Tag: کراچی ریلوے

کے الیکٹرک نے عدم ادائیگی پر کینٹ اسٹیشن، سٹی اسٹیشن، ریلوے کالونی اور ریلوے اسٹور سمیت متعدد دفاتر کی بجلی کاٹ دی۔

باغی ٹی وی کے مطابق کے الیکٹرک کی جانب سے بجلی منقطع کرنے پر ڈی ایس ریلوے ناصر خلیلی کا شدید رد عمل سامنے آگیا ہے جس میں انہوں نے کے الیکٹرک کو ہی نادہندہ قرار دے دیا ہے۔ڈی ایس ریلوے نے کہا کہ کے الیکٹرک ریلوے کی 70 ارب کی نادہندہ ہے، کسی صورت کے الیکٹرک کی بدمعاشی اور غنڈہ گردی میں نہیں آئیں گے۔کے الیکٹرک کو کوئی ادائیگی نہیں کی جائے گی، کے الیکٹرک کے اس عمل سے مسافروں کو نقصان پہنچے گا۔دوسری جانب ترجمان کے الیکٹرک کا کہنا ہے کہ پاکستان ریلوے کو بقایا جات کی عدم ادائیگی کی وجہ سے بجلی کی فراہمی جاری رکھنا ممکن نہیں۔ پاکستان ریلوے کے 31 کنیکشنز پر واجب الادا بل کی رقم 43 کروڑ روپے ہے، پاکستان ریلوے بجلی کی بحالی کے لئے فوری طور پر واجبات ادا کرے۔ترجمان کے الیکٹرک کا مزید کہنا تھا کہ بغیر ادائیگی بجلی کی فراہمی ممکن نہیں، پاکستان ریلوے کی بجلی منقطع کرنے سے قبل بلوں کی ادائیگی کی یا دہانی کے متعدد نوٹسز جاری کئے گئے۔

وفاقی بیورو کریسی میں تقرر و تبادلے، نوٹیفکیشن جاری

وفاقی بیورو کریسی میں تقرر و تبادلے، نوٹیفکیشن جاری

جنوبی کوریا میں صدر نے مارشل لاء نافذ کردیا

پنجاب میں سرکاری ملازمین کیلئے پنشن میں اضافہ ختم

حکومت کر لی، اب آرام سے جیل کاٹو، مریم نواز کا عمران خان کو مشورہ

کراچی ڈویژن ریلوے میں عملے کی مبینہ غفلت اور لاپرواہی کے باعث ٹرینوں کی روانگی کا نظام درہم برہم ہوکر رہ گیا۔

باغی ٹی وی کی رپورٹ کے مطابق ریلوے ٹرین آپریشن بری طرح متاثر ہونے کے باعث ٹرینوں کی آمدورفت میں تاخیر معمول بن گئی ہے، محکمہ کا سارا نظام چوپٹ ہوگیا۔قراقرم ایکسپریس کی تاخیر کی وجہ سے اندرون ملک جانے والی گاڑیاں تاخیر کا شکار ہوگئیں، پشاور جانے والی خیبرمیل کی روانگی میں2گھنٹے 30منٹ تاخیر سامنے آئی ہے۔اسلام آباد جانے والی پریمیم ٹرین گرین لائن بھی ڈیڑھ گھنٹے تاخیرکے بعد روانہ ہوئی جبکہ سکھر ایکسپریس کو بھی ڈیڑھ گھنٹے تاخیر سے روانہ کیا گیا۔ریلوے ذرائع کے مطابق پشاور جانے والی خیبر میل 2گھنٹے تاخیر اور اسلام آباد جانے والی پریمیم ٹرین گرین لائن میں 2گھنٹے تاخیر ہوئی ہے۔ٹرینوں کی کئی کئی گھنٹے تاخیر کے باعث مسافروں کو شدید مشکلات کا سامنا کرنا پڑرہا ہے، ٹرینیں گھنٹوں تاخیر اور منسوخ ہونے کی وجہ سے مسافروں اور محکمہ کو مالی نقصان کا سامنا ہے۔اس کے علاوہ پاک بزنس اور کراچی ایکسپریس بھی 2سی3 گھنٹے تاخیر سے روانہ ہوئی، گرین لائن پریمیم ٹرین کو روک کر سرسید ایکسپریس کو روانہ کردیا گیا، مسافر ٹرینوں کی روانگی میں تاخیر پر شدید احتجاج بھی کیا۔واضح رہے کہ ٹرین کا سفر دنیا بھر میں آمدو رفت کا سستا اور محفوظ ترین ذریعہ ہے۔پاکستان میں روزانہ ایک لاکھ 78ہزار افراد ٹرین پر سفر کرتے ہیں۔

کائونٹر پر آکر ٹرین چلنے کا وقت کیوں پوچھا ، کراچی اسٹیشن عملے کا نوجوان پر تشدد