Tag: کرکٹ

پاکستان کرکٹ ٹیم کے فاسٹ بولر حارث رؤف نے آسٹریلیا کے خلاف دوسرے ون ڈے میچ میں اپنے کیریئر کا ایک اور اہم سنگ میل عبور کیا ہے

آسٹریلیا کے خلاف ایڈیلیڈ میں کھیلے گئے دوسرے ون ڈے میچ میں حارث رؤف نے شاندار بولنگ کا مظاہرہ کرتے ہوئے 8 اوورز میں صرف 29 رنز دے کر 5 وکٹیں حاصل کی ہیں،لاہور قلندرز کے پلیئر ڈیولپمنٹ پروگرام سے ابھرنے والے حارث رؤف نے 30 اکتوبر 2020 کو اپنے ون ڈے کیریئر کا آغاز کیا۔ اس کے بعد سے انہوں نے 39 میچز میں 77 وکٹیں حاصل کی ہیں، جو اس عرصے میں کسی بھی فل ممبر ٹیم کے فاسٹ بولر کی سب سے زیادہ وکٹیں ہیں۔ اس دوران صرف عمان کے بلال خان 83 وکٹوں کے ساتھ حارث سے آگے ہیں، جبکہ عمان آئی سی سی کی ایسوسی ایٹ ممبر ٹیم ہے۔حارث کی یہ کارکردگی پاکستان کے کسی بھی بولر کے ابتدائی 39 میچز میں سب سے زیادہ وکٹوں کا ریکارڈ ہے۔ آج ایڈیلیڈ میں 5 وکٹیں لے کر انہوں نے اسپنر ثقلین مشتاق اور فاسٹ بولر شاہین آفریدی کا ریکارڈ توڑ دیا، جنہوں نے اپنے ابتدائی 39 میچز میں 76، 76 وکٹیں حاصل کی تھیں۔

دنیا کے دیگر فاسٹ بولرز میں آسٹریلیا کے مچل اسٹارک نے 39 میچز میں 79 وکٹیں حاصل کیں، جبکہ عمان کے بلال خان کی بھی 39 میچز میں 83 وکٹیں ہیں۔ اسی طرح نیپالی اسپنر سندیپ لمیچانے نے اپنے ابتدائی 39 ون ڈیز میں 93 وکٹیں حاصل کیں، افغانستان کے راشد خان نے 90، اور بھارت کے کلدیپ یادو نے 77 وکٹیں حاصل کیں۔

: تین ایک روزہ میچوں کی سیریز کے دوسرے میچ میں پاکستان نے آسٹریلیا کو 9 وکٹوں سے شکست دیکر سیریز ایک ایک سے برابر کر دی ہے

ایڈیلیڈ میں کھیلے گئے میچ میں ہدف کے تعاقب میں پاکستان کی جانب سے اننگز کا آغاز عبد اللہ شفیق اور صائم ایوب نے کیا ،قومی ٹیم کا پہلا کھلاڑی 137 رنز پر آؤٹ ہوا، صائم ایوب 82 رنز بنا کر آؤٹ ہوئے، ان کی اننگز میں 6 چھکے اور 5 چوکے شامل تھے،صائم ایوب کے عد عبد اللہ شفیق اور بابر اعظم نے اسکور آگے بڑھایا اور ٹیم کو جیت سے ہمکنار کرایا، عبد اللہ شفیق 64 اور بابر اعظم 15 رنز بنا کر ناقابل شکست رہے،آسٹریلیا کی جانب سے واحد وکٹ ایڈم زمپا نے حاصل کی، انہوں نے 44 رنز دیے

