Baaghi TV

Tag: کارکنان

  • احتجاج کرنیوالے تحریک انصاف کارکنان کے خلاف مقدمہ درج

    احتجاج کرنیوالے تحریک انصاف کارکنان کے خلاف مقدمہ درج

    انتخابات میں دھاندلی اور الیکشن کمیشن کی جانب سے مخصوص سیٹیں نہ ملنے پر احتجاج کرنیوالے پی ٹی آئی کارکنان کے خلاف لاہور میں سنگین دفعات کے تحت مقدمہ درج کر لیا گیا ہے

    تحریک انصاف کے رہنماؤں اور کارکنان پر دہشت گردی، اغواء، کارِ سرکار میں مداخلت اور ہراساں کرنے کے مقدمات درج کیے گئے ہیں،ایف آئی آر کے مطابق مقدمے میں تحریک انصاف کی خواتین کارکنان سمیت 38 کارکنان نامزد ہیں،درج مقدمے میں کہا گیا ہے کہ حافظ فرحت عباس نے کارکنان کو سرکاری املاک کونقصان پہنچانے پر اکسایا، پی ٹی آئی کارکنان نے سرکاری گاڑی کو بھی نقصان پہنچایا، حافظ فرحت عباس نے 4، 5 نامعلوم ساتھیوں سمیت شدید فائرنگ کی، ساتھیوں کے ہمراہ کانسٹیبل کی وردی پھاڑ دی، حافظ فرحت عباس کو قابو کر کے پولیس نے پستول بھی برآمد کیا، تحریک انصاف کے سوشل میڈیا ایکٹوسٹ وقاص کو بھی گرفتار کیا گیا ہے،آج گرفتار کارکنان کو عدالت میں پیش کیا جائے گا

    پی ٹی آئی رہنما میاں محمود الرشید کے بیٹے حسن کو آج دہشت گردی عدالت پیش کیا جائے گا ،احتجاج کے دوران گرفتار پی ٹی آئی رہنما میاں ہارون اکبر ،جمال حسن ، وقاص ،تقی رضا ، حبیب اللّہ سمیت کو عدالت میں پیش کیا جائے گا

    دوسری جانب رات گئے تحریک انصاف کے گرفتار رہنماؤں لطیف کھوسہ اور سلمان اکرم راجہ کو رہا کردیا گیا ہے،دونوں کو گزشتہ روز احتجاج کے دوران گرفتار کیا گیا تھا، لطیف کھوسہ اور سلمان اکرم راجہ کو پولیس نے اچھرہ سے احتجاج کرتے ہوئےگرفتار کیا تھا جنہیں رات گئے رہا کردیا گیا ہے

    اسلام آباد میں احتجاج کرنے پر پی ٹی آئی رہنماؤں کے خلاف ایک اور مقدمہ درج
    علاوہ ازیں اسلام آباد میں احتجاج کرنے پر پی ٹی آئی رہنماؤں کے خلاف ایک اور مقدمہ درج کر لیاگیا،مقدمہ کارسرکار میں مداخلت، دفعہ 144 کی خلاف ورزی، ایمپلیفائر ایکٹ، اسلحہ کی نمائش اور سڑک بلاک کرنے کے الزام پر درج کیا گیا,مقدمے میں شیر افضل مروت، ملک شفقت عوان، علی بخاری، شعیب شاہین، عامر مغل، شوکت بسرا، ایاز میر، خالد خورشید اور سیمابیہ طاہر نامزدکی گئی ہیں،پی ٹی آئی قیادت کے ساتھ ایک ہزار سے زائد نامعلوم افراد بھی شامل ہیں،مقدمہ اسلام آباد کے تھانہ کوہسار میں درج کیا گیا

  • ساہیوال سے پی ٹی آئی کے 21 ٹکٹ ہولڈرز نے پارٹی کو خیر باد کہہ دیا

    ساہیوال سے پی ٹی آئی کے 21 ٹکٹ ہولڈرز نے پارٹی کو خیر باد کہہ دیا

    پاکستان تحریک انصاف کی وکٹیں گرنے کا سلسلہ تاحال جاری، پنجاب کے ضلع ساہیوال سے گزشتہ 12 گھنٹوں میں پی ٹی آئی کے مزید 21 ٹکٹ ہولڈرز نے پارٹی کو خیر باد کہہ دیا-

