Tag: کابینہ

پشاور:خیبر پختونخوا حکومت نے کابینہ فیصلہ کے مطابق ضلع سوات کو دو حصوں میں تقسیم کرنے کا اعلامیہ جاری کر دیا۔

خیبرپختونخوا حکومت نے انتظامی بہتری اور عوامی سہولت کے لیے ضلع سوات کو دو حصوں، بالائی سوات (Upper Swat) اور زیریں سوات (Lower Swat) میں تقسیم کرنے کا باقاعدہ فیصلہ کیا ہے-

صوبائی محکمہ سے جاری اعلامیہ کے مطابق ضلع اپر (بر) سوات کا ہیڈ کوارٹر مٹہ جبکہ سوات کا ہیڈ کوارٹر گل کدہ تحصیل بابوزئی ہوگا ضلع اپر سوات میں مٹہ، بحرین اور خوازہ خیلہ کی تحصیلیں اور ضلع سوات میں بابوزئی، کبل، چارباغ اور بریکوٹ کی تحصیلیں شامل ہوں گی۔

سوات کو دو حصوں میں تقسیم کرنے کا فیصلہ 19دسمبر2025 کو کابینہ کے 43ویں اجلاس میں کیا گیا تھا ضلع سوات کو دو حصوں میں تقسیم کرنے سے صوبہ میں اضلاع کی تعداد بڑھ کر 40 ہوگئی ہے۔

پشاور:خیبرپختونخوا کی 15 رکنی کابینہ نے حلف اٹھا لیا۔

باغی ٹی وی: گورنر ہاؤس کے پی میں ارکان صوبائی اسمبلی کی حلف بردادی کی تقریب منعقد ہوئی جس میں وزیراعلیٰ خیبرپختونخوا علی امین گنڈاپور ، آئی جی اور چیف سیکرٹری سمیت دیگر اعلیٰ حکام شریک ہوئےگورنر خیبر پختونخوا غلام علی نےکابینہ سے حلف لیا،حلف اٹھانے والوں میں ارشد ایوب، شکیل احمد، فضل حکیم خان ، محمد عدنان ،عاقب اللہ، محمد سجاد، مینا خان،فضل شکور ،نذیر احمد عباسی، پختون یار، آفتاب عالم، خلیق الرحمان، سید قاسم علی شاہ ،فیصل خان ترکئی اور محمد ظاہر شاہ طورو بھی حلف اٹھانے والوں میں شامل ہیں۔

واضح رہے کہ وزیر اعلیٰ خیبر پختونخوا علی امین گنڈا پور نے گزشتہ روز اڈیالہ جیل میں بانی پی ٹی آئی عمران خان سے بھی ملاقات کی تھی جس میں صوبائی کابینہ کے ارکان کے حوالے سے مشاورت کی گئی تھی۔

خیبرپختونخوا کی 15 رکنی کابینہ نے حلف اٹھا لیا

صحافی عمران ریاض 14 روزہ جوڈیشل ریمانڈ پر جیل

واٹس ایپ میں نیا دلچسپ فیچر متعارف کرانے کا اعلان

خیبر پختونخوا کی 15 رکنی کابینہ تشکیل دے دی گئی،گورنر خیبر پختونخوا نے کابینہ کی سمری پر دستخط کر دیئے ہیں

وزیراعلیٰ خیبر پختونخوا علی امین گنڈا پور نے گزشتہ روز عمران خا ن سے اڈیالہ جیل میں ملاقات کی تھی جس کے بعد خیبر پختونخوا کابینہ کا اعلان کیا گیا، خیبرپختونخوا کابینہ میں ارشد ایوب، شکیل احمد، فضل حکیم خان، محمد عدنان قادری، عاقب اللہ اور محمد سجاد کو شامل کیا گیا ہے۔ اس کے علاوہ مینا خان، فضل شکور بھی صوبائی کابینہ میں شامل ہیں، خیبر پختونخوا کابینہ میں پانچ مشیر بھی تقرر کئے گئے ہیں،مشیروں میں سید فخر جہان، مزمل اسلم، مشال اعظم اور محمد علی سیف شامل ہیں

گورنر خیبرپختونخوا غلام علی نے صوبائی کابینہ کی سمری پر دستخط کر دیے ہیں، صوبائی کابینہ میں شامل وزراء آج شام ساڑھے6 بجے حلف اٹھائیں گے،گورنر خیبر پختونخوا نئی کابینہ سے حلف لیں گے.

