پولیس نے کوئٹہ کے علاقے خروٹ آباد میں تیرہ سالہ مغوی بچے کو زخمی حالت میں بازیاب کراکر اغواکار کو گرفتار کرکے اسلحہ برآمد کرلیا۔

باغی ٹی وی : تفصیلات کے مطابق پولیس کو خفیہ اطلاع ملی تھی کہ ازبک بازار خروٹ آباد کے ایک مکان میں ایک بچے کو قید کرکے رکھا گیا ہے، جس پر پولیس موقع پر پہنچ گئی اور مکان کو گھیرے میں لے کر اندر داخل ہوئے اسی دوران اندر موجود ایک شخص نے پولیس کو دیکھتے ہی فائرنگ کی، تاہم پولیس نے اسے قابو کرکے پسٹل قبضے میں لے لی۔

مکان کی تلاشی لینے پر ایک کمرے میں زنجیروں میں جکڑا 13 سالہ بچہ زخمی حالت میں برہنہ موجود پایا، جسے باحفاظت بازیاب کرالیا گیابچے نے پولیس کو بتایا کہ اس کا نام صبور خان ولد شہباز خان ہے جو پشتون آباد کے علاقے خوشحال خان روڈ کا رہائشی ہے، اور وہ کپڑے فروخت کرتا ہے۔

3 معصوم بچیوں کی لاشیں خالی پلاٹ سے برآمد

اتوار کو صبور خان خروٹ آباد ازبک بازار میں کپڑے فروخت کرنے آیا تھا کہ گرفتار ملزم نے اسے اسلحہ کے زور پر اغواء کیا اور اس مکان میں لے آیا، پھر زنجیروں میں جکڑ کر زیادتی کی شور مچانے پر ملزم نے بچے کو شدید تشدد کا نشانہ بنایا۔

پولیس نے بتایا کہ اغواء کار شمس اللہ کے خلاف اغواء اور ریپ سمیت دیگر دفعات کے تحت مقدمہ درج کرلیا گیا ہے، جبکہ بچے کو طبی امداد کے لئے ہسپتال پہنچا دیا گیا۔

دوسری جانب کراچی کے علاقے سچل سے اغوا کیے گئے شہری کو سی آئی اے پولیس کے اینٹی وائلنٹ کرائم سیل کے عملے نے بازیاب کرلیا جبکہ کارروائی کے دوران 3 ملزمان کو گرفتار کر لیا گیا ہے۔

افغانستان کو دہشتگرد حملوں کیلئےمحفوظ مقام کے طور پر استعمال کیا جارہا ہے،امریکا

سینئر سپریٹینڈنٹ پولیس اے وی سی سی ذیشان صدیقی کے مطابق سچل تھانہ میں 21 جون کو زیر دفعہ 365 اے مقدمہ نمبر 809/23 درج کرایا گیا تھا س میں خلیل احمد ولد کریم بخش عمری 50 سالہ کہ اغوا کیے جانے اور ملزمان کی جانب سے تاوان طلب کیے جانے کا الزام عائد کیا گیا تھا،اغواکاروں نے مغوی کی رہائی کیلئے 6 لاکھ روپے تاوان طلب کیا تھا-

ذیشان صدیقی کے مطابق اے وی سی سی پولیس کے عملے نے تکنیکی بنیادوں پر کام کرتے ہوئے کراچی میں مختلف مقامات پر چھاپہ مار کارروائیاں کیں اور سپر ہائی وے پر جمالی پل کے قریب مین سروس روڈ سے اغوا کے الزام میں 3 ملزمان کو گرفتار کیا۔،ملزمان قدیر ولد نصیر احمد،امجد جاوید عرف جاوید چوہدری عرف امجد چوہدری ولد عاشق علی اور ممریز حسین ولد جاوید شامل ہیں، گرفتار ملزمان کے قبضے سے ایک رائفل 222 بمعہ 10 راوئڈز اور ایک پستول 30 بور بمعہ 03 راوئڈز برآمد کیے گئے، ملزمان سےتفتیش جاری ہے۔

