Tag: کرن جوہر

بالی وڈ کے کھلاڑی اکشے کمار نے سوشل میڈیا پر جاری کی ہے اپنی ایک وڈیو اس میں انہوں‌ نے کرن جوہر کی فلم جگ جگ جیو کی ٹیم کو بھیجی ہیں بیسٹ وشز. اکشے کمار اس وڈیو میں کہہ رہے ہیں‌ آج جعمہ ہے اور آج ہے سینما گھر جانے کا دن. اور اس دن ریلیز ہوئی ہے ایک بہت بڑھئیا فلم جگ جگ جیو ، اس میں ایک سے بڑھ کر ایک ایکٹر ہے انیل کپور ، نیتو سنگھ ، کیارا ایڈوانی اور ورون دھون. اس فلم کو میرے ہہت ہی پیارے دوست راج مہتا نے ڈائریکٹ کیا ہے.اکشے کمار نے کہا کہ آپ سب ہمیشہ جگ جگ جیو اور میری بہت ساری نیک تمنائیں آپ سب کے لئے.

یاد رہے کہ جب سے فلم جگ جگ جیو کا ٹریلر ریلیز ہوا ہے اسے ہر سطح پر بہت زیادہ پذیرائی ملی ہے، میوزک پہلے ہی سپر ہٹ ہو چکا ہے، آج بھارت کے سینما گھروں میں‌ فلم ریلیز ہو چکی ہے اب دیکھنا یہ ہے کہ اس فلم کی جتنی ہائپ بنائی گئی ہے یہ عوام کی امیدوں پر پورا بھی اترتی ہے یا نہیں . دوسری طرف بات کریں اکشے کمار کی تو ان کی فلم ” رکشہ بندھن” کا ٹریلز لانچ ہو چکا ہے اس فلم میں اکشے کمار ایسا کردار کررہے ہیں جو پہلے کبھی نہیں کیا اس فلم کی کہانی بہن بھائیوں کی محبت پر مبنی ہے.

کرن جوہر کی فلم براہمسٹرا جس کا ٹریلر گزشتہ دنوں ریلیز کیا جا چکا ہے شائقین ٹریلر دیکھ کر شائقین کافی پرجوش ہیں ۔فلم کی کاسٹ میں امیتابھ بچن ،ناگ ارجن ،عالیہ بھٹ ،رنبیر کپور اور مونی رائے و دیگر شامل ہیں۔شاہ رخ خان اس فلم میں ایک اہم کردار کہانی کے ایک اہم موڑ پر نبھاتے ہوئے نظر آئیں گے ۔فلم کا ٹریلر دیکھیں تو شاہ ر خ خان کی ایک جھلک بھی اس میں دکھائی نہیں دی۔کہا جا رہا کہ فلم کے پرڈیوسرز نے فلم کی بھرپور پرموشن مختلف انداز سے کرنے کا ارادہ کر رکھا ہے انکا خیال ہے کہ شاہ رخ خان کافی عرصے سے کسی فلم کی پرموشن میں نظر نہیں آئے اگر وہ ایسا کرتے ہیں تو بہت اچھا ہو گا لیکن شاہ رخ خان نے بہت ہی مودبانہ انداز میں فلم کی پروموشن سے معذرت کرلی ہے.

شاہ رخ خان جانتے ہیں کہ یہ فلم ،فلم میکرز کے لئے کتنی اہمیت کی حامل ہے اور انہوں نے بین الاقوامی معیار کی بنانے کے لئے ہر طرح کی کوشش کی ہے لیکن شاہ رخ خان کا ماننا ہے کہ جو فلم کی پرموشن کررہے ہیںوہ کافی ہیں ۔کہا جا رہا ہے کہ فلم کے پرڈیوسر کرن جوہر اور ڈائریکٹر آیان مکھر جی نے شاہ رخ خان کے ساتھ مکمل اتفاق کرتے ہوئے فیصلہ کیا ہے کہ وہ خود ہی فلم کی پرموش کےلئے جائیں گے ۔براہمسٹرا نو ستمبر کو ریلیز کی جا رہی ہے جبکہ شاہ رخ خان کی فلم پٹھان ری پبلک ڈے پر اگلے سال ریلیز کی جائیگی۔

