لاہور: پاکستان تحریک انصاف(پی ٹی آئی) کو جلسے کی اجازت نہ دینے پر ڈپٹی کمشنر(ڈی سی) لاہور کے خلاف درخواست دائرکردی گئی۔
باغی ٹی وی : لاہور ہائی کورٹ کے رجسٹرار آفس نے درخواست کو سماعت کے لیے مقررکردیا جسٹس فاروق حیدر درخواست کی سماعت کریں گے، درخواست کی سماعت 30 ستمبرکو ہوگی، درخواست میں موقف اختیار کیا گیا ہے کہ ڈی سی لاہور نے عدالتی احکامات کے باوجود جلسے کی اجازت نہیں دی، عدالت ڈی سی لاہور کے خلاف توہین عدالت کی کارروائی کرے۔
نگران وزیراعلی پنجاب محسن نقوی نے عید اور ٹرو پر صفائی کے انتظامات پر اطمینان کا اظہار کیا ہے،
محسن نقوی نے سالڈ ویسٹ کمپنیوں۔ کمشنرز ۔ ڈپٹی کمشنرز۔ لوکل گورنمنٹ اور دیگر متعلقہ محکموں کے افسران اور سٹاف کو شاباش دی ہے،نگران وزیر اعلی محسن نقوی نے عید کے تیسرے روز بھی صفائی آپریشن کو موثر انداز سے جاری رکھنے کی ہدایت کی اور کہا کہ عید صفائی آپریشن کو آج شام تک ہر حال میں مکمل کیا جائے۔ زیرو ویسٹ کو ہر صورت یقینی بنایا جائے ۔ لاہور سمیت تمام چھوٹے بڑے شہروں میں آلائشوں کی ڈسپوزل کا کام جلد مکمل کرنے کا حکم دیا گیا اور صفائی انتظامات کے بارے شکایت پر ذمہ داروں کے خلاف کارروائی کی ہدایت کی گئی، ،
نگران وزیراعلی پنجاب محسن نقوی کا کہنا تھا کہ سالڈ ویسٹ مینجمنٹ کمپنیاں گلیوں،محلوں اور بازاروں کی صفائی ستھرائی کی ذمہ داری پوری کریں۔انتظامی افسران اور متعلقہ اداروں کے حکام دفاتر سے باہر نکل کر صفائی آپریشن کی نگرانی جاری رکھیں گلی محلوں میں صفائی آپریشن کو موثر انداز میں جاری رکھا جائے بارش کی صورت میں واسا کے افسران اور عملہ فیلڈ میں موجود رہے۔
عید صفائی آپریشن میں خلل ڈالنے والے 105 افراد گرفتار
دوسری جانب سری پائے جلانے، اوجھریاں نہر میں دھونے اور بغیر لائسنس کھالیں اکٹھی کرنے والوں کے خلاف کریک ڈاؤن کرتے ہوئے عید صفائی آپریشن میں خلل ڈالنے والے 105 افراد دھر لیے گئے۔اے سی ماڈل ٹاؤن صاحبزادہ یوسف نے 32 افراد کو پکڑ کر حوالہ پولیس کیا۔اے سی رائے ونڈ خرم حمید نے 26 افراد کو جیل بھجوا یا۔اے سی شالیمار شرینہ جنجوعہ نے 16، اے سی سٹی واثق قیوم نے 16 افراد کو جیل بھیجوا یاجبکہ اے سی کینٹ محمد نرٹضی نے آپریشن کرتے ہوئے 15 افراد کو جیل بھجوایا۔ڈی سی لاہور کا کہنا تھا کہ سری پائے جلانے والے آلودگی کے ساتھ ساتھ تعفن کا باعث بھی بنتے ہیں۔نہر میں اوجھڑیاں دھونے سے پانی آلودہ ہو کر انسانوں اور جانوروں کے لیے نقصان دہ ہو جاتا ہے۔ رافعہ حیدرنے واضح کیا کہ شہر کی صفائی میں خلل ڈالنے پر زیرو ٹالرنس پالیسی کے تحت ایکشن ہو گا۔