کینیڈا میں ہوٹل کی خاتون ملازمہ سے نازیبا حرکت پرپی آئی اے کا فضائی میزبان …

کوئٹہ(تجزیہ: منصور مگسی ) ،بلوچستان میں سیاسی جماعتوں کی صف بندی شروع ،صادق سنجرانی وزیر اعلیٰ کیلئے موزوں شخصیت قرارباپ پارٹی دو واضح دھڑوں میں تقسیم ہو چکی ہے-

جنرل الیکشن 2023 کی مناسبت سے بلوچستان میں سیاسی جماعتوں کی صف بندی شروع کر دی گئی ہے جس کیلئے مختلف پہلوؤں پر غور کرتے ہوئے حکمت عملی طے کی جا رہی ہے باخبر ذرائع کے مطابق بلوچستان میں حسب روایت مخلوط حکومت بنے گی جس کی قیادت بلوچستان عوامی پارٹی (باپ) کو سونپی جائے گی باپ پارٹی دو واضح دھڑوں میں تقسیم ہو چکی ہے جام کمال گروپ اور قدوس بزنجو گروپ ایک دوسرے سے اپنی راہیں الگ کر چکے ہیں-

میرون لیزلی مڈلکوٹ پاک فضائیہ کا جنگجو پائلٹ ،جو وطن پہ قربان ہوا اور سمندر …

ذرائع کے مطابق جام گروپ میں شامل سردار سرفراز خان ڈومکی ، نوابزادہ طارق خان مگسی ، خالد خان مگسی اور سردار صالح محمد بھوتانی و دیگر ہم خیال ساتھیوں کی مسلم لیگ ن میں شمولیت کا قوی امکان ہے جبکہ وزیر اعلیٰ میر عبدالقدوس بزنجو ، اسپیکر صوبائی اسمبلی میر جان محمد جمالی، صوبائی وزیر حاجی محمد خان لہڑی سابق صوبائی وزیر میر عبدالغفور لہڑی، میر سرفراز بگٹی اور چیئرمین سینیٹ میر صادق سنجرانی اور ان کے دیگر ہم خیال ساتھی بلوچستان عوامی پارٹی میں ہی رہیں گے جبکہ صوبائی وزیر روینیو میر سکندر خان عمرانی ” قدوس بزنجو گروپ” میں ہوتے ہوئے بھی پارٹی میں خود کو اجنبی اور تنہا محسوس کر رہے ہیں اس لیے شاید وہ آزاد حیثیت سے الیکشن لڑنے کو ترجیح دیں گے-

محافظ ہو جہاں محمود عالم سا کوئی بیٹا ، وہ دھرتی سر اٹھاتی ہے وہ …

ذرائع کایہ بھی کہنا ہے کہ نصیر آباد میں میر سکندر خان عمرانی کی جگہ میر شوکت خان بنگلزئی کو بلوچستان عوامی پارٹی میں شمولیت کیلئے آمادہ کر کے صوبائی اسمبلی کی نشست کیلئے ان کو پارٹی ٹکٹ دینے کیلئے کوشش کی جائے گی اس ساری صورتحال میں مختلف حلقوں کی جانب سے میر صادق سنجرانی کو بلوچستان کے وزیر اعلیٰ کیلئے موزوں اور قابل قبول شخصیت قرار دے کر ہوم ورک شروع کر دیا گیا ہے-

شاہ محمود قریشی اور اسد عمر کی عبوری ضمانت میں توسیع

پاک افغان سرحدی علاقے چمن میں موجود سب جیل سے نمازِ عید کے دوران سنگین مقدمات میں مطلوب 15 قیدی فرار ہوگئے۔
سب جیل چمن میں قیدی نماز عید کیلئے نکالنے کے دوران فرار ہوئے۔ بیرک نمبر 4 سے نکالے جانے والے قیدیوں نے پولیس اہلکار سے اسلحہ چھین لیا۔ فرار ہونے کے دوران ملزمان نے پولیس پر فائرنگ کی جس سے ڈپٹی جیلر سمیت 2 اہلکار زخمی ہوگئے۔
جیل ذرائع کے مطابق حملے کے بعد مجموعی طور پر تقریباً 15 قیدی فرار ہوئے۔ پولیس حکام نے بتایا کہ پولیس کی جوابی فائرنگ سے فرار ہونے والا ایک قیدی مارا گیا،پولیس کا کہنا ہے کہ فرار ہونے والے قیدی سنگین مقدمات میں گرفتار کیے گئے تھے۔ پولیس نے علاقے کو گھیرے میں لے کر ملزمان کی تلاش شروع کردی ہے۔
پولیس حکام نے یہ بھی بتایا ہے کہ افغان سرحد سے صرف تقریباً تین کلومیٹر دور چمن کے مصروف علاقے تاج روڈ پر یہ سب جیل واقع ہے۔ یہاں عدالتوں میں پیش کیے جانے والے انڈر ٹرائل قیدیوں کو عارضی طور پر رکھا جاتا ہے۔

