Tag: کراچی شہر

سندھ حکومت کی ٹریفک قوانین کی خلاف ورزی کے خلاف کارروائیاں جاری ہیں، کراچی میں مجموعی طور پر 172 ڈرائیورز کو گوفتار کرلیاگیا ہے۔

باغی ٹی وی کے مطابق کراچی میں ٹریفک پولیس کی رپورٹ کے مطابق 172 گاڑیاں ضبط کرکے عدالتی پراپرٹی ڈکلیئر کیا گیا جبکہ لاپرواہی اور اوور اسپیڈنگ پر6 ڈرائیورز گرفتار کئے گئے اور اس کریک ڈائون کے دوران مجموعی طور پر 172 ڈرائیور گرفتار کئے گئے۔رپورٹ کے مطابق 3 دن کے دوران غیر رجسٹر 7 گاڑیاں ضبط، سی این جی کی 19 کٹس ضبط کی گئیں، قانون کی خلاف ورزی کرنیوالوں کو 1099 جرمانے کے چالان کئے گئے اور اوور اسپیڈنگ کرنے والوں کے خلاف فوری کارروائی کی جائے گی۔

ٹریفک پولیس کی 16 سے 19 اپریل تک کی پیشرفت رپورٹ وزیراعلی سندھ کو پیش کردی گئی، ٹریفک قوانین کی خلاف ورزی پر73گاڑیوں کیخلاف ایف آئی آر درج کیا گیا۔وزیراعلی سندھ نے کہا ہے کہ ڈمپر، لوڈر، کمرشل وہیکل کی اسپیڈ 30 مقرر ہے اور ہر صورت عمل کرایا جائے، نابالغ ڈرائیورز کو ہرگز سڑکوں پر آنے نہ دیا جائے، بغیر لائسنس گاڑی چلانے والوں کیخلاف سخت ایکشن لیا جائے گا۔وزیراعلی سندھ مراد علی شاہ نے کہا کہ گاڑیوں میں پریشر ہارن کے استعمال پر مکمل پابندی عائد کی جائے اور عوامی آگاہی مہم کے ذریعے ٹریفک قوانین کا شعور بڑھایا جائے۔

امارات کے وزیر خارجہ دورے پر اسلام آباد پہنچ گئے

کھئیل داس کوہستانی پر ٹماٹر اور انڈے پھینکنے والا شخص رہا

کراچی چیمبر آف کامرس اینڈ انڈسٹری نے ٹرانسپورٹرز کی ہڑتال پر مداخلت کا مطالبہ کرتے ہوئے وزیراعظم کو خط بھیج کردیا۔

باغی ٹی وی کے مطابق کراچی چیمبر کے صدر جاوید بلوانی نے خبردار کیا کہ جاری ہڑتال سے قابلِ تلف پھلوں اور سبزیوں کی برآمد خطرے میں پڑ جائے گی، اور سندھ میں پیاز کے کاشتکاروں کو بھی شدید نقصانات اٹھانے پڑیں گے۔جاوید بلوانی نے کہا کہ ہڑتال سے معیشت کو شدید نقصان ہوگا اور تجارتی اعتماد کو دھچکا لگے گا، جس سے پاکستان کا ایک قابلِ بھروسہ تجارتی شراکت دار ہونے کا تاثر بھی متاثر ہوگا۔ صدر جاوید بلوانی کے مطابق ٹرانسپورٹرز کی ہڑتال چوتھے روز میں داخل ہو چکی ہے جس کے باعث ملکی تجارت مکمل طور پر مفلوج ہو کر رہ گئی۔انہوں نے کہا کہ برآمدی سامان فیکٹریوں میں پھنس گیا ہے کیونکہ ٹرانسپورٹ دستیاب نہیں، جبکہ درآمدی کنسائمنٹس بندرگاہوں پر رکی ہوئی ہیں اور نقل و حمل بند ہے۔

