بھارت میں تلنگانہ کے سدی پیٹ ضلع کے ایک ڈیم میں حیدرآباد کے 5 نوجوان ڈوب کر اپنی زندگی سے ہاتھ دھو بیٹھے۔
بھارتی میڈیا رپورٹس کے مطابق تلنگانہ کے ضلع سدی پیٹ میں ایک افسوسناک حادثہ رونما ہوا، جس میں پانچ نوجوان ڈیم میں ڈوب کر اپنی جان گنوا بیٹھے۔ حیدرآباد کے مشیرباد کے علاقے سے تعلق رکھنے والے 7 نوجوان دوست ویک اینڈ کے موقع پر تفریح کے لیے کنڈا پوچمماں ساگر ڈیم کی سیر پر نکلے تھے۔ یہ جھیل اپنی خوبصورتی کے لئے بہت زیادہ مشہور ہے، جس کے باعث اکثر سیاح یہاں کا رخ کرتے ہیں، مگر بد قسمتی یہ سفر ان نوجوانوں کے لئے آخری سفر ثابت ہوا۔دو نوجوان ڈیم کے پانی میں سیلفی لیتے ہوئے گر گئے انھیں بچانے کی کوشش میں باقی پانچ بھی پانی میں کود پڑے۔ مقامی افراد کی جانب سے نوجوانوں کو بچانے کی ہر ممکن کوشش کی گئی۔اطلاعات کے مطابق دو نوجوانوں کو بحفاظت ڈیم سے باہر نکال لیا گیا مگر دیگر پانچ نوجوان ڈوب کر ہلاک ہوگئے، بچائے گئے نوجوانوں کی شناخت محمد ابراہیم اور مرونگ کے ناموں سے ہوئی ہے۔مرنے والوں کی شناخت دھنش، لوہیت، دنیشور، ساحل اور جتن کے نا موں سے ہوئی ہے، نوجوانوں کی اچانک موت نے ان کے گھر والوں اور دوستوں کو غمزدہ کردیا۔واضح رہے کہ گزشتہ روز بھارت کے حیدرآباد میں مضافاتی علاقہ شکر پلی میں کم عمر طالب علم سوئمنگ پول میں ڈوب کر جان کی بازی ہار گیا تھا۔
باغی ٹی وی کی 13ویں سالگرہ، ایک یادگار سفر،تحریر :نورفاطمہ
کینیا میں چھوٹا مسافر طیارہ تباہ، 3 افراد ہلاک
فارم 45، 47میں فرق ،پیپلز پارٹی کے امیدوار کا نوٹیفکیشن معطل
بنگلہ دیش کا پاکستان کیلئے ویزا کا اجرا مزید آسان
باغی ٹی وی،پاکستان کی نظریاتی سرحدوں کا محافظ، تحریر: ملک ارشد کوٹگلہ