Tag: کراچی شہر

سینٹرل، تھانہ حیدری مارکیٹ کے علاقے کوثر نیازی کالونی اور لیاقت آباد کی حدود انگارہ گوٹھ میں پولیس نے کومبنگ/سرچ آپریشن کیا.

باغی ٹی وی کے مطابق کومبنگ/سرچ آپریشن ایس ایس پی صاحب ضلع سینٹرل کی ہدایت پر جرائم پیشہ عناصر کے خلاف کیا گیا۔کومبنگ/سرچ آپریشن انٹیلیجنس اطلاعات پر حیدری مارکیٹ کی حدود کوثر نیازی کالونی اور لیاقت آباد کی حدود انگارہ گوٹھ میں کیا گیا۔کومبنگ/سرچ آپریشن کے دوران علاقے کے داخلی و خارجی راستوں کو سیل کرکے تقریباً 100 گھروں کی تلاشی لی گئی متعدد افراد کو چیک کیا گیا۔بائیومیٹرک تلاش ڈیوائس کی مدد سے مشتبہ اشخاص کی ویریفیکیشن/تصدیق کا عمل کیا گیا۔حیدری مارکیٹ میں کامبنگ/سرچ آپریشن ایس ڈی پی او نارتھ ناظم آباد کی نگرانی میں ایس ایچ او حیدری مارکیٹ، ایس ایچ او نارتھ ناظم آباد۔موبائل تھانہ، ہمراہ نفری لیڈیزاسٹاف ؤ انٹیلیجنس اسٹاف نے اپریشن میں حصہ لیا۔نیو کراچی تھانہ کی حدود علی محمد گوٹھ میں کامبنگ سرچ آپریشن ایس ڈی پی او نیو کراچی کی نگرانی میں کیا گیا جس میں ایس ایچ او نیو کراچی ایس ایچ او بلال کالونی ایس ایچ او نیو کراچی انڈسٹریل ایریا سمیت موبائل، لیڈی سرچر، انٹیلی اسٹاف نے حصہ لیا۔ لیاقت آباد میں کامبنگ/سرچ آپریشن ایس ڈی پی او لیاقت اباد کی نگرانی میں ۔ ایس ایچ او لیاقت آباد، ایس ایچ او شریف آباد ۔موبائل تھانہ ہمراہ نفری لیڈیزاسٹاف ؤ انٹیلیجنس اسٹاف نے اپریشن میں حصہ لیا۔

حکومت سندھ منشیات کے خلاف کام کررہی ہے ،ضیالحسن لنجار

کراچی: مختلف علاقوں میں 16 گھنٹے سے بجلی پانی فراہمی معطل، شہری اذیت میں مبتلا

وزیر داخلہ و قانون و پارلیمانی امور ضیا الحسن النجار نے کہا کہ حکومت سندھ نے منشیات ایکٹ کو متفقہ طور پر نا صرف پاس کیا بلکہ پولیس سے ہٹ کر بھی منشیات کے خلاف کام کررہی ہے لیاری کے علاقہ میں منشیات مافیاز کے خلاف نوٹس میں آنیوالی شکایات پر پولیس اور قانون کے دیگر اداروں کیساتھ ملکر اقدامات جاری ہیں۔

