Baaghi TV

Tag: کشمیر

  • یاسین ملک پرجھوٹے الزامات کشمیریوں کی جدوجہد آزادی کو نہیں روک سکتے،شاہد آفریدی

    یاسین ملک پرجھوٹے الزامات کشمیریوں کی جدوجہد آزادی کو نہیں روک سکتے،شاہد آفریدی

    کراچی: سابق کرکٹرشاہد آفریدی نے کہا ہے کہ یاسین ملک پرجھوٹے الزامات کشمیریوں کی جدوجہد آزادی کو نہیں روک سکتے۔

    باغی ٹی و ی : شاہد آفریدی نے سماجی رابطے کی ویب سائٹ ٹوئٹرپر جاری بیان میں کہا کہ بھارت کی جانب سے مسلسل انسانی حقوق کی پامالی اور خلاف ورزیوں پراٹھنے والی آوازوں کو دبانے کی کوششیں کی جارہی ہیں-
    https://twitter.com/SAfridiOfficial/status/1529357436733337600?s=20&t=d6FLKG5WJ6-ioj506QYAOA
    انہوں نے کہا کہ یاسین ملک کیخلاف جعلی الزامات کشمیریوں کی جدوجہد آزادی کو نہیں روک سکیں گے۔ اقوام متحدہ پرروز دیتا ہوں کہ وہ کشمیری رہنماؤں کیخلاف غیرمنصفانہ اورغیرقانونی سرگرمیوں کا نوٹس لے۔

    جو سزا دینی ہے دے دیں،کوئی بھیک نہیں مانگوں گا، یاسین ملک کا عدالت سے مکالمہ

    واضح رہے کہ آج یاسین ملک کو سخت سیکورٹی میں عدالت پیش کیا گیا تھا، دہلی کی پٹیالہ ہاؤس کورٹ نے یاسین ملک کے کیس کی سماعت آج بدھ کی، سماعت کے دوران بھارتی تحقیقاتی ایجنسی این آئی اے نے یاسین ملک کو سزائے موت سنانے کی استدعا کی –

    یسین ملک نے جواب دیتے ہوئے عدالت سے کہا ’میں یہاں کوئی بھیک نہیں مانگوں گا۔ آپ نے جو سزا دینی ہے دے دیجیے۔ لیکن میرے کچھ سوالات کا جواب دیجیے اگر میں دہشت گرد تھا تو انڈیا کے سات وزیراعظم مجھ سے ملنے کشمیر کیوں آتے رہے؟ اگر میں دہشت گرد تھا تو اس پورے کیس کے دوران میرے خلاف چارج شیٹ کیوں نہ فائل کی گئی؟ اگر میں دہشت گرد تھا تو وزیراعظم واجپائی کے دور میں مجھے پاسپورٹ کیوں جاری ہوا؟ –

    لانگ مارچ، پاکستان کا پرچم ساتھ لیکر آئیں،عمران خان

    انہوں نے کہا کہ اگر میں دہشت گرد تھا تو مجھے انڈیا سمیت دیگر ملکوں میں اہم جگہوں ہر لیکچر دینے کا موقع کیوں دیا گیا؟ عدالت نے یسین ملک کے سوالات کو نظر انداز کیا اور کہا کہ ان باتوں کا وقت گزر گیا، اب یہ بتائیں کہ آپ کو جو سزا تجویز کی گئی ہے اس پر کچھ کہنا چاہتے ہیں تو بولئے یسین ملک نے کہا کہ میں عدالت سے بھیک نہیں مانگوں گا۔ جو عدالت کو ٹھیک لگتا وہ کرے تاہم بھارتی عدالت نے کشمیری حریت پسند رہنما اور جے کے ایل ایف کے چیئرمین یاسین ملک کو عمر قید کی سزا سنا دی ہے۔

    جموں وکشمیر لبریشن فرنٹکے سربراہ یاسین کو گزشتہ سماعت میں عدالت نے قصور وار قرار دیا تھا ،یاسین ملک پر دہشت گردی کے لئے فنڈنگ کا الزام ہے، ایسا پہلی با ر ہوا کہ یاسین ملک کو عدالت نے مجرم ٹھہرایا ہے، یاسین ملک پر غداری کا الزام بھی لگایا گیا ہے،

    ملک کی بہاروں کو آپس کی لڑائیوں میں خزاں میں تبدیل نہ کریں سیاست میں آج ایک اورکل دوسرا ہوگا

  • یاسین ملک کوجعلی مقدمے میں ملوث کرنے کے اقدام کی وزیراعظم نے کی مذمت

    یاسین ملک کوجعلی مقدمے میں ملوث کرنے کے اقدام کی وزیراعظم نے کی مذمت

    یاسین ملک کوجعلی مقدمے میں ملوث کرنے کے اقدام کی وزیراعظم نے کی مذمت

    وزیراعظم شہبازشریف نے ممتاز حریت راہنما محمد یاسین ملک کو دہشت گردی کے جعلی مقدمے میں ملوث کرنے کے اقدام کی شدید مذمت کی ہے

