Tag: کترینہ کیف

بالی وڈ‌ اداکارہ کترینہ کیف نے اپنے کیرئیر میں ایک طویل سفر طے کیا ہے، وہ بالی وڈ کی مقبول ترین اداکاراؤں میں سے ایک ہیں۔ اپنے کیرئیر میں انہوں نے کئی سپر سٹارز کے ساتھ کام کیا، لیکن کترینہ شاہ رخ خان کے ساتھ کام کرکے ہیں بہت خوش، ان دونوں نے ایک ساتھ فلم جب تک ہے جان اور زیرو میں کام کیا ہےان کی آن سکرین جوڑی کو بہت زیادہ سراہا جاتا ہے ، کہا یہ جا رہا ہے کہ شاہ رخ خان ٹائیگر 3 میں ایک کیمیو میں نظر آ سکتے ہیں جس میں کترینہ اور سلمان خان مرکزی کردار ادا کر رہے ہیں۔ کترینہ کیف اپنے کو سٹارز میں اگر کسی کی ذہانت سے متاثر

ہیں تو وہ ہیں شاہ رخ خان. کترینہ کیف نے حال ہی میں‌ایک انٹرویو دیا ہے جس میں‌انہوں نے شاہ ر‌خ خان کو بہت زیادہ ذہین اور باشعور قرار دیا ہے ان کا کہنا ہے کہ میں نے ہمیشہ شاہ رخ خان کے ساتھ بات کرکے بہت کچھ سیکھا ہے. شاہ رخ خان نہایت ہی علم و شعور رکھنے والے انسان ہیں. انہوں نے تو یہاں تک کہہ دیا کہ شاہ رخ خان ناقابل یقین حد تک ذہین ہیں. کترینہ کہتی ہیں کہ شاہ رخ خان کے ساتھ جب کوئی بات کی جائے تو اس کے جواب میں وہ ایسی باتیں کرتے ہیں کہ جو عملی زندگی میں بہت کام آنے والی ہوتی ہیں.

کترینہ کیف اور وکی کوشل بالی وڈ کی سب سے خوبصورت جوڑیوں میں سے ایک ہیں۔ یہ دونوں ہمیشہ اپنے مداحوں کو ایک دوسرے پر پیار جتاتے ہوئے نظر آتے ہیں. حال ہی میں اس خوبصورت جوڑے نے اپنا پہلا کروا چوتھ منایا اور ایک انٹرویو میں کترینہ نے انکشاف کیا کہ انہوں نے وکی کے لئے روزہ رکھا تھا . کترینہ کیف جو کہ آج اپنی فلم ” فون بھوت ” کی تشہیر میں مصروف ہیں وہ اس فلم کی تشہیر کے لئے کسی قسم کی کسر نہیں چھوڑ رہیں، اس فلم میں ان کے ساتھ ایشان کھٹر اور سدھانت چترویدی بھی اہم کردار ادا کر رہے ہیں۔ اسی سلسلے میں وہ مختلف جگہوں پر جا رہی ہیں اور ہر جگہ میڈیا ان سے کچھ نہ کچھ سوالات کرتا دکھائی دے رہا ہے.کترینہ سے حالیہ انٹرویو کے دوران ایک سوال ہوا تو

اس کے جواب میں‌انہوں نے ایک خوبصورت بات بتائی اور کہا کہ ’’وکی کوشل مجھے اپنا گھبراہٹ کا بٹن کہتے ہیں۔‘‘ انہوں نے یہ بھی کہا کہ ہم ایک دوسرے سے الگ رائے رکھتے ہیں لیکن کوشش کررہے ہیں ایک دوسرے کی پسند نہ پسند کے مطابق بن جائیں. یاد رہے کہ فلم فون بھوت 4 نومبر 2022 کو سینما گھروں میں ریلیز ہو رہی ہے۔ فلم کامیڈی اور ہارر ہے . فلم کے میوزک کو بھی کافی پسند کیا جا رہا ہے. شائقین کترینہ کو دیکھنے کےلئے خاصے پرجوش ہیں.

