چیف سیکرٹری پنجاب کامران علی افضل نے مزید ایک ماہ کی چھٹی لے لی-
باغی ٹی وی : چیف سیکرٹری پنجاب کامران علی افضل نے تحریری طور پر وفاقی حکومت سے درخواست کی تھی کہ وہ چیف سیکرٹری پنجاب کے عہدے پر مزید کام نہیں کرنا چاہتے اس لیے ان کی خدمات واپس لی جائیں مگر تا حال ان کی درخواست پر وفاق کی جانب سے کوئی فیصلہ نہیں کیا گیا جس کے باعث انہوں نے مزید ایک ماہ کی چھٹی لے لی ہے۔
چیف سیکرٹری نے پنجاب حکومت کے ساتھ کام کرنے سے معذرت کر لی
پنجاب حکومت نے کامران علی افضل کی چھٹی منظور کرتے ہوئے چیئرمین پی اینڈ ڈی عبداللہ خان سنبل کے بطور چیف سیکرٹری پنجاب اضافی چارج میں بھی 6 نومبرتک توسیع کردی ہے پنجاب حکومت نے کامران علی افضل کی 6 نومبر تک چھٹی کا نوٹیفکیشن جاری کردیا ہے-
واضح رہے کہ قبل ازیں چیف سیکرٹری پنجاب کامران علی افضل اس سے قبل بھی دو بار چھٹی لے چکے ہیں چیف سیکریٹری کامران علی افضل 17 ستمبر کو دو ہفتے کی ‘احتجاجی رخصت’ پر چلے گئے تھے کیونکہ وہ اپنی مہر کے تحت ڈپٹی کمشنرز، کمشنرز اور انتظامی سیکریٹریوں کے تبادلوں اور تعیناتیوں کے احکامات جاری کرنے پر خوش نہیں تھے حالانکہ رولز آف بزنس وزیر اعلیٰ کو افسران کے تبادلوں اور تقرر کو فیصلہ کرنے کا اختیار دیتے ہیں۔
زبانی درخواستوں کے علاوہ کامران علی افضل نے ‘ذاتی وجوہات’ کا حوالہ دیتے ہوئے ایک رسمی خط لکھا تھا کہ پنجاب سے ان کی خدمات واپس لے لی جائیں، میرے لیے یہ ممکن نہیں ہے کہ میں اپنی موجودہ ذمہ داری کو جاری رکھوں۔
ان کی غیر موجودگی میں چیئرمین پلاننگ اینڈ ڈیولپمنٹ بورڈ عبداللہ خان سنبل کو 30 ستمبر تک چیف سیکریٹری کے دفتر کے معمول کے کام کی دیکھ بھال کی ذمہ داری سونپی گئی تھی۔
خاتم النبیین حضرت محمد ﷺ کا یوم ولادت آج انتہائی مذہبی عقیدت سے منایا جائے گا
باقاعدہ چیف سیکریٹری کی تعیناتی کے فیصلے کی وجہ سے کامران افضل کی لی گئی چھٹی میں مزید ایک ہفتے کی توسیع کردی گئی تھی اور عبداللہ سنبل کو 7 اکتوبر (آج) تک کا اضافی چارج دے دیا گیا تھا۔
ذرائع کا کہنا ہے کہ وفاقی حکومت پنجاب حکومت کے سفارش کردہ تین افسران میں سے کسی کو بھی تعینات کرنے سے گریزاں ہے۔
ان کا دعویٰ ہے کہ وفاقی حکومت نے چیف سیکریٹری پنجاب کے عہدے پر تعیناتی کے لیے وزیر اعلیٰ پنجاب کے تجویز کردہ افسران کے علاوہ چند دیگر افسران کے بھی انٹرویو کیے لیکن پھر مکمل خاموشی ہوگئی۔
ذرائع کا کہنا ہے کہ پنجاب حکومت بھی اس بات پر زور دے رہی ہے کہ چیف سیکریٹری کا انتخاب اس کے اپنے پینل سے کیا جائے۔
وفاقی حکومت کو بھیجے گئے پنجاب حکومت کے پینل میں سیکریٹری کابینہ احمد نواز سکھیرا، پی اینڈ ڈی بورڈ کے چیئرمین عبداللہ خان سنبل اور سابق ایس ایم بی آر بابر حیات تارڑ شامل ہیں۔
ذرائع کا دعویٰ ہے کہ احمد سکھیرا سیکریٹری کابینہ کے طور پر کام کرنے کے بعد پنجاب کے چیف سیکریٹری کا عہدہ سنبھالنے میں دلچسپی نہیں رکھتے، معلوم ہوا ہے کہ وہ پاکستان ایڈمنسٹریٹو سروس گروپ کے سب سے سینئر افسر ہیں اور آئندہ سال کے آغاز میں ریٹائرمنٹ کی عمر مکمل ہونے پر سروس سے ریٹائر ہو جائیں گے۔
گوجرخان سج گیا عید میلاد النبیَ کی تیاریاں مکمل
مبینہ طور پر بابر حیات تارڑ اور عبداللہ سنبل کے درمیان ٹائی ہے کیونکہ ذرائع کا خیال ہے کہ اس سے قبل کم از کم دو گریڈ 21 کے افسران کو پنجاب کے چیف سیکریٹری کے طور پر تعینات کیا گیا تھا، جنہیں بعد میں دفتر میں رہتے ہوئے گریڈ 22 میں ترقی دی گئی تھی-