    وزیراعظ‌م شہباز شریف کا کہنا ہے کہ بے مثال بہادری و حریت کی علامت اور ضمیر کے قیدی یاسین ملک کے خلاف بھارتی ہتھکنڈہ مسترد کرتے ہیں ، یہ کشمیریوں کو جھکانے کی ناکام کوشش ہے عالمی برادری بالخصوص اقوام متحدہ اور انسانی حقوق کونسل ماورائے قانون وانصاف اور انتقام پر مبنی بھارتی اقدام کا نوٹس لے حکومت پاکستان عالمی وانسانی حقوق کے تمام اداروں اور اوآئی سی کے فورم پر یاسین ملک اورکشمیری قیادت کے خلاف انتقامی کارروائیوں کوپوری قوت سے اٹھائے گی 5 اگست 2019کے ناجائز اور غیرقانونی اقدامات کی طرح یاسین ملک کے خلاف مقدمہ بھی غیرقانونی اور ناجائز ہے

    وزیراعظ‌م شہباز شریف کا کہنا ہے کہ جموں وکشمیر پر ناجائز قبضہ کرنے والا بھارت کشمیریوں کی نمائندہ حقیقی قیادت کو ختم کرنے کی سوچی سمجھی منصوبہ بندی پر عمل پیرا ہے آزادی کشمیر کی نشانی سید علی گیلانی شہید کے جسد خاکی سے ڈرنے والا بھارت یاسین ملک کی حق گوئی سے خوف زدہ ہے اشرف صحرائی شہید، ان کے شہید صاحبزادے سمیت ہزاروں شہداءکشمیر تحریک استصواب رائے کے حصول کی منزل کے سنگ ہائے میل ہیں یہ سب شہداءجموں وکشمیر میں غیرقانونی طور پر قابض بھارت کے ظلم وبربریت اور ریاستی دہشت گردی کے ثبوت ہیں پوری دنیا جانتی ہے کہ بھارت کے سیاہ قوانین اور عدالتی نظام عدل کے عالمی وفطری تقاضوں کے منافی ہےمسلمہ تاریخی حقیقت ہے کہ کسی قوم کو جبر وریاستی دہشت گردی ، سیاہ قوانین اور سزاﺅں سے غلام نہیں بنایا جاسکتا ناجائز حکومت کے سیاہ قوانین سے مقبوضہ جموں وکشمیر کے عوام کو غلام نہیں بنایا جاسکتا بہادر کشمیریوں کو ان کی بے مثال جدوجہد پر سلام پیش کرتے ہیں جنہوں نے اس مقصد کے لئے عظیم قربانیاں دی ہیں عالمی برادری اقوام متحدہ کی سلامتی کونسل کی قراردادوں اور کشمیریوں کی خواہشات کے مطابق تنازعہ جموں وکشمیر حل کرائے پاکستان کی حکومت اور عوام کشمیریوں کی منصفانہ جدوجہد کی ہر ممکن حمایت جاری رکھیں گے

    آسیہ اندرابی کو علاج کی سہولیات نہ ملنے پر مشعال ملک کا بڑا مطالبہ

    مودی مسلمانوں کا قاتل، کشمیر حق خودارادیت کے منتظر ہیں، صدر مملکت

    شوپیاں انکاؤنٹر،شہید نوجوانوں کے والدین کا بھارتی فوجی اہلکاروں کو سزائے موت دینے کا مطالبہ

    کشمیریوں سے یکجہتی، وزیراعظم کی کال پر قوم لبیک کہنے کو تیار

    بہت ہو گیا ،اب گن اٹھائیں گے، کشمیری نوجوانوں کا ون سلوشن ،گن سلوشن کا نعرہ

    یکجہتی کشمیر، قومی اسمبلی میں کشمیر کا پرچم لہرا دیا گیا،علی امین گنڈا پور نے کیا اہم اعلان

  • مشعال ملک کی عمران خان سے لانگ مارچ دو دن آگے بڑھانے کی درخواست

    مشعال ملک کی عمران خان سے لانگ مارچ دو دن آگے بڑھانے کی درخواست

    اسلام آباد:مشعال ملک نے عمران خان سے لانگ مارچ دو دن آگے بڑھانے کی درخواست کی ہے۔اہلیہ یاسین ملک چیئرمین پیس اینڈ کلچر مشعال ملک نے اپنی بیٹی رضیہ سلطانہ کے ہمراہ نیشنل پریس کلب میں نیوز کانفرنس کرتے ہوئے کہا کہ 25 مئی یاسین ملک کی سزا کا دن ہے، عمران خان اپنے مارچ کو دو دن آگے کردیں۔

    اہلیہ یاسین ملک نے کہا کہ عمران خان نے اپنے دور حکومت میں خود کو کشمیریوں کا وکیل کہا جبکہ یاسین ملک عمران خان کے دوست بھی ہیں۔

    مشعال ملک نے یہ بھی کہا کہ پی ٹی آئی اپنے لانگ مارچ کو یاسین ملک کے لیے وقف کردیں۔ان کا کہنا تھا کہ پاکستانی بہن بھائیوں سے کہتی ہوں ہمارا ساتھ دیں، جھولی پھیلا کر کہتی ہوں یاسین ملک کو بچانے کے لیے نکلیں اس سے پہلے کہ یاسین ملک کو پھانسی دے دی جائے۔

