Baaghi TV

Tag: کرکٹ

  • پی ایس ایل 7: لاہور قلندرزکے سامنے اسلام آباد کا اتحاد بھی پارہ پارہ:قلندرزجیت گئے

    پی ایس ایل 7: لاہور قلندرزکے سامنے اسلام آباد کا اتحاد بھی پارہ پارہ:قلندرزجیت گئے

    لاہور: پی ایس ایل 7: لاہور قلندرزکے سامنے اسلام آباد کا اتحاد بھی پارہ پارہ:قلندرزجیت گئے،اطلاعات کے مطابق لاہور میں پی ایس ایل کے دوسرے مرحلے میں اج کھیلےجانے والے اہم میچ میں لاہور قلندرز نے اسلام اباد یونائیٹڈ کو شکست دے کر 2 پوائنٹ اور حاصل کرلیے ہیں‌

    لاہور: قلندرز بیٹنگ:

    اسلام آباد یونائیٹڈ کے خلاف لاہور قلندرز کی جانب سے اننگز کا آغاز فخر زمان اور فل سالٹ نے کیا اور حریف ٹیم کی جانب سے مبصر خان نے پہلا اوور پھینکا۔ لاہور قلندرز کا آغاز اچھا نہ تھا پہلے تین بیٹسمین 12 سکور پر پویلین واپس لوٹ گئے۔ فل سالٹ2، کامران غلام 0، محمد حفیظ چار سکور بنا کر آؤٹ ہوئے۔

    تاہم اس دوران فخر زمان نے انگلینڈ سے تعلق رکھنے والے بروک کے ساتھ مل کر جارحانہ باری کھیلی اور حریف ٹیم کے باؤلرز کی خوب درگت بنائی۔ دونوں کے درمیان 63 گیندوں پر 101 رنز کی پارٹنر شپ بنی ، فخر زمان 41 گیندوں پر 51 رنز بنا کر رخصت ہوئے۔ سہیل اختر کی باری 15 سکور تک محدود رہی۔

    اس دوران ہیری بروک نے 48 گیندوں پر جارحانہ سنچری بنائی۔ سنچری میں انہوں نے 10 چوکے اور پانچ چھکے لگائے اور 102 رنز کی ناٹ آؤٹ اننگز کھیلی۔ لاہور قلندرز نے مقررہ اوورز میں 197 رنز بنائے۔ فہیم اشرف نے 3 وکٹیں حاصل کیں۔

    لاہور قلندرز سکواڈ:

    فخر زمان، سہیل اختر، کامران غلام، محمد حفیظ، فل سالٹ، ہیرس بروک، ڈیوڈ ویزے، راشد خان، شاہین شاہ آفریدی، حارث رؤف، زمان خان

    اسلام آباد یونائیٹڈ سکواڈ:

    رحمن اللہ گرباز، مبصر خان، دانش عزیز، لیام ڈاؤسن، آصف علی، اعظم خان، فہیم اشرف، مارچنٹ ڈی لنگے، محمد وسیم، وقاص مقصود، ظاہر خان

    ٹاس کے دوران قومی ٹیم اور اسلام آباد یونائیٹڈ کے فاسٹ باؤلر حسن علی انجرڈ ہوئے جس کے بعد قانون کے تحت حسن علی کی جگہ ڈی لنگے کو ٹیم میں شامل کیا گیا۔

  • پاکستان ڈیف کرکٹ ایسوسی ایشن کا سالانہ جنرل کونسل اجلاس،اہم فیصلے

    پاکستان ڈیف کرکٹ ایسوسی ایشن کا سالانہ جنرل کونسل اجلاس،اہم فیصلے

    لاہور:پاکستان ڈیف کرکٹ ایسوسی ایشن کا سالانہ جنرل کونسل اجلاس گزشتہ روز مقامی ہوٹل میں منعقد ہوا،اجلاس کی صدارت پاکستان ڈیف کرکٹ ایسوسی ایشن کے نو منتخب صدر میاں عرفان معراج نے کی، اجلاس کے بعد عرفان معراج نے پریس کانفرنس میں تمام لائحہ عمل پیش کیاانکے ہمراہ سیکرٹری ایسوسی ایشن سید محمد کومیل کاظمی،نائب صدر عبدالرحمان وسان،خزانچی عبدالر حمان یوسف بھی تھے۔

    