کوئٹہ (محبوب مگسی ) :بلوچستان میں ڈسڑکٹ کونسل چیئرمین کے انتخابات ،یو سی چیئرمین اور کونسلرز کی قیمتیں بڑھ گئیں –

باغی ٹی وی: بلوچستان میں 6 جولائی 2023 کو ڈسڑکٹ کونسل چیئرمینوں کے ہونے والے بلدیاتی انتخابات میں ہر ضلع میں ووٹ حاصل کرنے کیلئے ووٹرز پر کروڑوں روپے خرچ کر کے خرید و فروخت کی مہم عروج پر پہنچ گئی ہے –

باوثوق ذرائع کے مطابق ڈسڑکٹ کونسل چیئرمین کیلئے فی ووٹر کو عصری حالات کے مطابق 10 لاکھ روپے سے 50 لاکھ روپے تک دیا جا رہا ہے چنانچہ یونین کونسلوں کے چیئرمینوں اور ڈسڑکٹ کونسل کے ممبران کی ” قیمت اور قدر” بہت بڑھ گئی ہے جن کو وی سی آئی پی پروٹوکول دیا جا رہا ہے اور ان کے ناز نخرے اٹھائے جا رہے ہیں-

وزیراعظم اور ایم ڈی آئی ایم ایف کے درمیان پیرس میں تین ملاقاتیں

ذرائع کے مطابق ووٹرز کو خریدنے کے عمل میں مبینہ طور پر صوبائی وزرا ، ارکان قومی و صوبائی اسمبلی ، نامور سیاستداں اور قبائلی نواب و سردار و دیگر بااثر شخصیات شامل ہیں ۔

پاکستان کو ٹیکس ریونیو میں اضافے کی ضرورت ہے،اسحاق ڈار

عید سے پہلے عمران خان اور بشریٰ بی بی کو طلبی کا نوٹس جاری

کوئٹہ(محبوب مگسی): بلوچستان کے 35 اضلاع کے ڈسٹرکٹ کونسلزز کی مخصوص نشستوں پر پولنگ 22 جون کو ہوگی۔

باغی ٹی وی : تمام انتظامات مکمل کر لیے گئے ہیں ۔ خواتین، کسان، مزدور اور اقلیتوں کی نشستوں پر 1001 کاغزات نامزدگی جمع، چمن، ہرنائی، جھل مگسی اور آواران میں امیدوار بلامقابلہ منتخب، شریف اللہ صوبائی الیکشن کمشنر بلوچستان صوبائی الیکشن کمشنر بلوچستان شریف اللہ نے کہا ہے کہ بلوچستان کے 35 اضلاع کے ڈسٹرکٹ کونسلزز کی مخصوس نشستوں (خواتین، کسان، مزدور اور غیر مسلم) پر انتخابات 22 جون کو ہوں گے۔ تمام انتظامات مکمل کر لیئے گئے ہیں۔ بیلٹ پیپر کی ترسیل مکمل کر دی گئی ہے۔ مخصوض نشستوں پر خواتین کی 289 نشستوں پر 522 کاغزات نامزدگی جمع ہوئے ہیں۔ کسان کی 47 نشستوں 190 کاغزات نامزدگی جمع ہوئے ہیں۔