دنیا کی حسین عورت کا خطاب پانے والی ایشوریا اور کائنات کی حسین لڑکی کا خطاب پانے والی سشمیتا سین اب بنیں گی کرن جوہر کی مہمان ۔ کافی ود کرن کے اس سیزن میں کون کون ہو گا لسٹ میں موجود، مہمان سامنے آنے لگے ہیں ۔تازہ رپورٹس کے مطابق ایشوریا رائے بچن اور سشمیتا سین دونوں کافی ود کرن میں ایکساتھ شرکت کریں گی اور ان سے ہو گی

مزے کی گفتگو ۔دونوں حسیناﺅں کے پرستاروں کے لئے یقینا یہ خوشخبری ہی ہے۔ایشوریا رائے اور سشمیتا سین کو ان کے پرستار ایکساتھ دیکھنے کے خواہشمند ہیں لیکن ایسا آج تک ممکن نہیں ہو سکا ۔دونوں کے کیرئیر دو دہائیوں سے اوپر جا چکے ہیں لیکن کسی بھی پراجیکٹ میںیہ دونوں ابھی تک ایکساتھ نظر نہیں آئیں۔شاید ایک آدھ بار ایسی کوشش بھی ہوئی لیکن وہ کوشش کارآمد نہ ہوئی ۔کہا جا تا ہے کہ فلم دیوداس میں ان دونوں کو ایک ساتھ کاسٹ کرنے کی کوشش کی گئی لیکن سنجے لیلا بھنسالی کو کامیابی حاصل نہ ہوئی ۔ایشوریا رائے بہت جلد رجنی کانت کے ساتھ فلم میں دکھائی دیں گی لیکن سشمیتا سین کے حوالے سے ایسی کوئی اطلاعات نہیں ہیں کہ وہ کسی پراجیکٹ میں کام کررہی ہیں یا بڑی سکرین پر کب جلوہ گر ہو رہی ہیں۔

کافی ود کرن کے سیزن 7 میں رنبیر عالیہ نہیں بلکہ رنویر عالیہ دکھائی دیں گے
کافی ود کرن کے سیزن سات کے اوپننگ شو کے مہمان عالیہ اور رنبیر کپور کی بجائے عالیہ اور رنویر سنگھ ہوں گے ۔کرن جوہر چاہتے تھے کہ عالیہ اور رنبیر کپور ان کے شو کے سیزن سات کے اوپننگ مہمان بنیں لیکن رنبیر کپور نے شو میں آنے سے منع کر دیا اور کہا کہ میں آپ کے گھر آکر گپ شپ تو کر سکتا ہوں لیکن شو میں نہیں آسکتا کیونکہ اس میں پوچھے جانے والے سوالوں کے جواب مہنگے پڑ سکتے ہیںکئی سال تک ان جوابوں کے لئے جوابدہ ہوتا رہوں گا ۔کہا جا رہا ہے کہ اس شو میں عالیہ اور رنویر اپنے لائف پارٹنرز کے بارے میں بھی بات کریں گے ۔اطلاعات ہیں کہ اس شو میں

اس بار سری دیوی کی بیٹی جھانوی کپور اور سیف علی خان کی بیٹی سارا علی خان بھی جلورہ گر ہوں گی ۔ان کے علاوہ کرن جوہر اننیا پانڈے اور وجے ڈیورا کونڈا کو بھی بلا رہے ہیں ان مہمانوں کا آنا کنفرم ہو چکا ہے جبکہ کرن جوہر اکشے کمار ،عامر خان ،کرینہ کپور ، ہرتیک روشن اور سیف علی خان سے بھی بات چیت کررہے ہیں ۔فی الحال کافی ود کرن سیزن سات کا پہلا شو سات جولائی کو آن ائیر جائیگا جس میں عالیہ اور رنویر سنگھ مہمان ہوں گے یہ دونوں کرن جوہر کی آنے والی فلم ” روکی اور رانی کی پریم کہانی “ میں ایکساتھ کام کررہے ہیں۔عالیہ چونکہ ہالی وڈ کی فلم کی شوٹنگ میں مصروف ہیں اس لئے اس فلم کی شوٹنگ انکی واپسی پر شروع کی جائیگی ۔