    باغی ٹی وی: ضلع ساہیوال سے پی ٹی آئی کے 21 امیدواروں، رہنماؤں اور تمام پارٹی کارکنان نے علیحدگی کا اعلان کردیا، پاکپتن کے امجد جوئیہ،امیر حمزہ، ناصر حمید، اور ماجد ڈوگرسمیت 9 اراکین نے پارٹی کو خیر باد کہہ دیا،امجد این اے 140،امیرحمزہ پی پی194اور ماجد پی پی 195 سے ٹکٹ ہولڈر تھے اور تینوں کو پاکپتن میں مضبوط سیاسی شخصیت کے طور پر جانا جاتا تھا۔

    اوکاڑہ سے چوہدری وسیم، عبدالحمید، اور سرفراز سمیت 6 ارکان پارٹی عہدوں سے مستعفی ہوگئے جبکہ ساہیوال کے محمدخاں، چوہدری اصفر اور شاہد سمیت 6 سے زائد ارکان سمیت ساہیوال ریجن کے تمام کارکنان نے سانحہ 9 مئی کے نتیجہ میں پارٹی عہدوں سے استعفیٰ دے دیا۔

    سعودی عرب میں مناسک حج کا آغاز،منی میں دنیا کی سب سے بڑی خیمہ بستی …

    دوسری جانب ڈی جی آئی ایس پی آر میجر جنرل احمد شریف نے کہا ہے کہ نو مئی کے واقعات میں اپنی ذمہ داریوں کی ادائیگی میں ناکامی پر لیفٹیننٹ جنرل سمیت 3 افسروں کو نوکری سے برخاست کردیا گیاہے جب کہ ایک ریٹائرڈ فوراسٹار کی نواسی احتسابی عمل سے گزررہی ہے۔

    نیوز کانفرنس سے خطاب کرتے ہوئے انہوں نے کہا کہ آرمی ایکٹ کے تحت 102 شرپسندوں کے خلاف ٹرائل جاری ہے اور جاری رہے گا،فوج نے روایت کے مطابق خود احتسابی کا عمل مکمل کرلیا ہے 3میجرجنرل اور 7بریگیڈیئرز سمیت 15 افسران کیخلاف تادیبی کارروائی مکمل کی جاچکی ہے۔ مزید کہا کہ تمام ملزمان کومکمل قانونی حقوق حاصل ہیں،فوج میں جتنا بڑا عہدہ ہوتاہے اتنی ہی بڑی ذمہ داری نبھائی جاتی ہے۔

    تاحیات نااہلی ختم کرنےکابل پاس کرکے آئینی اور پارلیمانی سیاست کو نٸی زندگی دی گئی،فردوس …

    ڈی جی آئی ایس پی آر نے کہا کہ 9 مئی کا واقعہ پاکستان کیخلاف بہت بڑی سازش تھی، جس کی جتنی مذمت کی جائے کم ہے۔ تحقیقات سے ثابت ہوا اس واقعہ کی کئی ماہ سے منصوبہ بندی کی جا رہی تھی،جو کام دشمن 75سالوں میں نہ کرسکے،وہ مٹھی بھر لوگوں کے سہولتکاروں نے کردکھایا ملک بھر میں 17اسٹینڈنگ کورٹس کام کررہی ہیں،پہلے سے قائم فوجی عدالتوں میں 102شرپسندوں کا ٹرائل کیاجارہاہے،سول کورٹس نے ان شرپسندوں کا کیس ملٹری کورٹس کو منتقل کیا، تمام ذمہ داروں کو آئین پاکستان کے تحت سزائیں دی جائیں گی۔

    علاوہ ازیں مصدقہ ذرائع سے معلوم ہوا ہے کہ حکومت نے سانحہ 9 مئی کے بعدبیرون ملک مقیم پاکستانیوں کے خلاف گھیرا تنگ کرنے کا فیصلہ کر لیا ہے اس ضمن میں ریاست مخالف سرگرمیوں اور پروپیگنڈا کرنے والے غیرملکی شہریوں کے خلاف کارروائی جلد شروع کر دی جائے گی۔