مزدود کی 47 نشستوں پر 196 کاغزات نامزدگی جمع ہوئے ہیں تفصیل درج ذیل ہے۔ اقلیتوں کی 47 نشستوں پر 93 کاغزات نامزدگی جمع ہوئے ہیں۔ضلع پشین کے ڈسٹرکٹ کونسل کی خواتین کی 22 نشستوں پر 36، کسان کی 3 نشستوں پر 8 ،مزدور کی 3 نشستوں پر 11،جبکہ غیر مسلم کی 3 نشستوں پر 5 کاغذات نامزدگی جمع ہوئے۔ضلع چمن کے ڈسٹرکٹ کونسل کی خواتین کی 14 نشستوں پر 20، کسان کی 2 نشستوں پر 4 ،مزدور کی 2 نشستوں پر 3،جبکہ غیر مسلم کی 2 نشستوں پر 3 کاغذات نامزدگی جمع ہوئے۔

ضلع قلعہ عبداللہ کے ڈسٹرکٹ کونسل کی خواتین کی 13 نشستوں پر 21، کسان کی 2 نشستوں پر 5،مزدور کی 2 نشستوں پر 4،جبکہ غیر مسلم کی 2 نشستوں پر 3 کاغذات نامزدگی جمع ہوئے۔ ضلع نوشکی کے ڈسٹرکٹ کونسل کی خواتین کی 5نشستوں پر 14 ،کسان کی 1 نشست پر 7 ،مزدور کی 1 نشست پر 5 جبکہ غیر مسلم کی 1 نشست پر 3 کاغذات نامزدگی جمع ہوئے۔ ضلع چاغی کے ڈسٹرکٹ کونسل کی خواتین کی 8 نشستوں پر 19، کسان کی 1 نشست پر 6 ،مزدور کی 1 نشست پر 10،اور غیر مسلم کی 1 نشست پر 4 کاغذات نامزدگی جمع ہوئے۔

ضلع خاران کے ڈسٹرکٹ کونسل کی خواتین کی 4نشستوں پر 6 ،کسان کی 1 نشست پر 5 ،مزدور کی 1 نشست پر 5 جبکہ غیر مسلم کی 1 نشست پر 3 کاغذات نامزدگی جمع ہوئے۔ضلع واشک کے ڈسٹرکٹ کونسل کی خواتین کی 6 نشستوں پر 13، کسان کی 1 نشست پر 5 ،مزدور کی 1 نشست پر 5،اور غیر مسلم کی 1 نشست پر 2 کاغذات نامزدگی جمع ہوئے۔

ضلع ژوب کے ڈسٹرکٹ کونسل کی خواتین کی 9 نشستوں پر 15 ،کسان کی 1 نشست پر 5 ،مزدور کی 1 نشست پر 7 جبکہ غیر مسلم کی 1 نشست پر 3 کاغذات نامزدگی جمع ہوئے۔ضلع شیرانی کے ڈسٹرکٹ کونسل کی خواتین کی 6 نشستوں پر 9، کسان کی 1 نشست پر 3 ،مزدور کی 1 نشست پر 2، اور غیر مسلم کی 1 نشست پر 1 کاغذات نامزدگی جمع ہوئے۔

ضلع قلعہ سیف اللہ کے ڈسٹرکٹ کونسل کی خواتین کی 11 نشستوں پر 15 ،کسان کی 2 نشست پر 6 ،مزدور کی 2 نشستوں پر 5 جبکہ غیر مسلم کی 2 نشستوں پر کوئی بھی کاغذات نامزدگی جمع نہیں ہوئے۔ضلع لورالائی کے ڈسٹرکٹ کونسل کی خواتین کی 7نشستوں پر 12، کسان کی 1 نشست پر 3 ،مزدور کی 1 نشست پر 3، اور غیر مسلم کی 1 نشست پر 1 کاغذات نامزدگی جمع ہوئے۔

ضلع بارکھان کے ڈسٹرکٹ کونسل کی خواتین کی 6 نشستوں پر 7 ،کسان کی 1 نشست پر 4 ،مزدور کی 1 نشست پر 4 اور غیر مسلم کی 1 نشست پرکوئی بھی کاغذات نامزدگی جمع نہیں ہوئے۔ضلع موسی خیل کے ڈسٹرکٹ کونسل کی خواتین کی 6 نشستوں پر 11، کسان کی 1 نشست پر 5 ،مزدور کی 1 نشست پر 7، اور غیر مسلم کی 1 نشست پر 2 کاغذات نامزدگی جمع ہوئے۔ضلع دکی کے ڈسٹرکٹ کونسل کی خواتین کی 6 نشستوں پر 10 ،کسان کی 1 نشست پر 4 ،مزدور کی 1 نشست پر 4 اور غیر مسلم کی 1 نشست پر 1 کاغذات نامزدگی جمع ہوئے۔

