Tag: کشمیر یوتھ الائنس

اسلام آباد:پاکستان و کشمیر کی یوتھ تنظیمات پر مشتمل کشمیر یوتھ الائنس کے رہنماءوں نے مطالبہ کیا ہے کہ عالمی برادری جموں و کشمیر میں کشمیریوں کا معاشی قتل روکنے کیلئے اقدامات کرے،مودی سرکار کشمیریوں کی نسل کشی کے ساتھ جموں وکشمیر کا معاشی قتل کرنے کیلئے منصوبہ بندی کے تحت کام کررہی ہے ان خیالات کا اظہار کشمیر یوتھ الائنس کے رہنماءوں صدر ڈاکٹر سید مجاہد گیلانی،طہٰ منیب،پلوشہ سعید ،سیکرٹری جنرل رضی طاہر ،سیکرٹری انفارمیشن نوید احمد،حمزہ رافع،کوارڈنیٹر عبداللہ خلیل ،محمد اختر ودیگر نے جمعرات کو اپنے مشترکہ بیان میں کیا ۔ یوتھ رہنماءوں کا کہنا تھا کہ ایرانی سیبوں کی درآمد سے کشمیری سیبوں کی تجارت کو نقصان پہنچا ہے،ہندوستان جموں وکشمیر میں کشمیریوں کی نسل کشی تو کئی دہائیوں سے جاری رکھے ہوئے ہے مگر ابھی مودی سرکار کے حالیہ اقدامات نے کشمیری تاجروں کو پریشانی میں مبتلا کردیا ہے،عالمی برادری نے مودی سرکار کے ایسے ہتھکنڈوں کو نہ روکا تو جموں وکشمیر میں انسانی و معاشی المیہ جنم لے سکتا ہے،صدر کشمیر یوتھ الائنس ڈاکٹر سید مجاہد گیلانی نے مزید بتایا ایرانی سیب سے نہ صرف کشمیری سیب کی قیمتیں گر رہی ہیں بلکہ ایرانی سیب کی درآمد سے سیب میں نئی بیماریاں بھی پھیلنے کا خدشہ ہے،ایرانی سیب میں چار سو سے زائد بیماریاں پائی جاتی ہیں انہی بیماریوں کے سبب بیشتر ممالک نے ایرانی سیب درآمد کرنے سے انکار کیا ہے ۔

اسلام آباد :حریت رہنما ڈاکٹر محمدقاسم فکتو کی زندگی خطرے میں ہے، قاسم فکتو کو اودھم پور جیل کے خصوصی بلاک میں تنہا کردیا گیا ہے، دیگر قیدیوں کی غیر موجودگی اور ڈاکٹر قاسم کی تنہائی سے ان کے اہل خانہ تشویش میں مبتلا ہیں، ماضی میں کووڈ19کے دوران اسی بلاک میں حریت رہنما اشرف خان صحرائی شہید ہوئے، اس معاملے میں عالمی اداروں، سفارت کاروں، ہیومن رائٹس این جی اوز اور کارکنان کو خطوط لکھ رہے ہیں،ان خیالات کا اظہار نیشنل پریس کلب اسلام آباد میں پریس کانفرنس کرتے ہوئے ڈاکٹر قاسم فکتو کے بھانجے ڈاکٹر سید مجاہد گیلانی اور حریت رہنما عبدالمتین شیخ نے کیا، کشمیر یوتھ الائنس کے مرکزی قائدین رضی طاہر،نویداحمد،ارتضیٰ محمد، عبداللہ خلیل، کاشف ظہیر کمبوہ،عامر رضا ایڈووکیٹ، ڈاکٹر عامرزادہ، آصف سیف، خنیس الرحمن اور عمرہمدانی ان کے ہمراہ تھے۔ ڈاکٹر سید مجاہد گیلانی نے کہا کہ ڈاکٹر محمد قاسم فکتو ایشیا کے طویل ترین قیدی بن چکے ہیں، انہیں جیل کی سلاخوں کے پیچھے 29سال ہونے کو ہیں اور ان کا جرم حق خود ارادیت کیلئے آواز اٹھانا ہے، انہوں نے بتایا کہ پہلی مرتبہ5فروری1993کو انہیں زیر حراست لیا گیا اور اب تک اس سارے عرصے کے دوران وہ محض 6ماہ کیلئے ضمانت پر رہا ہوئے، ان کے خلاف لگائے تمام الزامات جھوٹے، بے بنیاد اور من گھڑت ہیں، کسی بھی شخص کو زندگی کی آخری سانس تک قید رکھنے کی سزا دینے کی مثال کہیں اور نہیں ملتی، اس ضمن میں انسانی حقوق کی علمبرداروں پر ذمہ داری عائد ہوتی ہے کہ بھارت پر دبائو ڈالیں تاکہ وہ کسی قسم کی سازش سے باز رہے اور غیر قانونی سزا ختم کرے، حریت رہنما عبدالمتین شیخ نے کہا کہ مسرت عالم بھٹ، ڈاکٹر قاسم فکتو، شبیر احمدشاہ اور دختران ملت کی سربراہ آسیہ اندرابی سمیت مقبوضہ کشمیر اور بھارتی جیلوں میں کشمیر کے کئی رہنما و کارکنان زندگی کے تلخ ترین ایام گزار رہے ہیں، ان کے ساتھ غیر انسانی سلوک روا رکھا جارہا ہے، میں خود جیلوں میں اس غیرانسانی سلوک کا گواہ ہوں،عالمی ادارے اپنا کردار ادا کریں۔ سیکرٹری جنرل کشمیر یوتھ الائنس رضی طاہر نے بتایا کہ ہم مقبوضہ کشمیر کے عظیم حریت رہنما ڈاکٹر قاسم فکتو کی زندگی اور ان کے لیگل کیس کے حوالے سے چشم کشا رپورٹ عالمی اداروں کو بھجوارہے ہیں اور امید کرتے ہیں کہ انسانیت کے علمبردار مقبوضہ کشمیر کے قیدیوں کی رہائی کیلئے عملی اقدامات کریں گے۔

اسلام آباد : کشمیر یوتھ الائنس کے زیر اہتمام محسن پاکستان ڈاکٹر عبدالقدیر خان اور قائد حریت سید علی گیلانی کو خراج عقیدت پیش کرنے کیلئے نیشنل پریس کلب اسلام آباد میں آل پارٹیز یوتھ کانفرنس کا انعقاد کیا گیا، جس کی صدارت کشمیر یوتھ الائنس کے صدر ڈاکٹر سید مجاہد گیلانی نے کی جبکہ سابق صدر آزاد جموں و کشمیر سردار مسعود خان نے بطور مہمان خصوصی کانفرنس میں شرکت کی، آل پارٹیز یوتھ کانفرنس میں سیکرٹری جنرل کشمیر یوتھ الائنس رضی طاہر، نائب صدر پلوشہ سعید،سیکرٹری اطلاعات نوید احمد سمیت 40 سے زائد طلبہ و یوتھ تنظیمات کے مرکزی قائدین شریک تھے۔
سابق صدر آزاد جموں کشمیر سردار مسعود احمد خان نے کہا کہ ڈاکٹر عبدالقدیر خان اور سید علی گیلانی دونوں پاکستان کی محبت سے سرشار تھے، دونوں شخصیات کو پاکستانی قوم اور نوجوان سلام پیش کرتے ہیں، پاکستانی نوجوانوں کے دلوں میں بسنے والی یہ دونوں شخصیات کو تاریخ ہمیشہ یاد رکھے گی، صدر کشمیر یوتھ الائنس اور دختران ملت کی سربراہ سیدہ آسیہ اندارابی کے بھانجے ڈاکٹر سید مجاہد گیلانی نے کہا کہ سید علی گیلانی ایک شخصیت نہیں بلکہ نظریے کا نام ہیں اور و ہ مقبوضہ کشمیر میں الحاق پاکستان کی سب سے بڑی آواز تھے، ڈاکٹر عبدالقدیر خان پاکستان کے محسن اور ہیرو ہیں، دونوں عظیم قائدین نے ہمیشہ پاکستان سے وفا کی،سیکرٹری جنرل رضی طاہر، نائب صدر پلوشہ سعید کا کہنا تھا کہ سید علی گیلانی اور ڈاکٹر عبدالقدیر کی زندگی سے نوجوانوں کو سبق حاصل کرنے کی ضرورت ہے، جدوجہد اور وطن کیلئے کچھ کرنے کاجذبہ ان کی زندگی کا ماحصل ہے،سید علی