    اہلیہ یاسین ملک چیئرمین پیس اینڈ کلچر مشعال ملک کا مزید کہنا تھا کہ بھارتی حکومت پر دباؤ بڑھایا جائے، مجھے امید ہے آپ میرا ساتھ دیں گے اور آپ اپنی کوشش سے یاسین ملک کی جان بچا سکیں گے۔اس موقع پر بیٹی مشعال ملک رضیہ سلطانہ نے کہا کہ انکل آپ ہمارے لیے اپنا مارچ آگے کرلیں، میرے بابا کو بچانے کے لیے سب ملکر کوشش کریں۔

    واضح رہے کہ چیئرمین تحریک انصاف عمران خان نے 25 مئی کو اسلام آباد لانگ مارچ کا اعلان کیا ہے۔

    پشاور میں کورکمیٹی کے اجلاس کے بعد پریس کانفرنس کرتے ہوئے سابق وزیراعظم عمران خان نے کہا تھا کہ پی ٹی آئی کور کمیٹی اجلاس میں لانگ مارچ کا فیصلہ کرلیا ہے اور میں صرف تحریک انصاف کے کارکنان کو نہیں بلکہ پوری قوم کودعوت دے رہا ہوں کہ لانگ مارچ میں شرکت کریں۔

  • مقبوضہ کشمیر:تعلیمی نصاب میں من پسند سیاسی نظریات شامل کرنے کا مودی کا منصوبہ

    سری نگر:تعلیمی نصاب میں من پسند سیاسی نظریات شامل کرنے کا مودی کا منصوبہ،اطلاعات کے مطابق بھارتی مقبوضہ کشمیر میں حکمراں جماعت بی جے پی کے کٹھ پتلی لیفٹیننٹ گورنر منوج سنہا کا کہنا ہے کہ بھارتی جدوجہد آزادی میں جموں و کشمیر کے جن افراد نے کردار ادا کیا تھا ان کی قربانیوں کو جلد ہی کشمیر کے تعلیمی نصاب میں شامل کر لیا جائے گا۔ انہوں نے تعلیمی نصاب میں تبدیلیوں کے حوالے سے بھارتی دانشوروں اور محققین پر ایک لائحہ عمل تیار کرنے پر زور دیا ہے۔

     

    جموں کی مرکزی یونیورسٹی کے زیراہتمام آزاد ہندوستان اور جموں و کشمیر کے عنوان سے منعقدہ ایک سیمینار سے اپنے وڈیو خطاب میں منوج سنہا نے کہا کہ یہ پروگرام ایک سنہری موقع ہے کہ بھارت کی آزادی میں کردار ادا کرنے والے جموں و کشمیر کے ہیروز کی جدوجہد اور قربانیوں کو تعلیمی نصاب میں شامل کرکے انہیں خراج تحسین پیش کیا جائے۔

     

     

    مقبوضہ کشمیر کے ایک ریٹائرڈ پروفیسر کے مطابق جموں و کشمیر میں اگست 2019ء کے بعد سے نئی فلم، میڈیا اور صنعتی پالیسیوں کے بعد اب بندوق کے زور پر تاریخ کو مسخ کرکے تعلیمی نظام کو برباد کیا جا رہا ہے۔ ایسا روس میں اسٹالن اور جرمنی میں ایڈولف ہٹلر جیسے حکمرانوں نے کیا تھا لیکن تاریخ کسی کو معاف نہیں کرتی۔

     

    تعلیمی نصاب میں ممکنہ تبدیلیوں سے قبل جموں و کشمیر میں متعدد سرکاری اسکولوں، ڈگری کالجوں اور اہم شاہراہوں کے نام بھی تبدیل کر دیے گئے۔ جنوبی کشمیر کے ضلع شوپیاں میں گورنمنٹ ڈگری کالج کا نام اب امتیاز میموریل کر دیا گیا ہے۔

    حال ہی میں بھارت میں دسویں، گیارہویں اور بارہویں جماعت کی تاریخ اور سیاست کی درسی کتب میں شامل نامور شاعر فیض احمد فیض سے منسوب عنوانات، شاعری اور مغلیہ دور سے وابستہ مضامین کو مرکزی تعلیمی نظام، سینٹرل بورڈ آف سیکنڈری ایجوکیشن (سی بی ایس ای) نے نصاب سے ہٹا دیا تھا۔ اس کے علاوہ غیر وابستہ تحریک، افریقا اور ایشیا میں اسلامی سلطنت کا عروج، صنعتی انقلاب اور سرد جنگ جیسے کئی اہم موضوعات بھی غائب کر دیے گئے ہیں۔

  • حریت رہنما یاسین ملک کی رہائی کیلئے اسلام آباد میں ریلی

    حریت رہنما یاسین ملک کی رہائی کیلئے اسلام آباد میں ریلی

    حریت رہنما یاسین ملک کی رہائی کیلئے اسلام آباد میں ریلی
    باغی ٹی وی کی رپورٹ کے مطابق حریت رہنما یاسین ملک کی رہائی کے لئے پاکستان کے وفاقی دارالحکومت اسلام آباد میں احتجاجی مظاہرہ کیا گیا