ڈی سی لاہور رافعہ حیدر اندرون شہر کی گلیوں میں پہنچ گئیں شہر کی ایک ایک گلی میں صفائی آپریشن کی صورتحال کا جائزہ لیا۔لوگوں سے بات کر کے حالات بھی دریافت کیے۔گزشتہ روز 17 ہزار ٹن کے قریب آلائشیں اٹھائی گئیں شہر کی ایک ایک گلی میں صفائی آپریشن کی صورتحال کا جائزہ لیتے ہوئے ڈی سی لاہور رافعہ حیدر نے لوگوں سے بات کر کے صفائی کے حالات دریافت کیے۔ڈی سی لاہور نے فورٹ روڈ، شاہی قلعہ کے اطراف، داتا دربار کی عقبی آبادیوں، شاہدرہ ٹاؤن کی گلیوں، کشمیر پارک کے علاقے کو چیک کیا۔اس موقع پرمتعلقہ اسٹنٹ کمشنر، ایل ڈبلیو ایم سی اور ایم سی ایل انتظامیہ ڈپٹی کمشنر کے ساتھ موجود رہے۔ڈی سی نے تمام علاقہ کو شام سے قبل زیرو ویسٹ کرنے کا حکم بھی دیا۔
رافعہ حیدر نے مختلف گھروں پر دستک دے کر صفائی کے حوالے دریافت کیا۔ڈی سی لاہور نے بتایا کہ گزشتہ روز 17 ہزار ٹن کے قریب آلائشیں اٹھائی گئیں۔ ڈی سی لاہور نے واضح کیا کہ کسی بھی جگہ آلائشیں نظر آئیں تو متعلقہ افسران سے باز پرس ہو گی۔ آفسران کو ہدایات دیتے ہوئے رافعہ حیدر کا کہنا تھا کہ معززین علاقہ کی مدد سے صفائی حالات کی نگرانی کی جائے۔ عوامی شکایات کی بنیاد پر علاقہ کی میپنگ کر کے ٹیموں کو حرکت دی جائے۔ کسی ایک جگہ بھی گندگی ہوئی تو ہزاروں ٹن ویسٹ اٹھانے کا مقصد فوت ہو جائے گا۔
رافعہ حیدرکا مزید کہنا تھا کہ شہر کی مکمل صفائی ہونے تک کسی بھی ذمہ دار کو آرام سے نہیں بیٹھنا چاہیے۔ عید صفائی آپریشن عید کے تینوں دن جاری رہے گا۔ رافعہ حیدرنے کہا کہ لاہور کا حسن صفائی ہے، عوام کے تعاون سے عید صفائی آپریشن کامیابی سے مکمل کریں گے
ہوشیار۔! آدھی رات 3 بڑی خبریں آگئی
زمان پارک کی جادوگرنی، عمران پر دس سال کی پابندی حسان نیازی کہاں؟ پتہ چل گیا
لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان
لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو
بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف
سینئر صحافی و اینکر پرسن مبشر لقمان اوورسیز پاکستانیوں کی آواز بننے کے لئے میدان میں آ گئے
کمشنر لاہور کاپٹرول پمپس این او سی ز کے اجراء میں تاخیر پر اظہار برہمی
