تھائی لینڈ اور کمبوڈیا کے درمیان جاری سرحدی تنازعے نے سنگین صورت اختیار کرلی،کمبوڈیا کے ساتھ جھڑپوں میں تھائی لینڈ کے 11 شہری ہلاک ہو گئے جبکہ تھائی لینڈ نے جھڑپوں کے بعد سرحد پر ایف سولہ جنگی طیارے پہنچا دیے ہیں۔
تھائی لینڈ نے کمبوڈیا کے ساتھ اپنی تمام سرحدی گزرگاہیں مکمل طور پر بند کر دی ہیں،تھائی حکام کے مطابق یہ اقدام کشیدہ صورتحال کے پیشِ نظر کیا گیا ہے،ایڈ ہاک بارڈر سچویشن سینٹر کے ترجمان ریئر ایڈمرل سوراسانت کانگسیری نے بتایا کہ تھائی لینڈ نے حفاظتی اقدامات کو چوتھے درجے تک بڑھا دیا ہے، جو مکمل سرحد ی بندش کو ظاہر کرتا ہے۔
تھائی وزارت خارجہ کا کہنا ہے کہ کمبوڈیا نے حملوں میں اسپتال سمیت شہری علاقوں کو نشانہ بنایا، کمبوڈین فوج کے حملوں میں جانی نقصان اور ہلاکتیں ہوئیں کمبوڈین فوج کے حملوں میں 11 افراد ہلاک ہوئے،جن میں ایک 8 سالہ بچہ بھی شامل ہے، جبکہ سرحد پر کمبوڈیا کے ساتھ جھڑپوں میں ایک فوجی ہلاک ہوا،تھائی فوج کا کہنا ہے کہ کمبوڈیا سے کشیدگی پر سرحدی علاقے میں ایف 16 جنگی طیارے پہنچا دیے ہیں۔
جنت مرزا کا کارتک آریان کے ساتھ مرکزی کردار کی پیشکش کا انکشاف
تھائی حکام کا کہنا ہے کمبوڈیا بین الاقوامی قانون کی سنگین خلاف ورزیاں فوری طور پر روکے، کمبوڈیا سے تشدد بند کرنے کا مطالبہ کرتے ہیں، کمبوڈیا کے اقدامات کو جنگی جرائم میں شمار کیا جا سکتا ہے،تھائی حکومت نے خبردار کیا ہے کہ اگر کمبوڈیا کی طرف سے حملے جاری رہے تو تھائی لینڈ اپنے دفاعی اقدامات میں مزید شدت لائے گا تھائی وزارتِ صحت کے مطابق راکٹ حملوں میں متعدد شہری زخمی بھی ہوئے ہیں، جب کہ سساکیت صوبے میں ایک گیس اسٹیشن پر حملے میں 6افراد ہلاک ہوئے۔
دوسری جانب کمبوڈیا کے وزیر اعظم ہون منیٹ نے اقوامِ متحدہ کی سلامتی کونسل سے فوری اجلاس بلانے کا مطالبہ کیا ہے تاکہ تھائی لینڈ کی ”جارحیت“ کو روکا جا سکے انہوں نے الزام لگایا کہ تھائی افواج نے کمبوڈین سرحدی چوکیوں پر ”بلا اشتعال، منظم اور جان بوجھ کر حملے کیے“، جو بین الاقوامی قوانین کی خلاف ورزی ہے۔
پنجاب میں 10 نئی واسا قائم کرنے کا فیصلہ
چینی وزارت خارجہ کا کہنا ہے کہ تھائی لینڈ اور کمبوڈیا کے درمیان سرحدی جھڑپ پر گہری تشویش ہے، امید ہے دونوں فریق مسائل کو بات چیت اور مشاورت سے حل کر لیں گے، چین انصاف اور غیر جانبداری کا مؤقف اپناتا ہے، کشیدگی کم کرنے میں ایک تعمیری کردار ادا کریں گے۔
دونوں ممالک نے ایک دوسرے کے خلاف سفارتی اقدامات بھی اٹھا لیے ہیں تھائی لینڈ نے سرحدی علاقوں میں بجلی اور انٹرنیٹ بند کرنے کی دھمکی دی، جب کہ کمبوڈیا نے تھائی مصنوعات، فلموں اور ڈراموں پر پابندی لگا دی ہے۔
تنازعے کا آغاز سرین صوبے میں قدیم ٹیمپل سائٹ ”تا موئن تھوم“ کے قریب ہوا، جس پر دونوں ممالک ملکیت کا دعویٰ رکھتے ہیں تھائی لینڈ اور کمبوڈیا کے درمیان 817 کلومیٹر طویل سرحد کئی دہائیوں سے متنازع رہی ہے، جس پر ماضی میں بھی کئی بار خونریز جھڑپیں ہو چکی ہیں 2011 میں بھی دونوں ممالک کی افواج میں جھڑپیں ہوئیں، جس میں کم از کم 20 افراد ہلاک اور ہزاروں بے گھر ہوئے تھے۔
اداکار سمیع خان نےعلیزےشاہ اور منسا ملک کے جھگڑے کا آنکھوں دیکھا حال بتا دیا
حالیہ جھڑپوں میں استعمال ہونے والے جدید ہتھیاروں، بارودی سرنگوں اور فضائی حملوں نے ایک اور مکمل جنگ کے خدشات کو جنم دے دیا ہے تھائی لینڈ کی فوجی طاقت کمبوڈیا سے کئی گنا زیادہ ہے، لیکن دونوں طرف سے مسلسل الزامات، حملے اور جوابی کارروائیاں اس تنازع کو سنگین سطح پر لے جا چکی ہیں۔