کرن جوہر کی فلم ”جگ جگ جیو“ کا جب سے ٹریلر ریلیز ہوا ہے تب سے شدید تنازعات کا شکار ہے فلم کی ریلز کی تاریخ آن پہنچی ہے لیکن اس فلم کے حوالے سے تنازعات ہیں کہ ختم ہونے کا نام ہی نہیں لے رہے ۔ٹریلر ریلیز ہونے کے بعد پاپ گلوکار ابرارالحق نے کرن جوہر کو ان کا گانا ان کی اجازت کے بغیر اپنی فلم میں شامل کئے جانے پر دھر لیا اور سوشل میڈیا پر ایسی مہم چلائی کہ جس کے اثرات کرن جوہر تک پہنچے اور ان کو یوٹیوب پر ابرارالحق کو کریڈٹس دینے پڑیں لیکن اس کے باوجود ابرارالحق معاملے کو عدالت لیکر جا چکے ہیں ۔دوسری طرف ایک نئی مصیبت نے کرن جوہر کو آن گھیرا ہے اب وشال اے سنگھ جو کہ لکھاری ہیں انہوں نے دعوی کیا ہے کہ ان کی کہانی کو چرا کر فلم بنائی گئی ہے.

بھارتی اس مصنف نے باقاعدہ طور پر اپنی کہانی کے اقتباسات کے سکرین شاٹس جو کہ کرن جو ہر کے پروڈکشن ہاﺅس کو بھیجے گئے وہ سب کو دکھائے اور ساتھ ہی یہ الزام عائد کیا کہ کرن جوہر نے میری رضامندی کے بغیر میری کہانی کو چرا کر فلم بنا لی گئی ہے اور مجھے لا علم رکھا ہے ۔وشال اے سنگھ نے اس چوری پر عدالت سے رابطہ کر لیا ہے اور کہا ہے کہ مجھے کریڈٹ نہ دئیے جانے پر فلم کی نمائش روکی جائے،ساتھ ہی ساتھ ڈیڑھ کروڑ معاوضے کی بھی درخواست کی ہے ،عدالت نے چوبیس جولائی کو فلم عدالت کے کمرہ میں دکھانے کا حکم دیدیا ہے ۔اب دیکھنا یہ ہے کہ اونٹ کس کروٹ بیٹھتا ہے اور فیصلہ کس کے حق میں آتا ہے ۔

کرن جوہر کی فلم جُگ جُگ جیوجس کے ہر طرف چرچے ہیں چوبیس جون کو ریلیز ہو نے جا رہی ہے لیکن اس کی ریلیز کے دن پرڈیوسر کرن جوہر ممبئی کیا ملک میںہی موجود نہیں ہوں گے کیونکہ اپنی فیملی کے ساتھ انہیں لندن جانا پڑا ۔کرن جوہر اس وقت لندن میں موجود ہیں ۔ہیتھرو ائیرپورٹ پر جب ان سے ریلیز کے روز ان کی عدم شرکت کے حوالے سے سوال ہوا تو انہوں نے کہا کہ ایسا نہیں ہے کہ میں بے خبر رہوں گا بلکہ میںلندن میں بیٹھ کر اپنی مارکیٹنگ ٹیم کی ایک ایک مُوو پر نظر رکھوں گا ۔فلم کی ایڈوانس بکنگ پر شائقین کا جو ریسپانس ملا ہے اس کو دیکھتے ہوئے بِہار کے نامور ایگزیبیٹر ثمن سنہا کہتے ہیں کہ جس طرح سے فلم کی ٹکٹیں فروخت ہوئیں یا ایڈوانس بکنگ ہوئی ہے

وہ بہت ہی زیادہ حوصلہ افزاءہے ، جگ جگ جیو ریفریشنگ فلم ہے اور اس وقت لوگ ایسی ہی فلمیں دیکھنا چاہتے ہیں وہ بالکل بھی اس سے ہٹ کر فلمیں دیکھنے کےلئے تیار نہیں ہیں یہی وجہ ہے کہ شائقین اس فلم کو دیکھنے کےلئے بےتاب کیونکہ کافی عرصے کے بعد کرن جوہر کے سٹائل کی فلم ان کو دیکھنے کو مل رہی ہے۔اُدھر فلم کی کاسٹ بھی کافی پرجوش ہے وہ بھی بھرپور انداز میں فلم کی پرموشن کررہی ہے ۔نیتو سنگھ اور انیل کپور کافی عرصے کے بعد سکرین پر جلوہ گر ہورہے ہیں۔فلم کی کاسٹ میں ان کے علاوہ کیارا ایڈوانی اور ورون دھون نظر آئیں گے فلم کا میوزک پہلے ہی سپر ہٹ ہو چکا ہے ۔