سلمان خان اور کترینہ کیف کی فلم ٹائیگر 3 جس کی ریلیز کی تاریخ بار بار تبدیل ہوتی آرہی ہے ، اب اس کی ریلیز کی حتمی تاریخ کا اعلان کر دیا گیا ہے. اب فلم اگلے سال دیوالی کے موقع پر ریلیز ہوگی. فلم کی مرکزی کاسٹ نے اپنے اپنے سوشل میڈیا پر جا کر ٹائیگر تھری کی ریلیز کی ڈیٹ کا اعلان کیا اور ساتھ میں تصویریں بھی شئیر کیں. ٹائیگر 3 کو بینڈ باجا بارات کے ڈائریکٹر منیش شرما نے ڈائریکٹ کیا ہے اور اسے ہندی کے علاوہ مزید دو زبانوں یعنی تامل اور تیلگو میں ریلیز کیا جائے گا۔

سلمان خان نے سوشل میڈیا پر ٹائیگر تھری کے ریلیز ہونے کی تاریخ کا اعلان کیا اور ساتھ ہی ہی ایک تصویر بھی شئیر کی اس تصویر میں سلمان خان کی آنکھیں اور آدھا چہرہ نظر آرہا ہے جو ماسک سے ڈھکا ہوا ہے جیسے ہی سلمان نے پوسٹر شیئر کیا اور ریلیز کا اعلان کیاتو مداحوں نے کمنٹ سیکشن میں ایموجیز چھوڑنے کے علاوہ کمنٹس کرنا شروع کردئیے،. زیادہ تر صارفین نے لکھا کہ ہم آپ کی فلم کی ریلیز کا بےچینی سے انتظار کررہے ہیں ،بعض صارفین نے سلمان خان اور کترینہ کیف کو ایک ساتھ دیکھنے کی بے چینی کا اظہار کیا.کترینہ کیف نے بھی اپنے سوشل میڈیا اکائونٹ پر فلم کی ریلیز کا اعلان کیا اور تصویر شئیر کی.

عالیہ بھٹ کے آج کل خوشی کے مارے زمین پر پائوں نہیں‌ لگتے کیونکہ انکے ہاں بچے کی پیدائش ہونے والی ہے ، عالیہ بھٹ کا حال ہیں بے بی شاور ہوا جس میں ان کے خاندان کے افراد اور دوستوں نے شرکت کی. آج کل عالیہ بھٹ اور کترینہ کیف کی ایک وڈیو وائرل ہورہی ہے اور اس وڈیو میں عالیہ اور کترینہ جم میں ورک آئوٹ کرتی ہوئی نظر آرہی ہیں.یہ ویڈیو کترینہ نے اپنے انسٹاگرام ہینڈل پر شیئر کی تھی اس وڈیو میں دیکھا جاسکتا ہے کہ عالیہ نے ڈمبلز پکڑے ہوئے ہیں اور کترینہ کیف گنتی کررہی ہی. یاد رہے کہ عالیہ بھٹ اور کترینہ کیف دونوں بہترین دوست ہیں. کترینہ کیف بہت جلد فون بھوت میں سدھانت چترویدی اور ایشان کھٹر کے ساتھ نظر آئیں گی۔ گرومیت سنگھ کی ہدایت کاری میں بننے والی یہ

فلم 4 نومبر کو سینما گھروں میں ریلیز ہونے والی ہے۔ اس فلم میں جیکی شراف، شیبا چڈھا اور ندھی بشت نے بھی معاون کردار ادا کیے ہیں۔ وکی کوشل کے ساتھ شادی کے بعد یہ کترینہ کی پہلی فلم ہے۔دوسری طرف عالیہ بھٹ بہت جلد راکی اور رانی کی پریم کہانی میں نظر آئیں گے اس فلم میں ان کے ساتھ رنویر سنگھ نے بطور ہیرو کام کیا ہے. عالیہ بھٹ فلم ہارٹ آف سٹون سے اپنا ہالی وڈ کیرئیر شروع کرنے جا رہی ہیں. اس کے علاوہ عالیہ جی لے زرا میں بھی نظر آئیں گی.