باغی ٹی وی کے مطابق انکا مزید کہنا تھا کہ رواں سال نارکوٹکس کی 160 مقدمات درج ہوئے جسکے تحت 190 ملزمان کو گرفتار کرکے بڑی مقدار میں منشیات،گٹکا،ماوا، تمباکو برآمد کیا گیا۔ان کا کہنا تھا کہ شرجیل میمن کی سربراہی میں محکمہ نارکوٹکس لیاری میں باالخصوص سرگرم عمل ہے اور ہم چاہتے ہیں کہ صوبہ سندھ کو مشیات جیسی لعنت سے پاک کیا جائے۔ضیا الحسن لنجار نے اپنے خطاب میں مذید کہا کہ ہم تمام تر اقدامات کو محبت، بھائی چارگی کیساتھ آگے کی جانب گامزن ہیں جبکہ قانون سے بالاتر کوئی نہیں ہے اور ہم سب پر قانون کا احترام و پاسداری لازم ہے۔ان کا کہنا تھا کہ کراچی کے مختلف علاقوں بشمول جیل روڈ، پی آئی بی،حب ریور روڈ کے مسائل حل کے ضمن میں ترقیاتی کام کیئے جارہے ہیں اور ان سڑکوں علاقوں پر ٹریفک نظام کو بھی بہتر کیا جارہا ہے۔انہوں نے کہا کہ کراچی میں اسٹریٹ کرائم کے انسداد سے میں نے چارج سنبھالتے ہی پولیس کو مستعد اور متحرک کردیا تھا اور اسوقت حالات پہلے کی نسبت نمایاں حد تک بہتر ہیں انہوں نے کہا کہ سال 2023 میں موبائل چھیننے کے واقعات کی تعداد 30 ہزار تھی تاہم سال 2024 کے دوران ایسے واقعات میں نمایاں کمی آئی ہے جبکہ شرح تناسب کے لحاظ سے اسٹریٹ کرائم میں 25 فیصد تک کمی دیکھنے کو ملی ہے۔28 فیصد گاڑیوں کی چوری میں کمی آئی ہے جبکہ پولیس 15 کو بھی مذید تقویت دی گئی ہے۔سی سی ٹی وی کیمراز کی تنصیب سے ملزمان تک رسائی 70 فیصد تک ہوگئی ہے۔ضیا الحسن لنجار نے سندھ میں آئینی بینچز کی تشکیل سے متعلق قرارداد سندھ اسمبلی میں پیش کی جس پر ایوان میں موجود ارکان اسمبلی نے کھڑے ہو کر رائے شماری میں حصہ لیا اورقرارداد کو متفقہ رائے شماری سے منظور کیا۔

حکومت سندھ منشیات کے خلاف کام کررہی ہے ،ضیالحسن لنجار

کراچی: مختلف علاقوں میں 16 گھنٹے سے بجلی پانی فراہمی معطل، شہری اذیت میں مبتلا

حب وندر پولیس کی کارروائی ،کراچی سے چھینی گئی کار برآمد ،03 ملزمان گرفتار

مختلف علاقوں میں 16 گھنٹے سیبجلی اور پانی کی فراہمی معطل ہونے سے شہری شدید گرمی میں سخت اذیت کا شکار ہے۔

باغی ٹی وی کے مطابق کراچی کے مختلف علاقوں میں 16 گھنٹے سیبجلی اور پانی کی فراہمی معطل ہے۔مینٹیننس کے نام پرشاہ فیصل کالونی،ماڈل کالونی، ملیرمیں صبح سے بجلی بند ہے ، بجلی بندش سے شاہ فیصل کالونی سمیت مختلف علاقوں میں پانی کا بحران پیدا ہوگیا ہے۔شاہ فیصل گرین ٹاؤن، ہاجرہ آباد،شاہ فیصل ایک تا5نمبرتک اندھیرا میں ڈوبا رہا، شہری شدید گرمی میں سخت اذیت کا شکار ہے۔شہریوں کا کہنا ہے کہ فالٹ اورمینٹیننس کینام پرصبح بجلی بندکی گئی تھی، رات 12بجے بھی لائٹ نہیں آئی۔خیال رہے آئے روز کراچی کے مختلف علاقوں میں عوام کی جانب سے کے الیکٹرک کے خلاف احتجاج کیا جارہا ہے۔دو روز قبل بھی گارڈن پولیس ہیڈ کوارٹر کے قریب کے الیکٹرک کے خلاف عوام نے احتجاج کیا، مشتعل مظاہرین کے الیکٹرک کے دفتر پر پتھرا کیا ، جس کے باعث گارڈن سے ایم اے جناح روڈ آنے اور جانے والی دونوں سڑکیں بند ہوگئیں تھیں۔دوسری جانب عسکری پارک پرانی سبزی منڈی کے قریب مکینوں نے بجلی و پانی نہ ہونے پر احتجاج کیاتھا، جس کی وجہ سے یونیورسٹی روڈ، جیل چورنگی سے حسن اسکوائر جانے والی سڑک بند کردی تھی۔