واضح رہے کہ خیبر پختونخواہ میں آزاد امیدوار بڑی تعداد میں کامیا ب ہوئے اور واضح اکثریت حاصل کی، آزاد امیدوار تحریک انصاف کے حمایت یافتہ تھے، خیبر پختونخوا میں تحریک انصاف تیسری بار حکومت بنا رہی ہے،

جو 9 مئی کے ذمہ دار ہیں ان کے خلاف کاروائی کریں،وزیراعلیٰ خیبر پختونخوا

توہین الیکشن کمیشن کیس، علی امین گنڈا پور کو حاضر کرنےکا حکم

خیبر پختونخوا میں بارشوں سے نقصان،اموات،وزیراعلیٰ کا اظہار افسوس

علی امین گنڈا پورکا وزیر اعلی خیبر پختونخوا منتخب ہونے کے بعد پہلا حکم

علی امین گنڈا پور پاکستان تحریک انصاف خیبرپختونخوا کے بلا مقابلہ صدر منتخب

پشاور ہائیکورٹ نے تحریک انصاف کے رہنماؤں کی الیکشن کے نتائج کی دستاویزات کی فراہمی کے لیے درخواستوں پر الیکشن کمیشن کو نوٹس جاری کر دیا اور آئندہ سماعت پر جواب طلب کرلیا

پشاور ہائیکورٹ کے جسٹس اشتیاق ابراہیم اور جسٹس شکیل احمد نے تیمور جھگڑا، کامران بنگش، محمود جان اور دیگر کی درخواستوں پر سماعت کی،جسٹس اشتیاق ابراہیم نے استفسار کیا کہ آپ فارم 45 مانگ رہے ہیں؟درخواست گزار کے وکیل نے عدالت میں کہا کہ جی، ہم وہی مانگ رہے ہیں اور نہیں دیا جا رہا، الیکشن کمیشن جاتے ہیں تو کہتے ہیں کہ فارم آر اوز کے پاس ہیں، آر اوز کے پاس جاتے ہیں تو وہ کہتے ہیں کہ ہمارے پاس نہیں ہیں۔

عدالت نے استفسار کیا کہ آپ کو نتائج کی مصدقہ کاپیاں چاہئے؟درخواست گزار کے وکیل نے جواب دیا کہ جی، مصدقہ دستاویز کے بغیر ہم الیکشن ٹریبونل میں نہیں جا سکتے،پشاور ہائیکورٹ نے درخواستوں کی سماعت 7 فروری تک ملتوی کر دی

اگر میں الیکشن واقعی ہارا ہوں تو کابینہ میں میرا حق ہی نہیں بنتا،تیمور سلیم جھگڑا
دوسری جانب تحریک انصاف کے رہنما رہنما تیمور سلیم جھگڑا نے میڈیا سے بات چیت کرتے ہوئے کہا ہے کہ الیکشن کمیشن کو فارم 45 دینے کی درخواست دی مگر اب تک نہیں دیے، میرے حلقے کے فارم 45 الیکشن کمیشن نے اپلوڈ کر کے دوبارہ ڈیلیٹ کیے، جوڈیشل انکوائری کر کے ملوث افسران کے خلاف کارروائی کی جائے،چیف سیکریٹری اور آئی جی نے کیا کِیا آج تک؟ ہم انتقامی کارروائی نہیں بلکہ انصاف چاہتے ہیں، ہم سب وزیراعلیٰ کو خط لکھیں گے کہ جوڈیشل انکوائری ہو،علی امین گنڈاپور اور بانی پی ٹی آئی صوبائی کابینہ بنائیں گے، اگر میں الیکشن واقعی ہارا ہوں تو کابینہ میں میرا حق ہی نہیں بنتا

نگراں وزیر اعلیٰ خیبر پختونخوا اعظم خان کے انتقال کے بعد کابینہ بھی تحلیل ہوگئی

نگران وزیر اعلیٰ خیبر پختونخوا کے انتقال سے صوبے میں آئینی بحران پیدا ہوگیا ،آئین کا آرٹیکل 224 اور 224-A نگراں وزیر اعلیٰ کی نامزدگی و تقرری کا طریقہ کار فراہم کرتا ہے،آئین میں نگران وزیر اعلیٰ کی موت کی صورت میں نئی تقرری کے طریقہ کار پر مکمل خاموشی ہے،نگران وزیر اعلیٰ خیبر پختونخوا کے انتقال کے بعد نئی تقرری اپنی نوعیت کا نیا کیس ہو گا

سابق سیکرٹری الیکشن کمیشن کنور دلشاد کے مطابق جب تک نئے نگران وزیراعلیٰ خیبر پختونخوا کا فیصلہ نہیں ہو جاتا اس وقت تک تمام اختیارات گورنر کے پاس چلے گئے ہیں ، نئے نگران وزیراعلیٰ خیبر پختونخوا کے لیے سینیٹ میں قائد ایوان اور قائد حزب اختلاف باہمی مشاورت سے ایک ہفتے میں کسی ایک نام پر اتفاق سے فیصلہ کرنا ہے دونوں بیٹھ کر فیصلہ کریں گے پھر 6 رکنی کمیٹی تشکیل دی جائے گی، سینیٹ کی اسٹینڈنگ کمیٹی فیصلہ کرےگی، اگر سینیٹ کی اسٹینڈنگ کمیٹی کسی نتیجے پر نہ پہنچی تو فیصلہ الیکشن کمیشن کرےگا

واضح رہے کہ نگران وزیراعلیٰ خیبرپختونخوا اعظم خان وفات پا گئے ہیں،اعظم خان علیل تھے اور وہ ہسپتال میں زیر علاج تھے، ترجمان آر ایم آئی نے تصدیق کی ہے کہ اعظم خان کی موت ہو گئی ہے،انہیں گزشتہ شب ہسپتال منتقل کیا گیا تھا،