    ذرائع کے مطابق اجلاس میں ملک بھر سے 16 ڈیف کرکٹ ایسوسی ایشنز کے نمائندے شریک تھے۔ اجلاس میں نومنتخب صدر میاں عرفان معراج سمیت دیگر عہدیداران اعتماد کا ووٹ حاصل کیا اس موقع پر میاں عرفان معراج پاکستان ڈیف کرکٹ کی ترقی کے لیے اپنے مستقبل کے لائحہ عمل سے بھی آگاہ کرتےہوئے اجلاس میں پاکستان ڈیف کرکٹ کی پروموشن کے لیے ملکی ٹورنامنٹس کے شیڈول کو بھی حتمی شکل دی گئی اورغیر ملکی سیریز کے حوالے سے یقین دہانی کروائی۔اجلاس میں ایسو سی ایشن کے نمائندگان کا شکریہ ادا کیا۔شامل ایسو سی ایشن راولپنڈی،اسلام آباد،مردان،اٹک،پشاور، لاہور،اوکاڑہ، ساہیوال،بہاولپور، کراچی، حیدر آ باد،گوٹکی،مظفر گڑھ،فیصل آباد،گجرات اور رحیم یار خان نےعرفان معراج پر نہ صرف اعتماد کیا بلکہ ہر سطح پر تعاون کی یقین دہانی کروائی۔

    عرفان معراج نے کہا کہمسرچ میں قومی چیمپیئن شپ منعقد کی جائیگی۔انکا کہنا تھا کہ پاکستان کرکٹ بورڈ نے ہمیشہ انکی معاونت کی ہے جس پر ہم انکے مشکور ہیں جبکہ رمیز راجہ نے بھی ہر سطع پر تعاون کا یقین دلایا ہے۔انکا کہنا ہے کہ پاکستان کے پہلے ڈیف الیکشن کروانے پرپی سی بی کےمشکور ہیں ۔مذید کہا کہ ایسو سی ایشن کے پاس فنڈز کی کمی ہے۔اس کے باوجود کھلاڑیوں کو سنٹرل کنٹریکٹ دیا۔

  • بلوچستان میں کھیل کے میدان آباد،نوجوان ملکی سطح پر اپنے علاقوں کی نمائندگی کرنے کیلئے پرعزم

    بلوچستان میں کھیل کے میدان آباد،نوجوان ملکی سطح پر اپنے علاقوں کی نمائندگی کرنے کیلئے پرعزم

    بلوچستان میں کھیل کے میدان آباد ،بلوچستان کے طول و عرض سے نوجوان کرکٹ اور فٹبال کی تربیت اور ملکی سطح پر اپنے علاقوں کی نمائندگی کرنے کیلئے پرعزم ہیں-

    باغی ٹی وی :بلوچستان کے علاقے پشین سے تعلق رکھنے والے نوجوان کرکٹر حسیب اللہ کا کہنا ہے کہ پاکستان کرکٹ بورڈ‌کے مخصوص ستارے والے لوگو کو سینے پر سجا کر بہت خوشی محسوس ہوتی ہے بچپن سے یہی خواہش تھی کہ وہ پاکستان کے لئے کھیلیں جب میں نے کرکٹ شروع کی ہت اپنے والد کو دیکھتا تھا وہ بھی فرسٹ کلاس کرکٹر ہیں انہوں نے 17 فرسٹ کلاس کرکٹ کھیلے ہوئے ہیں انہیں اپنا رول ماڈل مانتا ہوں-

    ویلنٹائن ڈے پر شاہین آفریدی کوملا گفٹ،مگر کس کی طرف سے؟

    حسیب اللہ نے کہا کہ میرا نام انڈر 19 میں آیا تو مجھے بہت زیا دہ خوشی ہوئی جس طرح میں نے 4 سے 5 سال سے محنت کی ہوئی تھی مجھے یقین تھا کہ میں انشاء اللہ کہیں نا کہیں پہنچ جاؤں گا کیونکہ پچھلے 6 سال سے میں مسلسل پرفارم کرتے آ رہا تھا میں سخت محنت اور اللہ پر یقین رکھتا ہوں کہ انہوں نےنوجوانوں کو پیغام دیتے ہوئے کہا میں نے جتنی بھی سخت محنت کی اللہ پاک نے اس کا صلہ دیا بس محنت کریں اور اللہ پر بھروسہ رکھیں اللہ مہربان ہے-

    پشین سے تعلق رکھنے والے ایک اور نوجوان فٹبالر سعد اللہ کا کہنا ہے کہ میں بہت فخر محسوس کر تا ہوں کہ میرے سینے پر پاکستان کا جھنڈا لگا ہوا ہے یہ میرے لئے بہت خوش قسمتی اور اعزاز کی بات ہے میں اصل میں ایک مدرسے کا طالبعلم تھا یہاں سے میں سلیکٹ ہو کر بلوچستان ٹیم کے ساتھ لاہور گیا جہاں نیشنل یوتھ چیمپئین شپ میں پرفارم کیا پھر وہاں میں نیشنل ٹیم کے لئے سیلیکٹ ہوااور ایران قطر میں نیشنل ٹیم کے ساتھ انڈر 19 میں چلا گیا-

