اسلام آبا:وفاقی وزیر انسانی حقوق شیریں مزاری کورونا وائرس کا شکار ہو گئیں کوویڈ کی تصدیق کے بعد شیریں مزاری نے خود کو گھر میں قرنطینہ کر لیا۔

باغی ٹی وی : تفصیلات کے مطابق وفاقی وزیر انسانی حقوق شیریں مزاری کے کورونا ٹیسٹ کی رپورٹ مثبت آ گئی ہے جس کے بعد انہوں نے خود کو گھر میں قرنطینہ کر لیا ہے ۔

ذرائع کے مطابق وزیر انسانی حقوق میں کوویڈ کی تصدیق کے بعد ان کے سٹاف اور اور قریبی حلقہ احباب کو بھی کورونا ٹیسٹ کرانے کی ہدایت کی گئی ہے ۔

اس سے قبل وزیرصحت پنجاب یاسمین راشد میں اومی کورون وائرس کی تصدیق ہوئی تھی جس کے بعد انہوں نے خود کو آئسولیٹ کرلیا تھا-

اومیکرون ویرینٹ کے باعث کورونا کیسوں میں اضافے پر تشویش

واضح رہے کہ پنجاب میں اومی کرون ویریئنٹ کے مزید24کیسز رپورٹ ہوئے ہیں،پنجاب میں اومی کرون ویریئنٹ کے مجموعی کیسز کی تعداد319ہوگئی لاہور سے مزید20اومی کرون کیسز سامنے آئے، لاہور میں اومی کرون ویریئنٹ کے مصدقہ کیسز کی تعداد 306 ہو گئی

این سی او سی کی جانب سے جاری اعدادو شمار کے مطابق پاکستان مین کرونا سے مزید تین اموات یوئی ہیں جبکہ 1649 نئے مریض سامنے آئے ہیں، پاکستان میں کرونا سے اموات کی مجموعی تعداد 28 ہزار 972 ہو گئی ہے گزشتہ چوبیس گھنٹوں میں ملک بھر میں 45 ہزار 2 کورونا ٹیسٹ کیے گئے اور مثبت کیسز کی شرح 3.66 فیصد رہی

این سی او سی کے مطابق سندھ میں کورونا کے کیسز کی تعداد 4 لاکھ 87 ہزار668، خیبر پختونخوا میں ایک لاکھ 81 ہزار 757، پنجاب میں 4 لاکھ 48 ہزار 91، اسلام آباد میں ایک لاکھ 9ہزار 396، بلوچستان میں 33 ہزار 659، آزاد کشمیر میں 34 ہزار 704 اور گلگت بلتستان میں 10 ہزار 432 ہو گئی ہے

دوسری جانب بلوم برگ میں شائع شدہ ایک رپورٹ کے مطابق فرانس میں کرونا کی ایک نئی قسم سامنے آئی ہے، ڈیلٹا، اومیکرون کے بعد اس نئی قسم کا سائنسدانوں نے اس کا نام ڈیلٹا کرون رکھ دیا ہے، اس وائرس میں ڈیلٹا اور اومیکرون دونوں کی خاصیتیں موجود ہیں قبرص یونیورسٹی کے بائیولوجیکل سائنس کے پروفیسر لیونڈیوس کوسٹریکس نے اس حوالے سے دیے جانے والے اپنے ایک انٹرویو میں کہا کہ اس وقت لوگ اومیکرون اور ڈیلٹا سے بیک وقت متاثر ہورہے ہیں لیکن یہاں سائنسدانوں و ڈاکٹروں کی ٹیم نے ان دونوں اقسام کے امتزاج کو دریافت کیا ہے،کرونا کی نئی قسم ڈیلٹا کرون کے اب تک 25 مریض سامنے آ چکے ہیں، ماہرین کا خیال ہے کہ یہ شرح زیادہ ہو سکتی ہے-