حب وندر پولیس کی کارروائی ،کراچی سے چھینی گئی کار برآمد ،03 ملزمان گرفتار

کراچی کے ہسپتالوں سے نومولود بچوں کو اغواکرکے فروخت کرنے والا گروہ گرفتار

متحدہ قومی موومنٹ پاکستان کے زیرِ اہتمام مرکزی انتخابی دفتر پاکستان سے متصل سڑک پر سوشل میڈیا ٹیم سے منسلک ذمہ داران و کارکنان کا اِجلاس منعقد کیا گیا.

باغی ٹی وی کے مطابق اِجلاس سے خطاب کرتے ہوئے سینئر مرکزی رہنماء سید مصطفیٰ کمال کا کہنا تھا کہ ہماری تنظیم کی پچھلے چالیس سالوں کی تاریخ انگنت نشیب و فراز سے عبارت ہے، روز اول کے مسائل اور موجودہ حالات میں مشکلات پہلے سے کہیں زیادہ ہیں، کوٹہ سسٹم نافذ کرنے والوں کے خلاف ایم کیو ایم نے علم بغاوت بلند کیا مگر آج کوٹہ سسٹم اپنی مزید بدترین شکل میں موجود ہے، اُنہوں نے مزید کہا کہ ہمیں اپنی جد و جہد کو جدید خطوط پر استوار کرنے کی ضرورت ہے ایم کیو ایم کو اب اپنا فلسفہ پہنچانے کے لئے گھر گھر جانے کی ضرورت نہیں ہے، سوشل میڈیا کے ذریعے لوگ اپنا جھوٹ بیچ رہے ہیں جس سے ملک میں انارکی اور انتشار کی کیفیت پیدا ہورہی ہے، پی ٹی آئی نے ملکی سلامتی کے اداروں پر اس سوشل میڈیا کے ذریعے لوگوں کو ورغلایا مگر روزگار صحت تعلیم اور بنیادی عوامی مسائل سے متعلق کوئی گفتگو ان کے ٹرینڈز کا حصہ نہیں رہی، پورے ملک میں کس کو پتا ہے کہ حیدرآباد پکا قلعہ کے باہر اٹھائیس معصوم خواتین اور بچوں کی قبریں موجود ہیں؟ ایم کیو ایم تعصب و تضاد سے پاک سیاست کو اپنا نصب العین سمجھتی ہے، پیپلز پارٹی معاش تعلیم صحت ٹرانسپورٹ سمیت تمام شعبوں میں شہری علاقوں کے ساتھ تعصب برت رہی ہے پیپلز پارٹی کے رویّے کی وجہ سے دوسری قوموں کے لوگ ہماری نیتوں پر شک نہیں کریں ہم سب کو جوڑ کر رکھنے کی بات کرتے ہیں مگر مخصوص نام پر اگر ظلم روا رکھا جائے گا تو وہ بھی ناقابلِ برداشت ہوگا، سید مصطفیٰ کمال کا مزید کہنا تھا کہ کیا کراچی والوں کے لئے کبھی کوئی ٹرینڈ چلتا ہؤا دیکھا ہے؟ کیا لاپتہ ساتھیوں کی بازیابی کے لئے کوئی آواز اٹھتی ہوئی کبھی سنی گئی؟ سید مصطفٰی کمال نے مزید کہا کہ عمران نیازی کی رہائی کے لیے اپنے صدر کو خط لکھنے والے کانگریس ارکان دو ماہ پہلے عالمی دہشت گرد نتن یاہو کے لئے تالیاں بجا رہے تھے، عمران نیازی کے برادرِ نسبتی گولڈ اسمتھ گذشتہ ماہ میں ٹویٹ کرتے ہیں کہ اسرائیل ہماری امیدوں کی آخری کرن ہے اور یہاں اُس کے بہنوئی کو مسلم امہ کا لیڈر ثابت کیا جارہا ہے،اُن کا مزید کہنا تھا کہ اس جنگ میں سوشل میڈیا ہمارا ہتھیار ہے آج تمام دستیاب وسائل بروئے کار لاکر ہم اپنا سچ دُنیا کے سامنے لا سکتے ہیں ایم کیو ایم کا کارکن شہری علاقوں کی ہی نہیں بلکہ پُورے پاکستان کے مظلوم و مایوس عوام کی امید کی کرن ہے۔ سینئر رہنماء ڈاکٹر فاروق ستار نے اپنے خیالات کا اظہار کرتے ہوئے کہا کہ طلباء تنظیمِ سے سیاست کا آغاز کرنے والی دُنیا کی واحد جماعت ایم کیو ایم ہے، آج بھی پکڑ دھکڑ کر کے نہیں بلکہ خود اپنی مدد آپ کے تحت تمام لوگ یہاں بڑی تعداد میں موجود ہیں نچلی سطح اور مڈل کلاس طبقے سے لوگوں کو ایوانوں میں بھیجنا بھی ایم کیو ایم کا ہی طرہ امتیاز ہے انہوں نے مزید کہا کہ وقت کے تقاضوں کو سمجھتے ہوئے اپنی انفرادیت کو برقرار رکھنا بھی ایم کیو ایم کا خاصہ شُمار کیا جاتا ہے ایم کیو ایم کا کارکن تمام نامصائب حالات کو بھگت کر آگے بڑھنے کی صلاحیت رکھتا ہے، ڈاکٹر فاروق ستار نے کہا کہ سوشل میڈیا کی طاقت کو قابو میں لاکر ہم حقیقی جمہوریت کا راستہ ہموار کرسکتے ہیں، ایم کیو ایم کے آئینی مسودے کے نکات پر تمام جماعتیں متفق ہیں، تمام پاکستانیوں کو برابری اور شراکتی شمولیت کا حق دینے کا فارمولہ صرف ایم کیو ایم کے پاس ہے۔ سینئر رہنماء انیس احمد قائم خانی نے اپنے خطاب میں کہا کہ بحثیت کارکن ہمیں اپنی ذمہ داریوں کو سمجھنا نہایت ضروری ہے.