    شاہد آفریدی نے پی ایس ایل کے بقیہ میچز کھیلنے سے معذرت کرلی

    سعداللہ نے کہا کہ میرے لئے خوش قسمتی کی بات ہے کہ میں پشین سے تعلق رکھنے والا واحد کھلاڑی ہوں کہ میں انٹر نیشنل کھلاڑی بنا میرے سے پہلے بھی کوئی نہیں آیا اور میرے بعد بھی ابھی کوئی نہیں ہے میری خواہش ہے کہ پشین سے دس سعداللہ اور نکلیں ہماری مٹی ہمارے صوبے اور ملک میں واقعی ہی بہت ٹیلنٹ ہے اگر ہم ان کو مواقع دیں اور درست ٹریک پر چڑھا دیں تو ہر کھیل کے اندر ہمارے ایتھلیٹ دنیا کے ہر کونے کے اندر کھیل سکتے ہیں –

    سعداللہ نے بلوچستان کے نوجوانوں کے لئے جاری پیغام میں کہا کہ محنت کریں اور اپنے آپ پر یقین رکھیں اللہ پر یقین رکھیں آپ محنت کرتے ہیں تو اللہ پاک اس کا صلہ ضرور دے گا-

    آسٹریلیا نے آخری مرتبہ پاکستان کا دورہ کیا تھا تومیں پیدا بھی نہیں ہوا تھا، شاہین…

    کوئٹہ سے تعلق رکھنے والے کرکٹر محمد قاسم نے بتایا کہ فاسٹ بولر ہوں اور پچھلے سال انڈر 16 میں کھیلا اور میں نے بلوچستان ٹیم کی طرف سے ٹاپ کیا بلوچستان میں 3 سے 4 نیٹ سے زیادہ نہیں تھے اب 13 سے 14 نیٹ بلوچستان اکیڈمی میں ہیں جبکہ 5 سے 6 کوچز ہیں اور ٹرینرز الگ ہیں میں نے شاہین شاہ آفریدی کو دیکھ کر 2109 میں کرکٹ شروع کی انشاءاللہ جب بھی موقع ملے گا میں شاہین شاہ کی طرح بنوں گا او پر پاکستان کا نام روش کروں گا-

    اِن نوجوانوں کا عزم اور جذبہ انکے بلند ارادوں کی ترجمانی کرتا ہے پاکستان کی نمائندگی کرنا اِن کا خواب ہے جس کی تکمیل کیلئے یہ دن رات جنون کی حد تک محنت کر رہے ہیں اِن کے رول ماڈل شاہین شاہ آفریدی اور دیگر کھلاڑی ہیں۔

    بھارتی اداکارہ شاہد آفریدی کی "نرس” بننے کی خواہشمند

  • پشاورزلمی نے اسلام آباد یونائیٹڈ کو شکست دے دی

    پشاورزلمی نے اسلام آباد یونائیٹڈ کو شکست دے دی

    لاہور: پشاورزلمی نے اسلام آباد یونائیٹڈ کو شکست دے دی ،پاکستان سپر لیگ (پی ایس ایل) کے ساتویں ایڈیشن کے دوسرے مرحلے کے میچ میں پشاور زلمی نے اسلام آباد یونائیٹڈ کو جیت کے لئے 207 رنز کا ہدف دے دیا ہے۔

    لاہور کے قذافی سٹیڈیم میں پی ایس ایل7 کا دوسرا مرحلہ جاری ہے، ایونٹ کے 24 ویں میچ میں شاداب خان کی انجری کے باعث اسلام آباد یونائیٹڈ کی کپتانی آصف علی کریں گے جبکہ پشاور زلمی کی قیادت وہاب ریاض کے سپرد ہے۔

    پشاور زلمی اننگز

    اسلام آباد یونائیٹڈ کے خلاف پشاور زلمی کی جانب سے حضرت اللہ زازائی اور محمد حارث نے اننگز کا آغاز کیا، نوجوان وکٹ کیپر بلے باز حارث نے جارحانہ بیٹنگ کا مظاہرہ کرتے ہوئے4 چھکوں اور 5 چوکوں کی بدولت صرف 18 گیندوں پر نصف سنچری سکور کی۔

    حضرت اللہ زازائی 13، محمد حارث 70، یاسر خان 35، شعیب ملک 38، ردرفورڈ 16، لیام لیونگسٹون 9، بین کٹنگ اور کپتان وہاب ریاض صفر پر آؤٹ ہوئے جبکہ حسین طلعت 8 اور عثمان قادر 6 رنز کے ساتھ ناٹ آؤٹ رہے۔

