی کویقینی بنا کرڈینگی کے خاتمہ کیلئے کردارادا کریں۔ ہمیں لاہورمیں ڈینگی کے پھیلاؤ کو روکنے کیلئے تمام ترتوانائیاں استعمال کرنی ہوں گی۔گزشتہ روزپنجاب بھرمیں عوام میں ڈینگی سے متعلق آگاہی پھیلانے کیلئے اینٹی ڈینگی ڈے منایاگیاہے۔

صوبائی وزیر خواجہ سلمان رفیق اور سیکرٹری صحت علی جان خان اچانک پنجاب انسٹی ٹیوٹ آف کارڈیالوجی پہنچ گئے.سی ای او پنجاب انسٹی ٹیوٹ آف کارڈیالوجی ڈاکٹربلال نے صوبائی وزیراور سیکرٹری صحت کا استقبال کیا۔صوبائی وزیر خواجہ سلمان رفیق نے مختلف وارڈزکادورہ کرکے مریضوں کی عیادت کی اور طبی سہولیات کاجائزہ لیا۔اس موقع پر دیگر ڈاکٹرصاحبان بھی موجود تھے۔

پنجاب انسٹی ٹیوٹ آف کارڈیالوجی میں مریضوں نے طبی سہولیات بارے اظہاراطمینان کیا۔
سی ای او پی آئی سی ڈاکٹر بلال نے صوبائی وزیر خواجہ سلمان رفیق اور سیکرٹری صحت علی جان کو طبی سہولیات کے بارے میں بریفنگ دی۔ صوبائی وزیر خواجہ سلمان رفیق نے کہا کہ پنجاب انسٹی ٹیوٹ آف کارڈیالوجی میں دل کے مریضوں کو صحت کی بہترسہولیات فراہم کی جارہی ہیں۔ پنجاب کے سرکاری ہسپتالوں میں آنے والے مریضوں کیلئے آسانیاں پیداکررہے ہیں۔ یونیورسل ہیلتھ انشورنس کے ذریعے عوام کو سرکاری ہسپتالوں سے زیادہ سے زیادہ سہولت فراہم کریں گے۔

خواجہ سلمان رفیق کا کہنا تھا کہ وزیراعلی پنجاب حمزہ شہبازکی ہدایت کے مطابق سرکاری ہسپتالوں کا دورہ کرکے طبی سہولیات کاجائزہ لیاجارہاہے۔ پنجاب انسٹی ٹیوٹ آف کارڈیالوجی میں مریضوں کے بہترعلاج کو یقینی بنایاجارہاہے۔

قبل ازیں صوبائی وزیر خواجہ سلمان رفیق نے گرجاچوک پی ایس اوپٹرول پمپ پرمنعقدہ تقریب میں بطورمہمان خصوصی شرکت کی۔اس موقع پررکن پنجاب اسمبلی میاں نصیراحمداورپی ایس اوکے افسراننی شریک تھے۔

صوبائی وزیرخواجہ سلمان رفیق نے کہا کہ پی ایس اوکی جانب سے الیکٹروٹیکنالوجی خوش آئندہے۔ پی ایس اوکی کامیابی کیلئے نیک تمناؤں کااظہارکرتے ہیں۔ جدیدٹیکنالوجی کے استعمال سے صارفین کوسہولت حاصل ہوتی ہے۔ وزیراعظم شہبازشریف اداروں کی مضبوطی کیلئے اہم کرداراداکررہے ہیں۔ میاں شہبازشریف اورحمزہ شہباز کی قیادت میں عوامی خدمت کاسفرجاری رہے گا۔

صوبائی وزیر خواجہ سلمان رفیق نے مختلف علاقہ جات میں ڈینگی پر قابوپانے کیلئے محکمانہ سیکرٹریزکو ذمہ داریاں سونپ دیں ،خواجہ سلمان رفیق نے سول سیکرٹریٹ میں صوبائی ڈینگی مانیٹرنگ کمیٹی کے اہم اجلاس کی صدارت کرتے ہوئے محکمانہ سیکرٹریزکو ذمہ داریاں سونپی۔ صوبائی وزیر خواجہ سلمان رفیق اور چیف سیکرٹری پنجاب کامران علی افضل اجلاس کے دوران صوبہ بھرمیں ڈینگی کی صورتحال کا تفصیلی جائزہ لیا۔ سیکرٹری صحت علی جان خان سمیت تمام کمشنرزاورڈ ی سی حضرات نے صوبائی وزیراور چیف سیکرٹری کو ڈینگی کی صورتحال کی تفصیلات سے آگاہ کیا۔اجلاس میں تمام محکمہ جات کے سیکرٹریزسمیت کمشنرزاور ڈی سی حضرات نے شرکت کی۔ چیف سیکرٹری پنجاب کامران علی افضل کی ڈینگی ایس اوپیز کی خلاف ورزی پر سخت کارروائی کی ہدایت کی