کمشنر لاہور محمد علی رندھاوا کی زیر صدارت ویڈیو لنک اجلاس میں ڈپٹی کمشنر لاہور رافعہ حیدر، ڈپٹی کمشنر ننکانہ صاحب،قصور ڈپٹی کمشنر، ڈپٹی کمشنرشیخوپورہ نے شرکت کی جبکہ اس موقع پر ایڈیشنل کمشنر حامد ملہی،سی او ایم سی ایل علی عباس بخاری،چیف میٹروپولیٹین آفیسر پلاننگ امین مغل،ایڈیشنل ڈی جی ایل ڈی اے عمران علی،چیف ٹاون پلاننگ ایل ڈی اے شکیل منہاس بھی موجود تھے۔
کمشنر لاہور محمد علی رندھاوا کی زیر صدارت پٹرول پمپس این او سی ز کے اجراء میں تاخیر پر اظہار برہمی کرتے ہوئے کہا کہ کا روبار کے فروغ کیلئے این او سی ز کی غیر ضرری تاخیر پر افسران معطل کیے جائیں گے۔ایم سی ایل،ایل ڈی اے،ضلعی انتظامیہ لاہور کا مشترکہ ورکنگ فورم این او سیز کو فوری فائنل کرے۔میٹرو پولیٹین کارپوریشن لاہور کے پاس اس بارے کوئی زیر التوا این او سی نہیں ہے۔اجلاس کو بتایا گیا کہ24 این او سی جاری ہوچکے ہیں۔کمشنر لاہور نے ضلعی انتظامیہ لاہور کے ایل ڈی اے کے پاس زیر التوا کیس کے حل کیلئے 5روز کی ڈیڈ لائن مقرر کردی۔انہوں نے پابند کیا کہ تمام ڈی سیز نوٹ کریں اور مثبت اپروچ لیں۔این او سی ز درخواست گزارگان کو خودآگاہی دیں۔ کمشنر لاہور ڈویژن نے کہا کہ تمام متعلقہ ادارے پٹرول پمپس کے این او سی جاری کریں یا مسترد کریں جبکہ تاخیرزیرو ٹالرنس ہوگی۔ انہوں نے کہا کہ کاروباری افراد کو این او سی ز جاری کرنا مجموعی معیشت کو فروغ دینا ہے۔
وزیر اعظم پاکستان اور نگران وزیر اعلی پنجاب کے خصوصی احکامات کے تحت ضلع شیخوپورہ میں گندم کے ذخیرہ اندوزوں اور سمگلنگ کے مکروہ دھندے میں ملوث عناصر کے خلاف کریک ڈاون جاری ہے۔ڈپٹی کمشنر شیخوپورہ سرمد تیمور کی سربراہی میں اس خصوصی مہم کے دوران پانچوں تحصیلوں میں غیر قانونی طور پر گندم دوسرے اضلاع اور صوبوں کو سمگلنگ کرنے کی کوشش کرنے والے 206 ٹرکوں کو موٹرویز اور دیگر شاہرات سے قبضہ میں لیکر ایک لاکھ 43 ہزار گندم کے بیگ سرکاری گوداموں میں منتقل کردی گئی۔ اسسٹنٹ کمشنر شیخوپورہ لا ریب اسلم نے تحصیل شیخوپورہ کے مختلف علاقوں میں محکمہ خوراک اور پولیس کے ہمراہ چھاپوں کے دوران غیر قانونی طور پر ذخیرہ کی گئی 50 ہزار بیگ گندم برآمد کرکے سات ملزمان کوحراست میں لے کرا کر ان کے خلاف مقدمات درج کرادیے گئے اور گندم سرکاری گوداموں میں منتقل کردی گئی۔ڈپٹی کمشنر شیخوپورہ نے بتایا کہ ضلع شیخوپورہ میں گندم کی خریداری کے ہدف کا 83فیصد مکمل کرلیا گیا ہے باقی ہدف بھی بہت جلد مکمل کرلیا جاے گا۔ ذخیرہ اندوزوں اور سمگلنگ کے خلاف بلا تفریق کاروائیاں جاری رہیں گی.