جبکہ این سی او سی کے سربراہ اسدعمر نے کہا ہے کہ این سی او سی کی ساری ٹیم بہترین کام کررہی ہے ،اسد عمر کا کہنا تھا کہ کورونا کا مرض ابھی ختم نہیں ہوا ہے،کورونا وبا میں تیزی سے اضافہ ہو رہا ہے،شہری ویکسینیشن کرائیں اور ماسک پہنیں،این سی او سی میں کام کرنے والی ٹیم زبردست ہے،این سی او سی نے وہ کام کر دکھایا جس کا لوگ تصوربھی نہیں سکتے تھے-

ڈاکٹر یاسمین راشد میں اومیکرون کی تصدیق

وفاقی وزیراسد عمر کا کہنا ہے کہ عوام کورونا وائرس کے پھیلاؤ کو روکنے کے لیے ایس او پیز پر عمل کریں او ویکسینیشن لگوائیں-

باغی ٹی وی : تفصیلات کے مطابق این سی او سی نے ان ٹیموں کے اعزاز میں انعامات کی تقریب کا انعقاد کیا جنہوں نے کورونا وائرس وبائی امراض سےنمٹنے کے لیے کام کیا-

نیشنل کمانڈ اینڈ آپریشن سنٹر (این سی او سی) نے پیر کے روز صوبائی اور ضلعی ٹیموں کے اعزاز میں تعریفی اسناد اور شیلڈز تقسیم کرنے کی تقریب کا انعقاد کیا جنہوں نے ویکسینیشن کے مقررہ اہداف حاصل کرنے اور کورونا وائرس وبائی امراض سے نمٹنے میں بھر پور کوششیں کیں۔

جاپان نےکورونا کے پھیلاؤ کا ذمہ دار امریکی فوجی اڈوں کو قرار دے دیا

تقریب کا اہتمام این سی او سی ہیڈ آفس میں کیا گیا جس کی صدارت چیئرمین این سی او سی وفاقی وزیر برائے منصوبہ بندی، ترقی اور خصوصی اقدامات اسد عمر، نیشنل کوآرڈینیٹر میجر جنرل محمد ظفر اقبال اور وزیر اعظم کے معاون خصوصی برائے صحت ڈاکٹر فیصل سلطان نے کی۔

شیلڈز اور تعریفی خطوط ان اضلاع اور صوبوں کو دیئے گئے جنہوں نے 60 فیصد سے زائد آبادی کو حفاظتی ٹیکے لگانے کا ہدف مکمل کیا اور ان تین دور دراز اضلاع کو جنہوں نے محدود وسائل اور دشوار گزار علاقے کے باوجود زیادہ سے زیادہ ویکسینیشن کے اہداف حاصل کئے۔

کورونا،ڈیلٹا،اومی کرون،فلورونا کے بعد ڈیلٹا کرون:نیاوائرس کتنا خطرناک ہے ماہرین نے ڈرا دیا

اضلاع کے نمائندوں میں ڈپٹی کمشنرز، اسسٹنٹ کمشنرز، چیف ایگزیکٹو آفیسرز، ڈسٹرکٹ ہیلتھ آفیسرز، ڈسٹرکٹ ویکسینیشن فوکل پرسن اور ڈیٹا انٹری آپریٹرز شامل ہیں۔

کورونا وائرس ویکسینیشن مہم میں بڑھ چڑھ کر حصہ لینے والے تمام کارکنوں کی خدمات کو تسلیم کرنے کے لیے انعامات کی تقریب سے خطاب کرتے ہوئے وفاقی وزیر برائے منصوبہ بندی، ترقی اور خصوصی اقدامات اسد عمر نے ایک بار پھر لوگوں کو مشورہ دیا کہ وہ خود کو کورونا وائرس سے بچانے کے لیے معیاری آپریٹنگ طریقہ کار (SOPs) پر عمل کریں کووڈ جو اس وقت ملک میں تیزی سے پھیل رہا ہے۔