    اسلام آباد یونائیٹڈ کے آل راؤنڈر فہیم اشرف نے سب سے زیادہ 3 کھلاڑیوں کو پویلین کی راہ دکھائی، وقاص مقصود نے 2، مرچنٹ ڈی لینگ، لیام ڈاسن اور ظاہر خان نے 1،1 وکٹ اپنے نام کی۔
    اس طرح پشاور زلمی کی ٹیم نے مقررہ 20 اوورز میں 8 وکٹ کے نقصان پر 206 رنز بنائے۔

    تفصیلات کے مطابق انجری مسائل کا شکار اسلام آباد کی ٹیم میں پانچ تبدیلیاں کی گئی ہیں۔مبصر خان، دانش عزیز، محمد موسیٰ، مرچانٹ ڈی لانگے اور ظاہر خان کو ایلکس ہیلز، شاداب خان، محمد اخلاق، حسن علی اور ذیشان ضمیر کی جگہ ٹیم میں شامل کیا گیا ہے۔

     

     

    کپتان شاداب خان اور ایمرجنگ فاسٹ بالر ذیشان ضمیر انجری کے سبب آج کے میچ کے لیے دستیاب نہیں ہوسکے۔شاداب کی غیر موجودگی میں آصف علی کو ٹیم کا کپتان مقرر کیا گیا ہے۔

  • بابراعظم کی قیادت میں کراچی کنگزکومسلسل شکست:اہم شخصیت میدان میں آگئی

    بابراعظم کی قیادت میں کراچی کنگزکومسلسل شکست:اہم شخصیت میدان میں آگئی

    لاہور:بابراعظم کی قیادت میں کراچی کنگزکومسلسل شکست:اہم شخصیت میدان میں آگئی ،اطلاعات کے مطابق کراچی کنگز کی پے در پے شکستوں پر بابراعظم کے والد ان کی حمایت میں سامنے آگئے۔

    تفصیلات کے مطابق میڈیا سے گفتگو میں پاکستانی ٹیم اور کراچی کنگز کے کپتان بابراعظم کے والد اعظم صدیق نے کہا کہ میری دعا ہے کہ جلد از جلد بابراعظم کی فارم بحال ہو۔

    اعظم صدیق نے کہا کہ بابراعظم نہ گھبراتا ہے اور نہ ہی محنت چھوڑتا ہے، کرکٹ شائقین دل چھوٹا نہ کرے، بابر پہلے جیسی محنت کررہا ہے، بابر جلد اچھا کرے گا۔

    میڈیا سے گفتگو نے کراچی کنگز اور قومی ٹیم کے کپتان بابراعظم کے والد نے کہا کہ وہ پرعزم ہیں کہ آسٹریلیا کے خلاف ہوم سیریز میں بابر کی فارم بحال ہوجائے گی۔

    واضح رہے کہ پی ایس ایل سیزن سیون میں کراچی کنگز مسلسل 8 میچز میں شکست کھاکر ٹورنامنٹ سے آؤٹ ہوچکی ہے، پسندیدہ ٹیم کی بُری کارکردگی پر سوشل میڈیا صارفین بھی اپنے اپنے انداز میں ٹیم پر تنقید کرتے ہوئے اپنے غصہ نکال رہے ہیں۔

    یاد رہے کہ ٹی ٹوئنٹی ورلڈکپ میں بابراعظم کے والد کی میدان میں بیٹھے اور قومی ٹیم کی جیت کے لئے دعا کرتے تصاویر وائرل ہوئیں تھیں جس کے بعد انہیں شہ سرخیوں میں جگہ ملی تھی۔

    ٹی ٹوئنٹی سیمی فائنل میں گرین شرٹس کی شکست پر اعظم صدیق نے کہا تھا کہ کھلاڑیوں نے کوشش کی ، پر اللہ کو منظور نہیں تھا لیکن میں آپ کو یقین دلاتا ہوں کہ اصل سفر تو اب شروع ہوا ہے، ٹیم بن گئی ہے آگے کرکٹ بھی بڑی ہے اورایک سال بعد پھر آسٹریلیا ورلڈکپ ہے۔

  • پی ایس ایل7: کنگزشکست کی دلدل سےنہ نکل سکے،سلطانز7 وکٹ سےسرخرو:بابراعظم ناکام ترین کپتان

    پی ایس ایل7: کنگزشکست کی دلدل سےنہ نکل سکے،سلطانز7 وکٹ سےسرخرو:بابراعظم ناکام ترین کپتان