ضلعی انتظامیہ قصورنے گندم سمگلنگ کرنے والوں کیخلاف کریک ڈاؤن‘698من گندم کی سمگلنگ ناکام بنا دی گئی۔ تفصیلات کے مطابق ڈپٹی کمشنر کی خصوصی ہدایات کی روشنی میں ضلع بھر میں ذخیرہ اندوزوں اور گندم سمگلنگ کرنے والوں کیخلاف بلا تفریق کاروائیاں عمل میں لائی جارہی ہیں۔ ضلعی انتظامیہ قصور کی مختص کردہ ٹیموں نے بہادر پورہ،نور پور، و دیگر چیک پوسٹوں پر کاروائیاں کرتے ہوئے 698من گندم کی دوسرے اضلاع میں سمگلنگ کی کوشش کو ناکام بنا کر گندم کو بحق سرکار ضبط کر لیا ہے۔
ڈپٹی کمشنر ننکانہ صاحب میاں رفیق احسن نے کہا کہ حکومت پنجاب کی خصوصی ہدایت پرضلع بھر میں گندم کی سمگلنگ اور ذخیرہ اندوزی کرنے والوں کے خلاف روزانہ کی بنیاد پر پرائیویٹ گوداموں،رائس ملز، گھروں سمیت کمیشن شاپس پر چھاپے مارے جارہے ہیں اورگندم کوسرکاری گوداموں میں شفٹ کیاجارہاہے، گندم کی ذخیرہ اندوزی اوردوسرے اضلا ع میں منتقل کرنا سنگین جرم ہے ضلع بھر کے آوٹ پوائنٹس پر گندم کی منتقلی روکنے کے لیے ناکہ جات کی کڑی نگرانی کی جارہی ہے۔انہوں نے ان خیالات کا اظہارگندم خریداری مہم اور پٹرول پمپس کے این او سی کے اجرائکا جائزہ لینے کے لیے منعقدہ اجلاس کی صدارت کرتے ہوئے کیا۔ایڈیشنل ڈپٹی کمشنر ریونیوننکانہ مزمل الیاس،ایڈیشنل ڈپٹی کمشنر جنرل محمد حنیف،تینوں تحصیلوں کے اسسٹنٹ کمشنرز سمیت دیگر متعلقہ محکمہ جات کے افسران نے اجلاس میں شرکت کی۔اے ڈی سی آر ننکانہ مزمل الیاس نے اس موقع پر ضلع بھر میں جاری گندم خریداری مہم کے حوالے سے ڈپٹی کمشنر ننکانہ کو تفصیلی بریفنگ دیتے ہوئے بتایا کہ اب تک ضلع بھر میں گندم کی سمگلنگ اور ذخیرہ اندوزی کرنے والے 160ٹرکوں /ٹرالیوں ،گوداموں،رائس ملز،کمیشن شاپس اور گھروں کے خلاف کاروائیوں کے دوران ابتک 01لاکھ 18ہزار سے زائدگندم کے تھیلے برآمد کرکے سرکاری گوداموں میں شفٹ کیے گئے ہیں
۔علاوہ ازیں ڈپٹی کمشنر ننکانہ میاں رفیق احسن کی زیر صدارت پٹرول پمپس کے این او سی کے اجرائکے حوالے سے منعقدہ اجلاس کے دوران مجموعی طور پر08 کیسوں کی سماعت کی گئی۔ڈپٹی کمشنر ننکانہ میاں رفیق احسن نے زیر التوا درخواستوں کی جانچ پڑتال کے بعد 06پٹرول پمپس کو این او سی جاری کرنے کی منظوری دی۔ڈپٹی کمشنر ننکانہ میاں رفیق احسن نے کہاکہ نگران وزیراعلی محسن نقوی کی ہدایت پر پٹرول پمپس اور رائس ملز کیلئے برق رفتاری اور شفافیت سے این او سی کا اجرا جاری ہے، اب پٹرول پمپس اور رائس ملز کے لے این او سی کے حصول کے لیے شہریوں کو دفاتر کے چکر لگانے کی ضروت نہیں ہے، عوام الناس کو قلیل مدت میں این او سی کا اجرائیقینی بنایا جا رہا ہے، تمام زیر التوا درخواستوں پر عمل برق رفتاری سے یقینی بنایا جا رہا ہے