قبل ازیں دوسرا ون ڈے میچ، پاکستان بمقابلہ آسٹریلیا، آسٹریلیا کی پوری ٹیم 163 رنز بنا کر آؤٹ ہو گئی تھی،پاکستان اور آسٹریلیا کے درمیان میچ ایڈیلیڈ اوول گراؤنڈ میں کھیلاگیا، جہاں قومی ٹیم کے کپتان محمد رضوان نے ٹاس جیت کر آسٹریلوی کپتان پیٹ کمنز کو پہلے بیٹنگ کرنے کی دعوت دی ،آسٹریلیا کی جانب سے اننگز کا آغاز جیک فریزر اور میتھیو شارٹ نے کیا لیکن دونوں کھلاڑیوں کو شاہین شاہ آفریدی نے آغاز میں ہی پویلین لوٹا دیا، جیک فریزر 13 رنز بنا کر کیچ آؤٹ ہوئے جبکہ میتھیو شارٹ کو شاہین نے ایل بی ڈبلیو کیا،آسٹریلیا کے تیسرے آؤٹ ہونے والے کھلاڑی جوش انگلس تھے جو 18 رنز بنا کر حارث رؤف کا شکار بنے، مارنس لبوشین کو بھی حارث نے ہی پویلین کی راہ دکھائی،محمد حسنین نے آسٹریلیا کے سیٹ بیٹر سٹیو سمتھ کو 35 رنز پر وکٹوں کے پیچھے کیچ آؤٹ کرایا جبکہ سٹار بیٹر گلین میکسویل ایک بار پھر بڑی اننگز کھیلنے میں ناکام رہے اور 16 رنز بنا کر حارث رؤف کی گیند پر بولڈ ہو گئے،آل راؤنڈر ایرون ہارڈی کو حارث رؤف نے 13 کے انفرادی سکور پر رضوان کے ہاتھوں کیچ آؤٹ کرایا جبکہ فاسٹ باؤلر مچل سٹارک صرف ایک رن بنا کر نسیم شاہ کی گیند پر رضوان کو کیچ تھما بیٹھے تاہم آسٹریلوی کپتان پیٹ کمنز حارث رؤف کا پانچواں شکار بنے، آسٹریلیا کی آخری وکٹ ایڈم زمپا کی گری وہ 18 رنز بنا کر شاہین آفریدی کی گیند پر بولڈ ہو گئے،پاکستان کی جانب سے حارث رؤف نے 5، شاہین آفریدی نے 3، محمد حسنین اور نسیم شاہ نے ایک ایک وکٹ حاصل کی۔

دوسرے ون ڈے میچ میں قومی کپتان محمد رضوان نے ٹاس جیت کر پہلے باؤلنگ کا فیصلہ کیا،ایڈیلیڈ میں ٹاس جیت کر بات کرتے ہوئے قومی کرکٹ ٹیم کے کپتان محمد رضوان نے کہا ہے کہ پاکستان کی پلیئنگ الیون میں کوئی تبدیلی نہیں کی گئی، پہلے میچ والی ٹیم کو برقرار رکھا گیا ہے،اس موقع پر آسٹریلوی کپتان پیٹ کمنز نے کہا کہ ہم بھی ٹاس جیت جاتے تو پہلے باؤلنگ ہی کرتے، پلیئنگ الیون میں ایک تبدیلی کی گئی ہے، سین ایبٹ کی جگہ جوش ہیزل ووڈ کی ٹیم میں واپسی ہوئی ہے۔

قومی ٹیم میں کپتان محمد رضوان، عبداللہ شفیق، صائم ایوب، بابر اعظم، کامران غلام، سلمان علی آغا، عرفان خان نیازی، شاہین شاہ آفریدی، نسیم شاہ، حارث رؤف اور محمد حسنین شامل ہیں۔

آسٹریلوی سکواڈ میں کپتان پیٹ کمنز، میتھیو شارٹ، جیک فریزر، سٹیو سمتھ، جوش انگلس، مارنوس لبوشین، گلین میکسویل، ایرون ہارڈی، جوش ہیزل ووڈ، مچل سٹارک اور ایڈم زمپا شامل ہیں۔