صوبائی وزیر خواجہ سلمان رفیق نے کہا کہ ڈینگی پر قابوپانا صرف محکمہ صحت نہیں بلکہ تمام متعلقہ محکمہ جات کی ذمہ داری ہے۔ ڈینگی کے ایس اوپیزکی خلاف ورزی کرنے والوں کے خلاف بلاتفریق کارروائی عمل میں لائی جائے۔ افسران ڈینگی پر قابوپانے کیلئے خودفیلڈمیں نکلیں۔ وزیراعلی پنجاب حمزہ شہباز نے عوامی نمائندگان کو بھی اپنے علاقہ جات میں ڈینگی کی انسدادی سرگرمیوں کو مانیٹرکرنے کی ہدایت کی ہے۔

خواجہ سلمان رفیق کا کہنا تھا کہ پوری کوشش ہے کہ اس سیزن میں ڈینگی کے پھیلاؤکوروکاجائے۔ ڈینگی بارے آگاہی کیلئے موئثرعوامی مہم چلائی جائے۔ محکمہ جات کے سیکرٹریزڈیش بورڈ کوخودمانیٹرکریں۔ حساس اضلاع میں ڈینگی کی انسدادی سرگرمیوں کو تیز کردیاگیاہے۔ سپیشل برانچ کی رپورٹ کے مطابق ایس اوپیز پر عملدرآمدکروائیں ڈینگی کی انسدادی سرگرمیوں کی بوگس رپورٹنگ کرنے والے افراد کے خلاف سخت قانونی کارروائی عمل میں لائی جائے۔سیکرٹری محکمہ اوقاف تمام مساجدمیں صفائی ستھرائی کے انتظامات کو یقینی بنائیں۔ ہاٹ سپاٹس پر ڈینگی لارواء کی تلفی کو لازمی یقینی بنایاجائے۔ ڈینگی پرقابوپانے کیلئے انتظامیہ کو سنجیدگی سے کام کرناہوگی۔ پنجاب بھرمیں ڈینگی ڈے منایاجائے گا۔ وزیراعلی پنجاب حمزہ شہباز جلدڈینگی کی صورتحال پر اجلاس کی صدارت کریں گے۔ تمام شعبہ ہائے زندگی سے تعلق رکھنے والے افراد کو ڈینگی پر قابوپانے کیلئے اپناکرداراداکرناہوگا۔

چیف سیکرٹری پنجاب کامران علی افضل کا کہنا تھا کہ خلاف ورزی کرنے والوں کے خلاف مقدمات درج کروائے جائیں۔ ڈینگی پرقابوپانے کیلئے یہی وقت کام کرنے کا ہے۔ڈینگی ایس اوپیز پر عملدرآمدکے سلسلہ میں خامیوں کو جلدازجلددورکیاجائے۔ شہری ڈینگی کے خاتمہ کیلئے حکومتی کوششوں کا ساتھ دیں۔چیف سیکرٹری نے اپیل کی کہ گھروں میں مچھروں کی افزائش کی جگہوں کا خاتمہ یقینی بنائیں۔ صفائی کاخیال رکھیں،گھروں کی چھتوں،دیگرجگہوں پر پانی نے جمع ہونے دیں۔چیف سیکرٹری نے محکمہ کواپریٹو زکوپرائیویٹ ہاؤسنگ سوسائٹیوں کی چیکنگ کی ہدایت کی.