مسجد میرج ہال والدین کیلیے سکھ کا سانس ,مسجدوں کو آباد نہیں ۔۔ مسجدوں میں آباد ہو جائیے
11 سالا گھریلو ملازمہ قتل، بچی پر اتنا تشدد کیا گیا کہ جان نکل گئی
اداکارہ میرا کو مل گیا دولہا، کون ہے؟ سنیے نوجوانوں کے جذبات
لاہور: ڈپٹی کمشنر لاہور رافعہ حیدر نے شہرکی تمام مارکیٹوں اور شادی ہالوں کو رات دس بجے بند کرنے کے احکامات جاری کردیئےہیں-
باغی ٹی وی : ڈی سی لاہور کے جاری کردہ احکامات کے تحت لاہور میں واقع تمام ریسٹورنٹس اور کیفے رات گیارہ بجے تک بند کردیئے جائیں گے جبکہ ہوم ڈیلیوری سروسز بھی ساڑھے 12 بجے بند کرنی ہوں گی مارکیٹوں، ہوٹلوں، شادی ہالوں اور ریسٹورنٹس کے لیے اعلان کردہ اوقات کار پر سختی کے ساتھ عمل درآمد یقینی بنایا جائے۔
واضح رہے کہ کچھ عرصہ قبل نئے قومی بچت پلان کے تحت مارکیٹوں کو شب 8 بجے بند کرنے اور ورک فرام ہوم کی بھی تجاویز دی گئی تھیں۔ تاجروں اورشادی ہالز مالکان کی جانب سے ان تجاویز کی مخالفت بھی کی گئی تھی۔
وزیر دفاع خواجہ آصف نے کہا تھا کہ سرکاری اداروں کے بجلی کے استعمال میں 30 فیصد کمی لائے جائے گی۔ اس منصوبے سے سالانہ 62 ارب روپے کی بچت ہوگی۔پلان فوری طور پر نافذ کیا جائے گا پاکستان کی روٹین ساری دنیا سے مختلف ہے، یہاں مارکیٹیں اور ریسٹورینٹس ایک دو بجے تک کھلے رہتے ہیں۔ دفاتر کا بھی یہی حال ہے-
ان کا کہنا تھا کہ ہمیں اپنا طرز زندگی بدلنے کی ضرورت ہے، ہماری عادات و اطور باقی دنیا سے مخلتف ہیں۔ یکم جولائی کے بعد بجلی سے چلنے والے پنکھے تیار نہیں کیے جائیں گے۔ ہم گرمیوں میں 29 ہزار میگا واٹ بجلی استعمال کرتے ہیں۔ 17 ہزار میگاواٹ بجلی سردیوں کی نسبت زیادہ استعمال کرتے ہیں ، سردیوں میں ہم 12 ہزار میگاواٹ بجلی استعمال کرتے ہیں۔
ان کا کہنا ہے کہ گرمی سے بچنے کے لیے ہم 18 ہزار میگاواٹ بجلی استعمال کرتے ہیں جس میں سے صرف پنکھے 12 ہزار میگاواٹ بجلی استعمال کرتے ہیں، پروگرام بنا رہے ہیں کہ بجلی کا استعمال نیچے لائیں، ہم ایک پروگرام پر عمل کررہے ہیں کہ پنکھوں میں بجلی کا استعمال کم کیا جائے۔
