انسداد بد عنوانی کے عالمی دن کے موقع پر ایک رپورٹ جاری کی گئی ،ٹرانسپیرنسی انٹرنیشنل کے سروے کے مطابق پاکستان میں کرپشن میں پہلے نمبر پر شعبہ پولیس ہے۔ سروے کے مطابق عوام نے ٹینڈرنگ اور ٹھیکے داری کے نظام میں ہیرا پھیری کو دوسرا نمبر دیا ہے، جب کہ عوامی رائے کے مطابق بدعنوانی میں نظام انصاف کا تیسرا اور محکمہ تعلیم کا چوتھا نمبر ہے۔

انسداد بد عنوانی کے دن کے موقع پر پاکستان کی قومی قیادت نے پیغامات بھی جاری کئے ہیں،صدر مملکت ڈاکٹر عارف علوی نے بدعنوانی کی بنیادی وجوہات کا پتہ لگانے اور بدعنوانی کی کارروائیوں کو بے نقاب کرنے کی ضرورت پر زور دیتے ہوئے کہا ہے کہ کرپشن کو جڑ سے اکھاڑ نے کیلئے پرعزم، ٹھوس اور مخلصانہ کوششیں کرکے ہی ایک مضبوط اور خوشحال پاکستان ابھر سکتا ہے،بدعنوانی کے خلاف جنگ میں کامیابی کیلئے پوری طرح پرعزم ہونا ناگزیر ہےمعاشرے کے تمام طبقات کی کوششوں کے بغیر کرپشن کا خاتمہ ممکن نہیں، کرپشن عدم استحکام اور غربت کے فروغ میں اہم کردار ادا کرتی ہے، کرپشن کمزور ممالک کو ریاستی ناکامی کی طرف لے جاتی ہے

وزیراعظم محمد شہباز شریف نے کہا ہے کہ انسداد بدعنوانی کے عالمی دن کے موقع پر ہمیں یہ عزم کرنا ہو گا کہ ہم اس لعنت سے لڑیں گے، بدعنوانی کے برے اثرات واضح ہیں جن سے معاشرے کمزور ہو جاتے ہیں اور عدم مساوات کو فروغ ملتا ہے بدعنوانی کے برے اثرات واضح ہیں جن سے معاشرے کمزور ہو جاتے ہیں اور عدم مساوات کو فروغ ملتا ہے، بدقسمتی سے بدعنوانی پر ہماری سیاسی گفتگو کو اس قدر سیاست کا شکار ہو چکی ہے کہ اس نے ساکھ کو داغدار کر دیا ہے ۔ انسداد بدعنوانی کے دن آئیں یہ عہد کریں کہ اس لعنت سے مل کر لڑیں گے

گورنر پنجاب محمد بلیغ الرحمان نے انسداد بدعنوانی کے عالمی دن کے موقع پر پیغام میں کہا کہ کرپشن ایک سماجی برائی ہے جس سے معاشرے کی جڑیں کھوکھلی ہو جاتی ہیں۔ آج کے دن کا مقصد کرپشن کے خلاف عوام میں شعور بیدار کرنا ہے۔ صحیح اور غلط میں تفریق ہمارے کردار کا امتحان ہے۔ بدعنوانی معاشی اور سماجی ترقی پر منفی اثرات مرتب کرتی ہے۔ شفافیت کو فروغ دینا وقت کی اہم ضرورت ہے۔ جن ممالک نے ترقی کی ہے ان میں کرپشن کے خلاف زیروٹالرنس پائی جاتی ہے۔

50 ہزار میں بچہ فروخت کرنے والی ماں گرفتار

واش روم استعمال کیا،آرڈر کیوں نہیں دیا؟گلوریا جینز مری کے ملازمین کا حاملہ خاتون پر تشدد،ملزمان گرفتار

خاتون کی لاش کے کئے 56 ٹکڑے، ٕگوشت بھی کھایا ، ملزمان کا تہلکہ خیز انکشاف

گرل فرینڈ کی لاش کے 35 ٹکڑے کرنیوالے ملزم نے کیا عدالت میں جرم کا اعتراف

غیر ملکی خاتون کے سامنے 21 سالہ نوجوان نے پینٹ اتاری اور……خاتون نے کیا قدم اٹھایا؟

بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

ترجمان حکومت بلوچستان فرح عظیم شاہ کا کہنا ہے کہ کہ صوبائی حکومت تعلیم و صحت کی سہولیات کی فراہمی کے ساتھ ساتھ معاشی خوشحالی کیلئے کوشاں ہے معاشی خود انحصاری کیلئے صوبائی محاصل کے حصول کو یقینی بنایا جائے گا صوبے میں ٹیکس کلچر کو فروغ دیتے ہوئے ٹیکس گزاروں کیلئے آسانیاں پیدا کی جائیں گی تاکہ درپیش مالی مسائل پر قابو پایا جاسکے۔ صوبائی ترقی و خوشحالی کیلئے ضروری ہے کہ بد عنوانی کا خاتمہ کیا جائے کرپشن کے ناسور کے خاتمے میں حکومت کے ساتھ ساتھ پوری قوم کو متحد ہو کر اپنا کردار ادا کرنا ہوگا اور مالی بے ضابطگی کیخلاف آواز اٹھانا ہوگی۔

نارووال اسپورٹس سٹی ریفرنس میں احسن اقبال کی بریت کی درخواست پر سماعت ہوئی

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ گزشتہ سماعت تک آپ کو سی ٹی ڈبلیو پی کا علم تک نہیں تھا ایک نامعلوم اخبار پر چیئرمین نیب نے کیس بنا دیا انہیں اندر کردیا ،کیس کا ایک پہلو یہ بھی ہے کہ یہ ایک فلاحی پراجیکٹ تھا ،آپ کے ایک ریفرنس کی وجہ سے فلاحی منصوبہ روک گیا اس کا ذمہ دار کون ہے؟ کیا 2009 میں احسن اقبال کوئی پبلک آفس ہولڈر تھے؟ پراسیکیوٹر نے کہا کہ احسن اقبال 2009 میں کوئی پبلک آفس ہولڈر نہیں تھے

اسلام آباد ہائیکورٹ کے چیف جسٹس اطہرمن اللہ نے استفسار کیا کہ اس کیس میں کرپشن کیا ہے؟ نیب پراسیکیوٹر نے کہا کہ ایڈیشنل پراسیکیوٹر جنرل آج دستیاب نہیں وہ دلائل دیں گے، عدالت نے کہا کہ آپ کو التوا نہیں ملے گا،یہ منصوبہ سینٹرل ڈویلپمنٹ ورکنگ پارٹی کی منظوری سے بنا،کیس کے تفتیشی افسر کو پتہ بھی نہیں تھا سینٹرل ڈویلپمنٹ ورکنگ پارٹی کیا ہے، نیب پراسیکیوٹر نے کہا کہ ہم اس کیس کوترمیمی آرڈیننس کے تحت دیکھ رہے ہیں، اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ ترمیمی آرڈیننس کا تو اس میں تعلق ہی نہیں ، کیس میں کرپشن کیا ہے؟اس منصوبے کو کونسی منسٹری دیکھ رہی تھی ؟ عدالت نے تفتیشی افسر سے مکالمہ کرتے ہوئے کہا کہ آپ کرپشن کو چھوڑ کر اور باتیں کر رہے ہیں آپ کا کام کرپشن کی تحقیقات کرنا ہے، انتظامی امور میں مداخلت کرکے آپ اپنے اختیارات سے تجاوز کر رہے ہیں،پراسکیوٹر نے عدالت میں کہا کہ منصوبے سے قومی خزانے کو نقصان ہوا ،اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ آپ کا سارا کیس یہ ہے کہ نارووال چھوٹا ڈسٹرکٹ ہے وہاں یہ منصوبہ نہیں بننا چاہیے آپ کہہ رہے ہیں منصوبے سے قومی خزانے کو نقصان پہنچا،یہ پروجیکٹ تو آپ کی وجہ سے روکا تو نقصان کے ذمہ دار تو آپ ہوئے،کیس میں کرپشن دکھائیں، نقصان کی بات کریں گے تو آپ کو خود پر کیس بنانا چاہیے،