    چیرمین پیس اینڈ کلچر اہلیہ یاسین ملک, مشعال ملک نے ریلی میں شرکت کی ،احتجاجی مظاہرے میں سابق وزیراعظم آزاد کشمیر سمیت اہم رہنماؤں نے شرکت کی ،یاسین ملک کی رہائی کے لیے بھارتی سفارت خانے کی طرف مارچ کرنے والے بڑے قافلے کو ڈی چوک پارلیمنٹ ہاوس کے پاس کنٹینرز لگا کر روک دیا گیا، شرکا نے نعرے لگاتے ہوئے یاسین ملک کی رہائی کا مطالبہ کیا، آزاد کشمیر کے سابق وزیراعظم راجہ فاروق حیدر،پیپلز پارٹی آزاد کشمیر کے صدرچوہدری یاسین ،جماعت اسلامی آزاد کشمیر کے سابق امیر عبدلرشید ترابی ، مسلم لیگ ن کے رہنما صدیق الفاروق اور کئی دوسرے سیاسی رہنماوں نے بھی یاسین ملک کی رہائی کے لئے ہونے والے احتجاج میں شرکت کی ، سابق وزیراعظم آزاد کشمیر راجہ فاروق حیدر یاسین ملک کا پوسٹر اٹھائے نظر آئے، راجہ فاروق حیدر کا کہنا تھا کہ جموں کشمیر کے حوالہ سے بین الاقوامی کمیونٹی کہ ذمہ داری ہے کہ وہ آواز بلند کرے، یاسین ملک، آسیہ اندرابی، سمیت دیگر حریت قائدین کو رہا کیا جائے، ان پر درج مقدمات ختم کئے جائیں

    حریت رہنما یاسین ملک کی اہلیہ مشعال ملک کا کہنا تھا کہ بھارتی حکومت یاسین ملک کو میڈیا کے سامنے پیش کرے یاسین ملک کا بھارتی عدالت میں کسی بھی قسم کا اعترافی بیان نا قابلِ یقین ہے یاسین صاحب نے کسی دہشت کارروائی یا دہشت گردی کے لیے مالی معاونت کا اعتراف نہیں کیا بلکہ انھوں نے اس بات کا اعتراف کیا ہے کہ حق خود ارادیت کی جدوجہد چلا رہا ہوں ، یسین ملک کے جسم کہ ایک ایک حصے پر زخموں کے نشانات ہیں،کشمیری تاریخ رقم کر رہے ہیں،کشمیر میں نوجوان تحریک آزادی چلا رہے ہیں،کشمیری طلباء بھارتی بربریت کا مقابلہ کر رہے ہیں،کشمیر میں بھارتی فوج،نوجوانوں کا مستقبل تاریک کر رہی ہے۔کشمیر پاکستان کی دفاعی لائن ہے کشمیر سے آنے والا پانی،پاکستان کو سیراب کرتا ہے۔کشمیریوں کی تحریک کو اگر دبا دیا گیا،تو پاکستان میں پانی کی جگہ خون آئے گا، شہ رگ آرٹیکل 370 کے کے خاتمے کے ذریعے کاٹ دی گئی بھارت کشمیر سمیت پاکستان کو تاریکی میں دھکیلنا چاہتا ہے۔

    آسیہ اندرابی کو علاج کی سہولیات نہ ملنے پر مشعال ملک کا بڑا مطالبہ

    مودی مسلمانوں کا قاتل، کشمیر حق خودارادیت کے منتظر ہیں، صدر مملکت

    شوپیاں انکاؤنٹر،شہید نوجوانوں کے والدین کا بھارتی فوجی اہلکاروں کو سزائے موت دینے کا مطالبہ

    کشمیریوں سے یکجہتی، وزیراعظم کی کال پر قوم لبیک کہنے کو تیار

    بہت ہو گیا ،اب گن اٹھائیں گے، کشمیری نوجوانوں کا ون سلوشن ،گن سلوشن کا نعرہ

    یکجہتی کشمیر، قومی اسمبلی میں کشمیر کا پرچم لہرا دیا گیا،علی امین گنڈا پور نے کیا اہم اعلان

  • ویرات کوہلی کو کشمیر پریمیئر لیگ میں کھیلنے کی پیشکش کیے جانے کا امکان

    ویرات کوہلی کو کشمیر پریمیئر لیگ میں کھیلنے کی پیشکش کیے جانے کا امکان

    لاہور: ویرات کوہلی کو کشمیر پریمیئر لیگ (KPL) میں کھیلنے کی پیشکش کیے جانے کا امکان،اطلاعات کے مطابق کچھ ایسی خبریں گردش کررہی ہیں جن میں کہا گیا ہے کہ پاکستان سابق بھارتی کپتان ویرات کوہلی کو کشمیر پریمیئر لیگ (KPL) میں کھیلنے کی پیشکش کرے گا، جو کہ T20 فارمیٹ کے میگا کرکٹ ایونٹ ہے، جس سے بین الاقوامی سطح پر کشمیر کی اہمیت اور ٹیلنٹ کو فروغ دیا جائے گا۔