انہوں نے کہا ہے کہ یکم فروری کے بعد پرانی طرز کے بلب تیار نہیں ہوں گے۔ اس سے 22 ارب روپے کی بچت ہوگی جب کہ تمام سرکاری ادارے بجلی کی بچت کےلیے ایفیشیئنٹ آلات لگائیں گے، غیر مؤثر آلات پر پابندی عائد کردی گئی ہے۔
لاہور: ضلعی انتظامیہ نے پاکستان تحریک انصاف کو لاہور میں ریلی نکالنے کی مشروط اجازت دے دی۔
باغی ٹی وی : ذرائع کے مطابق نگراں وزیراعلیٰ پنجاب سید محسن نقوی کی ہدایت پر ضلعی انتظامیہ کے افسران نے پی ٹی آئی رہنماؤں سے ملاقات کی اور یقین دہانی کے بعد پی ٹی آئی رہنماؤں کو ریلی کی اجازت دے۔
ذرائع کے مطابق ضلعی انتظامیہ نے پی ٹی قیادت کو واضح کیا ہے کہ ریلی میں عدلیہ اور اداروں یا اُن کے سربراہان کیخلاف تقاریر، نعرے بازی کی اجازت نہیں ہوگی، بصورت دیگر منتظمین کے خلاف کارروائی عمل میں لائی جاسکتی ہے۔
بعد ازاں ڈپٹی کمشنر لاہور رافع حیدر نے اجازت نامے کا نوٹیفکیشن جاری کیا جس کے مطابق پی ٹی آئی کی جانب سے حلف لینے کے بعد اجازت دی گئی ہے۔ شرط کے مطابق ریلی میں عدلیہ اور اداروں کی خلاف تقاریر کی اجازت نہیں ہوگی-
کہا گیا کہ سیکیورٹی کو بہتر بنانے کےلئے فوکل پرسن اور پی ٹی آئی زمہ داران متعلقہ سیکیورٹی اور ضلعی انتظامیہ کیساتھ تعاون کریں گے، ٹریفک میں خلل نہ ڈالنے اور رواں دواں رکھنے کےلئے پی ٹی آئی زمہ داران ضلعی انتظامیہ اور ٹریفک پولیس کیساتھ مکمل تعاون کریں گے۔
اجازت نامے میں لکھا گیا ہے کہ ریلی کی صورت میں پبلک پراپرٹی کو نقصان پہنچنے کی صورت میں پی ٹی آئی کی متعلقہ انتظامیہ زمہ دار ہوگی، ساؤنڈ سسٹم کے استعمال سے متعلق متعلقہ قانون کی پاسداری کی جائے گی۔ پی ٹی آئی رضا کار ضلعی انتظامیہ کے ساتھ مکمل تعاون کریں گے۔ ریلی کے باعث کسی بھی جگہ کارروباری مراکز کو بند کرنے اور نقصان پہنچانے کی اجازت ہر گز نہیں ہوگی۔
اجازت نامے میں واضح کیا گیا ہے کہ ریلی میں کارکنوں اور تمام متعلقہ افراد ڈنڈے، یا اس سے متعلقہ کوئی چیز ساتھ نہیں لاسکیں گے۔ ریلی کے دوران کسی کے بھی جزبات احساسات مجروح نہیں ہوں گے۔ ریلی کےلئے کسی بھی جگہ کوئی استقبالیہ کیمپ نہیں لگائے جائیں گے۔ ریلی روٹ پر کسی بھی طرح وال چاکنگ نہیں ہوگی اور نہ ہی کسی شہری کو زبردستی جلوس میں شامل کیا جائے گا جبکہ ریلی کو شام ساڑھے پانچ بجے ختم کیا جائے گا۔
قبل ازیں لاہورمیں پریس کانفرنس کرتے ہوئے پی ٹی آئی کے رہنما حماد اظہر کا کہنا تھا کہ ان کی ابھی عمران خان کے ساتھ بات ہوئی ہے، پی ٹی آئی نے ریلی ملتوی کردی ہے، ریلی کل یا بعد میں بھی ہوسکتی ہے، ہم پرامن انتخابات اورپرامن انتقال اقتدارچاہتے ہیں۔
