کراچی پولیس نے اسٹریٹ کرائم کے خلاف کاروائیاں کرتے ہوئے انتہائی مطلوب 5 ملزمان کو گرفتار کر لیا .
باغی ٹی وی کی رپورٹ کے مطابق ڈسٹرکٹ سینٹرل ، نارتھ ناظم آباد پولیس کی ٹیکنیکل بنیادوں پر کاروائی اسٹریٹ کرائم میں ملوث ملزمان گرفتار اسلحہ برآمد کیا گیا جائے وقوعہ بمقام اندرون گلی نزد طیبہ مسجد نارتھ ناظم آباد تھا جبکہ ملزمان کی شناخت 01 سید سلمان ولدسید قادر 02 عدنان ولد رحیم کے نام سے ہوئی ہے جن کے قبضے سے 2 عدد غیر قانونی پسٹل ایک 30 بور لوڈ میگزین بمعہ 03 زندہ راؤنڈ اور ایک 32 بور ریوالورلوڈ میگزین بمعہ 02 زندہ راؤنڈ برآمد ہوئے۔ گرفتار ملزمان کے خلاف مقدمہ الزام نمبر 317/318/2024 جرم دفعہ 23-1 (A) کا مقدمہ قائم کرکے تفتیش کا آغاز کردیا گیا ہے۔
دوسری کاروائی ضلع کورنگی ،تھانہ سعودآباد پولیس نے خفیہ اطلاع پر کاروائی کرتے ہوئے ملزم خالد ولد رفیق کو گرفتار کر لیا۔ملزم سے ایک عدد ریوالور 32 بورمع ایمونیشن برآمد ہوا جبکہ ملزم نے ابتدائی طورمتعدد اسٹریٹ کرائم کی وارداتوں کا انکشاف کیا۔ ملزم گرفتار شدہ کےخلاف سندھ آرمز ایکٹ کی دفعات کے تحت مقدمہ درج کر لیا گیا.ملزم عادی جرائم پیشہ اور سابقہ ریکارڈ یافتہ ھے۔ملزم قبل ازیں تھانہ ماڈل کالونی،الفلاح اور کھوکھرا پار میں گرفتار ہو کر جیل جا چکا ہےملزم کو مزید تفتیش کے لیے انویسٹیگیشن و نگ کے حوالے کیا جا رہا ہے۔ تیسری کاروائی ڈسٹرکٹ ویسٹ، سرجانی (محبوب شہید چوکی) پولیس نے اسٹریٹ کرائم میں ملوث ملزمان کو گرفتار کرلیا۔ پولیس نے اسنیپ چیکنگ کے دوران سیکٹر 7 سے موٹرسائیکل سوار 02 ملزمان کو گرفتار کیا۔ گرفتار ملزمان سے 02 غیر قانونی پسٹلز بمعہ ایمونیشن اور نقدی رقم برآمد ہوئی۔ ملزمان کے زیراستعمال موٹرسائیکل کو بھی قبضہ پولیس میں لے لیا گیا ہے جس کی تفصیلات حاصل کی جارہی ہیں۔گرفتار ملزمان میں عبدالرافع ولد محمد رفیق اور شاہزیب ولد فرقان شامل ہیں۔گرفتار ملزمان کے خلاف سندھ اسلحہ ایکٹ کے تحت مقدمات درج کرکے تفتیش کا آغاز کردیا گیا ہے۔
کراچی پولیس کی گٹکا ماوا اور منشیات مافیا کے خلاف کامیاب کاروائیاں، 4 ملزم گرفتار
حکومتی غفلت کی وجہ سے سندھ میں غربت و افلاس اور ڈاکوئوں کا راج ہے،اسداللہ بھٹو