ان کا مزید کہنا تھا کہ صنعتوں کو خام مال نہ ملنے کی وجہ سے پیداوار میں کمی ہوگی جبکہ کاروبار پر ڈیمرج اور ڈیٹینشن چارجز کا اضافی بوجھ بھی پڑے گا، جو کہ ڈالرز میں لگنے والے چارجز کی صورت میں زرمبادلہ کے ذخائر پر دبا ڈالے گا۔انہوں نے کہا کہ دنیا امریکی ٹیرف کے اعلان کے بعد سے ٹریڈ وار میں مصروف ہے، اور پاکستان ہڑتال کے باعث یرغمال بن چکا ہے۔حکومت کی خاموشی اور بے عملی پر کاروباری طبقہ شدید مایوسی کا شکار ہے۔

جاوید بلوانی نے خبردار کیا کہ ہڑتال کے نتیجے میں کاروبار کی بندش، بیروزگاری اور سرمایہ کاری کا نقصان ہوگا۔کراچی چیمبر نے وفاقی اور صوبائی حکومت سے فوری مذاکرات اور مسئلے کے فوری حل کا مطالبہ کیا ہے۔ صدر کراچی چیمبر کے مطابق بندرگاہوں پر پھنسے کنسائمنٹس کی ہنگامی بنیادوں پر کلیئرنس ضروری ہے۔ انہوں نے کہا کہ اگر ہڑتال جاری رہی تو تجارتی نقصان ناقابلِ تلافی ہوگا، وزیراعظم سے فوری اور فیصلہ کن کارروائی کی اپیل کرتے ہیں۔

خیبر پختونخوا میں بارش اور ژالہ باری سے گاڑیوں کے شیشے ٹوٹ گئے

علیمہ گالیاں دلوا رہی ، اب مزید چپ نہیں رہوں گا، شیرافضل مروت

ہمارے اعتراضات کو تسلیم کریں آپ کے ساتھ نہیں چل سکتے، بلاول بھٹو

اسحاق ڈار کا دورہ افغانستان، اچھی پیش رفت ہے.کاظمی

کراچی کے علاقے کلفٹن میں فلیٹ میں گیس لیکج دھماکے کے باعث گھریلو ملازمہ جاں بحق اور لڑکی سمیت 2 افراد جھلس کر زخمی ہوگئے۔

باغی ٹی وی کے مطابق بتایا گیا کہ کلفٹن تین تلوار گلف ٹاور کے قریب فلیٹ میں گیس لیکج کے باعث دھماکے کے نتیجے میں 2 جوان لڑکیوں سمیت 3 افراد جھلس کر شدید زخمی ہوگئے جنہیں فوری طور پر ایدھی ایمبولینس کے ذریعے سول برنس وارڈ منتقل کردیا گیا۔دوران علاج جھلس کر شدید زخمی ہونے والی 20 سالہ کلثوم دوران علاج دم توڑ گئی، زخمی ہونے والوں میں 20 سالہ سدرہ اور50 سالہ فیاض شامل ہیں۔

اس حواے سے بات کرتے ہوئے ایس ایچ او کلفٹن نے بتایا کہ فیاض 80 فیصد جھلسا ہوا ہے اور اس کی حالت تشویشناک ہے ، جاں بحق کلثوم گھریلو ملازمہ تھی۔انھوں نے بتایاکہ لیکج کے باعث گیس فلیٹ میں بھری ہوئی تھی گھریلو ملازمہ نے باورچی خانے میں جیسے ہی چولہا جلایا تو دھماکے کے باعث آگ بھڑک اٹھی، پولیس حادثے سے متعلق مزید معلومات اکٹھا کر رہی ہے۔