    اس حوال سے ایک بیان میں کے پی ایل کے صدر عارف ملک نے کہا کہ ویرات کوہلی کو باضابطہ میٹنگ بھیجی جائے گی، انہوں نے مزید کہا کہ یہ اس بات پر منحصر ہے کہ وہ بطور کھلاڑی لیگ کا حصہ ہیں یا بطور مہمان خصوصی۔عارف ملک نے زور دے کر کہا کہ کے پی ایل دنیا کو امن کا پیغام دے رہی ہے۔

    عارف ملک نے مزید کہا کہ ‘ہم چاہتے ہیں کہ ہندوستانی کرکٹرز لیگ کا حصہ بنیں اور کرکٹ کے ذریعے دونوں جانب سے کشیدگی کو کم کرنا چاہتے ہیں’۔انہوں نے کہا کہ لیگ کا بنیادی مقصد اس خطے میں کرکٹ کو فروغ دینا اور کھلاڑیوں کو سہولیات فراہم کرنا ہے۔

    ملک نے کہا کہ کے پی ایل کی تیاریاں زوروں پر ہیں اور پہلے سیزن کی طرح دوسرا سیزن بھی مظفرآباد اسٹیڈیم میں ہوگا۔میگا ایونٹ کا آغاز یکم اگست سے ہوگا اور اس کا فائنل پاکستان کے 75ویں یوم آزادی (14 اگست کو) پر کھیلا جائے گا۔

    "KPL کے ساتھ ساتھ، کرکٹ کے شائقین کو ایک فینٹسی لیگ بھی دیکھنے کو ملے گی جس میں مظفرآباد اور سری نگر کی ٹیمیں ایک دوسرے کے ساتھ عملی طور پر کھیلتی نظر آئیں گی۔ ہم دونوں اطراف کے لوگوں کو ساتھ لانا چاہتے ہیں تاکہ ہم امن کے پیغام کو پھیلا سکیں،”

  • بھارتی فوج کی حکمت عملی تبدیل،پاکستان بارڈرسے چھ ڈویژن ہٹا کر چین کی سرحد پر کی گئیں تعینات

    بھارتی فوج کی حکمت عملی تبدیل،پاکستان بارڈرسے چھ ڈویژن ہٹا کر چین کی سرحد پر کی گئیں تعینات

    بھارتی فوج کی حکمت عملی تبدیل،پاکستان بارڈرسے چھ ڈویژن ہٹا کر چین کی سرحد پر کی گئیں تعینات

    باغی ٹی وی کی رپورٹ کے مطابق بھارت نے پاکستان کے ساتھ بارڈر سے بھارتی فوج کی چھ ڈویژن ہٹا کر چین کی سرحد پر تعینات کر دی ہیں

    یہ انکشاف بھارتی اخبار انڈیا ٹوڈے نے کیا، بھارتی اخبار کی رپورٹ کے مطابق چین کے ساتھ جاری فوجی تعطل کے درمیان، بھارتی فوج نے لداخ سیکٹر سے اروناچل پردیش میں اپنے چھ ڈویژنوں کے آپریشنل کاموں کو تبدیل کر دیا ہے اور اپنی توجہ پاکستان کے بارڈر سے ہٹا کر چین کی طرف مرکوز کر دی ہے۔

    بھارتی فوج اپنی فوج کی تعیناتیوں کا از سر نو جائزہ لے رہی ہے، بھارتی آرمی چیف جنرل منوج پانڈے نے چین کے ساتھ سرحد پر بھارتی فوج کے دستوں کی صورتحال اور تعیناتی کا جائزہ لیا۔ چین کے ساتھ فوجی تعطل دو سال سے جاری ہے جب چین نے بڑی تعداد میں فوجیوں کو بھارتی پوزیشن پر تعینات کر دیا تھا،

    اعلیٰ سرکاری ذرائع نے انڈیا ٹوڈے کو بتایا کہ راشٹریہ رائفلز کی ایک ڈویژن کو جموں کشمیر سے ہٹا کر اب اسے مشرقی لداخ سیکٹر میں تعینات کر دیا گیا ہے اور وہ وہاں پہلے سے موجود 3 ڈویژن کے ساتھ رہے گی،  ہریانہ میں اسٹرائیک کور کے ایک ڈویژن کو سنٹرل کمان کو دوبارہ سونپا گیا ہے تاکہ وہ سنٹرل سیکٹر پربھی مامور رہے،

    بھارتی فوج نے ون اسٹرائیک کور کے دو ڈویژنوں کو اضافی یا ریزرو فورسز کے طور پر لداخ سیکٹر کی دیکھ بھال کے لیے بھی تفویض کیا ہے۔ ون اسٹرائیک کور پہلے مکمل طور پر پاکستان کے بارڈر پر تعینات تھی لیکن اب اس کی توجہ شمالی سرحدوں کی طرف ہو گی۔

    17 ماؤنٹین اسٹرائیک کور اب اصل کنٹرول لائن کے ساتھ مشرقی علاقوں کے لیے پوری طرح سے تعینات ہو چکی ہے اسے جھارکھنڈ سے باہر ایک اضافی ڈویژن بھی دیا گیا ہے۔

    فوج نے آسام میں انسداد دہشت گردی کی کارروائیوں میں مصروف ڈویژن کوہٹا دیا ہے اور اسے صرف چین کی سرحد پر تعینات کر دیا ہے،