گیلانی نے کشمیر کے جوانوں کو ظالم کے سامنے ڈٹنے کا پیغام دیا،انہوں نے پوری زندگی جہد مسلسل جاری رکھی،سردار عثمان علی خان، شہیر سیالوی، عبید قریشی، بلال ربانی و دیگر مقررین نے کہا کہ قائد اعظم محمد علی جناح نے پاکستان بنایا اور ڈاکٹر عبدالقدیر خان نے پاکستان کا دفاع ناقابل تسخیر بنایا، پوری پاکستانی قوم محسن پاکستان ڈاکٹر عبدالقدیر خان کی مشکور ہے، اس موقع پر نوجوانوں نے مشترکہ طور پر مطالبہ کیا کہ سید علی گیلانی اور ڈاکٹر عبدالقدیر خان کے نام پر تعلیمی ادارے بنائیں جائیں،دونوں شخصیات کو تعلیمی نصاب کا حصہ بنایا جائے۔ آل پارٹیز یوتھ کانفرنس میں سردار عتیق علی خان صدر مسلم کانفرنس یوتھ ونگ، بلال ربانی صدر مسلم سٹوڈنٹس آرگنائزیشن، عبید عباسی صدر مسلم طلبہ محاذ، عبید قریشی، صدر یوتھ پارلیمنٹ، کاشف ظہیر کمبوہ صدر گلوبل یوتھ آرگنائزیشن، صدر ملی یوتھ ونگ راولپنڈی حافظ ثناء اللہ، ڈاکٹر نائلہ، چیئرپرسن فخر پاکستان، شہیر حیدر سیالوی صدر سٹیٹ یوتھ پارلیمنٹ، سجاد احمد مہرچیئرمین پاکستان تحریک شعور، صغیر اسد، چیئرمین نیشنل یوتھ، ڈاکٹر فیض اچکزئی صدر ینگ ڈاکٹرز ایسوسی ایشن،آمنہ مسعود جنجوعہ، کنیزرفیق، ڈاکٹر غزالہ، احتشام الحق ڈپٹی سیکرٹری نیشنل پریس کلب، عمارالطاف ستی، چیئرمین سٹوڈنٹس موومنٹ، عامر رضا ایڈووکیٹ پازیٹو پاکستان فاونڈیشن،ڈاکٹر عبداللہ خلیل،ڈاکٹر عامر زادہ، آصف سیف، عمر ہمدانی، خنیس الرحمٰن، و دیگر نے شرکت کی۔ عبدالقدیر خان کے ایصال ثواب کے لئے ڈاکٹر مجاہد گیلانی دعا کروا رہے ہیں

اسلام آباد:کشمیر یوتھ الائنس کی مرکزی کابینہ نے نومنتخب وزیراعظم آزاد جموں وکشمیر سردار عبدالقیوم نیازی کو مبارکباد پیش کرتے ہوئے کہا ہے کہ امید کرتے ہیں سردار عبدالقیوم نیازی مقبوضہ کشمیر کے کشمیریوں کے حقوق کی جنگ لڑیں گے۔صدر کشمیر یوتھ الائنس ڈاکٹر مجاہد گیلانی،نائب صدر طہ منیب،سینئر نائب صدرکاشف ظہیرکمبوہ،سیکرٹری جنرل رضی طاہر،شائستہ صفی،میڈیا کوآرڈینٹر نوید احمد،ڈاکٹر اسامہ ظفرودیگر کا اپنے مشترکہ پیغام میں کہنا تھا کہ ہم امید کرتے ہیں کہ سردار عبدالقیوم نیازی وزیراعظم آزاد کشمیر کی حیثیت سے ریاست آزاد کشمیر کی تعمیر وترقی کے ساتھ مقبوضہ کشمیر کا مقدمہ دنیا بھر میں بھرپور طریقے سے پیش کریں گے اور کشمیریوں کے حقوق کی جنگ لڑیں گے۔انہوں نے مزید کہا کہ سردار عبدالقیوم نیازی سینئر سیاستدان ہیں اورجس حلقے سے سردار عبدالقیوم نیازی ممبرقانون ساز اسمبلی منتخب ہو کر وزیراعظم بنے ہیں وہ حلقہ ایل او سی کے قریب کا حلقہ ہے،ہم امید کرتے ہیں عبدالقیوم نیازی ایل او سی کے دونوں طرف کشمیریوں پر بھارتی بربریت کو دنیا کے سامنے بے نقاب کریں گے اور دنیا کو بھارتی مظالم سے آگاہ کریں گے۔