وفاقی وزیر نے کہا کہ جن لوگوں کو ابھی تک ویکسین نہیں لگائی گئی وہ جلد از جلد ویکسین لگوائیں جن افراد کو چھ ماہ قبل مکمل طور پر ویکسین لگائی گئی تھی اور ان کی عمر 30 سال سے زیادہ ہے، وہ بوسٹر ڈوز بھی لگوائیں-

اسد عمر نے تمام گراؤنڈ ورکرز، ویکسی نیشن ٹیموں، این سی او سی، ہیلتھ ورکرز اور وفاقی اور صوبائی اداروں کی مربوط کوششوں کی تعریف کی جنہوں نے مہم کو کامیاب بنانے میں مدد کی انہوں نے کہا کہ کورونا وائرس کے خلاف مہم اس لیے یاد رکھی جائے گی کہ پوری قوم نے اس کے پھیلاؤ کو روکنے کے لیے اجتماعی کوششیں کیں۔

قبل ازیں تقریب کے دوران بتایا گیا کہ 48 فیصد اہل آبادی کو مکمل طور پر ویکسین لگائی گئی ہے۔ 31 دسمبر 2021 تک 71.5 ملین افراد کی ویکسینیشن مکمل ہو چکی ہے۔ صرف دسمبر 2021 میں تقریباً 21.5 ملین افراد کی ویکسینیشن کو یقینی بنایا گیا ہے اور اس کا کریڈٹ صوبوں کو جاتا ہے۔

اومی کرون کی علامت جو نیند میں سامنے آتی ہے

تعریفی اسناد اور شیلڈز حاصل کرنے والی ضلعی ٹیموں میں جہلم، میانوالی، منڈی بہاؤالدین، نارووال، اٹک، بھکر، سرگودھا، لودھراں، کراچی ساؤتھ اینڈ ایسٹ، چترال لوئر اینڈ اپر، مستونگ، چمن، لسبیلہ، ہرنائی، آواران، سوراب، نصیر آباد، ہنزہ، غذر، میرپور، تھرپارکر، اورکزئی اور نوادی نیلم شامل ہیں-

سرفہرست تین اضلاع جنہوں نے زیادہ سے زیادہ آبادی جو ویکسین لھانے کا ہدف حاصل کیا ان میں قلات 87 فیصد ، کراچی جنوبی 82 فیصد ، اسلام آباد 77فیصد شامل ہیں، جبکہ دور دراز علاقوں کے تین اضلاع جنہوں نے دشوار گزار علاقوں اور محدود وسائل کے باوجود ویکسینیشن کے اہداف حاصل کیے ان میں اورکزئی 54 فیصد ،نیلم 56 فیصد اور تھرپارکر 51فیصد شامل ہیں۔

آخر میں اسد عمر نے اس بات کا اعادہ کیا کہ تمام صوبوں کو موجودہ لہر کے پھیلاؤ کو روکنے کے لیے تمام NPIs اور فرض شناس نظام کی صحیح معنوں میں پیروی کرنی چاہیے۔

بوسٹر ڈوز لگوانے کے لئے سنٹر قائم، تفصیلات جاری

پاکستان میں عالمی وبا کورونا وائرس سے مزید 1 مریض جاں بحق جبکہ دنیا بھر میں27 لاکھ سے زائد افراد کورونا وائرس میں مبتلا ہو گئےاور دنیا میں بھر میں کورونا سے 6 ہزار سے زائد اموات ریکارڈ کی گئیں-

باغی ٹی وی : پاکستان کورونا مریضوں کے حوالے سے مرتب کی گئی فہرست میں 40 ویں نمبر پر آ گیا، تاہم کورونا کیسز کی شرح میں مسلسل اضافہ ہو رہا ہےنیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 46 ہزار 537 کورونا ٹیسٹ کیے گئے مزید ایک ہزار 345 کورونا کیسز رپورٹ ہوئے-

ڈاکٹر یاسمین راشد میں اومیکرون کی تصدیق

این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 13 لاکھ 2 ہزار 486 ہو گئی جبکہ اموات کی مجموعی تعداد 28 ہزار 962 ہو گئی ہے اور مثبت کیسز کی شرح 2.89 فیصد رہی۔

