امریکی سینٹرل کمانڈ (سینٹکام) نے ایک ایرانی کارگو جہاز کے خلاف کارروائی کی ویڈیو جاری کر دی ہے، جس میں امریکی میرینز کو جہاز پر قبضہ کرتے دیکھا جا سکتا ہے۔
عالمی میرین ڈیٹا کے مطابق ’ایم وی توسکا‘ نامی کنٹینر شپ ایرانی پرچم کے تحت رجسٹرڈ ہے، اور کارروائی سے قبل اس کی رفتار انتہائی کم، قریباً 1.2 ناٹس ریکارڈ کی گئی تھی،سینٹکام کے مطابق یہ جہاز اب امریکی تحویل میں ہے۔
اس سے قبل امریکی صدر ڈونلڈ ٹرمپ نے سوشل میڈیا بیان میں کہا تھا کہ امریکی افواج نے آبنائے ہرمز میں ناکہ بندی کی خلاف ورزی کرنے کی کوشش کرنے والے ایک ایرانی جہاز کو روک کر اپنے کنٹرول میں لے لیا ہے ’توسکا‘ نامی یہ جہاز قریباً 900 فٹ طویل اور وزن میں ایک طیارہ بردار جہاز کے برابر ہے۔
امریکی بحریہ کے گائیڈڈ میزائل ڈسٹرائر نے خلیج عمان میں اسے رکنے کا حکم دیا، تاہم ایرانی عملے کی جانب سے ہدایات نہ ماننے پر کارروائی کی گئی امر یکی بحریہ نے جہاز کے انجن روم کو نشانہ بنا کر اسے حرکت سے روکا، جس کے بعد میرینز نے جہاز پر قبضہ کر لیا انہوں نے کہا کہ اب جہاز کی تلاشی لی جا رہی ہے تاکہ اس میں موجود سامان کی نوعیت کا جائزہ لیا جا سکے۔