آسٹریلیا کے خلاف شاندار جیت پر اپنی کرکٹ ٹیم پر فخر ہے،وزیراعظم
اسلام آباد: وزیر اعظم شہباز شریف نے آسٹریلیا کے خلاف شاندار فتح پر پاکستانی کرکٹ ٹیم کو مبارکباد دی ہے۔ انہوں نے اس کامیابی کو ٹیم کی محنت اور لگن کا نتیجہ قرار دیتے ہوئے کہا کہ "ہمیں یقین تھا کہ آپ کے اندر یہ صلاحیت ہے! یہ ایک اور شاندار کھیل تھا۔”وزیر اعظم نے پاکستان کرکٹ بورڈ (پی سی بی) کے چیئرمین، محسن نقوی اور پوری کرکٹ ٹیم کو اس فتح پر سراہا۔وزیراعظم شہباز شریف نے کپتان محمد رضوان کی قیادت کو سراہا، جنہوں نے نہ صرف ٹیم کی بہترین رہنمائی کی بلکہ چھ شاندار کیچز بھی پکڑے۔ ساتھ ہی،صائم ایوب کی 82 رنز کی عمدہ اننگز اور حارث رؤف کے پانچ وکٹوں کی جیت پر ان کی بے پناہ کوششوں کی بھی تعریف کی۔وزیر اعظم نے کہا کہ "ہماری ٹیم کی روح بلند ہے، اور امید ہے کہ وہ مزید کامیابیاں حاصل کرے گی۔ اس کامیابی سے پوری قوم کا سر فخر سے بلند ہو گیا ہے۔”انہوں نے کرکٹ ٹیم کو مزید کامیابیاں حاصل کرنے کی دعائیں دیتے ہوئے کہا کہ "گھر واپس آنے پر یہ کامیابیاں ہمیں مزید فخر دلائیں گی۔”

آسٹریلیا کو ہوم گراؤنڈ میں شکست دے کر کھلاڑیوں نے دل جیت لیے.محسن نقوی
آسٹریلیا کے خلاف تاریخ ساز فتح، ویلڈن گرین شرٹس ویلڈن.چئیرمین پی سی بی محسن نقوی نے آسٹریلیا کے خلاف جیت پر قومی کرکٹ ٹیم کو شاباش دی ہے، چیئرمین پی سی بی محسن نقوی کا کہنا تھا کہ تمام کھلاڑیوں کو دل کی اتھاہ گہرائیوں سے مبارکباد دیتا ہوں. حارث روف ،شاہین آفریدی کی شاندار باولنگ نے فتح میں اہم کردار ادا کیا.کپتان محمد رضوان نے عمدہ کیپنگ کرتے ہوئے 6 کیچ پکڑے.صائم ایوب اور عبداللہ شفیق نے ذمہ دارانہ بیٹنگ کرکے کامیابی دلائی. حارث روف ،شاہین آفریدی،محمد رضوان،صائم ایوب اور عبداللہ شفیق تحسین کے مستحق ہیں.کھلاڑیوں نے فیلڈنگ،باولنگ اور بیٹنگ میں شاندار کارکردگی دکھائی.آسٹریلیا کو ہوم گراؤنڈ میں شکست دے کر کھلاڑیوں نے دل جیت لیے.آسٹریلیا کے خلاف بڑی جیت پر کھلاڑیوں نے قوم کو خوشیاں دی ہیں. میدان میں ٹیم ورک کا بہترین مظاہرہ نتیجہ جیت کی صورت میں سامنے آیا.آسٹریلیا کے خلاف میچ میں فتح سے کھلاڑیوں کا مورال بڑھے گا. قومی ٹیم آنے والے میچوں میں بہترین پرفارمنس کا تسلسل برقرار رکھے گی،

قومی ٹیم کی ون ڈے میچ میں بہترین کارکردگی لائق تحسین ہے،ایاز صادق
اسپیکر قومی اسمبلی سردار ایاز صادق نے قومی کرکٹ ٹیم کو آسٹریلیا کی سر زمین پر ون ڈے میچ میں تاریخی فتح پر مبارکباد دی ہے،اور کہا ہے کہ قومی کرکٹ ٹیم نے آسٹریلوی ٹیم کو اس کے ہوم گراؤنڈ پر 9 وکٹوں سے شکست دے کرتاریخی فتح حاصل کی،پوری ٹیم نے شاندار کارکردگی کا مظاہرہ کیا، عبداللہ شفیق، صائم ایوب اورحارث رؤف نے شاندار کھیل پیش کیا، قومی ٹیم کی ون ڈے میچ میں بہترین کارکردگی لائق تحسین ہے، امید ہے کہ قومی کرکٹ ٹیم مستقبل میں بھی اسی روایت کو برقرار رکھے گی، قومی کرکٹ ٹیم کسی بھی ملک کے خلاف میچ جیتنے کی صلاحیت رکھتی ہے،