لاہور اور پشاور میں ڈینگی کے کتنے مریض؟ تازہ ترین صورتحال سامنے آ گئی

لاہور میں ڈینگی کیسز کی شرح میں خاطر خواہ کمی ہوئی ہے

سیکرٹری سپیشلائزڈ ہیلتھ کیئر ڈاکٹر احمد جاوید قاضی کے مطابق لاہور کے ہسپتالوں میں ڈینگی کے مریضوں کے لیے کل 2583 بیڈز مختص کئے گئے ہیں، لاہور کے سرکاری ہسپتالوں میں ڈینگی کے لئے 1603 بیڈز مختص ہیں لاہور کے سرکاری ہسپتالوں میں 1381 بیڈز خالی ہیں،لاہور کے پرائیویٹ ہسپتالوں میں 980 بیڈز مختص، 836 بیڈز خالی ہیں میوہسپتال میں ڈینگی کے لئے 262 بیڈز خالی ہیں۔جناح ہسپتال میں 179 بیڈز خالی ہیں۔لاہور جنرل ہسپتال میں 205 بیڈز جبکہ گنگارام ہسپتال میں 118 بیڈز خالی ہیں۔سروسز ہسپتال میں ڈینگی مریضوں کے لیے 179 بیڈز تاحال خالی ہیں۔ شاہدرہ ٹیچنگ ہسپتال میں 53 بیڈز جبکہ چلڈرن ہسپتال میں 60 بیڈز خالی ہیں۔میاں منشی ہسپتال میں 45 بیڈز جبکہ مزنگ ٹیچنگ ہسپتال میں 33 بیڈز خالی ہیں۔تمام ہسپتالوں میں ڈینگی مرض کے علاج کے لئے ڈاکٹرز، ادویات اور دیگر طبی سہولیات میسر ہیں۔ محکمہ صحت کی ٹیموں نے پنجاب بھر میں 300 ان ڈور اور آؤٹ ڈور سے لاروا تلف کیا گیا۔ گذشتہ روز محکمہ صحت کی ٹیموں نے لاہور میں 42,990 ان ڈور مقامات کو چیک کیا

دوسری جانب خیبرپختونخوا میں 24 گھنٹےکے دوران ڈینگی کے مزید 18 کیس رپورٹ ہوئے ہیں صوبہ میں ڈینگی مریضوں کی تعداد 10 ہزار 486 ہوگئی، مختلف اسپتالوں میں ڈینگی کے 22 مریض زیرعلاج ہیں پشاور میں ڈینگی کے مزید 16 کیس رپورٹ ہوئے ہیں ڈینگی سے اب تک 10 اموات ہوچکی ہیں

ڈینگی مچھر سے 5 پولیس اہلکاروں کی ہلاکت کے خلاف تحریک التواء پنجاب اسمبلی میں جمع کروا دی گئی تحریک التواء مسلم لیگ ن کی رکن پنجاب اسمبلی ربعیہ نصرت کی جانب سے جمع کرائی گئی۔ جس کے متن میں کہا گیا کہ ناقص سپرے ،گندے واش روم تھانوں میں ڈینگی وائرس سے پولیس اہلکاروں کی زندگیاں غیر محفوظ ہوگئیں ،افسران کی بجائے پولیس اہلکار سب سے زیادہ ڈینگی مچھر سے متاثر ہو رہے ہیں ڈینگی کے باعث لاہور پولیس کے 5 اہلکار زندگی کی بازی ہار چکے ہیں۔ تھانوں میں صفائی کے ناقغ انتظامات کے باعث ڈینگی کی افزائش ہورہی ہے۔ ڈینگی سے مرنے والوں میں لایور پولیس کے 4 کانسٹیبل اور ایک ہیڈ کانسٹیبل محمد ارشد شامل ہیں۔ پولیس کے اعدادوشمار کے مطابق ڈینگی سے متاثر ہونے والے اہلکاروں کی مجموعی تعداد 225 ہے۔ ان میں 130 ٹریفک وارڈن بھی شامل ہیں۔ تھانوں کے واش روم میں صفائی کے نامناسب انتظامات کے باعث پولیس اہلکاروں میں سخت تشویش پائی جاتی ہے

ٹرمپ میرے خواب میں آئے ،بھارتی شہری نے ٹرمپ کے دورہ بھارت سے قبل ایسا کام کیا کہ سب حیران

متنازعہ شہریت بل پر امریکا میدان میں آ گیا،ٹرمپ کریں گے مودی سے کشمیر، شہریت بل پر بات

ٹرمپ کا کریں گے بھارتی فنکار استقبال،28 سٹیج تیار، طلبا کیا کریں گے؟ ڈیوٹی لگا دی گئی

بھارت میں کھڑے ہوکر ٹرمپ نے پاکستان بارے ایسا کیا کہہ دیا کہ مودی کو پسینے چھوٹ گئے

ٹرمپ کو ویلکم کرتے وقت مودی نے ایسے نام سے پکارا کہ ٹرمپ منہ دیکھتے رہ گئے، دیا کھرا جواب

انیل مسرت منموہن سنگھ کے ہمراہ سیلفی بنانے لگے تو کیا ہوا؟

سابق بھارتی وزیراعظم منموہن سنگھ کا کرونا ٹیسٹ، کیا آئی رپورٹ؟

ڈینگی کا ڈنگ تیز، ہسپتال بھر گئے

لاہور میں ڈینگی کیسز کی شرح میں کمی