ملک بھر میں اسپتالوں، قرنطینہ سینٹرز، وینٹی لیٹرز اور گھروں میں کورونا وائرس کے 15 ہزار 192 زیرِ علاج مریضوں میں سے 629 کی حالت تشویش ناک ہے، جبکہ 12 لاکھ 58 ہزار 332 مریض اب تک اس بیماری سے شفایاب ہو چکے ہیں جبکہ اب تک کُل 2 کروڑ 37 لاکھ 52 ہزار 912 کورونا ٹیسٹ کیئے جا چکے ہیں۔

پاکستان بھر میں گزشتہ 24 گھنٹوں کے دوران 7 لاکھ 58 ہزار 688 افراد کو کورونا وائرس کی ویکسین دی گئی، اب تک کُل 16 کروڑ 14 لاکھ 9 ہزار 693 کورونا ویکسین کی خوراکیں دی جا چکی ہیں جبکہ 7 کروڑ 34 لاکھ 84 ہزار 322 افراد کی مکمل ویکسینیشن ہو چکی ہے۔

اومی کرون کی علامت جو نیند میں سامنے آتی ہے

سندھ میں کورونا وائرس کے مریضوں کی تعداد دیگر صوبوں سے زیادہ 4 لاکھ 85 ہزار 782 ہو چکی ہے، جبکہ اس سے کُل اموات 7 ہزار 678 ہو گئیں پنجاب میں کورونا وائرس کے اب تک 4 لاکھ 47 ہزار 82 مریض پورٹ ہوئے ہیں، جبکہ یہاں کُل ہلاکتیں دیگر صوبوں سے زیادہ ہیں جو 13 ہزار 77 ہو چکی ہیں۔

خیبر پختونخوا میں 24 گھنٹے میں 59 افراد کورونا وائرس سے متاثر ہوئے جس کے بعد کورونا وائرس کے مریضوں کی تعداد 1 لاکھ 81 ہزار 673 ہو چکی ہےجبکہ اس سے یہاں کُل اموات 5 ہزار 941 ہو گئیں وفاقی دارالحکومت اسلام آباد میں 1 لاکھ 9 ہزار 167 کورونا وائرس سے متاثرہ مریض اب تک سامنے آئے ہیں، جبکہ اب تک یہاں کُل 967 افراداس وبا سے جان کی بازی ہارچکے ہیں محکمہ صحت کے مطابق گزشتہ 24 گھنٹے میں کورونا وائرس سے پشاورمیں 38 افراد متاثر ہوئے-

یورپ میں کورونا کیسز میں اضافہ جبکہ پاکستان میں بھی 898 کیسز رپورٹ

آزاد جموں و کشمیر میں کورونا وائرس کے اب تک 34 ہزار 696 مریض رپورٹ ہوئے ہیں، جبکہ اس کے باعث اب تک یہاں کُل 747 مریض وفات پا چکے ہیں کورونا وائرس کے بلوچستان میں 33 ہزار 657 مریض اب تک رپورٹ ہوئے ہیں جہاں 366 افراد اس مرض سے انتقال کر چکے ہیں گِلگت بلتستان میں 10 ہزار 429 کورونا وائرس کے مریض سامنے آئے ہیں جبکہ اس سے اب تک 186 افراد جاں بحق ہوئے ہیں۔

محکمہ صحت پنجاب کے مطابق صوبہ بھر میں کورونا ایکٹو کیسز کی تعداد 4,240 ہو گئی، مجموعی تعداد 447,187 ہو گئی ،کورونا کے 406 نئے کیسزرپورٹ جبکہ 24گھنٹے میں پنجاب میں کورونا سے کوئی ہلاکت رپورٹ نہیں ہوئی جبکہ یہاں کُل ہلاکتیں دیگر صوبوں سے زیادہ ہیں جو 13 ہزار 77 ہو چکی ہیں۔