وفاق اور پنجاب میں ترقیاتی کاموں سے پاکستان ٹریک پر واپس آرہا ہے، نواز شریف

عوام کو حکمرانوں نے یرغمال بنایا ، خزانوں پر لوگ ناگ بن کر بیٹھے ہیں، حافظ نعیم الرحمان

روس نے پاکستان اسٹیل قائم کرکے ہزاروں لوگوں کو روزگار فراہم کیا،گورنر سندھ

امیر جماعت اسلامی پاکستان حافظ نعیم الرحمن نے کہا ہے کہ 25 کروڑ عوام کو حکمرانوں نے اپنے ظلم و جبر سے یرغمال بنایا اور ملک کی دولت پر قبضہ کیا ہوا ہے، ملک اور قومی وسائل پر قابض حکمرانوں سے نجات اور قبضہ مافیا سے جان چھڑانے کے لیے نوجوان جماعت اسلامی کا ساتھ دیں، ہمت کریں، آگے بڑھیں، پاکستان کا نام روشن کریں۔

باغی ٹی وی کے مطابق ان خیالات کا اظہار انہوں نے الخدمت کے تحت کراچی کے نوجوانوں کو مفت آئی ٹی کورسز کروانے کے لیے اتوار کے روز سنگم گراؤنڈ فیڈرل بی ایریا اور عید گاہ گراؤنڈ گلشن ِ معمار میں بنو قابل ایپٹی ٹیوٹ ٹیسٹ 4.0 میں شریک ہزاروں طلبہ و طالبات سے خطاب کرتے ہوئے کیا جہاں شرکاء سے ایک گھنٹے کا تحریری ٹیسٹ لیا گیا، کامیاب طلبہ و طالبات کو ویپ ڈیولپنگ، ویب ڈیزائننگ ،ڈیجیٹل مارکیٹنگ، ایمزون سمیت مختلف آئی ٹی کے کورسز مفت کرائے جائیں گے۔امیر جماعت اسلامی نے مزید کہا کہ تعلیم حکومت کی ذمہ داری ہے لیکن اربوں روپے کے بجٹ کے باوجود حکومت نوجوانوں کو تعلیم کے لیے اپنی ذمہ داری پوری نہیں کرتی، متوسط اور غریب گھرانوں کے لیے تعلیم کا حصول مشکل سے مشکل تر ہوتا جا رہا ہے، گزشتہ سال کے دوران بنو قابل پروجیکٹ کے ذریعے 50ہزارسے زائد طلبہ و طالبات کو مفت آئی ٹی کورسز کروا چکے ہیں جو طلبہ ڈگری کورس کرنا چاہتے ہیں ان کو مفت ڈگری کورس بھی کروائیں گے اور ان کے روزگار کے لیے بھی سہولت اور معاونت کریں گے،بنو قابل 2.0,1.0 اور 3.0مکمل ہوچکے ہیں 4.0میں مزید 50ہزار نوجوانوں کو مفت آئی ٹی کورسز کروائیں گے، کراچی کے بعد ملک کے دیگر شہروں میں بھی اسٹیٹ آف دی آرٹ آفیسز بنانے جا رہے ہیں، 7نومبر کو لاہور میں نوجوانوں کی تعلیم کے حوالے سے ایک بڑا پروگرام کریں گے،آئندہ 2سال میں 10لاکھ نوجوانوں کو کورسز کرائیں گے۔حافظ نعیم الرحمن نے مزید کہا کہ نوجوانوں کو آئی ٹی سکلز حاصل کرنے پر مبارکباد پیش کرتے ہیں، نوجوانوں میں بڑا پوٹینشل ہے، ہمارے ملک میں بہت ٹیلنٹ موجود ہے، ملک کو اللہ تعالی نے بے شمار وسائل سے نوازا ہے لیکن چند لوگ ان پر ناگ بن کر بیٹھ گئے ہیں، آئی پی پیز کے ساتھ کیے گئے ظالمانہ معاہدہ کرنے والوں نے عوام کے پیسوں پر ڈاکا ڈالا، حکمرانوں نے ان کی سرپرستی کی، ہمیں مختلف محاذوں پر کام کرنا ہے، حکمرانوں سے بھی مقابلہ کرنا ہے، نوجوان تعلیم حاصل کریں اور آئی ٹی کورسز کرنے کے بعد دوسروں کو بھی سکھائیں، جتنی محنت ہمارا نوجوان ملک سے باہر کرتا ہے اس کی آدھی محنت پاکستان میں کریں ملک آگے بڑھے گا۔

روس نے پاکستان اسٹیل قائم کرکے ہزاروں لوگوں کو روزگار فراہم کیا،گورنر سندھ

دادو کی7سالہ بچی میں پولیو وائرس کا شبہ، کراچی کے ہسپتال منتقل

وزیراعلیٰ سندھ کا ملیر ایکسپریس وے کا دورہ، تجاوزات فوری گرانے کا حکم

کراچی کو پانی فراہم کرنے والی لائن 40 سال بعد تبدیل

وزیراعلیٰ سندھ سید مراد علی شاہ نے زیرو پوائنٹ نزد جام صادق پل سے کاٹھوڑ تک زیر تعمیر 889۔39 ملیر ایکسپریس وے کا دورہ کیا اور پہلے سیکشن کے افتتاح میں رکاوٹ بننے والی کے الیکٹرک کی تنصیبات منتقل نہ کرنے پر عدم اطمینان کا اظہار کیا۔

