کراچی شہر کے مختلف علاقوں میں فائرنگ، بجلی کا کرنٹ لگنے اور ڈوبنے کے واقعات میں مجموعی طور پر 5 افراد ہلاک جبکہ بچی سمیت 4 زخمی ہو گئے۔
پولیس کے مطابق شیریں جناح کالونی میں فائرنگ سے 30 سالہ راجہ زخمی ہوا، جبکہ شاہ لطیف ٹاؤن ریلوے پھاٹک کے قریب گھر میں نامعلوم سمت سے فائرنگ سے 4 سال کی بچی زخمی ہوئی۔ اورنگی ٹاؤن 4 نمبر کے علاقے میں بھی 8 سالہ بچی گولی لگنے سے زخمی ہوئی۔
سائٹ ایریا میں ڈکیتی کے دوران مزاحمت پر فائرنگ سے ایک شخص زخمی ہوا، جب کہ لیاری کھڈہ مارکیٹ میں کرنٹ لگنے سے پیپلز پارٹی رہنما جاوید ناگوری کے بھائی عبداللّٰہ ناگوری جاں بحق ہو گئے۔ اسی طرح کلفٹن پارک لینڈ اسپتال کے قریب بھی کرنٹ لگنے سے ایک 30 سالہ شخص دم توڑ گیا۔
جہانگیر آباد کے ندی میں ایک شخص ڈوب کر ہلاک ہوا، ابراہیم حیدری میں سمندر کنارے سے ایک لاش برآمد ہوئی، جبکہ ہاکس بے کے ٹرٹل بیچ پر نہاتے ہوئے 22 سالہ ثاقب ولد علی عمر بھی ڈوب کر جاں بحق ہو گیا۔پولیس حکام نے زخمیوں کو طبی امداد کے لیے اسپتال منتقل کر دیا ہے، اور واقعہ کی تحقیقات شروع کر دی گئی ہیں۔
فیلڈ مارشل سے ایرانی آرمی چیف کا ٹیلیفونک رابطہ،پاکستان کے عوام کا شکریہ
مولانا فضل الرحمٰن کا دھاندلی، سیاست، فاٹا انضمام اور فلسطین پر دو ٹوک مؤقف
’اپنا میٹر اپنی ریڈنگ‘ ایپ،کے الیکٹرک کو تاحال نوٹیفکیشن موصول نہیں ہوا
’اپنا میٹر اپنی ریڈنگ‘ ایپ،کے الیکٹرک کو تاحال نوٹیفکیشن موصول نہیں ہوا