    جہانگیر ترین کے خلاف گھناؤنی سازش کے مرکزی کردار چیئرمین پی ٹی آئی اور ثاقب …

  • پی ٹی آئی کارکنان کی بازیابی کی درخواست،حکومت پنجاب کو جواب جمع کرانے کیلئےمہلت

    پی ٹی آئی کارکنان کی بازیابی کی درخواست،حکومت پنجاب کو جواب جمع کرانے کیلئےمہلت

    لاہور ہائیکورٹ میں تحریک انصاف کے 335 رہنماؤں اور کارکنوں کی بازیابی کیلئے دائر درخواست پر سماعت ہوئی-

    باغی ٹی وی : لاہور ہائیکورٹ میں تحریک انصاف کے 335 رہنماؤں اور کارکنان کی بازیابی کیلئے درخواست کی سماعت جسٹس انوار الحق پنوں نے کی ،درخواست میں نگراں وزیراعلیٰ چیف سیکرٹری سمیت دیگرکو فریق بنایا گیا-

    سپریم کورٹ،آڈیو لیکس پر بنائے گئے کمیشن پر حکم امتناع میں توسیع

    دوران سماعت پی ٹی آئی کارکنان کے وکیل نے مؤقف پیش کیا کہ عمران خان کی گرفتاری پر عوام نے احتجاج کیا جسے روکنے کے لئے حکومت نےخلاف قانون اقدامات اٹھائے،انتظامیہ نے بڑے پیمانے پرگرفتاریاں کیں، اورصوبے بھر میں ڈپٹی کمشنرز نے پی ٹی آئی رہنماؤں اورکارکنوں کی نظربندی کے احکامات جاری کیے۔

    درخواست میں موقف اپنایا گیا کہ جمہوریت میں پر امن احتجاج کرنا ہر شہری کا آئینی حق ہے، ڈپٹی کمشنرز نے نظربندی کے احکامات بغیر کسی قانونی جواز کے جاری کیے، کارکنوں اور رہنماؤں کے خلاف بے بنیاد الزامات کے تحت مقدمات درج کیے گئے۔

    سعودی خلابازوں کا مشن مکمل،10 دن بعد زمین پر واپس پہنچ گئے

    درخواست میں استدعا کی گئی کہ عدالت پی ٹی آئی رہنماؤں کی بازیابی اور رہائی کے احکامات جاری کرے، اور ڈپٹی کمشنرز کے جاری کردہ نظربندی کے نوٹیفکیشنز کالعدم قرار دے۔

    عدالت نے حکومت پنجاب کو جواب جمع کرانے کیلئے 6 جون تک مہلت دے دی۔

  • پرامن احتجاج ہرکسی کا حق ،9 مئی کو جو کچھ ہوا اسکے حق میں نہیں.عدالت

    پرامن احتجاج ہرکسی کا حق ،9 مئی کو جو کچھ ہوا اسکے حق میں نہیں.عدالت

    لاہور ہائیکورٹ میں خاتون کے بیٹےکی بازیابی سے متعلق درخواست پر سماعت ہوئی

    ڈی آئی جی انویسٹی گیشن لاہورکامران عادل عدالت پیش ہو گئے، عدالت نے 9 مئی واقعات میں گرفتارملزمان کی شناخت پریڈ مکمل کرنیکی رپورٹ طلب کرلی ، جسٹس انوارالحق پنوں نے ریمارکس دیتے ہوئے کہا کہ طاقت والاسمجھتا ہے وہ سب کچھ ہے لیکن اب 2023 ہے 1970 نہیں ، پرامن احتجاج ہرکسی کا حق ہے،9 مئی کو جو کچھ ہوا اسکےحق میں نہیں ،پرامن احتجاج کاحق ختم کرکے کسی کو اس حد تک نہیں پہنچنا چاہیے، یہ طاقت سے حل ہونے والا مسئلہ نہیں ، جو سمجھتے ہیں ، وہ دیکھ لیں ،جسٹس انوار الحق پنوں نے خاتون کلثوم ارشد کی درخواست پر سماعت کی