سیالکوٹ میں مالیاتی خواندگی واک کا انعقاد

3 ماہ میں لاکھوں پاکستانی بہتر مستقبل کے لیے بیرون ملک چلے گئے

پنجاب اسمبلی کے حلقہ پی پی 52 میں ضمنی الیکشن کا شیڈول جاری

پنجاب اسمبلی کے حلقہ پی پی 52 میں ضمنی الیکشن کا شیڈول جاری

کمشنر کراچی نے آٹے کی قیمتوں میں کمی کا نوٹی فیکیشن جاری کر دیا، آٹے کی قیمتوں میں 10روپے سے 17روپے فی کلو کمی کر دی ہے۔

باغی ٹی وی کے مطابق اس وقت کراچی شہر میں چکی آٹا کے نرخ 100 روپے فی کلو مقرر ہے، مارکیٹ میں فائن آٹا 90 سے 100 روپے فی کلو پر فروخت کیا جا رہا ہے جبکہ چکی آٹا 110 سے 115 روپے فی کلو فروخت کیا جا رہا ہے جبکہ کمشنر کراچی کی جانب سے جاری نوٹیفکیشن کے مطابق ڈھائی نمبر آٹا ہول سیل 83 روپے جبکہ ریٹیل میں 87 روپے فی کلو مقرر کیا گیا، فائن آٹا ہول سیل 88 روپے جبکہ ریٹیل میں 92 روپے فی کلو مقرر ہے۔

دوسری جانب ڈپٹی کمشنرز کو گراں فروشوں کے خلاف سخت کارروائی کی ہدایت کرتے ہوئے کہا گیا ہے کہ سرکاری نرخ کی خلاف ورزی پر دکانداروں پر جرمانہ اور گرفتاری کریں۔ اس حوالے سے کمشنر کراچی دفتر میں شکایتی سیل کو فعال کیا گیا ہے جس سے شہریوں کی شکایت سے گراں فروشی کی روک تھام میں مدد ملے گی۔

اسحٰق ڈار کا رواں ہفتے افغانستان کا دورہ طے

اداکارہ نادیہ حسین نےایف آئی اے کے سامنے پیسوں کا اعتراف کرلیا

اسرائیلی مصنوعات کے بائیکاٹ کی مہم کو منظم کریں گے، حافظ نعیم

سعودی عرب،درجنوں کمپنیوں کی گاڑیوں کی درآمد پر پابندی عائد

کراچی شہر کی اہم مرکزی سڑکوں پر موٹر کیب رکشاؤں کی آمد و رفت پر پابندی لگا دی گئی جسکا نوٹیفکیشن بھی جاری کر دیا گیا۔

باغی ٹی وی کے مطابق اہم سڑکوں میں شارع فیصل، آواری لائٹ سگنل سے مادام اپارٹمنٹ، آئی آئی چند ریگر روڈ، ٹاور سے شاہین کمپلیکس تک دونوں طرح کے موٹر کیب رکشاؤں ون پلس ٹو اور ون پلس فور ایم سی آر پر پابندی عائد ہوگی ۔کمشنر کراچی کے نوٹیفیکشن کے مطابق 15 اپریل سے 14 جون 2025 تک پابندی نافذ رہے گی جبکہ خلاف ورزی پر دفعہ 188 پی پی سی کے تحت کارروائی عمل میں لائی جائیگی۔جبکہ ون پلس فور ایم سی آر شہر کی دیگر شاہراہوں جس میں شارع قائدین نمائش سے شارع فیصل نرسری ، شیر شاہ سوری روڈ میٹرک بورڈ آفس سے ناگن چورنگی ، شہید ملت روڈ جیل چورنگی سے شہید ملت ایکسپریس وے ، عبداللہ ہارون روڈ 2 تلوار سے ہاشو سینٹر موبائل مارکیٹ براستہ ہوشنگ خیابان اقبال ، 2 تلوار سے شارع فردوس عبداللہ شاہ غازی مزار ، اسٹیڈیم روڈ میلینئم مال سے تھانہ نیو ٹاؤن ، سر شاہ سلیمان روڈ سر حبیب ابراہیم رحمت اللہ روڈ سے حسن اسکوائر کار ساز تک ، راشد منہاس روڈ پر ڈرگ روڈ سے سہراب گوٹھ تک جبکہ ماڑی پور روڈ پر گلبائی سے آئی سی آئی پل تک پابندی عائد ہوگی۔