یاد رہے کہ تحریک انصاف کے چیئرمین عمران خان نے آج اتوار کو انتخابی مہم کے سلسلے میں ریلی نکالنے کا اعلان کیا تھا جس کے بعد لاہور کی انتظامیہ حرکت میں آئی اور شہر میں دفعہ 144 لگا کر پولیس کی بھاری نفری تعینات کرنے ساتھ ساتھ رینجرز کو بھی طلب کر لیا تھا۔
لاہور: پیٹرول پمپس پر پیٹرول اور ڈیزل کی سپلائی میں کمی ہوگئی۔
باغی ٹی وی: ذرائع کے مطابق کھپت سےکم سپلائی ہونے کے باعث شہر میں پیٹرول پمپ بند ہونے لگے ہیں20ہزار لیٹر یومیہ پیٹرول بیچنے والے پمپس کو 8 سے 10 ہزار لیٹر سپلائی دی جاری ہے-
ذرائع کے مطابق پیٹرول پمپس پر لوگوں کو محدود مقدار میں پیٹرول دیا جا رہا ہے جس سے شہری شدید پریشانی کا شکار ہیں۔
ڈی سی لاہور نے لاہور میں پیٹرول پمپس چیک کرنے کیلئے ٹیمیں تشکیل دے دیں،ڈی سی لاہور نے تمام اسسٹنٹ کمشنرز کو ہدایات جاری کر دیں –
ڈی سی لاہور نے حکم دیا کہ ہر پیٹرول پمپ کا روزانہ کا اسٹاک چیک کیا جائے ،جو پیٹرول پمپ سپلائی نہ دے اسکے خلاف کارروائی کی جائے، لاہور میں 350 سے زائد پیٹرول پمپ موجود ہیں لاہور میں یومیہ 18 لاکھ لیٹر پیٹرول کی کھپت ہے-
چیئرمین پاکستان ریسٹورنٹس ایسوسی ایشن عامر رفیق قریشی ہمراہ دیگر عہدیداران و ممبران نے ڈپٹی کمیشنر عمر شیر چھٹہ سے اہم ملاقات کی۔
ملاقات میں عامر رفیق قریشی چیئرمین پاکستان ریسٹورنٹس ایسو سی ایشن نے ڈپٹی کمشنر لاہو رکو ریسٹورنٹس کے معاشی حالات کے بارے آگاہ کیا۔ انھوں نے کہا کہ ریسٹورنٹس جو ابھی کرونا وائرس کے معاشی اثرات سے باہر نہیں آ سکے ان پر وقت کی پابندی لگانا ظلم عظیم ہے۔ ان ڈور ریسٹورنٹس رات 12:00 تک کھلا رہنے کی اجازت دی جائے۔ تمام ممبران نے کہا کہ ٹیک اوے اور آؤٹ ڈور 24 گھنٹے کھلا رہنے کی اجازت دی جائے کیونکہ آؤٹ ڈور میں اے سی کا استعمال بالکل نہیں ہوتا۔ ہر بار پابندیوں میں ریسٹورنٹس کو نشانہ نہ بنایا جائے۔ ڈپٹی کمشنر نے یقین دہانی کروائی کہ وہ ہمارے مطالبات ارباب اختیار تک پہنچائیں گے اور جلد ہی اس پر جوابی رائے دیں گے اور عید سے پہلے پابندیاں اٹھانے کا یقین بھی دلایا۔
چیئرمین پاکستان ریسٹورنٹس یونٹی ایسوسی ایشن کی اہم شخصیت سے ملاقات