    ڈی آئی جی نے درخواستگزار کے بیٹے شعیب ارشد کی بازیابی بارے رپورٹ پیش کی ،اور کہا کہ ملزم کو پولیس نے پکڑا ،مجسٹریٹ کی اجازت کے بعد اسےشناخت پریڈ کیلئے جیل بھجوایا ،جسٹس انوارالحق پنوں نے استفسار کیا کہ اب تک کتنے ملزمان کوشناخت پریڈ کیلئے جیل بھجوایا؟ ڈی آئی جی کامران عادل نے عدالت میں کہا کہ 427 ملزمان اس وقت شناخت پریڈ کیلئے جیل میں ہیں،جسٹس انوارالحق پنوں نے استفسار کیا کہ اب تک کل کتنے ملزمان کوشناخت پریڈ کیلئے جیل بھجوایا جا چکا؟ ڈی آئی جی کامران عادل نے کہا کہ اب تک 900 سےزائد ملزمان کوشناخت پریڈ کیلئے جیل بھجوایا، جسٹس انوارالحق پنوں نے استفسار کیا کہ بندہ کس طرح ڈھونڈا جاتا ہے اگر 900 سے زائد ملزمان ہوں؟ جہاں سےگرفتارہوئے وہاں کی سی سی ٹی وی فوٹیج بھی تو ہے، ڈی آئی جی کامران عادل نے کہا کہ ان واقعات میں سب سے پہلے کیمرے توڑے گئے ،427کی شناخت ہونی ہے،آج بھی 150کی شناخت پریڈ لگی ہوئی ہے،جسٹس انوارالحق پنوں نے ریمارکس دیتے ہوئے کہا کہ کتنے تھانوں میں 9 مئی واقعات کےمقدمات درج ہوئے؟ ڈی آئی جی کامران عادل نے کہا کہ 54تھانوں میں مقدمات درج ہوئے، جیو فنسنگ،سی سی ٹی وی فوٹیج،سوشل میڈیا کے ذریعےگرفتاریاں کیں ،جسٹس انوارالحق پنوں نے استفسار کیا کہ گرفتار افراد کا شناخت پریڈ میں رزلٹ کیا آیا؟ ڈی آئی جی کامران عادل نے عدالت کو بتایا کہ 80 فیصد کا پازیٹومیچ آیا ہے،عدالت نے اسفتسار کیا کہ جن 20 فیصد کا پازیٹومیچ نہیں آیاان کے ساتھ کیا ہو گا؟ ڈی آئی جی نے عدالت میں کہا کہ بے قصورہونے پرانکے مقدمات کا اخراج کریں گے،9 سے 14،13 مئی تک واقعات ہوئے،

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

     لیگل ٹیم پولیس لائن گئی تو انہیں عدالت جانے سے روک دیا گیا

    نواز شریف کو سزا سنانے والے جج محمد بشیر کی عدالت میں عمران خان کی پیشی 

    سیاسی مفادات کے لئے ملک کونقصان نہیں پہنچانا چاہئے

  • زمان پارک،کے پی سے آئے بچے تین دن سے بھوکے، واپسی کا کرایہ بھی نہیں،پولیس نے کی مدد

    زمان پارک،کے پی سے آئے بچے تین دن سے بھوکے، واپسی کا کرایہ بھی نہیں،پولیس نے کی مدد

    تحریک انصاف کے خیبر پختونخواہ سے آئے کم سن کارکنوں کے زمان پارک میں موجودگی ،کمسن کارکنان لیڈر شپ کے غائب ہونے کے بعد بے سہارا رہ گئے

    تحریک انصاف کے خیبر پختونخواہ سے آئے کارکنوں کے زمان پارک میں ڈیرے کمسن کارکنوں اور معذور کارکنوں کرایہ نہ ہونے کی وجہ سے زمان پارک گراونڈ میں موجود ،بچے کرایہ نہ ہونے کی وجہ گھروں کو واپس نہ جاسکے، کسی پی ٹی آئی رہنما نے بچوں کو کرایہ نہ دیا، نہ کھانے کو کچھ دیا، پنجاب پولیس نے بچوں کو کرایہ دے کر واپس روانہ کر دیا، کمسن کارکنان نے پی ٹی آئی رہنماؤں کی فراموشی کے بعد خود کو رضاکارانہ طور پر پنجاب پولیس کے حوالے کر دیا .کمسن کارکنان کا کہنا تھا کہ ہمیں زمان پارک لانے والے رہنما خود تو چلے گے لیکن ہمیں ساتھ لے جانا بھول گئے ہمارے پاس نا رہنے کو جگہ ہے نا کھانے پینے کا سامان میسر ہے ،ہمارے پاس اتنے پیسے بھی نہیں کہ کرایہ ادا کرکے گھروں کو جا سکیں

