کراچی ایک بار پھر دنیا کے آلودہ ترین شہروں کی فہرست میں شامل ہو گیا ہے اور ایئر کوالٹی انڈیکس کے مطابق شہر کا فضائی معیار تشویشناک حد تک خراب ہے۔
کراچی میں ایئر کوالٹی انڈیکس (AQI) 251 ریکارڈ کیا گیا، جس کے بعد شہر دنیا کے آلودہ ترین شہروں میں تیسرے نمبر پر آ گیا۔ ماہرین کے مطابق 151 سے 200 انڈیکس کو مضرِ صحت، 201 سے 300 کو انتہائی مضرِ صحت اور 301 سے زائد کو خطرناک درجے کی آلودگی قرار دیا جاتا ہے۔ماحولیاتی ماہرین نے خبردار کیا ہے کہ اس سطح کی آلودگی سانس، دل اور آنکھوں کے امراض میں اضافہ کر سکتی ہے۔ ان کے مطابق صنعتی اخراج، گاڑیوں سے نکلنے والا دھواں اور تعمیراتی سرگرمیاں کراچی کی فضائی آلودگی میں بڑے عوامل ہیں۔ماہرین نے شہریوں کو احتیاطی تدابیر اختیار کرنے، غیر ضروری باہر نکلنے سے گریز کرنے اور ماسک کے استعمال کی ہدایت کی ہے
سندھ میں ڈینگی کا پھیلاؤ جاری، مزید 4 اموات
27ویں آئینی ترمیم: حکومتی وفد کی پی ٹی آئی رہنماؤں سے حمایت کے لیے ملاقات
لرزہ خیز وارداتیں: غیر اخلاقی تعلقات، شوہروں کے قتل کے متعدد واقعات