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ سپریم کورٹ قرار دے چکی کہ نیب پولیٹکل انجنیئرنگ کرتا ہے، کیا یہ پولیٹکل انجنیئرنگ کا کلاسک کیس نہیں ہے؟ آپکو پی ایس ڈی پی اور سی ٹی ڈبلیو کا کچھ پتہ نہیں، طریقہ کار کا پتہ نہیں،نیب کچھ جانے بوجھے بغیر درمیان میں کود پڑا کہ ہم نے حل کرنا ہے، پراسیکیوٹر نیب نے کہا کہ ہمیں وقت دیدیں، بھروانہ دلائل دینگے،عدالت نے کہا کہ بہت وقت دے چکے مزید وقت نہیں دینگے، جنہوں نے اس پراجیکٹ کو روک کر نقصان پہنچایا انکو کیوں نہیں پکڑتے؟ عدالت نے استفسار کیا کہ اس وقت کس کی حکومت تھی؟ تفتیشی افسر نیب نے کہا کہ 1999میں مارشل لا لگ گیا تھا، عدالت نے کہا کہ پھر آپ انکو پکڑتے، نقصان تو انہوں نے کیا تھا، آپ نے کیس میں احسن اقبال کو گرفتار کیوں کیا؟ تفتیشی افسر نے عدالت میں کہا کہ گواہ ڈر کی وجہ سے بیان نہیں دے رہے تھے،

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ کیا احد چیمہ بری ہو گیا ہے؟ نیب نے تین سال اسے جیل میں رکھا، احد چیمہ بہترین افسران میں سے ایک ہے، نیب جو لوگوں کی اتنی بدنامی کراتا ہے اسکا ازالہ کون کریگا؟ حیران کن ہے کہ جس تفتیشی نے احسن اقبال کو گرفتار کیا اسکو سی ڈی ڈبلیو پی کا پتہ نہیں، اس ملک کو یا مارشل لاء والوں نے نقصان پہنچایا یا پھر نیب نے، کیا نارووال کی عوام کے لیے ایک فلاحی پراجیکٹ لگانا جرم ہے بطور تفتیشی آپ اس کیس کو 2018 سے دیکھ رہے ہیں میں آپ کو 15 دفعہ پوچھ چکا ہوں کرپشن دکھا دیں مجھے افسوس ہے کہ آپ تفتیشی ہیں آپ کو تربیت کی ضرورت ہے

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ 2009 میں جس نے پراجیکٹ کا دوبارہ آغاز کیا ان پر کیس بناتے نا، تفتیشی افسر صاحب آپکو ٹریننگ کی ضرورت ہے، آپ لوگوں کی ساکھ کے ساتھ اس طرح کھیلتے ہیں، نیب اسی طرح کے بے بنیاد کیسز بناتا ہے حکومت اب بھی بہت سے منصوبے بنا رہی ہے کیا نیب مداخلت کریگا کہ کیوں بنا رہے ہیں؟ تفتیشی صاحب، آپ نے تفتیش کی، احسن اقبال کو جیل میں رکھا کیا کرپشن سامنے آئی؟ اب کیا نیب طے کریگا کہ کونسا منصوبہ کہاں لگے گا؟ تفتیشی افسر کہتے ہیں کہ احسن اقبال منصوبہ بنانے والوں سے میٹنگز کرتے رہے،
نیب نے پورا کیس دیکھنا تھا کیا 2018 میں اس منصوبے کو کسی مقصد سے اٹھایا گیا تھا؟ جب کیس کا آغاز ہو گیا تو 2009 والوں کو کیوں نہیں پکڑا گیا؟ سیکرٹری پرنسپل اکاؤنٹنگ افسر ہوتے ہیں جو کسی کے دباؤ میں آ جائیں گے؟ نیب نے ان سیکرٹریز کو پریشرائز کر کر کے سارے کیسز بنائے، تفتیشی صاحب کیا آپکو کوئی پریشرائز کر سکتا ہے؟ جس پر تفتیشی افسر نے عدالت میں جواب دیا کہ نہیں،

