لاہور: توانائی کی بچت کے لیے ضلعی انتظامیہ نے کمرشل مارکیٹس کے نئے اوقات کار جاری کر دیئے۔
باغی ٹی وی: لاہور کی ضلعی انتظامیہ نے ایک دفعہ پھر اوقات کار میں تبدیلی کردی جبکہ ڈی سی لاہور رافعہ حیدر کی جانب سے اوقات کار میں تبدیلی کا نیا نوٹیفکیشن جاری کر دیا گیا نوٹیفکیشن کے مطابق کمرشل و ہول سیل مارکیٹ ہفتے سے پیر رات 10 بجے تک کھلی رہ سکیں گی جبکہ اتوار کو کمرشل مارکیٹس کے اوقات کار دن 2 بجے سے رات 10 بجے تک ہوں گے۔
نوٹیفکیشن کے مطابق ریسٹورنٹس، ہوٹلز، کافی شاپس پیر تا جمعرات رات 11 بجے تک کھل سکیں گی جبکہ جمعہ تا اتوار رات 12 بجے تک کھلنے کی اجازت ہوگی اشیائے خور و نوش کی ہوم ڈلیوری کے اوقات رات 12 بج کر 30 منٹ تک مقرر کیے گئے ہیں میڈیکل اسٹورز، لیبارٹریز، پیٹرول پمپس اور سی این جی اسٹیشنز، ملک شاپس، تندور اور پنکچر والی دکانیں پابندی سے مستثنیٰ ہوں گی-