Tag: ڈی پی او

اوکاڑہ(علی حسین) ڈی پی او اوکاڑہ عمر سعید ملک کو ڈی پی او ڈی جی خان تعینات کردیا گیا ہے۔ عمر سعید ملک کی جگہ فیصل شہزاد کو بطور ڈی پی او اوکاڑہ تعینات کردیا گیا ہے۔ سابقہ ڈی پی او عمر سعید ملک نے اپنی ڈیوٹی کے دوران ضلع اوکاڑہ میں جرائم پر قابو پانی کی ہرممکن کوشش کی اور مجموعی طور پر کافی حد تک کامیاب بھی رہے۔ باغی ٹی وی سے بات کرتے ہوئے شہریوں نے بتایا کہ نئے ڈی پی او شہزاد فیصل سے انہیں بہترین کاکردگی کی امید ہے۔علاوہ ازیں پنجاب بھر میں جو تبادلے کیے گئے ، انکی تفصیل درج ذیل ہے۔
آئی جی پنجاب نے 8 ڈی پی اوز کے تقرروتبادلے کر دئیے۔
ایس ایس پی ایڈمن ٹو سی ایم پنجاب غلام مبشر کو ڈی پی او شیخوپورہ تعینات کر دیا گیا۔
ڈی پی او شیخوپورہ غازی محمد کو ایڈیشنل آئی جی آپریشنز لاہور تعینات کردیا گیا۔
ڈی پی او سیالکوٹ کیپٹن (ر) مستنصر فیروز کو ڈی پی او میانوالی تعینات کر دیا گیا .
ڈی پی او میانوالی حسن اسد علوی کو ڈی پی او سیالکوٹ تعینات کر دیا گیا ۔
ڈی پی او اوکاڑہ عمر سعید ملک کو ڈی پی او ڈیرہ غازی خان تعینات کر دیا گیا ۔
ڈی پی او ڈیرہ غازی خان اختر فاروق کو سی پی او آفس رپورٹ کرنے کی ہدایت ۔
ایس ایس پی آپریشنز لاہور فیصل شہزاد کو ڈی پی اوکاڑہ تعینات کر دیا گیا۔
زاہد نواز مروت کو ایڈیشنل آئی جی انسپکشن پنجاب تعینات کر دیا گیا ۔
تمام کے نوٹیفیکیشن جاری کر دیے گئے ہیں۔

اوکاڑہ(علی حسین) اوکاڑہ کے نواحی علاقے صدرگوگیرہ پولیس تھانہ میں ڈکیتی کے مقدمے کی بابت لائے گئے ملزم تصور کو پولیس نے انسانیت سوز تشدد کا نشانہ بنا ڈالا۔ تصور کے ورثاء نے باغی ٹی وی کو بتایا ہے کہ تصور کو دس روز قبل تھانہ گوگیرہ کی پولیس نے پکڑا اور اسے وحشیانہ تشدد کا نشانہ بنایا جسکی وجہ سے وہ شدید زخمی ہوگیا۔ مضروب کی نازک حالت کی بنا پر اسے لاہور کے ایک ہسپتال میں ریفر کیا گیا جہاں وہ دس روز زیر علاج رہنے کے بعد زخموں کی تاب نہ لاتے ہوئے دم توڑ گیا۔ متوفی کے ورثاء نے اوکاڑہ فیصل آباد روڈ بلاک کرکے احتجاج ریکارڈ کرایا ہے۔ ڈی پی او اوکاڑہ عمرسعید ملک نے واقعہ کا فوری نوٹس لیتے ہوئے تھانہ گوگیرہ کے ایس ایچ او کا فی الفور تبادلہ کردیا ہے۔ باغی ٹی وی کو انٹرویو دیتے ہوئے عمرسعید ملک نے کہا ہے کہ واقعہ کی شفاف تحقیقات کی جائیں گی اور واقعے کے حقیقی محرک کو قرار واقعی سزا دی جائیگی۔

اوکاڑہ(علی حسین) تھانہ گوگیرہ کی حدود میں چند بااثر افراد نے ایک نوجوان کو درخت سے باندھ کر تشدد کا نشانہ بنایا۔ ملزمان نوجوان کو برہنہ کرکے کئی دیر تک تشدد کا نشانہ بناتے رہے۔ گوگیرہ پولیس نے وقوعہ کے مرکزی ملزم لیاقت کو گرفتار کرکے مقدمہ درج کرلیا ہے۔ ڈی پی او اوکاڑہ عمرسعیدملک نے واقعہ کا نوٹس لیتے ہوئے کہا ہے کہ ملزمان کو سخت سزا دلوائی جائیگی۔

علی حسین(اوکاڑہ) دیپالپور میں اپنے ہی کمسن بھانجے کو اغواء کرکے تاوان کی رقم کا مطالبہ کرنیوالا مغوی کا سگا ماموں نکلا۔ پولیس نے ملزم کو اسکے ساتھی سمیت گرفتار کرکے تاوان کی رقم پانچ لاکھ روپے اور طلائی زیورات بھی برآمد کرلیے۔ ایس پی انویسٹی گیشن آفیسر دیپالپور شمس الحق درانی نے پریس کانفرنس کے دوران اغواء برائے تاوان کی تفصیلات بتاتے ہوئے کہا کہ گزشتہ روز دس سالہ ثناء اللہ کو دو ملزمان نے اغواء کرلیا اور تاوان کی رقم پانچ لاکھ روپے اور طلائی زیورات کا مطالبہ کیا۔ بصورت دیگر بچے کو قتل کرنے کی اور سنگین نتائج کی دھمکی دی۔ بچے کے والد اسلم نے تاوان ادا کردیا اور بچے کو 1 چک پھاٹک اوکاڑہ شہر سے بازیاب کرالیا گیا۔ بچے کے والد اسلم نے تھانہ سٹی کے ایس ایچ او قلب سجاد کو اطلاع دی۔ ڈی پی او عمرسعید ملک کی خصوصی ہدایات پر ملزمان کو گرفتار کرنے کے لیے ایس ایچ او تھانہ سٹی دیہالپور کی سربراہی میں خفیہ ٹیم تشکیل دیدی گئی۔ ایس ایچ او تھانہ سٹی دیپالپور نے کاروائی کرتے ہوئے اغواکار ملزم شاہد لطیف اور اسکے ایک ساتھی کو گرفتار کرلیا۔ ملزمان کے خلاف مقدمات درج کرلیے گئے ہیں۔