    انڈیا ٹوڈے کے مطابق بھارتی فوج نے چینی افواج کو یہ پیغام بھیجا ہے کہ وہ اسٹیٹس کو کو تبدیل کرنے کی کوئی اور یکطرفہ کوشش کبھی نہیں کر پائیں گے کیونکہ بھارت "وہاں پہلے سے کہیں بہترپوزیشن میں ہے،

    انسداد دہشت گردی جنگ تقریبا ختم ہو چکی،نیشنل امیچورشارٹ فلم فیسٹیول سے ڈی جی آئی ایس پی آر کا خطاب

    افغان امن عمل، افغان فوج نے کہیں مزاحمت کی یا کرینگے یہ دیکھنا ہوگا، ترجمان پاک فوج

    وطن کی مٹی گواہ رہنا، کے نام سے یوم دفاع وشہداء منانے کا اعلان

    شُہداء، غازیوں اوراُن سے جُڑے تمام رِشتوں کو سَلام،آئی ایس پی آر کی نئی ویڈیو جاری

    بھارت کی پاکستانی فضائی حدود کی خلاف ورزی،ترجمان پاک فوج کا بڑا اعلان

    فضائی حدود کی بلااشتعال خلاف ورزی پر بھارتی ناظم الامور کی دفتر خارجہ طلبی

    بھارت مان گیا، میزائل ہم سے فائر ہوا، بھارتی وزارت دفاع

  • یٰسین ملک کورہاکرو:دنیابھرمیں ٹویٹرٹرینڈ بننےلگا،ہرکوئی کشمیریوں کےساتھ کھڑاہوگیا

    یٰسین ملک کورہاکرو:دنیابھرمیں ٹویٹرٹرینڈ بننےلگا،ہرکوئی کشمیریوں کےساتھ کھڑاہوگیا

    اسلام آباد:بطل حریت یٰسین ملک کورہا کرو:دنیا بھرمیں ٹویٹرٹرینڈ بننے لگا،ہرکوئی کشمیریوں کے ساتھ کھڑاہوگیا ،اطلاعات کے مطابق بھارتی مظالم میں شدت آنے کے ساتھ ساتھ دنیا کی نظریں بھی کشمیر پرلگ گئی ہیں اور اب تو یہ بھی خبریں گردش کررہی ہیں کہ بھارت کشمیری کی تحریک آزادی سے اس قدر خائف ہوگیا ہے کہ وہ کشمیری قائدین کی جان کا دشمن ہوگیا ہے

     

    ادھریہ بھی اطلاعات ہیں کہ بھارت نے ان کشمیری رہنماوں کوسخت سزائیں دینے اور ان کو جان سے مارنے کا منصوبہ بنا رکھا ہے ، یہی وجہ ہے کہ چند دن پہلے جو بھارتی عدالتوں نے کیا وہ دنیا کے سامنے ہے ،

     

    ان حالات کو دیکھتے ہوئے بطل حریت یٰسین ملک کی اہلیہ مشال ملک نے پاکستان اور دنیا بھرمیں کشمیریوں سے محبت کرنے والوں سے درخواست کی ہے کہ وہ یٰسین ملک کی رہائی کے لیے آواز بلند کریں‌، یہی وجہ سہے کہ دنیا بھر میں آج ٹویٹر کا ٹرینڈ #ReleaseYasinMalik #FreeYasinMalik شام 7 بجے پاکستان، شام 3 بجے لندن، یوکے وقت کے وقت صبح 9 بجے، واشنگٹن یو ایس اے، جنیوا شام 4 بجے، ٹورنٹو کینیڈا، شام 5 بجے استنبول ترکی، رات 10 بجے کوالالمپور ملائیشیا، 10 بجے چین، سعودی عرب شام 10 بجے، بیجنگ شام 5 بجے ، شام 6 بجے دبئی 7 آوازخلق نقارہ خدا است بن گیا اور ہرکوئی اپنی آواز اس آواز کے ساتھ بلند کرنے لگا

     

    اصغرزیدی کہتے ہیں کہ بطل حریت یٰسین ملک کی رہائی کے لیے آئیے ہم بے آوازوں کی آواز بنیں! ہم
    GcuKashmir سوسائٹی آپ کو معصوم حریت رہنما یاسمین ملک کی ٹویٹر مہم کا حصہ بننے کی دعوت دیتی ہے ، جو ہمارے سرپرست کے شوہر ہیں۔

    براہ کرم 15 مئی شام 7 بجے ٹویٹر مہم میں شامل ہوں #ReleaseYasinMalik #FreeYasinMalik #KashmiriLivesMatter.کے تمام ہونہار طلباء کا شکریہ GcuKashmirاور اعزازی وائس چانسلر

    دوسری طرف مشال ملک کہتی ہیں‌ کہ اہل کشمیر سے وفا نے بہت حوصلے دیئے ہیں اور اب تو ہر ہیش ٹیگ اہمیت رکھتا ہے🙏🙏 میرے شوہر، کشمیری ہیرو کو بچانے کے لیے آواز اٹھائیں!