کترینہ کیف بالی وڈ کی ٹاپ اداکاراؤں میں سے ایک ہیں سلمان خان سے دوستی کی وجہ سے ان کو بالی وڈ میں بہت جلد اپنا مقام بنانے میں مدد ملی . کترینہ کیف نے دو دہائیوں پر محیط اپنے کیریئر میں کئی بلاک بسٹر فلموں میں‌کام کیا. انہوں نے شاہ رخ خان سے لے کر اکشے کمار، عامر خان اور سلمان خان تک سب ہیروز کے ساتھ کام کیا .کترینہ بھی دوسری اداکارائوں کی طرح کافی زیادہ فین فالونگ رکھتی ہیں، ان کے پرستار ان کے بارے میں جاننے میں دلچپسی رکھتے ہیں. کترینہ کیف نے اپنے ایک حالیہ انٹرویو میں‌ کہا ہے کہ وہ لائم لائٹ میں ضرور رہتی ہیں لیکن اپنی ذاتی زندگی کو پرائیویٹ رکھنا پسند کرتی ہیں . انہوں نے کہا کہ میں نے 17 سال کی عمر میں کیرئیر کی شروعات کی اس دوران بہت سارے تجربے ہوئے جو عملی طور پر زندگی میں آگے چل کر کام آئے. کترینہ کیف نے یہ بھی کہا کہ میرا جو دل کرتا ہے میں وہی کرتی ہوں. انہوں نے یہ بھی کہا کہ میں نے کبھی کسی کی

پرواہ نہیں‌کی جو صحیح لگا وہی کیا . میرا سارا فلمی کیرئیر عوام کی نظروں میں رہا اور مجھے بہت خوشی ہے کہ میرے اس سفر میں میرے مداح ہر دم میرے ساتھ رہے. ہاد رہے کہ کترینہ کیف نے ہمیشہ اپنی نجی زندگی کو لائم لائٹ سے دور رکھا یہاں تک کہ انہوں نے اپنی شادی اور اس سے پہلے وکی کوشل سے ہونے والی ملاقاتوں کو بھی میڈیا اور لوگوں سے دور رکھا یہی وجہ ہے کہ جب یہ خبر سامنے آئی کہ کترینہ کیف اور وکی کوشل شادی کررہے ہیں اور انٹرنیٹ پر ایک ہلچل مچ گئی تھی.

بالی وڈ اداکارہ نرگس فخری کوکترینہ کے مداح نے کترینہ کہہ دیا اور بولا تصویر بنوائیے. تفصیلات کے مطابق نرگس فخری کو اداکارہ کترینہ کیف کے ایک مداح نے روکا اور انہیں کہا ہائے کترینہ، کیا میں آپ کے ساتھ پکچر لے سکتا ہوں، جس پر نرگس فخری نےانہیں‌ کہا کہ میں کترینہ نہیں‌ہوں، مداح نے کہا کہ آپ کترینہ نہیں بھی ہیں تو بھی میں آپ کے ساتھ تصویر لینا چاہوں گا کیونکہ آپ کترینہ کیف جیسی لگتی ہیں.یاد رہے کہ نرگس فخری ایک
امریکی فیشن ماڈل اور اداکارہ ہیں وہ ہندی اور انگلش فلموں میں کام کرتی ہیں. نرگس نے فلم راک سٹارسے ہندی فلموں

میں کیرئیر کا آغاز کیا اس فلم کے لئے فلم فئیر بھی حاصل کر چکی ہیں. نرگس فخری میں تیرا ہیرو ، ہاؤس فل 3 جیسی فلموں میں اپنی صلاحیتوں کا لوہا منوا چکی ہیں. نرگس فخری کو ان کی لکس اور اداکاری کی وجہ سے کافی پسند کیا جاتا ہے . کئی بار ان کے مداح ان کو دیکھ کر کنیفوژہوجاتے ہیں کیونکہ ان کی شکل کترینہ کیف سے واقعتا ملتی ہے. نرگس فخری کی اداکار اُدے چوپڑا کے ساتھ افئیر کی خبریں بھی منظر عام پر آئیں خبریں یہ بھی آئیں کہ دونوں نے شادی کر لی ہے لیکن ایسا کچھ نہیں تھا بہت جلد ان کی دوستی اختتام پذیر ہو گئی.