    کارکنان نے پنجاب پولیس سے انھیں واپس گھر بھیجنے کی درخواست کی ،کارکنان کی درخواست پر پنجاب پولیس بچوں کو ساتھ لے گئی. پولیس حکام کا کہنا ہے کہ بچوں کو بحفاظت ان کے گھر پہنچایا جائے گا 7 بچے کئی دنوں سے زمان پارک میں موجود تھے ان بچوں میں سے 5 کراچی جائیں گے ، 2 کے پی کے کے لیے روانہ ہورہے ہیں

    تحریک انصاف کے خیبر پختونخواہ سے آئے معذور،کمسن کارکن زمان پارک میں بے آسرا، کھانے پینے سے بھی محروم ہو گئے ہیں، عمران خان کی گرفتاری کے بعد پیدا ہونے والے حالات کے بعد تحریک انصاف کے رہنما،روپوش یا گرفتار ہوئے اور جو گرفتار نہیں ہوئے انہوں نے گرفتاری کے ڈر سے عمران خان کو ملنے کے لئے آنا ہی چھوڑ دیا ہے، رہنما جن کارکنان کو زمان پارک لائے تھے انکو زمان پارک ہی چھوڑ کر چلے گئے، جس پر پنجاب پولیس کے اہلکاروں نے ان کارکنان کی مدد کی،

    رہنماوں نے پارٹی قیادت سے ٹکٹ پر نظر ثانی کا مطالبہ کرتے ہوئے استعفیٰ کی دھمکی دے دی،

    زمان پارک کے باہر مختلف رہنماؤں اور کارکنوں کی جانب سے اجتجاج

    اگر ٹکٹ کا میرٹ میرا نہیں بنتا تو پھر کس کا بنتا ہے؟ عائلہ ملک پھٹ پڑی

    تحریک انصاف کے دو ٹکٹس ہولڈرز بھی کرپشن میں ملوث

    زمان پارک میں بجلی چوری؛ لیسکو نے انتظامیہ کو نوٹس جاری کردیا

     ثاقب نثار کے بیٹے نے بھی پی ٹی آئی کی ٹکٹوں کی لوٹ سیل لگا دی ،آڈیو لیک

    دوسری جانب لاہور انتظامیہ نے زمان پارک کے اطراف بیریئرز اور کنٹینرزہٹا کر روڈ کو کلیئر کر دیا،عمران خان کی رہائشگاہ ، زمان پارک میں ضلعی انتظامیہ اور پولیس نے آپریشن کلین اپ کرکے مکمل طور پر کنٹرول حاصل کرلیا ہے، دونوں گلیوں کو بیریئرز اور کنٹینرزسے بند کیا گیا تھا جس کی وجہ سے زمان پارک کا علاقہ عام شہریوں کے لیے نو گو ایریا بن چکا تھا ضلعی انتظامیہ نے کرینوں کی مدد سے دونوں گلیوں کے بیریئرزاورکنٹینرز ہٹانے کا کام شروع کیا اور رات گئے تک کینال روڈ سے کنٹینر ہٹا کر روڈ کو کلیئر کر دیا ہے

    عمران خان کی رہائشگاہ پر کارکنان کو گرفتاری کے‌ڈر سے بلایا جاتا تھا مگر اب جب سے عمران خان خود گرفتار ہوئے نہ صرف پی ٹی آئی کی باقی قیادت بلکہ کارکنان نے آنا چھوڑ دیا ہے بللکہ جو زمان پارک میں موجود تھے وہ بھی گرفتاری کے ڈر سے چلے گئے،عمران خان کے گھر کے دروازے پر پولیس اہلکار بیٹھ گئے ہیں اور ہر آنے اور جانے والوں کی انٹری بھی ہونے لگی ہے

    بنوں آپریشن کے بعد سپہ سالار جنرل عاصم منیر کا وزیرستان،ایس ایس جی ہیڈکوارٹر کا دورہ بھی اہمیت کا حامل 