فلم براہمسٹرا کے پرڈیوسرکرن جو ہر نے گزشتہ روز ایک ٹویٹ کیا جس میںانہوں نے لکھا کہ میں اس فلم کا ٹریلر لانچ کرتے ہوئے بہت زیادہ فخر محسوس کررہا ہوں اس فلم کا پہلا پارٹ ”شیو نائن“ ستمبر میں ریلیز کیا جائیگا ۔تین سو کروڑ کے بجٹ کی اس فلم کا ٹریلر جیسے ہی ریلیز ہوا سوشل میڈیا پر اس کے چرچے ہونے لگے وی ایف ایکس ایفیکٹ سے بھرپور اس فلم میں عالیہ بھٹ اور رنبیر کپور مرکزی کرداروں میں دکھائی دے رہے ہیں۔ حقیقی زندگی کے دونوں ساتھیوں کو شائقین سکرین پر دیکھنے کےلئے بھی بے تاب ہیں ۔فلم میں امیتابھ بچن اور ٹی وی کی اداکارہ موہنی رائے بھی اہم کردارں میں نظر آئیں گی کہا جا رہا ہے کہ شاہ رخ خان اس میں بہت ہی مختصر کردار ادا کریں گے ۔آیان مکھر جی کی ڈائریکشن میں بننے والی اس فلم میں مارول اور ڈی سی یونیورس کی طرز پر وی ایف ایکس کا استعمال کیا گیا ہے۔

یاد رہے کہ یہ بالی وڈ کی پہلی ایسی فلم ہو گی جس میں وی ایف ایکس کا استعمال کیا گیا ہے اسی چیز کو دیکھتے ہوئے شاید اس فلم کا ٹریلر لوگوں کے دل جیت رہا ہے ۔فلم کی کاسٹ سمیت خصوصی طور پر پرڈیوسر کرن جوہر فلم سے بہت زیادہ امیدیں وابستہ کئے ہوئے ہیں ان کا کہنا ہے کہ یہ فلم کامیابی کے نئے ریکارڈز قائم کریگی ۔

رشی کپور اور نیتو سنگھ کے بیٹے رنبیر کپور جو اپنی ذاتی زندگی کی وجہ سے ماضی میں کافی زیادہ چرچا میں رہے. انہوں‌ نے فلم میکر کرن جوہر کے پروگرام ” کافی ود کرن” میں جانے سے صاف منع کر دیا اور کرن جو ہر کو دو ٹوک الفاظ میں کہہ دیا کہ میں اس پروگرام میں شرکت نہیں‌کر سکتا.
رپورٹس کے مطابق کرن جوہر نے حال ہی میں اپنے ایک انٹرویو میں یہ انکشاف کیا ہے کہ رنبیر کپور نے ان کے پروگرام میں آنے سے منع کرتے ہوئے کہا ہے کہ میں‌ آپ سے بہت محبت کرتا ہوں آپ کے گھر آ کر میں آپ کے ساتھ بیٹھ کر چائے پی لوں گا گپ شپ کر لوں گا لیکن پروگرام میں نہیں آسکتا کیونکہ اس پروگرام میں آنے کے بعد مجھے کئی سالوں تک بہت سے سوالوں کا جواب دینا پڑے گا لہذا اس پروگرام میں شرکت کرنے کی قیمت بہت بڑی ہے جس کو میں ادا نہیں‌کر سکتا.کرن جوہر نے رنبیر کپور کی نقل اتارتے ہوئے کہا کہ ” پلیز مجھے اپنے شو پہ مت بلائو” .کرن جوہر نے مزید یہ بھی کہا کہ رنبیر کپور بہت زیادہ پریشان ہو جاتا ہے جب اسے اس شو میں آنے کے لئے کہا جائے.
کرن جوہر نے یہ بھی کہا کہ کافی ود کرن میں‌ جو سوالات کئے جاتے ہیں ان کو زیادہ سیریس نہیں لیا جانا چاہیے.
یاد رہے کہ کافی ود کرن میں کرن جوہر بہت سے فنکاروں‌کو انٹرویو کر چکے ہیں اور بعض اوقات ایسے سوال پوچھتے ہیں کہ جو اگلے دن ٹاک آف دا ٹائون ہوتے ہیں.