    یاد رہے کہ اس سے پہلے یٰسین ملک کی اہلیہ مشال حسین ملک اور سیکڑوں دیگر افراد نے ٹوئٹر اور دیگر سوشل میڈیا پلیٹ فارمز پر کہا کہ جے کے ایل ایف کے سربراہ ایک آزادی کے لیے جدوجہد کرنے والے انسان ہیں اور آزادی کی جدوجہد کوئی جرم نہیں ہے، بہت سے لوگوں نے خدشہ ظاہر کیا کہ بھارتی حکومت انہیں جھوٹے الزامات میں سزائے موت دے سکتی ہے۔

    ایک بیان میں چیف ترجمان جے کے ایل ایف رفیق ڈار نے کہا کہ یٰسین ملک کے منصفانہ ٹرائل سے انکار نریندر مودی کی زیر قیادت ہندوتوا حکومت کے کہنے پر ان کے خلاف سیاسی انتقام کا ایک اور واضح مظہر ہے جس کا مقصد بین الاقوامی سطح پر متنازع ریاست جموں و کشمیر کی آزادی کے لیے لوگوں کی سب سے طاقتور اور مقبول آواز کو خاموش کرنا ہے۔

    انہوں نے کہا کہ 22 فروری 2019 کو یٰسین ملک نے اپنی گرفتاری اور خاص طور پر 10 مئی 2019 کو نئی دہلی کی بدنام زمانہ تہاڑ جیل میں ان کی منتقلی کے بعد جے کے ایل ایف کے سربراہ نے ان من گھڑت مقدمات نہ لڑنے کا فیصلہ کیا تھا اور غیر منصفانہ اور متعصب عدالتی کارروائیوں اور بھارتی حکومت کے ناپاک عزائم کے پیش نظر احتجاجاً اپنا دفاعی وکیل واپس لے لیا تھا۔

    گزشتہ روز پاکستان میں یٰسین ملک کے لیے ٹوئٹر پر ایک ہیش ٹیگ ٹاپ ٹرینڈ میں رہا، ہیش ٹیگ ReleaseYasinMalik# کے ساتھ ٹوئٹس کرتے ہوئے سوشل میڈیا صارفین نے بھارتی عدالت کے سامنے ان کے اعتراف جرم کے جھوٹے دعوے کو مسترد اور مذمت کرنے کے ساتھ ساتھ ان کی جان کو درپیش خطرے کی جانب توجہ دلاتے ہوئے فوری رہائی کا مطالبہ کیا۔

    آزاد جموں و کشمیر کے وزیر اعظم نے کہا کہ ’یٰسین ملک ایک سیاسی قیدی اور تحریک آزادی کے رہنما ہیں جو کشمیریوں کی آزادی کے منصفانہ مقصد کی پرامن طور پر حمایت کر رہے ہیں جس طرح مہاتما گاندھی اور نہرو نے برطانوی راج کے خلاف جدوجہد کی‘۔

  • مدھیہ پردیش :فائرنگ سے تین پولیس اہلکار ہلاک:کرناٹک میں احتجاجی تحریک

    مدھیہ پردیش :فائرنگ سے تین پولیس اہلکار ہلاک:کرناٹک میں احتجاجی تحریک

    مدھیہ پردیش :فائرنگ سے تین پولیس اہلکار ہلاک:کرناٹک میں احتجاجی تحریک ،اطلاعات کے مطابق بھارتی ریاست مدھیہ پردیش میں نامعلوم افراد نے فائرنگ کر کے تین پولیس اہلکاروں کو ہلاک کر دیا۔ریاست کے وزیر داخلہ نروتم مشرا نے ذرائع ابلاغ کے نمائندوں کو بتایا کہ نامعلوم مسلح افراد نے آج (ہفتہ ) صبح ضلع گونا میںفائرنگ کرکے تین پولیس اہلکار ہلاک کر دیے۔

    ادھر بھارتی ریاست کرناٹک میں بھارتیہ جنتا پارٹی کی حکومت کے اس اعلان کہ وہ ایک آرڈیننس جاری کرکے تبدیلی مذہب مخالف قانون کو نافذ کرے گی ،کے ایک دن بعد ریاستی کانگریس نے کہا ہے کہ وہ اسکے خلاف عوامی تحریک (جن آندولن) شروع کرے گی۔

    اپوزیشن جماعت کانگریس کے رہنما Siddaramaiahنے کہا کہ بی جے پی حکومت جو بدعنوانی اور بدانتظامی کے معاملے میں بے نقاب ہے، لوگوں کی توجہ ہٹانے کے لیے” کرناٹک پروٹیکشن آف رائٹ ٹو فریڈم آف ریلجن بل” 2021 کو نافذ کرنے جارہی ہے۔

    انہوں نے گورنر سے تبدیلی مذہب مخالف بل کو مسترد کرنے کی اپیل کرتے کہا کہ بی جے پی نے یہ قانون صرف اقلیتوں کو ڈرانے اور انہیں ہراساں کرنے کے ارادے سے لایا ہے۔ Siddaramaiah نے مزید کہا کہ موجودہ قانون زبردستی مذہب کی تبدیلی کو روکنے اور لالچ کے ذریعے مذہب کی تبدیلی سے نمٹنے کے لیے کافی ہے پھر نئے قانون کی کیا ضرورت ہے۔