بالی ووڈ اداکارہ عالیہ بھٹ جن کی جمعہ کے روز فلم برہمسٹرا ریلیز ہو رہی ہے ان کے حوالے سے ایک خبر یہ ہے کہ ان کے انسٹاگرام پرفالورز کی تعداد 70 ملین ہو گئی ہے اور اس دوڑ میں انہوں نے دیپیکا پاڈوکون اور کترینہ کیف کو پیچھے چھوڑ‌دیا ہے. یوں عالیہ بھٹ بھارتی اداکارہ پریانکا چوپڑا کے بعد دوسری سب سے زیادہ فالو کی جانے والی بالی وڈ اداکارہ بن گئی ہیں، پریانکا چوپڑہ کے انسٹاگرام پر 82 ملین کے قریب فالورز ہیں . دیپیکا پڈوکون 68.8 جبکہ کترینہ 66.7 فالورز ہیں. مجموعی طور پر دیکھیں تو یہ سال عالیہ بھٹ کے کافی لکی ثابت ہوا ہے اس سال ان کی فلم گنگوبائی کاٹھیواڑی ریلیز ہوئی جس نے کامیابی کے ریکارڈز قائم کئے اور ساتھ ہی ساتھ انہوں نے یہ ثابت کیا کہ وہ باصلاحیت اداکارہ ہیں اور

مشکل سے مشکل کردار بھی باآسانی کر سکتی ہیں. اس فلم کے بعد عالیہ بھٹ کا شمار بالی وڈ کی ان اداکارائوں میں ہونے لگا ہے جنہوں نے ہندی سینما کے لئے شاندار کام کیا. اسی سال عالیہ بھٹ کی فلم ڈارلنگز بھی ریلیز ہوئی اس فلم میں نہ صرف انہوں نے کام کیا بلکہ اس کو پرڈیوس بھی کیا اور یہ فلم بھی کامیاب رہی. اسی سال عالیہ بھٹ نے اپنی زندگی کا ایک نیا سفر بھی شروع کیا انکی شادی رنبیر کپور کے ساتھ ہوئی. یاد رہے کہ ان کی فلم براہمسٹرا بھی بائیکاٹ کے ٹرینڈ کی زد میں ہے دیکھنا یہ ہے کہ بائیکاٹ کا یہ ٹرینڈ فلم کے بزنس پر کتنا اثر انداز ہوتا ہے.

بگ باس 13 سے شہرت کی بلندیوں کو چھونے والی اور خود کو پنجاب کی کترینہ کیف کہنے والی شہناز گل نے حال ہی میں ایک انٹرویو دیا ہے اس میں انہوں نے کہا کہ میں سلمان خان کی شکرگزار ہوں‌ کہ انہوں نے مجھے پہلا چانس اپنی فلم میں دیا، اس کے بعد مجھے جان ابراہیم اور رتیش دیشن مکھ ،نورا فتحی کے ساتھ کاسٹ کیا گیا ہے. میرا سفر ابھی شروع ہوا ہے مجھے ابھی بہت زیادہ کام کرنا ہے. میری خواہش ہے کہ میں بہت آگے تک جائوں اور ہر انسان کی یہ خواہش ہوتی ہے کہ وہ آگے بڑھتا رہے. شہناز گل نے ایک سوال کے جواب میں کہا کہ کترینہ کترینہ ہے میں میں ہوں‌، میں‌کترینہ کیف کو بہت پسند کرتی ہوں‌ لیکن میں چاہتی ہوں کہ لوگ مجھے شہناز گل کے نام سے جانیں اور پہچانیں‌ .مجھے خود کی شناخت بنانی ہے اور اسکے لیے میں بہت زیادہ محنت کررہی ہوں. میں‌بناوٹی نہیں‌ ہوں نہ

مجھے ایسا بننا ہے مجھے نیچرل رہنا پسند ہے اسی لئے جو میں ہوں‌ وہی دوسروں‌ کو دکھاتی ہوں‌ وہی بولتی ہوں. شہناز گل نے یہ بھی کہا کہ کب کس کی قسمت بدل جائے اور وہ کہاں سے کہاں پہنچ جائے کسی کو نہیں پتہ اسلئے کبھی کسی کو جج نہیں‌ کرناچاہیے کیا پتہ کل وہ کسی ایسی جگہ پہنچ جائے کہ آپ نے جو بولا وہ بیک فائر ہو جائے. شہناز گل نے کہا کہ انسان کبھی بھی کسی حال میں خوش نہیں‌ ہوتا اسکے پاس جتنا بھی آجائے اسکو مزید کی خواہش ہوتی ہے. میں اپنی موجودہ زندگی سے بہت خوش اور مطمئن ہوں لیکن مجھے ابھی بہت آگے جانا ہے کام کرنا ہے.ایک سوال کے جواب میں‌ شہناز نے کہا کہ مجھے راجکمار رائو کے ساتھ کام کرنا ہے.