ضلع سبی کے ڈسٹرکٹ کونسل کی خواتین کی 5 نشستوں پر 11، کسان کی 1 نشست پر 6 ،مزدور کی 1 نشست پر 8، اور غیر مسلم کی 1 نشست پر 3 کاغذات نامزدگی جمع ہوئے۔ضلع ہرنائی کے ڈسٹرکٹ کونسل کی خواتین کی 3 نشستوں پر 3، کسان کی 1 نشستوں پر 2 ،مزدور کی 1 نشستوں پر 1،جبکہ غیر مسلم کی 1 نشست پر 1 کاغذات نامزدگی جمع ہوئے۔ ضلع زیارت کے ڈسٹرکٹ کونسل کی خواتین کی 5 نشستوں پر 7، کسان کی 1 نشست پر 4 ،مزدور کی 1 نشست پر 4، اور غیر مسلم کی 1 نشست پر 3 کاغذات نامزدگی جمع ہوئے۔ضلع کوہلو کے ڈسٹرکٹ کونسل کی خواتین کی 8 نشستوں پر 14 ،کسان کی 1 نشست پر 6 ،مزدور کی 1 نشست پر 5 اور غیر مسلم کی 1 نشست پر 2 کاغذات نامزدگی جمع ہوئے۔

ضلع ڈیرہ بگٹی کے ڈسٹرکٹ کونسل کی خواتین کی 8 نشستوں پر 16، کسان کی 1 نشست پر 4 ،مزدور کی 1 نشست پر 6، اور غیرمسلم کی 1 نشست پر 2 کاغذات نامزدگی جمع ہوئے۔ضلع نصیر آباد کے ڈسٹرکٹ کونسل کی خواتین کی 15 نشستوں پر 31 ،کسان کی 2 نشستوں پر 8 ،مزدور کی 2 نشستوں پر 8 اور غیر مسلم کی 2 نشستوں پر 6 کاغذات نامزدگی جمع ہوئے۔ضلع جعفر آباد کے ڈسٹرکٹ کونسل کی خواتین کی 7 نشستوں پر 12، کسان کی 1 نشست پر 7 ، مزدور کی 1 نشست پر 6، اور غیر مسلم کی 1 نشست پر 5 کاغذات نامزدگی جمع ہوئے۔

ضلع اوستہ محمد کے ڈسٹرکٹ کونسل کی خواتین کی 6 نشستوں پر 13 ،کسان کی 1 نشست پر 9 ، مزدور کی 1 نشست پر 6 اور غیر مسلم کی 1 نشست پر 4 کاغذات نامزدگی جمع ہوئے۔ضلع صحبت پور کے ڈسٹرکٹ کونسل کی خواتین کی 7 نشستوں پر 12، کسان کی 1 نشست پر 3 ،مزدور کی 1 نشست پر 3، اور غیر مسلم کی 1 نشست پر 1 کاغذات نامزدگی جمع ہوئے۔ ضلع کچھی کے ڈسٹرکٹ کونسل کی خواتین کی 10 نشستوں پر 24 ،کسان کی 2 نشستوں پر 8 ،مزدور کی 2 نشستوں پر 7 اور غیر مسلم کی 2 نشستوں پر 6 کاغذات نامزدگی جمع ہوئے۔