    انہوں نے کہا کہ اقلیتوں کو دھمکانا اور ہراساں کرناآر ایس ایس کا سیاسی ایجنڈا ہے ۔ انہو ں نے کہا کہ سچے ہندو ہم آہنگی اور عالمگیر بھائی چارے پر عمل پیرا ہیں اور وہ بی جے پی کی فرقہ وارانہ سیاست کو مسترد کررہے ہیں۔ انہوںنے کہا کہ جب بھی بی جے پی اقتدار میں آتی ہے تو ہم اقلیتوں پر مسلسل حملے دیکھتے ہیں، کرناٹک کے لوگ اس حکومت سے شرمندہ ہیں۔

    انہوں نے کہا آئین افراد کو آزادی سے اپنی مرضی کے مطابق مذہب تبدیل کرنے کی اجازت دیتا ہے اور مذہب کی زبردستی تبدیلی کو روکنے کے لیے پہلے سے ایک قانون نافذ ہے جس پر عمل درآمد کے لیے پولیس اور عدالتیں موجود ہیں۔

  • مقبوضہ کشمیر:بھارتی خفیہ ایجنسیوں کے کشمیریوں کے گھروں پرچھاپے

    مقبوضہ کشمیر:بھارتی خفیہ ایجنسیوں کے کشمیریوں کے گھروں پرچھاپے

    سرینگر:بھارت کے غیر قانونی زیر قبضہ جموں و کشمیر میں بدنام زمانہ بھارتی تحقیقای ادارے ”نیشنل انویسٹی گیشن ایجنسی (این آئی اے) نے وادی کشمیر میں متعدد مقامات پر چھاپوں کا سلسلہ شروع کر دیا ہے، جس دوران مکینوں کو ڈرایا دھمکایا جا رہا ہے۔

    کشمیرمیڈیاسروس کے مطابق انتظامیہ نے آج( ہفتے ) بتایا کہ این آئی اے کے دستے بھارتی پولیس اور پیرا ملٹری سینٹرل ریزرو پولیس فورس (سی آر پی ایف) کے اہلکاروں کے ہمراہ بارہمولہ اور شوپیاں اضلاع میں تلاشی لے رہے ہیں۔تحقیقاتی ایجنسی نے بارہمولہ ضلع کے نیو کالونی فتح پورہ میں مشتاق احمد بٹ کی رہائش گاہ پر چھاپہ مارا۔ مشتاق محکمہ تعلیم میں سرکاری ملازم ہیں۔

    این آئی اے نے شوپیاں کے علاقے مراد پورہ میں علی محمد بٹ کے گھر پر چھاپہ مارا۔ اسی طرح وادی کے دیگر حصوں میں بھی چھاپے مارے جارہے ہیں۔ایک اہلکار نے ذرائع ابلاغ کو بتایا کہ یہ چھاپے این آئی اے کے دفتر میں پہلے سے درج ایک کیس کے سلسلے میں مارے جا رہے ہیں۔آخری اطلاعات تک چھاپوں کی کارروائی جاری تھی۔

    دریں اثنا، کشمیر میڈیا سروس کی طرف سے آج جاری کی گئی ایک رپورٹ میں کہا گیا ہے کہ بھارت اپنی بدنام زمانہ تحقیقاتی ایجنسیوں ”این آئی اے، ایس آئی اے اور انفورسمنٹ ڈائریکٹوریٹ(ای ڈی) “ کو ایک ہتھیار کے طور پر استعمال کر رہا ہے تاکہ حق خود ارادیت کے حصول کی کشمیریوں کی جدوجہد کو دبایا جا سکے۔ این آئی اے کشمیریوں کو جھوٹے مقدمات میں پھنسانے کے لیے بدنام ہے۔ رپورٹ میں کہا گیا کہ مقبوضہ علاقے میں تحقیقاتی ایجنسی کے چھاپے معمول بن چکے ہیں جس کا مقصد ان لوگوں کو ڈرانا ہے جو بی جے پی کی مذموم پالیسیوں کے خلاف آواز اٹھا رہے ہیں۔

    رپورٹ میں نشاندہی کی گئی کہ حریت رہنماوں، میڈیا والوں، انسانی حقوق کے محافظوں اور یہاں تک کہ عام کشمیریوں کو بھی فرضی مقدمات میں پھنسایا جا رہا ہے۔ این آئی اے نے ایک جھوٹے مقدمے میں قید انسانی حقوق کے معروف کشمیری محافظ خرم پرویز کے خلاف فرد جرم عائد کر دی ہے ۔ سرکردہ حریت رہنماوں مسرت عالم بٹ، شبیر احمد شاہ اور محمد یاسین ملک کو بدنام کرنے کے لیے جھوٹے مقدمات میں پھنسایا گیا ہے۔

    رپورٹ میں کہا گیا ہے کہ کشمیریوں کے خلاف جھوٹے مقدمات قائم کرنا نریندر مودی کی فسطائی بھارتی حکومت کی بوکھلاہٹ کو ظاہر کرتا ہے۔ کے ایم ایس رپورٹ میں کہا گیا ہے کہ عالمی انسانی حقوق کی عالمی تنظیموں کو مقبوضہ جموںوکشمیر میں غیر قانونی حراستوں کا نوٹس لینا چاہیے۔