Tag: کرنسی

بھارتی ریزرو بینک (آر بی آئی) نے پلاسٹک یا پولیمر سے بنے نوٹ متعارف کرانے کے لیے ابتدائی اقدامات شروع کر دیے ہیں، امکان ہے کہ اس منصوبے کے پہلے مرحلے میں 10 اور 20 روپے کے نوٹوں کی آزمائش کی جائے گی۔

انڈیا ٹوڈے کے مطابق ریزرو بینک نے پولیمر کرنسی نوٹوں کے لیے خام مال فراہم کرنے والی عالمی کمپنیوں سے درخواستیں طلب کی ہیں یہ عمل ایک پائلٹ پروجیکٹ کا حصہ ہے، جس کے نتائج کی بنیاد پر فیصلہ کیا جائے گا کہ مستقبل میں مزید مالیت کے نوٹ بھی پولیمر سے بنائے جائیں گے یا نہیں۔

بھارتی ریزرو بینک نوٹ مدرن پرائیویٹ لمیٹڈ، جو ریزرو بینک کی کرنسی چھاپنے والی ذیلی کمپنی ہے، نے دنیا بھر کے سپلائرز سے پولیمر شیٹس فراہم کرنے کے لیے دلچسپی کا اظہار طلب کیا ہے ان شیٹس میں جدید حفاظتی خصوصیات شامل ہوں گی تاکہ نوٹوں کو زیادہ محفوظ بنایا جا سکےان پولیمر نوٹوں میں کئی جدید سیکیورٹی فیچرز شامل کیے جانے کی توقع ہے، جن میں شفاف حصہ، دھاتی نمبر، مقناطیسی حفاظتی دھاگہ، چھپی ہوئی تصویر اور خاص روشنی میں نظر آنے والے ڈیزائن شامل ہوں گے، ان نوٹوں کی تیاری بھارت کے مخصوص کرنسی پرنٹنگ مراکز میں کی جائے گی۔

ریزرو بینک کی جانب سے جاری کیے گئے عمل کے مطابق، اگر آزمائشی مرحلہ کامیاب رہتا ہے تو مستقبل میں زیادہ مالیت کے نوٹ بھی پولیمر سے تیار کیے جا سکتے ہیں تاہم، ابھی تک ریزرو بینک نے باضابطہ طور پر یہ اعلان نہیں کیا ہے کہ پائلٹ پروجیکٹ میں کون سے نوٹ شامل ہوں گے۔

پولیمر نوٹ کاغذی نوٹوں کے مقابلے میں زیادہ مضبوط سمجھے جاتے ہیں، ماہرین کے مطابق یہ پانی، نمی اور عام استعمال سے کم خراب ہوتے ہیں، جس کی وجہ سے ان کی عمر زیادہ ہو سکتی ہے،اس کے علاوہ ان میں جعل سازی روکنے کے لیے بھی زیادہ جدید حفاظتی خصوصیات شامل کی جا سکتی ہیں۔

پولیمر نوٹ سب سے پہلے 1988 میں آسٹریلیا میں متعارف کرائے گئے تھے اب دنیا کے 50 سے زیادہ ممالک میں مختلف شکلوں میں ان کا استعمال کیا جا رہا ہے ان کے حامیوں کا کہنا ہے کہ یہ طویل مدت میں نوٹوں کی چھپائی کے اخراجات کم کر سکتے ہیں اور ماحول پر بھی کم اثر ڈال سکتے ہیں۔

بھارت میں اس منصوبے کے لیے حفاظتی شرائط بھی سخت رکھی گئی ہیں، بولی دینے والی کمپنیوں کو بعض ممالک سے متعلق سیکیورٹی اصولوں پر عمل کرنا ہوگا اور انہیں پولیمر سبسٹریٹ فراہم کرنے کا تجربہ بھی ثابت کرنا ہوگاابھی یہ واضح نہیں ہے کہ عام لوگوں کے ہاتھوں میں یہ نئے نوٹ کب تک پہنچیں گے، لیکن اگر آزمائشی مرحلہ کامیاب رہا تو بھارت کے کرنسی نظام میں یہ ایک اہم تبدیلی ثابت ہو سکتی ہے-

بھارتی روپیہ گزشتہ ایک سال کے دوران پاکستانی روپے کے مقابلے میں بھارتی روپے کی قدر میں تقریباً 12 فیصد کمی ہوئی ہے-