    لاہور: لاہور: پی ایس ایل7: کنگز شکست کی دلدل سے نہ نکل سکے، سلطانز 7 وکٹ سے سرخرو:بابراعظم ناکام ترین کپتان،اطلاعات کے مطابق پاکستان سپر لیگ (پی ایس ایل) کے ساتویں ایڈیشن کےدوسرے مرحلے میں بھی کراچی کنگز شکست کی دلدل سے نہ نکلے سکے اور ملتان سلطانز 7 وکٹ کی فتح کے ساتھ سرخرو ہوگئے۔

    لاہور کے قذافی سٹیڈیم میں پی ایس ایل 7 کا دوسرا مرحلہ جاری ہے، ایونٹ کے 23 ویں میچ میں کراچی کنگز کے کپتان بابر اعظم نے ٹاس جیت کر ملتان سلطانز کے قائد محمد رضوان کو پہلے فیلڈنگ کی دعوت دی تھی ۔

     

     

    ملتان سلطانز اننگز

    کراچی کنگز کے 175 رنز ہدف کے تعاقب میں ملتان سلطانز کی جانب سے کپتان محمد رضوان اور شان مسعود نے اننگز کا آغاز کیا، شان مسعود 6 چوکوں کی مدد سے 41 گیندوں پر 45 رنز بناکر پویلین لوٹ گئے، رضوان نے شاندار بلے بازی کا مظاہرہ کیا اور 8 چوکوں کی مدد سے 55 گیندوں پر 76 سکور بناکر آؤٹ ہوگئے۔

    کراچی کنگز اننگز

    کنگز کی جانب سے کپتان بابر اعظم اور شرجیل خان نے اننگز کا آغاز کیا جبکہ ملتان سلطانز کے آصف آفریدی نے پہلا اوور کروایا۔

     

     

    بابر اعظم صرف 2، شرجیل خان 36، جوئے کلارک 40، قاسم اکرم 13 اور روحیل نذیر اور محمد نبی 21، 21 رنز بناکر پویلین لوٹ گئے جبکہ عماد وسیم 32، کرس جورڈن صفر کے ساتھ ناٹ آؤٹ رہے۔

    ملتان سلطانز کے رومان رئیس، موزاربانی، عمران طاہر اور خوشدل شاہ نے 1،1 اور شاہنواز دھانی نے 2 کھلاڑیوں کو آؤٹ کیا۔

    اس طرح کراچی کنگز کی ٹیم نے مقررہ 20 اوورز میں 6 وکٹ کے نقصان پر 174 رنز بنائے اور سلطانز کو جیت کے لئے 175 رنز کا ہدف دیا۔

    ملتان سلطانز سکواڈ

    کراچی کنگز کے خلاف میچ کیلئے ملتان سلطانز کے سکواڈ میں کپتان محمد رضوان، شان مسعود، عامر عظمت، ٹم ڈیوڈ، رائیلی روسو، خوشدل شاہ، آصف آفریدی، رومان رئیس، عمران طاہر، بلیسنگ موزاربانی اور شاہنواز دھانی شامل تھے۔

    کراچی کنگز سکواڈ

    ملتان سلطانز کے خلاف میچ کیلئے کراچی کنگز کے سکواڈ میں کپتان بابر اعظم، شرجیل خان، جوئے کلارک، جورڈن تھامپسن، محمد نبی، روحیل نذیر، قاسم اکرم، عماد وسیم ، کرس جورڈن، عمید آصف اور میر حمزہ شامل تھے۔

  • پی ایس ایل7:کوئٹہ گلیڈی ایٹرز کو پشاور زلمی سے 24 رنزسے شکست

    پی ایس ایل7:کوئٹہ گلیڈی ایٹرز کو پشاور زلمی سے 24 رنزسے شکست

    لاہور: پی ایس ایل7:کوئٹہ گلیڈی ایٹرز کو پشاور زلمی سے 24 رنزسے شکست

    کوئٹہ گلیڈی ایٹرز کے خلاف میچ کے لئے پشاور زلمی کے سکواڈ میں کپتان وہاب ریاض، حضرت اللہ زازائی، محمد حارث، شعیب ملک، حسین طلعت، لیام لیونگسٹون،شیرفین ردرفورڈ، بین کٹنگ، سلمان ارشاد، عثمان قادر اور محمد عمر شامل تھے۔ لاہور:پاکستان سپر لیگ (پی ایس ایل) کے ساتویں ایڈیشن کے دوسرے مرحلے میں پشاور زلمی نے کوئٹہ گلیڈی ایٹرز کو 24 رنز سے شکست دے دی ہے۔