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

     ریاست مخالف پروپیگنڈے کوبرداشت کریں گے نہ جھکیں گے۔

    چیف جسٹس عامر فاروق نے معاملے کا نوٹس لے لیا

    نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

    قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

    ڈی سی لاہور رافیعہ حیدر نے زمان پارک کے عقب میں پارک کا دورہ کیا، اس موقع پر پولیس کی بھاری نفری انکے ہمراہ تھی، تمام کیمپس کو اکھاڑ دیا گیا، نو گو ایریا ختم کر دیا گیا،ڈپٹی کمشنر لاہور رافیعہ حیدر نے زمان پارک میں تجاوزات کے خاتمے کیلئے جاری آپریشن کا جائزہ لیا ،رکاوٹیں فوری ختم کرنے کی ہدایت کی، ہورڈنگز اور بل بورڈ بھی فوری ہٹانے کی ہدایت کی ،ڈپٹی کمشنر نے آپریشن کے حوالے سے صحافیوں کے سوالات کے جواب دینے سے گریزکیا،

    برج کھیل کب ایجاد ہوا، برج کھیلتے کیسے ہیں

    عمران خان سے اختلاف رکھنے والوں کی موت؟

    حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر

    برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے

    کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس

    وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟

  • یہ ممکن ہی نہیں کہ عمران خان اور ان کے سپوٹرز کو شرم آ جائے،عفت عمر

    یہ ممکن ہی نہیں کہ عمران خان اور ان کے سپوٹرز کو شرم آ جائے،عفت عمر

    سینئر اداکارہ عفت عمرپاکستان تحریک انصاف کے چئیرمین اور کارکنان پر برس پڑیں-

    باغی ٹی وی: گزشتہ روز مدرزڈے کے موقع پرانسٹاگرام پر عفت عمر نے اپنی مرحوم والدہ کی تصویر شیئر کرتے ہوئے ان سے محبت کا اظہار کیا تھاجس کےبعد انہیں ایک بارپھرپی ٹی آئی کارکنان نےتنقید کا نشانہ بنایا جس کے بعد ویڈیو میں عفت عمرنےبرہمی کا اظہار کرتے ہوئے کہا کہ مدرز ڈے کے موقع پر میں نے والدہ کی تصویر لگاکر مدرزڈے وش کیا تھا-

    عمران ریاض کوسیالکوٹ ائیر پورٹ سے گرفتار کرنے والا ایس ایچ او معطل

    انہوں نے ویڈیو پیغام میں مزید کہا کہ پی ٹی آئی سپورٹر اتنے ظالم اور اس قدر نیچے گرچکے ہیں، ان کا دماغی توازن ان کے لیڈر نے اتنا خراب کردیا ہے کہ انہیں یہ بھی شرم نہیں آتی کہ کسی کی ماں کی پوسٹ کو تو چھوڑ دینا چاہیے۔

    عفت عمر نے کہا کہ آپ لوگوں نے مجھے نہیں بخشا میرے خاوند یہاں تک کہ میری اولاد کو بھی نہیں بخشا لیکن ماں ایسی ہستی ہے جس پر سب کو شرم آجاتی ہے لیکن عمران خان اور ان کے سپورٹرز کو کسی بات پر شرم آجائے یہ ممکن نہیں۔

    پاکستان میں ہونے والی حالیہ پیشرفت کا جائزہ لے رہے ہیں،آئی ایم ایف

    واضح رہے کہ عفت عمر کا شمار پی ٹی آئی کی ناقدین میں ہوتا ہے اور وہ اپنے خیالات کا کھل کر اظہار کرتی ہیں یہی وجہ ہے کہ اداکارہ اکثروبیشتر عمران خان کے حمایتی افراد کی جانب سے تنقید کی زد میں رہتی ہیں تاہم وہ کسی کی بھی پروا کیے بغیر اپنی رائے دیتی ہیں۔

  • سب سے کہتا ہوں سرکاری اور نجی املاک کو نقصان نہ پہنچائیں. عمران خان کی کارکنان سے درخواست

    سب سے کہتا ہوں سرکاری اور نجی املاک کو نقصان نہ پہنچائیں. عمران خان کی کارکنان سے درخواست

    سب سے کہتا ہوں سرکاری اور نجی املاک کو نقصان نہ پہنچائیں. عمران خان کی کارکنان سے درخواست