اوکاڑہ(علی حسین) ڈسٹرکٹ پولیس آفیسر اوکاڑہ عمر سعید ملک نے باغی ٹی وی کو انٹرویو دیتے ہوئے کہا ہے کہ محرم الحرام کی مناسبت سے ضلع بھر میں سکیورٹی کے انتظامات مکمل کرلیے گئے ہیں اور شہر میں فول پروف سکیورٹی کنٹرول روم قائم کردیا گیا ہے جہاں سے ضلع بھر میں منعقد ہونیوالی مجالس عزا اور جلوسوں کی مانیٹرنگ کی جائیگی۔ عمرسعید ملک نے مزید کہا ہے کہ پولیس اپنے وقار کو ہمیشہ قائم رکھے گی اور عوام الناس کی جان و مال کی حفاظت کریگی۔ انہوں نے کہا کہ محرم الحرام میں کسی قسم کی شرانگیزی پھیلانے والے خلاف سختی سے نمٹا جائیگا۔

اوکاڑہ(علی حسین) تھانہ گوگیرہ پولیس کی نااہلی کیوجہ سے دو ملزمان حوالات توڑ کر فرار ہوگئے۔ فرار ہونیوالے ملزمان میں نثار اور اظہر شامل ہیں جو تاحال گرفتار نہیں ہوسکے۔ پولیس کے مطابق مفرور ملزمان چوری کی کئی وارداتوں میں ملوث ہونیکی وجہ سے گرفتار ہوئے لیکن گزشتہ رات موقع پاکر حوالات سے فرار ہوگئے۔ ڈی پی او اوکاڑہ عمرسعید ملک نے اس واقعے کا نوٹس لیتے ہوئے تھانہ گوگیرہ کے قائم مقام ایس ایچ او ملک ارشد، انویسٹی گیشن انچارج، محرر و نائب محرر اور دو پولیس کانسٹیبل کو معطل کردیا۔

اوکاڑہ(علی حسین) اوکاڑہ پولیس نے کاروائی کرتے ہوئے چار افراد کو ناجائز اسلحہ کی نمائش کرنے پر گرفتار کرلیا۔ گرفتار ہونیوالے افراد میں مظہر، عثمان، بابر اور قدیر وغیرہ شامل ہیں۔ ترجمان پولیس کے مطابق ڈی پی او اوکاڑہ عمرسعید ملک کی ہدایات پر ضلع بھر میں ناجائز اسلحہ رکھنے والوں، جواریوں اور منشیات فروش جرائم پیشہ عناصر کے خلاف بلاتفریق آپریشن جاری ہے۔ تھانہ چوچک کی پولیس نے ناجائز اسلحہ کی نمائش کرنے اور لوگوں میں خوف و ہراس پھیلانے کیوجہ سے چار افراد کو گرفتار کرکے مقدمہ درج کرلیا ہے۔

اوکاڑہ(علی حسین) ڈسٹرکٹ پولیس آفیسر عمرسعیدملک نے سب ڈویژنل پولیس افسران سے عید الاضحیٰ کی سکیورٹی کے حوالے سے میٹنگ کرتے ہوئے کہا کہ شرپسند اور تخریب کار عناصر سے سختی سے نمٹا جائیگا۔ انہوں نے کہا کہ کالعدم تنظیموں کو قربانی کی کھالیں جمع کرنے کی ہرگز اجازت اجازت نہیں دی جائیگی، بصورت دیگر قانونی کاروائی کی جائیگی۔ فورتھ شیڈول میں شامل افراد اور تنظیموں پر کڑی نظر رکھی جائیگی۔ ڈی پی او عمرسعیدملک نے مویشی منڈیوں کی سکیورٹی کو یقینی بنانے کی ہدایات دی ہیں۔

اوکاڑہ(علی حسین) گزشتہ دنوں حجرہ شاہ مقیم تھانہ کے ایس ایچ او انجم ضیاء پر صبا نامی خاتون نے تشدد کا الزام لگایا تھا۔ جس کی بنا پر تھانہ حجرہ شاہ مقیم کے ایس ایچ او انجم ضیاء کے خلاف محکمانہ انکوائری کا آغاز کیا گیا۔ انکوائری کے لیے ایس پی انویسٹیگیشن شمس الحق درانی کی سربراہی میں ایک کمیٹی تشکیل دی گئی۔ انجم ضیاء کے خلاف ڈی پی او اوکاڑہ نے نوٹس بھی لیا۔ تاہم مجسٹریٹ اول کے سامنے صبا نامی خاتون اپنے موقف سے مکر گئی اور کہا کہ میں نے ایس ایچ او انجم ضیاء کے خلاف تشدد کا بیان کسی کے دباؤ میں آکر دیا تھا۔ انجم ضیاء بے قصور ہیں ۔