پاکستان کے میری ٹائم اور توانائی کے شعبے میں ایک انتہائی اہم پیش رفت ہے نیشنل لاجسٹک کارپوریشن (NLC) اور عالمی توانائی کمپنی Vitol کے اشتراک سے گوادر پورٹ پر پہلا کامیاب کمرشل بنکرنگ (جہازوں کو ایندھن فراہم کرنے کا) آپریشن انجام پایا ہے۔
یہ کامیاب مشن 9 سے 11 جولائی کے درمیان مکمل کیا گیا،ایل این جی کیریئر ‘Enugu’ (جو کہ قطر انرجی، ایڈنوک اور Vitol کی ملکیت ہے) کو 2,500 میٹرک ٹن ویری لو سلفر فیول آئل (VLSFO) فراہم کیا گیا اس مشترکہ کاوش میں گوادر پورٹ اتھارٹی (GPA)، NLC، گوادر انٹرنیشنل ٹرمینلز لمیٹڈ (GITL) اور Vitol Asia شامل تھے۔
اس سنگِ میل کے بعد گوادر پورٹ کارگو ہینڈلنگ کے ساتھ ساتھ بین الاقوامی بحری جہازوں کو ایندھن اور دیگر بحری خدمات فراہم کرنے کے قابل ہو گیا ہے۔اس پراجیکٹ کے ذریعے پاکستان کی سمندری معیشت (Blue Economy) کو فروغ ملے گا اور گوادر پورٹ عالمی سطح پر ایک اہم میری ٹائم اور انرجی ہب کے طور پر ابھرے گا-