ضلع جھل مگسی کے ڈسٹرکٹ کونسل کی خواتین کی 5 نشستوں پر 5، کسان کی 1 نشست پر 1 ،مزدور کی 1 نشست پر 1،جبکہ غیر مسلم کی 1 نشست پر 1 کاغذات نامزدگی جمع ہوئے۔ضلع قلات کے ڈسٹرکٹ کونسل کی خواتین کی 5 نشستوں پر 14 ،کسان کی 1 نشست پر 5 ،مزدور کی 1 نشست پر 7 اور غیر مسلم کی 1 نشست پر 1 کاغذات نامزدگی جمع ہوئے ۔ضلع خضدار کے ڈسٹرکٹ کونسل کی خواتین کی 17 نشستوں پر 22، کسان کی 3 نشستوں پر 8 ،مزدور کی 3 نشستوں پر 8،اور غیر مسلم کی 3 نشستوں پر 6 کاغذات نامزدگی جمع ہوئے۔ ضلع سوراب کے ڈسٹرکٹ کونسل کی خواتین کی 7 نشستوں پر 12 ،کسان کی 1 نشست پر 5 ،مزدور کی 1 نشست پر 4 اور غیر مسلم کی 1 نشست پر 2 کاغذات نامزدگی جمع ہوئے۔

ضلع مستونگ کے ڈسٹرکٹ کونسل کی خواتین کی 9 نشستوں پر 22، کسان کی 1 نشست پر 9 ،مزدور کی 1 نشست پر 7،اور غیر مسلم کی 1 نشست پر 2 کاغذات نامزدگی جمع ہوئے۔ضلع آواران کے ڈسٹرکٹ کونسل کی خواتین کی 3 نشستوں پر 4، کسان کی 1 نشست پر 1 ،مزدور کی 1 نشست پر 1،جبکہ غیر مسلم کی 1 نشست پر کوئی کاغذات نامزدگی جمع نہیں ہوئے۔ضلع لسبیلہ کے ڈسٹرکٹ کونسل کی خواتین کی 7 نشستوں پر 10، کسان کی 1 نشست پر 7 ،مزدور کی 1 نشست پر 7، اور غیر مسلم کی 1 نشست پر 3 کاغذات نامزدگی جمع ہوئے ۔

ضلع حب کے ڈسٹرکٹ کونسل کی خواتین کی 4 نشستوں پر 5 ،کسان کی 1 نشست پر 2 ،مزدور کی 1 نشست پر 3 اور غیر مسلم کی 1 نشست پر 3 کاغذات نامزدگی جمع ہوئے۔ضلع کیچ کے ڈسٹرکٹ کونسل کی خواتین کی 24 نشستوں پر 56، کسان کی 4 نشستوں پر 16 ،مزدور کی 4 نشستوں پر 23،اور غیر مسلم کی 4 نشستوں پر 5 کاغذات نامزدگی جمع ہوئے۔

ضلع پنجگور کے ڈسٹرکٹ کونسل کی خواتین کی 7 نشستوں پر 15 ،کسان کی 1 نشست پر 5 ،مزدور کی 1 نشست پر 4 اور غیر مسلم کی 1 نشست پر 3 کاغذات نامزدگی جمع ہوئے۔ ضلع گوادر کے ڈسٹرکٹ کونسل کی خواتین کی 4 نشستوں پر 6، کسان کی 1 نشست پر 4 ،مزدور کی 1 نشست پر 2،اور غیر مسلم کی 1 نشست پر 3 کاغذات نامزدگی جمع ہوئےضلع چمن ،ہرنائی،جھل مگسی اور آواران کے امیدواران بلا مقابلہ منتخب ۔

بلوچستان کا آئندہ مالی سال کا بجٹ آج پیش کیا جائے گا-

باغی ٹی وی: بلوچستان اسمبلی کا بجٹ اجلاس آج سہ پہر 4 بجے ہوگا جس میں صوبائی وزیرخزانہ زمرک خان اچکزئی بجٹ پیش کریں گے بلوچستان کے آئندہ مالی سال کے بجٹ کا حجم 700 ارب روپے سے زائد ہونےکا امکان ہے، آئندہ بجٹ میں صحت کارڈ کے لیے 5 ارب 80 کروڑ روپے مختص کیےجانے کی تجویز پیش کی گئی ہے۔