بڑی ٹیم کے خلاف بڑی فتح پوری قوم کے لیے باعث فخر ہے۔علیم خان
وفاقی وزیر نجکاری عبدالعلیم خان نے قومی ٹیم کو مبارکباد دیتے ہوئے کہا کہ شاہینوں کی شاندار فتح، تین ایک روزہ میچوں کی سیریز میں آسٹریلیا کے خلاف دوسرے میچ میں کامیابی پر قومی ٹیم کو مبارکباد۔ حارث رؤف، صائم ایوب اور عبداللہ شفیق نے بہترین کھیل پیش کیا۔ باؤلنگ اور بیٹنگ دونوں شعبوں میں مخالفین کی ایک نہ چلنے دی۔ بڑی ٹیم کے خلاف بڑی فتح پوری قوم کے لیے باعث فخر ہے۔ امید ہے قومی ٹیم تیسرے ایک روزہ میچ میں بھی کامیابی حاصل کر کے سیریز اپنے نام کرے گی۔

امید ہے پاکستانی کرکٹ ٹیم فتح کا تسلسل برقرار رکھے گی،وزیراعلیٰ پنجاب
وزیر اعلیٰ پنجاب مریم نواز شریف نے آسٹریلیا کیخلاف ایڈیلیڈ میچ میں فتح پر مبارکباد دی ہے، وزیراعلیٰ پنجاب مریم نواز نے حارث رؤف ،صائم ایوب اور عبداللہ شفیق کی شاندار کارکردگی کو سراہا اور کہا کہ امید ہے پاکستانی کرکٹ ٹیم فتح کا تسلسل برقرار رکھے گی،

آسٹریلوی کرکٹر میتھیو ویڈ نے انٹرنیشنل کرکٹ سے ریٹائرمنٹ کا اعلان کر دیا ہے۔

میڈیا رپورٹس کے مطابق، 36 سالہ میتھیو ویڈ اب اپنے کوچنگ کیریئر کا آغاز کرنے جا رہے ہیں۔ وہ پاکستان کے خلاف ہونے والی سیریز میں کوچنگ اسٹاف کا حصہ ہوں گے، میتھیو ویڈ نے اپنے کرکٹ کیریئر میں 36 ٹیسٹ، 97 ون ڈے اور 92 ٹی ٹوئنٹی میچز میں آسٹریلیا کی نمائندگی کی۔وہ مستقبل میں تسمانیہ کی جانب سے ڈومیسٹک کرکٹ کھیلتے رہیں گے اور رواں سیزن میں بگ بیش لیگ میں ہوبارٹ ہیوریکینز کے لیے بھی کھیلیں گے۔

میتھیو ویڈ کی ریٹائرمنٹ کرکٹ کی دنیا کے لیے ایک اہم لمحہ ہے۔ ان کا تجربہ اور کارکردگی کئی نوجوان کھلاڑیوں کے لیے مثال بنے گی۔ کوچنگ کی دنیا میں ان کا سفر بھی دلچسپ ہوگا، خاص طور پر وہ جب پاکستان کے خلاف سیریز میں شامل ہوں گے۔ ان کا ڈومیسٹک کرکٹ میں کھیلنا اور بگ بیش لیگ میں ہوبارٹ ہیوریکینز کے ساتھ رہنا اس بات کی نشانی ہے کہ وہ کرکٹ سے جڑے رہیں گے۔ ان کی خدمات کا کرکٹ میں مزید استعمال یقینی طور پر اس کھیل کے لیے فائدہ مند ہوگا۔