نوٹیفیکشن کے مطابق ون پلس ٹو اور ون پلس فور ایم سی آر رکشاؤں کے مختلف غیر مجاز اور خود ساختہ غیر قانونی روٹس اور غیر قانونی اسٹینڈز قائم ہیں جو کہ ٹریفک کی روانی میں رکاوٹ کا باعث بنتے ہیں جبکہ کمشنر کراچی کی جانب سے تمام ایس ایچ اوز کو ہدایت جاری کی گئی ہے کہ پابندی کی خلاف ورزی پر دفعہ 188 کے تحت قانونی کارروائی عمل میں لائی جائے۔

اندھے قتل میں ملوث حقیقی بیٹا، بہو اور بیٹے کی خاتون دوست گرفتار

سندھ حکومت کا تکراری تونسہ کینال کھولنے پر ارسا سے شدید احتجاج

ٹیم میں شامل نہ کرنے پر’عمر اکمل پی سی بی پر پھٹ پڑے

مصطفی عامر قتل کیس،ملزم ارمغان کیخلاف مزید اہم انکشافات

راولپنڈی ، ہمسائےکی 13 سالہ یتیم لڑکی کے ساتھ زیادتی، مقدمہ درج

میئر کراچی بیرسٹر مرتضیٰ وہاب نے کہا ہے کہ کراچی کے تمام اضلاع میں یکساں رفتار سے ترقیاتی کام کرانا اولین ترجیح ہے.

باغی ٹی وی کے مطابق اپنے دفتر میں ضلع کیماڑی میں ترقیاتی کاموں پر عملدرآمد کے حوالے سے منگھو پیر ٹاؤن کے چیئرمین حاجی علی نواز بروہی، جماعت اسلامی اور پی ٹی آئی کے بلدیاتی نمائندوں اور دیگر منتخب اراکین کے ساتھ اجلاس کی صدارت کرتے ہوئے بیرسٹرمرتضیٰ وہاب کا کہنا تھا کہ ضلع کیماڑی میں مزید ترقیاتی اسکیمیں شروع کرنے کا فیصلہ کیا ہے تاکہ علاقے کے لوگوں کو زیادہ سے زیادہ سہولیات فراہم کی جاسکیں، پاکستان پیپلزپارٹی شہر کے وسیع تر مفاد میں تمام سیاسی جماعتوں کے بلدیاتی نمائندوں کو ساتھ لے کر چل رہی ہے اور ان کی مشاورت سے جامع حکمت عملی ترتیب دینا چاہتے ہیں جس سے ترقیاتی عمل کو بھرپور بنا کر مختلف علاقوں میں شہریوں کو درپیش مسائل کو جلد از جلد حل کرنے کے لئے راہ ہموار کی جاسکتی ہے.

قبل ازیں منتخب بلدیاتی نمائندوں نے اپنے علاقوں میں درپیش مسائل کے حوالے سے میئر کراچی کو آگاہ کیا اور ان کے جلد از جلد حل پر زور دیا، میئر کراچی بیرسٹر مرتضیٰ وہاب نے ضلع کیماڑی خصوصاً منگھوپیر ٹاؤن کو ترجیحی بنیادوں پر ترقیاتی اسکیمیں دینے اور علاقے کے مسائل حل کرنے کی یقین دہانی کرائی، انہوں نے کہا کہ شہریوں کے مسائل حل کرنے کے لئے تمام منتخب بلدیاتی نمائندوں کو اپنے ذاتی مفادات کو بالائے طاق رکھتے ہوئے شہر کے وسیع تر مفاد میں مسائل کے حل کے لیے مل کر کام کرنا ہے، پاکستان پیپلزپارٹی اس حوالے سے ہرممکن تعاون کرنے کو تیار ہے اور اس حوالے سے ہمارے دروازے سب کے لئے کھلے ہیں لہٰذا آئیں اور شہر کی ترقی میں اپنا کردار ادا کریں، انہوں نے کہا کہ شہر میں تعمیر و ترقی کے لیے تمام اسٹیک ہولڈرز کے ساتھ رابطے اور مشاورت کا سلسلہ جاری رہے گا۔