اکشے کمار جو کہ کرن جوہر اور دھرما پروڈکشن کی تین فلمیں ،کیسری، گڈ نیوز اور سیلفی میں اپنی اداکاری کے جوہر دکھا چکے ہیں اب وہ ان کی اگلی اور نئی فلم میں اہم کردار ادا کرتے ہوئے دکھائی دے رہے ہیں ۔اس فلم میں اکشے کماروکیل کا کردار ادا کررہے ہیں۔جب سے اس فلم کی اناﺅنسمنٹ ہوئی ہے اکشے کمار اس کردار کے لئے پہلی چوائس تھے اور انہی کو ہی فائنل کر لیا گیا ہے ۔اکشے کمار کے ساتھ اس کردار اور پراجیکٹ کو لیکر تمام ضروری ریکوائرمنٹس کو پورا کر لیا گیا ہے ۔ یوں اکشے کمار آفیشلی اس فلم کا حصہ بن چکے ہیں ۔کہانی ناول پر مبنی ہے جس میں آزادی سے پہلے کے واقعات کو شامل کیا گیا ہے ۔

واضح رہے کہ بالی وڈ میں اکشے کمار واحد ایسے اداکار ہیں جن کی ہر سال سب سے زیادہ فلمیں ریلیز ہوتی ہیں ۔رشی کپور کے بعد اکشے کمار واحد ایسے اداکار ہیں جنہوں نے اپنے سے کم عمر تقریبا تمام ہیروئینز کے ساتھ کام کیا ۔شائقین کھلاڑیوں کے کھلاڑی اکشے کمار کو بڑی سکرین پر کافی پسند کرتے ہیں ۔ کرن جو ہر نے حال ہی میں اپنی فلم جگ جگ جیو کا ٹریلر ریلیز کیا تو اس میں ایک گانا بھی ہے جو کہ پاکستانی گلوکار ابرارالحق کے پنجابی گانے نچ پنجابن کی نقل تھا وہ گانا ابرارالحق کی اجازت کے بغیر فلم میں شامل کئے جانے پر گلوکار عدالت جا چکے ہیں لہذا کرن جوہر اس تنازع میں بھی پھنسے ہوئے ہیں ۔

فلم میکرکرن جوہر کی پچاسویں سالگرہ یش راج سٹوڈیو میں پچیس مئی کومنائی گئی ۔ تقریب میں تقریبا بالی وڈ کے تمام ستارے موجود تھے۔ تمام ستارے بھرپور تیاری سے اس تقریب کو منانے پہنچےلیکن وہاں ہوا کچھ یوں کہ یہ سالگرہ سب کے لئے بیماری کا باعث بن گئی۔ تقریب کے بعد تقریب کے شرکا میں نزلہ، زکام ،بخار کھانسی جیسی علامات ظاہر ہوئیں تو سب اپنے ڈاکٹرز کے پاس گئے ڈاکٹرز نے ان سب کو کورونا ٹیسٹ کروانے کا مشورہ دیا۔ سب نے کورونا ٹیسٹ کروایا تو معلوم پڑا کہ ان میں سے پچاس سے پچپن لوگ کورونا میں مبتلا ہو چکے ہیں جو فنکار کورونا میں مبتلا ہوئے ہیں ان میں شاہ رخ خان، کترینہ کیف، ادیتیہ رائے کپور،کارتیک آریان، کے نام قابل زکر ہیں۔

تقریب میں ان کے علاوہ سیف علی خان ،اکشے کمار ، کاجول ،اجے دیوگن ، ہرتیک روشن، ایشوریا رائے ،امیتابھ بچن ، رانی مکھرجی، سلمان خان، عامر خان ، جھانوی کپور، کیارا ایڈوانی ، سدھارتھ ملہوترا، ورون دھون ، منیش ملہوترا ، شاہد کپور ،میرا کپور ، اننیا پانڈے ، رنبیر کپور ، رنیویر سنگھ ،نیتو سنگھ ، تبو ، روینہ ٹنڈن جوہی چاولہ ، سوزین خان، پریتی زینٹا ، سارا علی خان ، ابراہیم علی خان، ملائکہ اروڑا ، ارجن کپور ، کرینہ کپور ،کرشمہ کپور و دیگر نے شرکت کی۔ تقریب کی تیاری بڑے پیمانے پر کی گئی تھی کرن جوہر کا کہنا تھا کہ اس تقریب کو وہ یادگار بنانا چاہتے ہیں تقریب تو یادگار بن گئی لیکن وہاں موجود شرکا کورونا جیسے مرض میں مبتلا ہو گئے ہیں۔