میتھیو ویڈ آسٹریلیا کے ایک مشہور کرکٹر ہیں، جو 26 مئی 1988 کو ٹاسمانی میں پیدا ہوئے، وہ ایک باصلاحیت وکٹ کیپر بلے باز ہیں اور ان کی کرکٹ کی دنیا میں شراکتیں یادگار رہی ہیں۔میتھیو کے بچپن کا زیادہ تر وقت کرکٹ کے میدانوں میں گزرا۔ ان کے والد ایک مقامی کرکٹر تھے، جو ہمیشہ انہیں کھیلنے کے لیے حوصلہ افزائی کرتے تھے۔ میتھیو نے چھوٹی عمر سے ہی اپنی محنت اور لگن سے کرکٹ میں مہارت حاصل کی۔ انہوں نے اپنے دوستوں کے ساتھ محلے کی گلیوں میں کھیلنا شروع کیا، جہاں انہوں نے اپنی بیٹنگ اور وکٹ کیپنگ کی مہارت کو نکھارا۔میتھیو نے اپنی تعلیم مکمل کرنے کے بعد ٹاسمانی کی انڈر-19 ٹیم میں شمولیت اختیار کی۔ وہاں ان کی شاندار کارکردگی نے انہیں ریاستی ٹیم میں جگہ دلائی۔ ان کی قابلیت اور محنت نے انہیں بہت جلد آسٹریلوی کرکٹ ٹیم کے لیے منتخب ہونے کی راہ ہموار کی۔2012 میں، میتھیو ویڈ نے آسٹریلوی قومی ٹیم کے لیے اپنا پہلا میچ کھیلا۔ انہوں نے اپنی شاندار بیٹنگ اور وکٹ کیپنگ کی مہارت کی بدولت بہت جلد اپنے آپ کو ثابت کیا۔ ان کی ایک خاص بات یہ تھی کہ وہ مشکل حالات میں بھی پُر اعتماد رہتے تھے، جو انہیں بہترین کارکردگی کا مظاہرہ کرنے میں مدد دیتی تھی۔میتھیو کے کیریئر میں کئی چیلنجز آئے، جیسے کہ انجری اور فارم میں اتار چڑھاؤ، لیکن انہوں نے کبھی ہار نہیں مانی۔ انہوں نے اپنی محنت اور عزم کے ذریعے ان تمام مشکلات کا مقابلہ کیا۔ ان کی شاندار اننگز اور شاندار وکٹ کیپنگ نے انہیں دنیا کے بہترین کھلاڑیوں میں شامل کر دیا۔2016 میں ایک اہم میچ کے دوران، میتھیو نے اپنی بہترین کارکردگی کا مظاہرہ کیا۔ انہوں نے حریف ٹیم کے خلاف 100 رنز بنائے، جس کی بدولت آسٹریلیا نے میچ جیت لیا۔ اس اننگز نے نہ صرف ان کے کیریئر کی رفتار کو بڑھایا بلکہ ان کے مداحوں کے دلوں میں بھی ایک خاص مقام بنا دیا۔میتھیو کی شادی 2015 میں بچپن کی دوست سے ہوئی تھی، اب ان کے دو بچے ہیں، جن کے ساتھ وہ اپنا زیادہ تر وقت گزارتے ہیں۔ وہ اپنے بچوں کو بھی کرکٹ کے کھیل میں دلچسپی لینے کی حوصلہ افزائی کرتے ہیں، تاکہ وہ بھی اپنے والد کے نقش قدم پر چل سکیں۔

غیر ملکی کوچز لگانے کافائدہ کیا ہے؟سابق ٹیسٹ کرکٹر عبدالرؤف کی باغی ٹی وی سے گفتگو

فخر زمان کو بابر کے حق میں بولنا پڑا مہنگا،بابر اعظم فخر کونکالے جانے پر خاموش کیوں؟

نئے کھلاڑیوں کو موقع دینے سے نتیجہ جیت کی صورت میں آیا۔محسن نقوی

جیت کا سارا کریڈٹ پاکستانی عوام کو ملنا چاہیے۔شان مسعود

چئیرمین پی سی بی محسن نقوی نے انگلینڈ کے خلاف فیصلہ کن ٹیسٹ میچ اور سیریز جیتنے پر کھلاڑیوں اور مینجمنٹ کو مبارکباد دی