    لاہور کے قذافی سٹیڈیم میں پی ایس ایل 7 کا دوسرا مرحلہ جاری ہے، ایونٹ کے 22 ویں میچ کے لئے پشاور زلمی کے کپتان وہاب ریاض  نے ٹاس جیت کر کوئٹہ گلیڈی ایٹرز کے قائد سرفراز احمد کو پہلے فیلڈنگ کی دعوت دی تھی۔

    کوئٹہ گلیڈی ایٹرز اننگز

     

    پشاور زلمی کے 186 رنز ہدف کے تعاقب میں کوئٹہ گلیڈی ایٹرز کی جانب سے جیسن روئے اور ول سمیڈ نے اننگز کا آغاز کیا ، تاہم روئے 13 سکور بناکر ہی پویلین لوٹ گئے جبکہ ول سمیڈی ایونٹ کے دوران مسلسل دوسری مرتبہ بدقسمت ثابت ہوئے، صرف 1 رن کے فرق سے اپنی سنچری مکمل نہ کرسکے اور 3 چھکوں اور 12 چوکوں کی مدد سے 60 گیندوں پر 99 رنز کی اننگز کھیل کر سلمان ارشاد کی گیند پر کلین بولڈ ہوگئے، قبل ازیں پشاور زلمی کے ہی خلاف اوپننگ بیٹر 97 سکور پر پویلین لوٹ گئے تھے۔

    جیمز ونس صفر، کپتان سرفراز احمد 25 ، افتخار احمد 10 اور عمر اکمل صرف 1 رن پر وکٹ گنوا بیٹھے جبکہ سہیل تنویر 2 اور نور احمد صفر پر آؤٹ ہوئے، خرم شہزاد صفر اور نسیم شاہ 5 رنز پر ناٹ آؤٹ رہے، پشاور زلمی کےعثمان قادر نے سب سے زیادہ 3 شکار کئے، سلمان ارشاد نے 2، لیام لیونگسٹون، وہاب ریاض اور حسین طلعت نے 1،1 کھلاڑی کو پویلین کی راہ دکھائی۔

    اس طرح کوئٹہ گلیڈی ایٹرز کی ٹیم 186 رنز ہدف کے تعاقب میں ناکام رہی اور مقررہ 20 اوورز میں 8 وکٹ کے نقصان پر 161 سکور بناسکی۔

    پشاور زلمی اننگز

    کوئٹہ گلیڈی ایٹرز کے خلاف پشاور زلمی کی جانب سے حضرت اللہ زازائی اور محمد حارث نے اننگز کا آغاز کیا، زازائی 1، محمد حارث 29، لیام لیونگسٹون صفر، شعیب ملک 58،حسین طلعت51، شرفین ردرفورڈ صفر اور بین کٹنگ 36 رنز بناکر پویلین لوٹے جبکہ وہاب ریاض1، عثمان قادر صفر پر ناٹ آؤٹ رہے، نسیم شاہ نے سب سے زیادہ 4 کھلاڑیوں کو آؤٹ کیا، خرم شہزاد، غلام مدثر اور افتخار احمد نے ایک، ایک وکٹ اپنے نام کی۔

     

    پشاور زلمی کی ٹیم مقررہ 20 اوورز میں 7 وکٹ کے نقصان پر 185 رنز بناسکی۔

    کوئٹہ گلیڈی ایٹرز سکواڈ

    پشاور زلمی کے خلاف میچ کے لئے کوئٹہ گلیڈی ایٹرز کے سکواڈ میں کپتان سرفراز احمد، جیسن روئے، ول سمیڈ، جیمز ونس، عمر اکمل، افتخار احمد، نور احمد، سہیل تنویر، نسیم شاہ، غلام مدثر اور خرم شہزاد شامل تھے۔

    پشاور زلمی سکواڈ

  • پی ایس ایل 7: بابراعظم کی قیادت میں‌ کراچی کی مسلسل چھٹی شکست، پشاور55 رنز سے کامیاب

    پی ایس ایل 7: بابراعظم کی قیادت میں‌ کراچی کی مسلسل چھٹی شکست، پشاور55 رنز سے کامیاب

    لاہور:پی ایس ایل 7: کراچی کی مسلسل چھٹی شکست، پشاور 55 رنز سے کامیاب ،اطلاعات ہیں کہ پاکستان سپر لیگ (پی ایس ایل) کے ساتویں سیزن کے 19ویں میچ میں پشاور زلمی نے کراچی کنگز کو 55 رنز سے شکست دیدی۔

    لاہور کے قذافی اسٹیڈیم میں کھیلےگئے میچ میں کراچی کنگز نے ٹاس جیت کر پشاور زلمی کو بیٹنگ کی دعوت دی، پشاور زلمی نے پہلے کھیلتے ہوئے مقررہ 20 اوورز میں 6 وکٹوں کے نقصان پر 193 رنز بنائے۔194 رنز کے ہدف کے جواب میں کراچی کنگز 6 وکٹوں کے نقصان پر 138رنز ہی بناسکی۔