    پاکستان تحریک انصاف کے چیئر مین اور سابق وزیراعظم عمران خان نے کہا ہے کہ تمام لوگ پُر امن احتجاج کریں، ملک کو نقصان نہ پہنچایاجائے، سب سے کہتا ہوں سرکاری اور نجی املاک کو نقصان نہ پہنچائیں۔ جبکہ چیف جسٹس آف پاکستان جسٹس عمر عطاء بندیال کی سربراہی میں عمران خان کی گرفتاری کیخلاف دائر درخواست پر سماعت ہوئی، دیگر ججز میں جسٹس ا طہر من اللہ اور جسٹس محمد علی مظہر شریک تھے۔

    پی ٹی آئی کی طرف سے سینئر وکیل حامد خان دلائل دینے سپریم کورٹ پہنچے، گزشتہ روز پی ٹی آئی چیئرمین کی گرفتاری کیخلاف درخواست دائر کی گئی تھی۔ سماعت کے بعد سپریم کورٹ نے سابق وزیراعظم اور پاکستان تحریک انصاف کے چیئر مین عمران خان کو اسلام آباد ہائیکورٹ کے احاطے سے ہونے والی گرفتاری کو غیر قانونی قرار دیدیا اور انہیں رہا کرنے کا حکم دیدیا۔ عدالت کی طرف سے حکم دیا گیا کہ پاکستان تحریک انصاف کے چیئر مین اسلام آباد ہائیکورٹ سے کل رجوع کریں اور آپ کو عدالت عالیہ کا فیصلہ ہر حال ماننا ہو گا۔

    سماعت کے دوران چیف جسٹس نے عمران خان کو مخاطب کرتے ہوئے کہا کہ الزام ہے کہ آپ نے ورکرز نے سڑکوں پرماحول بنایا، آپ کو دیکھ کر اچھا لگا، عدالت کوکچھ خدشات ہیں، آپ کو ملک میں پرتشددمظاہروں کاعلم ہوگا، یہ شاید سیاسی عمل کا حصہ ہےلیکن امن بحال کرناہوگا، امن بحال ہوگاتوآئینی مشینری کام کرسکےگی، عدالت کی خواہش ہے کہ آپ پرتشددمظاہروں کی مذمت کریں، عدالت ہرشہری کےتحفظ کیلئے بیٹھی ہے۔ امن ہوگاتوہی ریاست چل سکےگی۔ یہ ذمہ داری ہر سیاست دان کی ہے۔
    مزید یہ بھی پڑھیں؛
    آئین کا تحفظ ہمارے بنیادی فرائض میں شامل ہے۔ چیف جسٹس
    100 واں ڈے،پی سی بی نے بابر اعظم کی فتوحات کی فہرست جاری کر دی
    لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
    بینگ سرچ انجن تمام صارفین کیلئے کھول دیا گیا
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    اسی دوران عمران خان نے کہا کہ تمام لوگ پُر امن احتجاج کریں، ملک کو نقصان نہ پہنچایاجائے، اپنی 27 سال کی جدوجہد میں کارکنوں کو پر امن رہنے کا پیغام دیا ہے۔سب سے کہتا ہوں سرکاری اور نجی املاک کو نقصان نہ پہنچائیں۔ جبکہ سابق وزیراعظم نے مزید کہا کہ مجھے ہائی کورٹ سے اغواء کیا گیا، مجھے ڈنڈے مارے گئے، ایسا کسی مجرم کے ساتھ بھی نہیں کیا جاتا، مجھے کبھی پولیس لائن اور کبھی کہیں لے کر پھرتے رہے، مجھے کچھ علم نہیں باہر کیا ہوا نہ مجھے پتا ہے، کمانڈو ایکشن کر کے مجھے سر پر ڈنڈے مارے گئے، کریمنل کی طرح مجھے پکڑا گیا۔ جو میرے ساتھ ہوا اس کا ردعمل توآئےگا، مجھ پر دہشت گردی سمیت کئی مقدمات درج ہیں، میں نے کہا مجھے گرفتار کرنا ہے تو وارنٹ دکھاؤ، مجھ پر 100 سے زائد مقدمات بنائے گئے، ایک پارٹی جو الیکشن چاہتی ہے وہ انتشارکیوں چاہےگی؟ انتشاروہ چاہتےہیں جوالیکشن نہیں چاہتے۔