چیئرمین پی سی بی محسن نقوی کا کہنا تھا کہ آپ متحد ہو کر کھیلے تو کامیابی نے قدم چومے۔ شروع دن سے ہی ٹیم ورک کی ضرورت پر زور دیا اور آج رزلٹ سب کے سامنے ہے۔ تمام کھلاڑیوں اور پوری مینجمنٹ کو مبارک دیتا ہوں۔ اس جیت کی ٹیم اور قوم کو بہت ضرورت تھی ۔ مسائل کا اندازہ تھا۔ ایشوز حل کئے تو رزلٹ آپ کے سامنے ہے ۔ نئے کپتان کے لیے مشاورت کا عمل جاری ہے۔کپتان جو بھی ہو گا ٹیم کے لئے بہترین ہو گا۔سب نے دیکھا کہ نئے کھلاڑیوں کو موقع دینے سے نتیجہ جیت کی صورت میں آیا۔ ٹیم نے فائٹ کی۔ اچھی جیت ملی اور اس ضمن میں بہت محنت کی گئی۔ اچھی کارکردگی دکھانے والے کھلاڑیوں کی حوصلہ افزائی کریں گے۔ سنٹرل کنٹریکٹ کے عمل کو جلد حتمی شکل دیں گے۔ آج کی فتح سے قوم بہت خوش ہے اور قوم کی خوشی آئندہ بھی برقرار رہنی چاہیے۔ جیت کے تسلسل کو برقرار رکھنا ہے۔نوجوان اور تجربہ کار کھلاڑیوں دونوں کی ضرورت ہے۔

کپتان شان مسعود نے چئیرمین پی سی بی محسن نقوی کو کھلاڑیوں کے دستخط والی شرٹ دی،مینجر ٹیم نوید اکرم چیمہ کا کہنا تھا کہ چیئرمین پی سی بی محسن نقوی نے کھلاڑیوں کی بہت حوصلہ افزائی کی۔ چیئرمین پی سی بی نے ٹیم اور کھلاڑیوں کے لئے اچھے اقدامات اور فیصلے کیے ۔

جیت کا سارا کریڈٹ پاکستانی عوام کو ملنا چاہیے۔شان مسعود

پاکستان پنڈی ٹیسٹ جیت گیا، ساڑھے تین سال بعد سیریز میں فاتح

بابر اعظم ،شاہین آفریدی اور نسیم شاہ ڈراپ یا آرام دیا ؟

بابر اعظم: پاکستانی ٹیم پر بوجھ، اوقات یاد دلا دی گئی

بابر اعظم ضدی،بات نہیں مانتے تھے،محمد وسیم کا انکشاف

احساس ہو تو کچھ شرم ہوناں،احمد علی بٹ بابر اعظم پر پھٹ پڑے

بڑا فیصلہ،مبشر لقمان سپریم کورٹ، نیب جانے کو تیار،پی سی بی ،کرکٹرزپر جوڈیشل کمیشن بنے گا؟

پاکستان کرکٹ مزید زبوں حالی کا شکار،بابر ہی کپتان رہے،لابی سرگرم

بابراعظم کے بھائی کا ذریعہ آمدن بتا دیں میں چپ ہو جاؤں گا، مبشر لقمان

ہم نے سچ بولا،شوق پورا کرنا ہے تو کر لیں، احمد شہزادبابر اعظم پر پھر برس پڑے

نیوزی لینڈ نے دوسرے ٹیسٹ میں بھارت کو 113 رنز سے شکست دے کر تین میچوں کی سیریز میں فیصلہ کن برتری حاصل کر لی ہے۔

