ضلعی انتظامیہ لاہور نے ماہ جنوری 2021 کی پرائس کنٹرول کی رپورٹ جاری کر دی.
ڈی سی لاہور مدثر ریاض نے رپورٹ پیش کرتے ہوئے کہا کہ 27477 انسپکشنز کی گئیں-2831 خلاف ورزیاں پائی گئیں- 72 لاکھ 07 ہزار روپے کے جرمانے عائد کئے گئے ہیں- 315 ایف آئی آرز کا اندراج کروایا گیا- 315 افراد کو حراست میں لیا گیا- 06 افراد کو سیدھا جیل بھیج دیا گیا-
ڈی سی لاہور مدثر ریاض نے یقین دہانی کروائی کہ ضلعی انتظامیہ لاہور اشیائے ضروریہ کی فروخت کو سرکاری نرخوں پر یقینی بنانے کے لئے متحرک ہے-
لاہور شہر میں ٹائیفائڈ مہم کا آج سے باقاعدہ طور پر آغاز –
ڈی سی لاہور مدثر ریاض کا شہر میں جاری کردہ ٹائیفائڈ مہم کے حوالے سے کہنا تھا کہ ٹائیفائڈ مہم یکم فروری سے شروع ہو کر 15 فروری تک جاری رہے گی- شہر میں 42 فیصد آبادی پر فوکس کیا جا رہا ہے- 50 لاکھ بچوں کو ٹائیفائڈ ویکسین لگائی جا رہی ہیں- ویکسین سے ہمارے بچے ٹائیفائیڈ سے محفوظ ہو جائیں گے- نو ماہ سے 15 سال تک کے بچوں کو ٹائیفائڈ انجکشن لگائے جا رہے ہیں- پہلی مرتبہ ٹائیفائڈ ویکسین لگائی جا رہی ہے-
ڈی سی لاہورکا مزید کہنا تھا کہ اس مہم کا مقصد ٹائیفائڈ کا خاتمہ ہے- 2603 رضاکار، 2939 سکلڈ، ٹیم اسسٹنٹ 2939 ، سوشل موبلائیزر 5878 ، یو سی ایم اوز 525 اور فوکل پرسن 166 اس ٹائیفائیڈ مہم میں حصہ لے رہے ہیں- والدین اپنے بچوں کو ٹائیفائڈ ویکسین ضرور لگوائیں، ڈی سی لاہور مدثر ریاض کی اپیل- ٹائیفائڈ ویکسین ٹیموں کے ساتھ بھرپور تعاون کریں-