  • عمران خان کیخلاف ملک بھرمیں مقدمات کی تفصیلات جاری،پارٹی کے دعوے غلط ثابت

    عمران خان کیخلاف ملک بھرمیں مقدمات کی تفصیلات جاری،پارٹی کے دعوے غلط ثابت

    اسلام آباد: سابق وزیر اعظم عمران خان کے خلاف ملک بھر میں درج مقدمات کی تفصیلات جاری ہونے کے بعد اس حوالے سے تحریک انصاف کی جانب سے کئے گئے دعوے غلط ثابت ہو گئے۔

    باغی ٹی وی : تحریک انصاف کی جانب سے عمران خان کے خلاف تقریباً 100 مقدمات کا دعویٰ کیا جاتا رہا ہےتاہم وفاقی تحقیقاتی ادارے ایف آئی اے (پنجاب) اور اسلام آباد پولیس کی جانب سے جاری تفصیلات کے مطابق سابق وزیراعظم کے خلاف ملک بھر میں مجموعی طور پر درج مقدمات کی تعداد 37 ہے۔

    عدالت نے ایف آئی اے اور اسلام آباد پولیس کی عمران خان کے خلاف مقدمات کی تفصیلات طلب کرلیں

    ایف آئی اے اور پولیس کی جانب سے جاری تفصیلات کے مطابق چیئرمین پی ٹی آئی کے خلاف 28 مقدمات اسلام آباد، 6 پنجاب اور ایک مقدمہ بلوچستان میں درج ہے جب کہ فارن ایکسچینج ایکٹ کے تحت 2 مقدمات ایف آئی اے میں درج ہیں۔

    علاوہ ازیں پی ٹی آئی کی دیگر لیڈرشپ اور کارکنان کے خلاف درج کئے گئے مقدمات کی بھی تفصیلات جاری کردی گئی ہیں، جن کے مطابق تحریک انصاف کی دیگرلیڈرشپ اورکارکنان کےخلاف 127 مقدمات درج ہیں جسمیں اسلام آباد میں پی ٹی آئی لیڈرشپ اور کارکنان کے خلاف 43 مقدمات درج ہیں جبکہ پنجاب میں 84 مقدمات درج ہیں۔

    عمران خان نے 7 مقدمات میں عبوری ضمانت کیلئےاسلام آباد ہائیکورٹ میں درخواست جمع کرا …

  • تحریک اللہ اکبر قصور کا سحر و افطار پروگرام شروع

    تحریک اللہ اکبر قصور کا سحر و افطار پروگرام شروع

    قصور
    تحریک اللہ اکبر قصور کے ضلعی چئیرمین حافظ ابولقاسم کی زیرنگرانی کنگن پور میں ایریا چئیرمین امجد شہزاد کے زیرسایہ لوگوں کیلئے سحر و افطار کا انتظام،دائرہ کار جلد شہروں کی طرح دیہات میں شروع کیا جائے گا ،حافظ ابو القاسم

    تفصیلات کے مطابق تحریک اللہ اکبر پاکستان ضلع قصور کے چئیرمن حافظ ابو القاسم کی ہدایت پر تحصیل چونیاں کے شہر کنگن پور کے ایریا چئیرمین امجد شہزاد کی زیر نگرانی غرباء و مساکین کیلئے سحر و افطار کا خصوصی بندوبست کیا گیا ہے
    اللہ اکبر تحریک کنگن پور کے کارکنان لوگوں کے گھروں میں خود جا کر سحر و افطار کیلئے تیار کھانا مستحقین کے گھروں میں پہنچا رہے ہیں اور کنگن پور انتظامیہ کا کہنا ہے کہ یہ سلسلہ سارا رمضان جاری رہے گا
    امجد شہزاد،احسن جمال،ابتسام الہی،حماد اسماعیل یزدانی و دیگر اعلی عہدیداران خود لوگوں کے گھروں میں جا کر کھانا تقسیم کر رہے ہیں

    تحریک اللہ اکبر ضلع قصور کے چئیرمین حافظ ابوالقاسم کی ہدایت پر ضلع بھر میں مستحقین کیلئے سحر و افطار کا خصوصی انتظام کیا گیا ہے اور کہا گیا ہے کہ اس کا دائرہ کار بہت جلد شہروں کے علاوہ گاؤں دیہات تک بڑھایا جائے گا