پونے میں کھیلے گئے اس میچ میں، نیوزی لینڈ نے اپنی پہلی اننگز میں 259 رنز بنائے، جبکہ بھارت کی ٹیم صرف 156 رنز پر آؤٹ ہوگئی۔ نیوزی لینڈ نے دوسری اننگز میں مزید 255 رنز بنا کر بھارت کے سامنے 359 رنز کا ہدف رکھا۔ بھارتی ٹیم تیسرے روز اس ہدف کا تعاقب کرتے ہوئے 245 رنز بنائے اور آؤٹ ہوگئی۔ یہ بھارت کی ہوم گراؤنڈ پر 12 سال بعد ٹیسٹ سیریز میں پہلی شکست ہے۔

پہلے ٹیسٹ میں بھی بنگلورو میں بھارت کو 8 وکٹوں سے شکست کا سامنا کرنا پڑا تھا، جہاں بھارتی ٹیم پہلی اننگز میں صرف 46 رنز پر ڈھیر ہو گئی تھی۔نیوزی لینڈ کی اس شاندار کارکردگی نے ثابت کیا کہ وہ بھارت کے خلاف اچھی تیاری کے ساتھ میدان میں اتری ہے۔ بھارت کے لیے یہ شکست ایک بڑی خبر ہے، خاص طور پر ہوم گراؤنڈ پر، جو ان کی کمزوریوں کی عکاسی کرتی ہے۔ ان کی بیٹنگ لائن کو مضبوط بنانے کی ضرورت ہے، خاص طور پر ہوم سیریز میں، تاکہ وہ مستقبل میں ایسی ناکامیوں سے بچ سکیں۔

پاکستان کی قومی ٹیم کے کپتان شان مسعود نے ٹیسٹ سیریز جیتنے کے بعد پریس کانفرنس کرتے ہوئے کہا ہے کہ
جیت کا کریڈٹ پاکستانیوں کو دینا چاہتا ہوں

شان مسعود کا کہنا تھا کہ مشکل وقت ہوتا ہے تب ہمیں ایک دوسرے کا ساتھ دینا چاہئے، اس وقت پاکستان کے لیے اچھا نتیجہ ملا ہم سیریز جیتے،ٹیسٹ میچ ایک دن میں ختم ہو یا زیادہ دن میں ہمیں جیتنا چاہئے،میری ذمہ داری ہے کیونکہ میں کپتان تھا، صحیح سلیکشن ہونی چاہئے، ہر چیز ایمانداری سے ہونی چاہئے کیونکہ یہ پاکستان کی ٹیم ہے،سمجھتا ہوں جیت بہت بڑا اعزاز ہے مزید ذمہ داری کا احساس دکھانا ہوگا، جیت کا سارا کریڈٹ پاکستانی عوام کو ملنا چاہیے۔

شان مسعود کا مزید کہنا تھا کہ کرکٹ ایک کھیل ہے اور ان کے ساتھ ساتھ رضوان نے اپنی قدرتی صلاحیتوں کے برعکس کھیلنے کی کوشش کی۔ انہوں نے صائم ایوب اور عبداللہ شفیق کی کارکردگی کی تعریف کی اور کہا کہ ان کی پرفارمنس ٹیم کے لیے اہم ہے، انفرادی کارکردگی کی بجائے ٹیم کی کامیابی زیادہ اہم ہے۔وہ اس بات پر بھی زور دیتے ہیں کہ پاکستان کے مستقبل کے لیے کھلاڑیوں کی تیاری ضروری ہے اور سلیکشن میں تسلسل کی ضرورت ہے۔ یہ بات افسوسناک لگتی ہے جب پاکستان میچ ہارتا ہے،

انگلینڈ کے خلاف میچ میں چیلنجز کا ذکر کرتے ہوئے، انہوں نے کہا کہ انگلینڈ کوئی معمولی ٹیم نہیں ہے، اور کنڈیشنز کا صحیح تجزیہ ضروری ہے۔ انہوں نے اس بات پر بھی روشنی ڈالی کہ اسپنرز کے لیے یہ پہلی بار اسپن کنڈیشنز میں بولنگ کرنا تھا، اور ان کا ہدف ہمیشہ مثبت نتائج نکالنا ہے چاہے کنڈیشنز جیسی بھی ہوں۔ہمیں اس بات پر داد دینی چاہئے کہ ہمارے لئے نئی چیز تھی لیکن ہم نے کیا، ہماری ٹیم ایسی ہو جہاں بھی کھیلے جیسے بھی کھیلے پاکستان کے لئے فتح ہونی چاہئے