بھارتی جریدے ’دی وائر‘ میں شائع شدہ رپورٹ کے مطابق یہ تنزلی مئی 2025 میں آپریشن سندور اور جنگ بندی کے اعلان کے بعد شروع ہوئی اور اب تک جاری ہے، جبکہ عالمی مالیاتی ادارے اور بین الاقوامی مبصرین بھی بھارتی معیشت کے مستقبل پر خدشات ظاہر کر رہے ہیں بھارتی روپیہ گزشتہ 12 ماہ کے دوران پاکستانی روپے کے مقابلے میں نمایاں طور پر کمزور ہوا ہے یہ عرصہ مئی 2025 میں امریکی صدر ڈونلڈ ٹرمپ کی جانب سے 88 گھنٹے طویل آپریشن سندور کے بعد جنگ بندی کے اعلان کے ساتھ جڑا ہوا ہے۔

اعداد و شمار کے مطابق 15 مئی 2025 کو ایک بھارتی روپیہ 3.2913 پاکستانی روپے کے برابر تھا، تاہم 18 مئی 2026 تک اس کی قدر کم ہو کر 2.9010 پاکستانی روپے رہ گئی اس طرح بھارتی کرنسی کی قدر میں مجموعی طور پر تقریباً 11.86 فیصد کمی ریکارڈ کی گئی، جبکہ صرف 2026 کے دوران ہی اس میں 6.8 فیصد گراوٹ دیکھی گئی۔

رپورٹ میں کہا گیا ہے کہ بھارتی روپے کی یہ مسلسل کمزوری صرف امریکی ڈالر کی عالمی مضبوطی یا مشرقِ وسطیٰ کے بحران کا نتیجہ نہیں بلکہ اس سے بھار ت کی داخلی معاشی پالیسیوں اور معاشی نظم و نسق کی بنیادی خامیاں بھی نمایاں ہوتی ہیں۔

رواں اور گزشتہ سال بھارتی روپیہ ایشیا کی بدترین کارکردگی دکھانے والی کرنسیوں میں شمار کیا گیا اسی عرصے میں بنگلہ دیشی ٹکہ کے مقابلے میں بھی بھارتی روپے کی قدر میں کمی ہوئی، جہاں ایک روپیہ 1.42 ٹکہ سے گر کر 1.28 ٹکہ تک آ گیا، جو تقریباً 10 فیصد کمی بنتی ہے۔

مودی حکومت اکثر روپے کی کمزوری کو بیرونی دباؤ اور مغربی ایشیا کی صورتحال سے جوڑتی رہی ہے، تاہم پاکستانی روپے کے مقابلے میں مسلسل تنزلی نے اس مؤقف پر سوالات اٹھا دیے ہیں ماہرین کے مطابق اگر یہ مسئلہ صرف عالمی عوامل کا نتیجہ ہوتا تو خطے کی دیگر کرنسیاں بھی اسی شدت سے متاثر ہوتیں، مگر ایسا دیکھنے میں نہیں آیا۔

رپورٹ میں کہا گیا ہے کہ بھارتی روپے کی تنزلی کا آغاز اگرچہ فوجی کشیدگی اور سفارتی مداخلت کے دوران ہوا، لیکن اس کے بعد بھی یہ سلسلہ جاری رہا، جو اس بات کی نشاندہی کرتا ہے کہ بھارتی معیشت کو ساختی مسائل کا سامنا ہے پاکستان کے ساتھ موازنہ اس لیے بھی اہم قرار دیا جا رہا ہے کیونکہ پاکستان نے 2025 میں دوبارہ عالمی مالیاتی فنڈ (آئی ایم ایف) پروگرام میں شمولیت اختیار کی اور سخت مالیاتی و معاشی اصلاحات نافذ کیں اس کے باوجود پاکستانی رو پے نے بھارتی کرنسی کے مقابلے میں نسبتاً بہتر کارکردگی دکھائی۔

رپورٹ میں یاد دلایا گیا کہ نریندر مودی نے 2012 اور 2013 میں وزارتِ عظمیٰ کے امیدوار کے طور پر اُس وقت کی یو پی اے حکومت کو روپے کی گرتی ہوئی قدر پر شدید تنقید کا نشانہ بنایا تھا ان کا کہنا تھا کہ کرنسی کی کمزوری دراصل حکومت کی ناکام پالیسیوں اور خراب طرزِ حکمرانی کا عکاس ہوتی ہے۔

مودی نے اس دور میں پاکستان کے حوالے سے سخت قوم پرستانہ مؤقف اختیار کرتے ہوئے خود کو ایک مضبوط رہنما کے طور پر پیش کیا تھا انہوں نے دعویٰ کیا تھا کہ یو پی اے حکومت پاکستان کو بھارتی مفادات کے خلاف اقدامات سے روکنے میں ناکام رہی، جبکہ ان کی قیادت میں بھارت اپنی برتری برقرار رکھے گا۔