واضح رہے کہ توانائی بحران سے نکلنے کے لئے حکومت نے لاہور میں رات نو بجے مارکیٹیں بند کرنے کا فیصلہ کیا ہے جس کے خلاف تاجر برادری سراپا احتجاج ہے تاجروں کا کہنا ہے کہ اب عید آ رہی ہے اور ہمارے کمائی کے دن ہیں حکومت کا یہ فیصلہ غلط ہے، اس طرح کے فیصلوں سے تاجر سڑکوں پر آ جائیں گے پہلے کرونا کے دنوں میں کاروبار نہیں ہو سکا ،حکومت کو چاہئے کہ تاجروں کو ریلیف دے
ڈی سی لاہور مدثر ریاض نے سی ای او ہیلتھ آفس کا دورہ کیا – ڈی سی لاہور مدثر ریاض نے سی ای او ہیلتھ آفس کے دورے میں اس کولڈ روم کا جائزہ لیا جہاں پر کوویڈ ویکسین کو رکھا گیا ہے-
سی ای او ہیلتھ ڈاکٹر صدیق اور ڈاکٹر فیصل موقع پر موجود، ڈی سی لاہور مدثر ریاض کو تفصیلی بریفنگ دی گئی.ڈی سی لاہور مدثر ریاض نے کولڈ روم کا جائزہ لیا، سٹاک کو چیک کیا گیا- 23400 کے قریب کوویڈ ویکسین ہے جو لاہور کے لئے آئی ہے-ڈی سی لاہور مدثر ریاض نے بیان دیا کہ یہ ویکسین ہیلتھ ورکرز جو فرنٹ لائن پر ہیں ان کو لگائی جائے گی، اس کے لئے انتظامات کئے جا رہے ہیں- ویکسین کو ہم ایک سسٹم کے تحت ڈسٹریبیوٹ کر رہے ہیں، فوکل پرسن ڈی ڈی ایچ او ہیں جو کہ باقاعدہ ایک گائیڈ لائن کے تحت بذریعہ نادرہ ویریفکیشن مختلف ہسپتالوں کو دے رہے ہیں-
لوگ ویکسین لگوا رہے ہیں، وہ خود بھی چاہ رہے ہیں کہ ویکسین لگوائی جائے- لیکن فی الحال ویکسین چونکہ کم آئی ہیں تو جو فرنٹ لائن ہمارے ہیلتھ ورکرز ہیں ان کو لگائی جا رہی ہے- 12000 تقریباً اب تک لگ چکی ہیں- بہت جلد عام عوام کے لئے بھی ویکسین آ جائے گی، گورنمنٹ آف پاکستان بہت تیزی سے اس پر کام کر رہی ہے.- ڈیمانڈ بہت زیادہ ہے، سپلائی اس لحاظ سے نہیں ہے، لیکن گورنمنٹ آٰف پاکستان بہت تیزی سے چائنہ کے ذریعے کام کر رہی ہے- کورونا ویکسین جہاں پر رکھی ہوئی ہے، وہاں پر سیکیورٹی کے لئے کیمرہ بھی لگے ہوئے ہیں-
لاہور:دیرآئید درست آئید ، لاہورکے ہے حکومت کااچھا تحفہ ، اطلاعات کےمطابق لاہور کی انتظامی کمان کا فیصلہ ہو گیا، ایک ماہ بعد شہر کو نیا سربراہ مل گیا۔ دانش افضال کو ڈپٹی کمشنر لاہور تعینات کر دیا گیا ہے۔
دانش افضال ایڈیشنل سیکرٹری ٹو چیف سیکرٹری کےعہدہ پر فرائض سر انجام دے رہے تھے۔دانش افضال کے بارے میں اچھی رپورٹس ہیں کہ وہ بہت ایماندار ، محب وطن اور محنت کے دھنی ہیں ، دانش افضال کی منظوری وزیراعظم کی طرف سے رضامندی کے بعد ہوئی
نئے ڈپٹی کمشنر کی تعیناتی کا نوٹیفکیشن جاری کر دیا گیا ہے۔ ڈی سی اصغر جوئیہ بطور قائم مقام ڈپٹی کمشنر تعینات تھے۔ یاد رہے 21 ستمبر کو ڈپٹی کمشنر صالحہ سعید کوعہدے سے ہٹایا گیا تھا۔