جاری اعلامیہ کے مطابق وزیراعلیٰ سندھ ملیر ایکسپریس وے کے جام صادق پل زیرو پوائنٹ پہنچے تو میئر کراچی مرتضیٰ وہاب، ڈی جی پبلک پرائیویٹ پارٹنرشپ یونٹ اسد ضامن، پروجیکٹ ڈائریکٹر نیاز سومرو، انجنیئر خالد منصور اور دیگر نے استقبال کیا۔جائزے کے دوروان وزیراعلیٰ سندھ نے اس بات پر عدم اطمینان کا اظہار کیا کہ زیرو پوائنٹ کے مقام پر پل کے تیار کنارے سڑک پر پڑے ہیں اور پلرز پر نہیں چڑھائے گئے تاکہ سڑک تعمیر کی جاسکے۔انہوں نے وجہ پوچھی تو انہیں بتایا گیا کہ کے الیکٹرک نے اپنی تنصیبات اب تک نہیں ہٹائیں جس کی وجہ سے سڑک کو پلرز پر کھڑا نہیں کیا جاسکا۔وزیراعلیٰ سندھ نے ڈپٹی کمشنر کو ہدایت کی کہ وہ ایک ہفتے کے اندر اندر مسئلے کو حل کریں۔انہوں نے کہا کہ جب کے الیکٹرک کو تنصیبات کی منتقلی کےلیے ادائیگی کردی گئی ہے تو تاخیر ناقابل قبول ہے۔مراد علی شاہ زیرو پوائنٹ سے شاہ فیصل انٹرچینج پہنچے، راستے میں انہوں نے ملیر ایکسپریس وے کے کناروں پر تجاوزات کے متعلق ڈپٹی کمشنر اور ایس ایس پی کورنگی کو موقع پر طلب کرکے بازپرس کی کہ ان کی ناک کے نیچے غیرقانونی تجاوزات کیوں تعمیر ہو رہی ہیں؟و زیراعلیٰ کا کہنا تھا کہ وہ سرکاری زمین کے ایک انچ پر بھی قبضے کی اجازت نہیں دیں گے ۔انہوں نے غیرقانونی تعمیرات اور ان کی دیواریں گرا کر انہیں رپورٹ پیش کرنے کا حکم دے دیا۔وزیراعلیٰ سندھ نے ملیر ایکسپریس وے کے پروجیکٹ ڈائریکٹر کو ہدایت کی کہ پہلے حصے پر نومبر کے اواخر تک کام مکمل کرلیں کیونکہ وہ چاہتے ہیں کہ دسمبر کے پہلے ہفتے میں کورنگی کاز وے سے شاہ فیصل ٹریفک کےلیے کھول دیا جائے۔ مراد علی شاہ اپنی ٹیم کے ہمراہ شاہ فیصل سے قائدآباد تک بھی گئے اور جاری تعمیراتی کام کا جائزہ لیا۔بریفنگ کے دوران بتایا گیا کہ ملیر ایکسپریس وے مکمل ہے تاہم قائد آباد انٹرچینج کا چھوٹا سا حصہ زمین خالی نہ کرائے جانے کے باعث تعطل کا شکار ہے۔جس پر وزیراعلیٰ سندھ نے جواب دیا کہ جب زمین خالی کرانے کےلیے فنڈز جاری کیے جا چکے ہیں تو زمین مالکان کو فوری ادائیگی کی جانی چاہیے تاکہ ایکسپریس وے کے دوسرے حصے کو بھی جلد سے جلد ٹریفک کےلیے کھولا جاسکے۔
وزیراعلیٰ سندھ نے شاہ فیصل اور دیگر انٹر چینجز پر زیرتعمیر ٹول پلازے اور تکون پارکوں کا بھی جائرہ لیا۔انہوں نے علاقے کی خوبصورتی کےلیے پارکوں میں گھاس اور درخت لگانے کی بھی ہدایت کی۔وزیراعلیٰ سندھ نے محکمہ پولیس کو ہدایت کی کہ ملیر ایکسپریس وے کی سکیورٹی کےلیے چوکیوں کے قیام کا منصوبہ بھی تیار کریں۔یاد رہے کہ ملیر ایکسپریس وے کے زیر پوائنٹ سے کاٹھوڑ تک 6 انٹرچینجز ہیں، 3 پل اور 5 وزن کے کمپیوٹرائزڈ کانٹے ہیں، منصوبہ 2025 کے آخر تک مکمل ہونا ہے۔

کراچی:فائرنگ کے مختلف واقعات میں خاتون سمیت چار افراد زخمی

کراچی کو پانی فراہم کرنے والی لائن 40 سال بعد تبدیل