لاہور:2022 اہم سال ، پاک بھارت ٹاکروں کا سال،دنیا کی نظریں لگ گئیں ،اطلاعات کے مطابق سال 2022 میں کرکٹ کے تین عالمی مقابلے منقعد ہوں گے جن میں دیرینہ حریف پاکستان اور بھارت کم ازکم چار بار آمنے سامنے ہوں گے۔
کرکٹ ذرائع کے مطابق انڈر -19 عالمی کپ کرکٹ ٹورنامنٹ 14 جنوری سے ویسٹ انڈیز میں شروع ہوگا اور پانچ فروری تک جاری رہے گا۔ 14ویں سیزن میں 16 ٹیمیں میدان میں اتریں گی اور کل 48 میچز بھی کھیلے جائیں گے۔ 16 ٹیموں کو چار گروپ میں تقسیم کیا گیا ہے۔ بھارتی انڈر -19 گروپ بی میں آئرلینڈ، یوگنڈا اور جنوبی افریقہ کے ساتھ ہے۔ ہر گروپ کی ٹاپ-2 ٹیمیں کوارٹر فائنل میں جائیں گی۔ پاکستان کی ٹیم گروپ سی میں افغانستان، پاپوا نیوگنی اور زمبابوے کے ساتھ ہیں۔ یعنی بھارت اور پاکستان کے درمیان مقابلہ ناک آوٹ راؤنڈ میں ہوسکتا ہے۔
خواتین کا ون ڈے کرکٹ عالمی کپ بھی 2022 میں منقعد ہوگا، پہلے یہ ٹورنامنٹ 2021 میں ہونا تھا لیکن کورونا کے سبب اسے ایک سال کے لئے ملتوی کردیا گیا تھا۔ نیوزی لینڈ میں 4 مارچ سے تین اپریل تک اس کا انعقاد کیا جائے گا۔ ٹورنا منٹ کے 12ویں سیزن میں کل 8 ٹیمیں اتر رہی ہیں۔ سبھی کو ایک دوسرے سے مقابلہ کھیلنا ہے۔ یعنی ایک ٹیم کو لیگ راؤنڈ میں سات مقابلے کھیلنے ہیں۔
یہ بھی کہاجارہاہے کہ اس دوران بھارت اور پاکستان دونوں ٹیمیں ٹورنامنٹ میں اتر رہی ہیں۔ دونوں لیگ راؤنڈ میں تو مدمقابل ہوں گی ہی۔ اگر دونوں ناک آوٹ راؤنڈ میں پہنچتی ہیں تو ان کے درمیان ایک بار پھر مقابلہ دیکھنے کو مل سکتا ہے۔ لیگ راؤنڈ کے بعد ٹاپ-4 ٹیمیں سیمی فائنل میں جائیں گی۔
ٹی-20 عالمی کرکٹ کپ کے آٹھویں سیزن کا انعقاد آسٹریلیا میں ہونا ہے۔ ٹورنامنٹ کے مقابلے 16 اکتوبر سے 13 نومبر تک ہونے ہیں۔ کل 16 ٹیمیں اس میں اتر رہی ہیں اور 45 میچز ہوں گے۔ بھارت اور پاکستان دونوں اس ٹورنامنٹ میں حصہ لے رہے ہیں ابھی تک ٹورنامنٹ کے پروگرام کا اعلان نہیں ہوا ہے، لیکن لیگ یا ناک آؤٹ راؤنڈ میں دونوں ممالک کے درمیان مقابلہ ہوسکتا ہے۔