بالی وڈ کی خوبصورت اداکارہ کترینہ کیف کے ماضی میں افئیر کی خبریں سلمان خان کے ساتھ آتی رہیں لیکن وقت نے ثابت کیا کہ دونوں کے درمیان تعلق دوستی کی حد تک تھا کیونکہ کترینہ کیف نے وکی کوشل کے ساتھ شادی کی اور شادی کے انتظامات میں سلمان خان نے حصہ لیا. اداکارہ کترینہ کیف نے حال ہی میں ہندوستان ٹائمز کو ایک انٹرویو دیتے ہوئے کہا ہے کہ سلمان خان میرا زندگی بھر کا دوست ہے اس نے ہمیشہ میری مدد کی مجھے گائیڈ کیا. میں جب زندگی کے مشکل ترین دور سے گزر رہی تھی میرا کیرئیر بھی ٹھیک نہیں جا رہا تھا تو سلمان خان نے تب بھی میری مدد کی. سلمان خان وہ انسان ہے

جس پر مکمل طور پر اعتبار کیا جا سکتا ہے وہ نہ صرف قابل بھروسہ ہے بلکہ مسائل کو سمجھنے والا انسان ہے. میں سلمان خان پر بہت زیادہ بھروسہ کرتی ہوں اور میں سمجھتی ہوں کہ ہمارا تعلق زندگی بھر رہے گا .دوری طرف سلمان خان نے چند روز قبل
کچا سدیپ اور جیکولین فرنینڈس کی آنے والی فلم وکرانت رونا کی پریس کانفرنس کے دوران کترینہ کی تعریف کی۔انہوں نے کہا کہ کترینہ کیف بہت محنت کی ہے اور وہ بہت زیادہ محنتی ہیں. واضح رہے کہ کترینہ کیف نے گزشتہ برس دسمبر میں اداکار وکی کوشل سے شادی کی ان کی شادی میں ان کی فیملی اور قریبی دوستوں نے شرکت کی. اداکارہ نے حال ہی میں اپنی 39 ویں سالگرہ مالدیپ میں اپنے شوہر کے ہمرا منائی.

ہر تیک روشن اور کترینہ کیف نے فلم بینگ بینگ اور زندگی ملے نہ دوبارہ جیسی فلمیں کی ہیں. دونوں کی آن سکرین جوڑی کو خوب سراہا جاتا ہے. ہرتیک روشن بتاتے ہیں کہ انہوں نے کترینہ کیف سے جب کہا کہ آپ ایک مزدور کی طرح کام کرتی ہیں تو انہوں نے بہت برا منایا اور ہرتیک کے اس طرح کے کمنٹ کو اپنی توہین سمجھا. ہرتیک روشن نے کہا کہ میں نے کترینہ کیف کے لئے مزدور کا لفظ اس لئے استعمال کیا کیونکہ وہ ناقابل یقین حد تک نیک نیتی سے کام کرتی ہیں کام میں کھو جاتی ہیں میرے حساب سے وہ ان بہترین مزدوروں اور کارکنوں میںسے ایک ہیں جن سے میں نے کبھی ملاقات کی ہے،ہرتیک روشن نے کہا کہ کترینہ خوبصورت ہیں نازک دکھائی دیتی ہیں لیکن اندر سے وہ ایک مزدور ہیں اور ایسی مزدور جو بہت محنتی ہے اور جس کے ساتھ کام کرنا آسان ہے. ہرتیک نے کہا کہ میرے ان الفاظ کو کترینہ توہین کے طور پر لیتی ہے اسے ایسا نہیں کرنا چاہیے بلکہ میری بات کا مطلب سمجھنا چاہیے.
یاد رہے کہ کترینہ کیف نے 2003 میں اپنا کیرئیر شروع کیا انہوں نے اپنے دور کے تمام بڑے ہیروز کے ساتھ کام کیا ان کی سپر ہٹ فلموں میں بینگ بینگ، ایک تھا ٹائیگر، زندگی نہ ملے گی دوبارہ، عجب پریم کی غضب کہانی، نمستے لندن، اور دیگر شامل ہیں۔ بار بار شامل ہیں.کترینہ نے ہر فلم کے ساتھ ثابت کیا کہ وہ ایک باصلاحیت اداکارہ ہیں.