    پشاور زلمی کی اننگز میں حضرت اللہ زازئی 52 رنزبناکر نمایاں رہے، ان کے علاوہ محمد حارث نے 49، شعیب ملک نے 31 اور بین کٹنگ نے26 رنزبنائے۔کراچی کنگز کی جانب سےکرس جارڈن نےتین وکٹیں حاصل کیں، محمد نبی،قاسم اکرم اور عمید آصف نےایک، ایک کھلاڑی کو آؤٹ کیا۔

    کراچی کنگز کی جانب سےکپتان بابراعظم 59 رنز بناکر نمایاں رہے، جوکلارک 26، محمد نبی 15، شرجیل خان اور کک بین 14 ،14 رنز بناسکے، عامریامین 6 رنز بناکر آؤٹ ہوئے۔زلمی کی جانب سے وہاب ریاض اور سلمان ارشاد نے 2،2 جب کہ محمد عمر اور لیام لیونگسٹن نے ایک، ایک وکٹ حاصل کی۔

    خیال رہےکہ کراچی کنگز کی رواں پی ایس ایل میں یہ مسلسل چھٹی شکست ہے،کراچی کی ٹیم 6 میچز کھیل چکی ہے جس میں سے ایک میں بھی کامیابی حاصل نہیں کرسکی۔

  • پی ایس ایل7:اسلام آباد یونائیٹڈ کو5 وکٹ سے شکست دیکرکوئٹہ گلیڈی ایٹرزجیت گئی

    پی ایس ایل7:اسلام آباد یونائیٹڈ کو5 وکٹ سے شکست دیکرکوئٹہ گلیڈی ایٹرزجیت گئی

    لاہور: پاکستان سپر لیگ (پی ایس ایل) کے ساتویں ایڈیشن میں سنسنی خیز مقابلے کے بعد جیسن روئے اور کپتان کی شاندار بیٹنگ کے باعث کوئٹہ گلیڈی ایٹرز اسلام آباد یونائیٹڈ کیخلاف ’سرفراز‘ ہو گیا۔

    پاکستان سپر لیگ (پی ایس ایل) 7 کے 18 ویں میچ میں کوئٹہ گلیڈی ایٹرز کے کپتان سرفراز احمد نے ٹاس جیت کر اسلام آباد یونائیٹڈ کے کپتان شاداب خان کو بیٹنگ کی دعوت دی۔

    اسلام آباد یونائیٹڈ بیٹنگ:

    اسلام آباد یونائیٹڈ کی طرف سے اننگز کا آغاز رحمن اللہ گرباز اور الیکس ہیلز نے کیا جبکہ گلیڈی ایٹرز کی طرف سے پہلا اوور شاہد آفریدی نے کیا۔

    دونوں اوپنرز نے شروع سے ہی جارحانہ انداز میں بیٹنگ کی ، ایلکس ہیلز اور رحمن اللہ گرباز نے زبردست انداز میں بیٹنگ کرتے ہوئے سکور کو 48 تک پہنچایا تو فاسٹ باؤلر نسیم شاہ نے افغان بیٹر کو بولڈ کر دیا۔ جنہوں نے 13 گیندوں پر 19 رنز کی باری کھیلی۔

    100 کے مجموعی سکور پر کپتان شاداب خان 12 گیندوں پر 12 سکور بنا کر چلتے بنے، ایلکس ہیلز کی اننگز کا خاتمہ 102 کے مجموعی سکور پر ہوا، انگلش بیٹر 38 گیندوں پر 62 رنز کی جارحانہ باری کھیل کر رن آؤٹ ہو گئے۔

    اسی دوران اسلام آباد یونائیٹڈ کے بیٹسمین یکے بعد دیگرے پویلین لوٹتے رہے۔ اخلاق 0، اعظم خان صفر، آصف علی 6 رنز بنا کر ہمت ہار بیٹھے۔

    تاہم اس دوران فہیم اشرف نے جارحانہ انداز اپنایا اور 25 گیندوں پر برق رفتار ففٹی مکمل کی اور وکٹ کے چاروں اطراف زبردست شارٹس کھیلے، آل راؤنڈر 28 گیندوں پر 55 رنز بنا کر آؤٹ ہوئے۔

    اسلام آباد یونائیٹڈ نے مقررہ اوورز میں 199 رنز بنائے۔ شاہد آفریدی، جیمز فالکنر نے دو شکار کیے۔

    کوئٹہ گلیڈی ایٹرز بیٹنگ:

    ہدف کے تعاقب میں کوئٹہ گلیڈی ایٹرز کی جانب سے اوپنرز جیسن روئے اور احسان علی نے بیٹنگ کا آغاز کیا، دونوں نے ابتداء سے ہی جارحانہ انداز میں بیٹنگ کرتے ہوئے سکور کو برق رفتاری سے آگے بڑھایا۔

    اپنے دوسرے میچ میں جیسن روئے نے ففٹی مکمل کی تاہم 88 رنز کے مجموعی سکور پر انگلش بیٹر 54 سکور بنا کر پویلین لوٹ گئے، شاداب خان نے قیمتی وکٹ حاصل کی، احسان علی 92 سکور پر پویلین لوٹے۔ دیگر بیٹسمینوں میں جیمز وینس 29، افتخار احمد 4 آؤٹ ہوئے۔

    آخری لمحات میں عمر اکمل اور سرفراز احمد کی شاندار بیٹنگ کی۔ سکینڈ لاسٹ اوور میں عمر اکمل 8 گیندوں پر 23 رنز بنا کر پویلین لوٹ گئے۔

    کپتان نے 50 رنز کی ناٹ آؤٹ اننگز کھیلی۔ کوئٹہ گلیڈی ایٹرز نے ہدف آخری اوور میں 5 وکٹوں کے نقصان پر حاصل کیا، شاداب خان نے 3 وکٹیں حاصل کیں۔
     

     

    کوئٹہ گلیڈی ایٹرز سکواڈ:

    جیسن روئے، احسان علی، جیمز وینس، سرفراز احمد (کپتان) ، افتخار احمد، عمر اکمل، شاہد آفریدی، نور احمد، جیمز فالکنر، نسیم شاہ، غلام مدثر

    اسلام آباد یونائیٹڈ سکواڈ:

    محمد اخلاق، الیکس ہیلز، رحمان اللہ گرباز، شاداب خان (کپتان) ، اعظم خان، آصف علی، لیام ڈاؤسن، فہیم اشرف، وسیم جونیئر، حسن علی، ذیشان ضمیر

  • قوم کو جوئے پرلگا دیا،سب کچھ بند کردیا،قذافی سٹیڈیم کے نواح میں رہنے والی خاتون برس پڑی

    قوم کو جوئے پرلگا دیا،سب کچھ بند کردیا،قذافی سٹیڈیم کے نواح میں رہنے والی خاتون برس پڑی

    لاہور:قوم کو جوئے پرلگا دیا،سب کچھ بند کردیا،قذافی سٹیڈیم کے نواح میں رہنے والی خاتون برس پڑی:اطلاعات کے مطابق ایک طرف لاہور میں پی ایس ایل کے میچز ہورہےہیں تو دوسری طرف عوام خوار ہورہےہیں‌ ، اس حوالے سے عوام الناس نے سخت ردعمل کا اظہار کیا ہے ،

    سوشل میڈیا پر اس حوالے سے کچھ ویڈیوز بھی وائرل ہوئی ہیں جن میں اہل لاہور نے اپنی بے بسی کا اظہار کیا ہے ، ایک خاتون جو کہ اپنے گھر کو جانا چاہتی ہیں پولیس والوں انہیں اس لیے روک رکھا ہےکہ چونکہ پی ایس ایل کی وجہ سے ٹریفک پلان تبدیل ہے اس لیے آپ اس راستے سے اپنے گھر کو واپس نہیں جاسکتی ہیں

     

    یہ خاتون اپنی بے بسی پر آہ وکناں کرتے ہوئے کہتی ہیں کہ عجیب معاملہ ہےکہ پی ایس ایل کے نام پر قوم کو بخار چڑھا دیا گیا ہے ، ہر طرف اس ٹورنامنٹ کی وجہ سے لوگ پریشان ہیں اور اس حد تک پریشان ہیں کہ کسی کو کوئی سمجھ نہیں آرہی

    خاتون کا کہنا تھا کہ مجھے بتائیں کہ جوئے کے سوا یہ کیا ہے، قوم کو باندھ کرجکڑ کردیا گیا ہے اور ہر کوئی کاروبار کرنے سے محروم ہے ، لوگوں کو ایمرجسنی کہیں جانا ہوتو وہ بھی نہیں جاسکتے ،

    خاتون کا کہنا تھا کہ یہ انداز درست نہیں کہ ایک کھیل کےنام پرقوم کےساتھ کھلواڑ کیا جائے ، لوگوں کو اپنے امورتو نمٹانے دیئے جائیں ناکہ عوام کو پابند دیوار کردیا جائے ، ان کا یہ بھی کہنا تھا کہ اب ہمیں‌ایسی حرکتوں سے باز آجانا چاہیے