پنجاب پولیس کا ایک اور اعزاز، 2 جوان لاہور قلندرز کی کرکٹ ٹیم کے دورہ زمبابوے کیلئے منتخب ہو گئے

ایلیٹ فورس کے کانسٹیبل عمران عارف اور اینٹی رائٹ فورس کے محمد شعیب لاہور قلندرز کے پلئیر ڈویلپمنٹ پروگرام کا حصہ بن گئے۔ دونوں کھلاڑی زمبابوے میں منعقدہ ڈومیسٹک سیزن میں اپنی صلاحیتوں کا مظاہرہ کریں گے۔آئی جی پنجاب ڈاکٹر عثمان انور سے دونوں کھلاڑیوں، کوچ ندیم عباس اور لائزون افسر سلیم جٹ نے ملاقات کی۔ ملاقات کے موقع پر پیٹرن کرکٹ پاکستان پولیس سپورٹس بورڈ ایڈیشنل آئی جی عمران محمود بھی موقع پر موجود تھے۔ آئی جی پنجاب ڈاکٹر عثمان انور کا کہنا تھا کہ پنجاب پولیس کے کھلاڑیوں کا انٹرنیشنل دوروں کیلئے منتخب ہونا قابلِ فخر ہے، ایسے با صلاحیت اتھلیٹس کی بہترین تربیت اور حوصلہ افزائی کی جا رہی ہے۔

آئی سی سی نے   ٹیسٹ پلیئرز کی نئی رینکنگ جاری کی ہے جس میں پاکستان کے قومی کھلاڑی بابر اعظم کی رینکنگ مزید نیچے چلی گئی ہے

آئی سی سی کی جانب جاری ٹیسٹ بیٹرز میں انگلینڈ کے جو روٹ اپنی پہلی پوزیشن پر قائم ہیں، نیوزی لینڈ کے کین ولیمسن دوسرے نمبر پر ،انگلینڈ کے ہیری بروک تیسرے نمبر پر ہیں،بھارت کے ریشبھ پنت 3 درجے ترقی کے بعد چھٹے نمبر پر آگئے ہیں،سابق ٹیسٹ کپتان بابر اعظم کے کیریئر کا برا ترین دور چل رہا ہے، بابر اعظم کی رینکنگ میں چار درجے کی تنزلی ہوئی ہے، بابر اعظم 19 ویں نمبر پر چلے گئے ہیں،بھارتی کھلاڑی ویرات کوہلی ایک درجے تنزلی کے بعد 8 ویں نمبر پر آ گئے ہیں،سری لنکا کے کمیندو مینڈس ایک درجے ترقی کے بعد 10 ویں جبکہ انگلینڈ کے بین ڈکٹ 3 درجے ترقی کے بعد 11 ویں نمبر پر آگئے ہیں۔

بابر اعظم ،شاہین آفریدی اور نسیم شاہ ڈراپ یا آرام دیا ؟

بابر اعظم: پاکستانی ٹیم پر بوجھ، اوقات یاد دلا دی گئی

بابر اعظم ضدی،بات نہیں مانتے تھے،محمد وسیم کا انکشاف

احساس ہو تو کچھ شرم ہوناں،احمد علی بٹ بابر اعظم پر پھٹ پڑے

بڑا فیصلہ،مبشر لقمان سپریم کورٹ، نیب جانے کو تیار،پی سی بی ،کرکٹرزپر جوڈیشل کمیشن بنے گا؟

پاکستان کرکٹ مزید زبوں حالی کا شکار،بابر ہی کپتان رہے،لابی سرگرم

بابراعظم کے بھائی کا ذریعہ آمدن بتا دیں میں چپ ہو جاؤں گا، مبشر لقمان

ہم نے سچ بولا،شوق پورا کرنا ہے تو کر لیں، احمد شہزادبابر اعظم پر پھر برس پڑے