ٹرانسپورٹرز اور ڈمپرز ایسوسی ایشن کی ہڑتال موخر

منشیات فروشوں کیساتھ رابطے ، لیڈی سب انسپکٹر معطل

امریکی اعلان کے بعد یورپی یونین نے ٹیرف موخر کردیا

ڈاکٹر عافیہ رہائی،امریکی ریاست ٹیکساس کی جیل کے باہر مظاہرہ

ٹیرف میں اضافہ، ایپل نے لاکھوں آئی فون بھارت سے نکال لیے

کراچی کے علاقے لانڈھی میں ایکسپورٹ پراسیسنگ زون میں ایک فیکٹری میں آگ لگنے کی اطلاع ملی ہے۔

باغی ٹی وی کے مطابق ریسکیو 1122 کی جانب سے آگ پر قابو پانے کی کوشش جاری ہے، ترجمان کے مطابق، آپریشن میں 4 فائر ٹینڈرز اور 2 واٹر باؤزر شامل ہیں۔فائر بریگیڈ اور ریسکیو ٹیموں نے کامیابی سے آگ کو پھیلنے سے روک دیا ہے، اور کچھ دیر میں متاثرہ مقام پر کولنگ کا عمل شروع کر دیا جائے گا۔ریسکیو 1122 کے ترجمان کے مطابق، فائر اینڈ ریسکیو ٹیم کو سینٹرل کمانڈ اینڈ کنٹرول سے اطلاع ملتے ہی فوری طور پر جائے وقوعہ پر پہنچا دیا گیا۔ ریسکیو ٹیم میں 1 ایمبولینس اور 3 فائر بریگیڈ ٹرک شامل تھے۔

آگ لانڈھی ایکسپورٹ پروسیسنگ زون کے ایک گودام میں لگی تھی، جہاں مختلف اقسام کا سامان موجود تھا، خوش قسمتی سے، اب تک کسی جانی نقصان کی اطلاع نہیں ملی ہے۔فائر بریگیڈ کی ٹیموں، پولیس، اور ایکسپورٹ پروسیسنگ زون کی انتظامیہ کے اہلکار متاثرہ مقام پر موجود ہیں۔
آگ بجھانے کے آپریشن میں واٹر کارپوریشن کی مدد بھی حاصل کی گئی ہے۔ ریسکیو 1122 نے واٹر کارپوریشن سے پانی کی فراہمی کے لیے مدد طلب کی تھی، جس پر سی ای او واٹر کارپوریشن نے لانڈھی ہائیڈرنٹ پر ایمرجنسی نافذ کر دی۔

اطلاع ملنے پر واٹر کارپوریشن نے فوری طور پر جائے وقوعہ پر واٹر ٹینکرز روانہ کر دیے ہیں۔انچارج ہائیڈرنٹس سیل فائر بریگیڈ اور ریسکیو ٹیموں کے ساتھ رابطے میں ہیں، اور ایم ڈی برائے ہائیڈرنٹس سیل آپریشن کی خود نگرانی کر رہے ہیں۔ فائر بریگیڈ کو بلا تعطل پانی کی فراہمی جاری ہے، اور واٹر کارپوریشن فائر بریگیڈ کے ساتھ مکمل تعاون کر رہا ہے۔ترجمان نے کہا کہ آگ پر قابو پانے تک واٹر ٹینکرز کی فراہمی جاری رکھی جائے گی تاکہ آپریشن میں کوئی خلل نہ آئے۔

ٹرمپ کا دورۂ سعودی عرب ، تیاری کیلئے سعودی وزیر خارجہ امریکہ پہنچ گئے