تاہم موجودہ معاشی صورتحال اور اعداد و شمار ان دعوؤں کے برعکس دکھائی دیتے ہیں، کیونکہ اب خود مودی حکومت ایک ایسی کرنسی کے دباؤ کا سامنا کر رہی ہے جو پاکستانی روپے کے مقابلے میں بھی کمزور پڑ رہی ہے۔

رائٹرز نے بھی بھارتی معیشت کی تباہی کو آشکار کرتے ہوئے بھارتی روپیہ کو 2026 کی ایشیاء کی بدترین کارکردگی دکھانے والی کرنسی قرار دے دیا۔

رائٹرز کے مطابق بھارتی روپیہ عالمی بانڈ ییلڈ میں اضافے اور توانائی کی قیمتوں میں اضافہ کے باعث ریکارڈ کم ترین سطح پر پہنچ گیا ہے، روپے کی گراؤٹ کیساتھ ساتھ بھارت میں توانائی کی قیمتوں میں بھی مسلسل اور ہوشربا اضافہ ہو رہا ہے2026 میں ایشیا کی سب سے خراب کارکردگی دکھانے والی کرنسی بھارتی روپیہ مسلسل پستی کے نئے ریکارڈ قائم کر رہا ہے، 2026 کے وسط تک بھارتی روپیہ 96 فی ڈالر جبکہ سال کے آخر تک 98 روپے فی ڈالر تک گر سکتا ہے۔

برطانوی اخبار فنانشل ٹائمز نے بھی حالیہ تجزیے میں بھارتی روپے کی گراوٹ کو مودی حکومت کے لیے تشویش کا باعث قرار دیا۔ اخبار کے مطابق بھارتی روپیہ کئی سہ ماہیوں سے بڑی کرنسیوں میں بدترین کارکردگی دکھا رہا ہے، جس کے باعث بیرونِ ملک تعلیم، کاروبار اور سفر کے اخراجات میں اضافہ ہوا ہے سوشل میڈیا پر بیرونِ ملک سفر پر ممکنہ ٹیکس یا سرچارج کی خبروں نے عوامی غصے کو ہوا دی، جس پر نریندر مودی نے خود وضاحت دیتے ہوئے ان اطلاعات کو ’مکمل طور پر غلط‘ قرار دیا۔

بین الاقوامی مبصرین کا بھی کہنا ہے کہ بھارتی روپے کی کمزوری صرف عالمی حالات سے جڑی ہوئی نہیں، جاپانی بینک MUFG نے مارچ میں اپنی رپورٹ میں پیش گوئی کی تھی کہ مغربی ایشیا کی صورتحال کچھ بھی ہو، بھارتی روپیہ رواں سال کے اختتام تک مزید دباؤ کا شکار رہ سکتا ہے، البتہ عالمی واقعات اس کمی کی شدت پر اثرانداز ہوں گے۔

دمشق: بشارالاسد کے اقتدار کے خاتمے کے بعد شامی پاؤنڈ کی قدر مستحکم ہوئی ہے، 2 دنوں میں کرنسی کی قدر میں 20 فیصد تک بہتری آئی ہے۔

باغی ٹی وی: شام میں خانہ جنگی کے بعد کئی شامی شہری لبنان اور اردن کی طرف ہجرت کرگئے تھے جو پچھلے دو دنوں میں دوبارہ ملک میں واپس آئے ہیں، ان کی آمد اور غیرملکی کرنسیوں کی تجارت پر سخت کنٹرول کی پابندی خاتمے کے بعد شامی کرنسی میں استحکام آیا۔

بشار الاسد کے ملک سے فرار کے بعد گزشتہ دو دنوں کے دوران شامی پاؤنڈ (ایس وائی پی) امریکی ڈالر کے مقابلے میں کم از کم 20 فیصد تک مضبوط ہوا ہے،دمشق میں کرنسی ٹریڈرز نے ہفتے کے روز 12,500 اور 10,0000 کے درمیان ایکسچینج ریٹس کے بارے میں بتایا، جو کہ مارکیٹ میں بہت زیادہ اتار چڑھاؤ کے ساتھ 15,000 کی سابقہ شرح سے 20فیصد اور 50فیصد زیادہ مضبوط ہے۔

ٹریڈرز کے مطابق ہزاروں شامیوں کی واپسی ہوئی ہے جبکہ مارکیٹوں میں امریکی ڈالرز اور ترک کرنسی کے کھلے عام استعمال نے شامی کرنسی کے استحکام میں اہم کردار ادا کیا،قبل ازیں روزمرہ کی تجارت کے لیے غیر ملکی کرنسیوں کا استعمال پہلے شامیوں کو جیل میں ڈال سکتا تھا اور بہت سے لوگ عوامی مقامات میں لفظ ’ڈالر‘ کا استعمال کرتے ہوئے ڈرتے تھے۔