اجسن اقبال کی بریت کی درخواست منظور کر لی گئی،اسلام آباد ہائیکورٹ نے احسن اقبال کے خلاف نارووال سپورٹس سٹی ریفرنس خارج کر دیا

عمران خان کو کسی قسم کا این آر او نہیں دیں گے ،بلاول کا اعلان

دھمکی آمیز خط کے بارے تہلکہ خیز انکشافات سامنے آ گئے

جب "باپ” ساتھ چھوڑ جائے گا تو پھر بچوں کی کیا جرات کہ وہ ساتھ رہیں

خاندان میں اختلافات، چودھری شجاعت نے بڑا سرپرائز دے دیا

اسلام آاباد:کرپشن میں کمی کی بجائے اضافہ ہونےلگا ہے ، وفاقی ادارے میں کس قدر کرپشن ہے اس حوالے سے آڈیٹرجنرل آف پاکستان نے سارے حقائق پیش کردیئے ہیں ، آڈیٹرجنرل آف پاکستان کی رپورٹ کے مطابق یوٹیلٹی اسٹورز کارپوریشن میں تقریبا ساڑھے 6 ارب روپے کی مالی بے ضابطگیوں، بلیک مارکیٹنگ اور ناجائز منافع خوری کا انکشاف ہوا ہے۔

آڈیٹر جنرل آف پاکستان نے یوٹیلیٹی اسٹورز کارپوریشن میں اربوں روپے کی کرپشن کو بے نقاب کردیا ہے، اور رپورٹ میں بتایا گیا ہے کہ پی ٹی آئی کے دور حکومت میں ادارہ مالی بدانتظامی اور مبینہ فراڈ کے باعث نقصان میں رہا۔آڈٹ رپورٹ میں بتایا گیا ہے کہ پی ٹی آئی حکومت کے پہلے تین سال میں یوٹیلٹی اسٹورز کو 12 ارب روپے سے زیادہ کا نقصان ہوا، چینی ، آٹا اور گھی کی خریداری اور سپلائی میں قوانین کی خلاف ورزی کی گئی۔

رپورٹ کے مطابق یوٹیلیٹی اسٹورز کارپوریشن کی انتظامیہ کی ملی بھگت سے فلورملز مالکان نے صرف ایک ٹھیکے میں 5 ارب 30 کروڑ روپے کا ناجائز منافع کمایا۔آڈیٹر جنرل کی رپورٹ کے مطابق مالی بدانتظامی کے باعث 2018 سے 2020 کے دوران یوٹیلٹی اسٹورز کے مجموعی نقصانات کا حجم 15 ارب 51 کروڑ روپے تک پہنچ گیا۔آڈٹ رپورٹ کے مطابق مالی سال 2019-20 میں 6 ارب 42 کروڑ کی مالی بےضابطگیاں ہوئیں، اور فلور ملز مالکان نے یوٹیلٹی اسٹورز انتظامیہ کی ملی بھگت سے 5 ارب 30 کروڑ کا ناجائز منافع کمایا، اس دوران 66 کروڑ 28 لاکھ کلو گرام سرکاری گندم کی پسائی فلور ملز سے کرائی گئی۔

رپورٹ میں بتایا گیا ہے کہ آٹے کا ہر پانچواں تھیلا ملوں کو بطور منافع رکھنے کی اجازت دی گئی، میدہ، سوجی اور چوکر جیسی بائی پروڈکٹس بھی فلور ملز کو تحفے میں دے دی گئیں۔رپورٹ میں بتایا گیا ہے کہ اسلام آباد ریجن میں فرنچائز یوٹیلٹی اسٹورز کیلئے 66 لائسنس بغیر اسٹاک انشورنس جاری کئے گئے، اس سے ادارے کو 41 کروڑ روپے کا نقصان پہنچا۔

رپورٹ کے مطابق 1 کروڑ 50 لاکھ روپے کا گھی اور کوکنگ آئل اوپن مارکیٹ میں بیچ دیا گیا، جب کہ سبسڈی پر دی جانے والی چینی کی بلیک مارکیٹنگ سے بھی کارپوریشن کو 6 کروڑ 60 لاکھ روپے کا چونا لگایا گیا۔

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