Tag: ڈی آئی جی آپریشنز

ڈی آئی جی آپریشنز ساجد کیانی کا تھانہ غالب مارکیٹ اور گلبرگ کا اچانک دورہ کیا جس میں انھوں نے ہدایات جاری کیں کہ ایس ایچ اوز مخصوص کردہ اوقات میں خود سائلین کے مسائل سنیں۔

ڈی آئی جی آپریشنز لاہورساجد کیانی نے کہا ہے کہ ایس ایچ اوز مخصوص کردہ اوقات میں خود سائلین کے مسائل سنیں اور ان کے حل کیلئے موثر اقدامات عمل میں لائیں۔ کرائم کنٹرول اور ضابطہ اخلاق کی پابندی پر کوئی سمجھوتہ نہیں ہو گا۔پولیس افسران کرائم کنٹرول کے لئے تمام وسائل اور صلاحیتیں بروئے کار لائیں۔

ان خیالات کا اظہار انہوں نے تھانہ غالب مارکیٹ اور تھانہ گلبرگ کے دورہ کے موقع پرپولیس افسران سے گفتگو کے دوران کیا۔ ڈی آئی جی آپریشنزساجد کیانی نے تھانوں کے فرنٹ ڈیسک، رپورٹنگ روم، حوالات، ریکارڈ روم سمیت مختلف حصوں کا معائنہ کیا۔ڈی ایس پی گلبرگ سرکل و دیگر پولیس افسران اس موقع پر موجودتھے۔ساجد کیانی نے تھانوں کا ریکارڈ، رجسٹرز، عملے کی حاضری اور صفائی ستھرائی کی صورتحال کا جائزہ بھی لیا۔انہوں نے مزید کہا کہ تھانے محکمہ پولیس کا آئینہ ہیں،حسن سلوک اور پیشہ ورانہ کارکردگی سے مثبت تشخص اُجاگر کریں۔پولیس افسران و جوان شہریوں کے ساتھ خوش اخلاقی سے پیش آئیں، مسائل کی داد رسی کے لئے سرتوڑ کوششیں کریں۔

لاہور پولیس آپریشنز ونگ نے منشیات فروشوں کے خلاف کارروائیاں جاری کر رکھی ہیں- منشیات فروشوں کے خلاف جاری ان کارروائیوں میں گذشتہ ماہ778منشیات فروش گرفتار، 764مقدمات درج کیے گئے ہیں- منشیات فروشی جیسے گھناؤنے کاروبار میں ملوث افراد کسی رعائت کے مستحق نہیں ہوں گے۔

ڈی آئی جی آپریشنز لاہورساجد کیانی نے کہا ہے کہ منشیات فروشی کے تدارک کیلئے سخت اقدامات عمل میں لائے جا رہے ہیں۔ لاہور پولیس آپریشنز ونگ کی منشیات فروشوں کے خلاف انٹیلی جنس بیسڈ کارروائیاں جاری ہیں۔ڈی آئی جی آپریشنز نے کہاکہ منشیات فروشی جیسے گھناؤنے کاروبار میں ملوث افراد کسی رعائت کے مستحق نہیں۔ معاشرے کے ہر فرد کو نئی نسل کو نشہ کے ناسور سے محفوظ رکھنے کے لئے کردار ادا کرنا ہو گا۔

تفصیلات سے آگاہ کرتے ہوئے ڈی آئی جی آپریشنز نے کہا کہ لاہور پولیس آپریشنز ونگ نے ماہِ جنوری کے دوران منشیات فروشوں کے خلاف کاروائیاں کرتے ہوئے 778منشیات فروش گرفتار کر کے ان کے خلاف764 مقدمات درج کئے۔ گرفتار ملزمان کے قبضہ سے مجموعی طور پر 05کلو413گرام ہیروئن،247کلو گرام سے زائد چرس،10ہزار224لیٹر شراب، 100گرام آئس اور03کلوگرام سے زائد افیون برآمدکی گئی۔سٹی ڈویژن پولیس نے156، کینٹ219،سول لائنز 77، صدر ڈویژن136، اقبال ٹاؤن52جبکہ ماڈل ٹاؤن ڈویژن پولیس نے 138 منشیات فروش گرفتارکئے۔ساجد کیانی نے ڈویژنل ایس پیز،ڈی ایس پیز اور ایس ایچ اوز کو تعلیمی اداروں کے گرد ونواح میں منشیات فروشوں کے خلاف کارروائیاں مزید تیز کرنے کی ہدایت کی۔انہوں نے کہا کہ لاہور پولیس منشیات فروشوں سے آہنی ہاتھوں سے نمٹے گی۔ شہریوں سے اپیل ہے کہ منشیات فروشوں کے قلع قمع میں لاہور پولیس کا ساتھ دیں۔

ساجد کیانی نے زخمی اہلکار کو پھولوں کا گلدستہ پیش کیا، جلد صحت یابی کے لئے دعا.
ڈی آئی جی آپریشنز کی ایس پی ڈولفن سکواڈ کو علاج معالجے کی تمام تر سہولیات کی فراہمی یقینی بنانے کی ہدایت
لاہور،06فروری2021:
ڈی آئی جی آپریشنز لاہورساجد کیانی نے جناح ہسپتال کا دورہ کیا اورگذشتہ رات دوران ڈیوٹی موٹر سائیکل حادثہ کے دوران زخمی ہونے والے ڈولفن اہلکارکانسٹیبل واجد کی عیادت کی۔ایس پی ڈولفن راشد ہدایت و دیگر افسران اس موقع پر موجود تھے۔ڈی آئی جی آپریشنزساجد کیانی نے زخمی ڈولفن جوان کو پھولوں کا گلدشتہ پیش کیا۔انہوں نے جناح ہسپتال کے ڈاکٹرز سے ڈولفن اہلکار کی علاج معالجہ بارے دریافت کر رہے ہیں۔ ساجد کیانی نے ایس پی ڈولفن کو علاج معالجے کی تمام تر سہولیات کی فراہمی یقینی بنانے کی ہدایت کی۔ڈی آئی جی آپریشنز نے زخمی ڈولفن اہلکار واجد کے اہل خانہ کو بھرپور تعاون کی یقین دہانی کروائی اور جلد صحت یابی کے لئے دعا کی۔