ذرائع کے مطابق سرکاری اسپتالوں میں ادویات کی فراہمی کےلیے 2 ارب 70کروڑ روپے رکھے ہیں اور بلوچستان ایجوکیشن انڈوومنٹ فنڈ کے لیے 2 ارب روپے فوڈ سکیورٹی کے لیے ایک ارب اور پی پی ایچ آئی کے لیے 75 کروڑ روپے مختص کرنے کی تجویز ہے پنشن فنڈ کے لیے 2 ارب روپے مختص کیے جارہے ہیں، عوامی انڈوومنٹ فنڈ کے لیے ایک ارب روپے جبکہ لوگوں کو ہنرمند بنانے کے پروگرام کے لیے 2 ارب روپے رکھے جائیں گے۔

پنجاب کی نگران حکومت آج بجٹ پیش کرے گی

بلوچستان کو قابل تقسیم محاصل سے 45 ارب سے زائد آمدنی حاصل ہونے کا امکان ہےصوبے کو براہ راست ٹرانسفر سے 20 ارب 6 کروڑ روپے سے زائد گیس رئیلٹی، ڈیولپمنٹ سرچارج کی مد میں بلوچستان کو16 ارب 52 کروڑ روپے سے زائد جبکہ قدرتی گیس پر ایکسائز ڈیوٹی سے 3 ارب 38 کروڑروپےکی آمدنی متوقع ہے۔

خیبر پختونحوا، پنجاب اور کشمیر میں آندھی اور بارش کا امکان

دوسری جانب محکمہ خزانہ پنجاب کے ذرائع کے مطابق پنجاب حکومت 1368 ارب روپے سے زائد کا مجموعی بجٹ پیش کرے گی 4 ماہ کے بجٹ میں جاری ترقیاتی منصوبوں کے لیے 426 ارب 87 کروڑ روپے اور غیرترقیاتی منصوبوں کے لیے 941 ارب 34 کروڑ روپے رکھے گئے ہیں جوائنٹ پریروٹیزکمیٹی نے بجٹ کےاعداد و شمارکی منظوری دے دی ہے اور نگران کابینہ آج اجلاس میں 4 ماہ کے بجٹ کی منظوری دے گی۔

یونان میں عوام کا تارکینِ وطن کے خلاف پالیسیوں پر احتجاج

کوئٹہ: بلوچستان کے سمندر میں طغیانی کے خدشے کے پیش نظر ماہی گیروں کو الرٹ جاری کردیا گیا۔

باغی ٹی وی : جوائنٹ میری ٹائم انفارمیشن کوآرڈینیشن سینٹر (جے ایم آئی سی سی) کے مطابق 25 سے 26 اپریل تک بلوچستان کے ساحلی علاقوں میں تیز ہواؤں کے چلنے سے سمندر میں طغیانی کا امکان ہے۔

جے ایم آئی سی سی کی جانب سے جاری الرٹ میں کہا گیا ہے کہ ماہی گیر 25 سے 26 اپریل تک گہرے سمندر میں جانے سے گریز کریں اور اپنی کشتیاں انجن ، جال و ماہی گیری کے دیگر آلات محفوظ کرلیں کسی بھی قسم کے نقصانات اور پریشانی سے بچنے کے لیے بروقت احتیاطی تدابیر اختیار کرلی جائیں۔

محکمہ فشریز بلوچستان کی جانب سے بھی ماہی گیروں کو الرٹ رہنے کی ہدایت کرتے ہوئے بتایا گیا ہے کہ گوادر کے سمندر میں زیادہ طغیانی کا خدشہ ہے۔ اسسٹنٹ ڈائریکٹر فشریز پسنی اور اورماڑہ نے ہدایات جاری کردی ہیں۔

دوسری جانب محکمہ موسمیات نے کل بدھ سے بالائی خیبرپختونخوا، بلوچستان، مشرقی پنجاب، بالائی سندھ اور کشمیر میں تیز ہواؤں، آندھی اور گرج چمک کے ساتھ مزید بارشوں کی پیشگوئی کر دی ہے۔

ان علاقوں میں ہلکی بارش کا سلسلہ اتوار تک وقفے وقفے سے جاری رہنے کا امکان ہے، اس دوران مری، گلیات اور پوٹھوہار میں بھی بارش کی پیشگوئی کی گئی ہے،آئندہ چوبیس گھنٹوں کے دوران ملک کے بیشتر علاقوں میں موسم خشک اور گرم رہنے کا امکان ہے۔