پاکستان آنے والی پروازوں سے متعلق نیا حکم نامہ جاری

24گھنٹے میں ارجنٹائن میں ایک لاکھ 8ہزار، جرمنی میں 59ہزار سے زائد کیسز رپورٹ ہوئےبھارت میں کورونا کے ایک لاکھ 41ہزار سے زائد کیسز رپورٹ
امریکا میں کورونا کے8 لاکھ 49 ہزار سے زائد کیسز ریکارڈ اسپین میں ایک لاکھ 15ہزارسے زائد کورونا کیسز ریکارڈ، ترکی میں 60ہزار، برازیل میں 54 ہزار سے زائد کیسز رپورٹ، اٹلی میں کورونا کے ایک لاکھ 8 ہزار سے زائد کیسز ریکارڈ فرانس میں کورونا کے 24 گھنٹے میں 3لاکھ 28ہزار سے زائد کیسز ریکارڈ اور برطانیہ میں کورونا کےایک لاکھ 78ہزار سے زائد نئے کیسز ریکارڈ ہوئے-

راولپنڈی:4 مریضوں میں اومی کرون کی تصدیق

ڈاکٹر یاسمین راشد میں اومیکرون کی تصدیق
باغی ٹی وی کی رپورٹ کے مطابق وزیرصحت پنجاب یاسمین راشد میں اومی کورون وائرس کی تصدیق ہوئی ہے

ڈاکٹر یاسمین کا کورونا ٹیسٹ 2 روز قبل مثبت آیا تھا محکمہ صحت کا کہنا ہے کہ تمام مثبت کیسز میں 90 فیصد سے زائد اومی کرون کی تصدیق ہو رہی ہے، لاہورمیں کورونا کے اومی کرون ویرینٹ کیسز کی تعداد بڑھنے لگی لاہور میں اومی کرون ویرینٹ کے مزید 41 کیسز کی تصدیق ہوئی ہے جس کے بعد لاہور میں اومی کرون ویرینٹ کی مجموعی تعداد 211 تک جاپہنچی،محکمہ صحت کا کہنا ہے کہ شہری ماسک کا استعمال کریں اور احتیاطی تدابیر پر عمل کریں،

پاکستان میں عالمی وبا کورونا وائرس سے مزید 5 افراد جاں بحق ہو گئے جبکہ دنیا بھر میں ایک ہی دن میں 25 لاکھ سے زائد افراد کورونا وائرس میں مبتلا ہو گئے-

نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 46 ہزار 585 کورونا ٹیسٹ کیے گئے مزید 1 ہزار 85 کورونا کیسز رپورٹ ہوئے-

یورپ میں کورونا کیسز میں اضافہ جبکہ پاکستان میں بھی 898 کیسز رپورٹ

این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 12 لاکھ 99 ہزار848 ہو گئی جبکہ اموات کی مجموعی تعداد 28 ہزار 955 ہو گئی ہے اور مثبت کیسز کی شرح 2.32 فیصد رہی۔

سندھ میں گزشتہ 24 گھنٹوں کے دوران کورونا کے مزید 556 کیسز سامنے آئے، جبکہ دو لاکھ 20 ہزار سےزائد افراد کو ویکسین لگائی گئی۔

کورونا،ڈیلٹا،اومی کرون اوراب فلورونا:بھارت کے بندہونے کا خطرہ:دہلی میں لاک ڈاون شروع

وزیراعلیٰ سندھ مراد علی شاہ نے صوبے میں کورونا وائرس کی صورتحال پر بیان میں بتایا کہ گزشتہ 24 گھنٹوں میں12729 ٹیسٹ میں 556 مثبت آئے، اور کورونا وائرس سے ایک مریض کا انتقال ہوا۔ جس کے بعد کورونا سے انتقال کرنے والوں کی تعداد 7675 ہوگئی۔

انھوں نے کہا کہ صوبے میں اب تک7196787 ٹیسٹ میں 482969 کیسز رپورٹ ہوچکے ہیں۔ اس وقت کورونا کے 6931 مریض زیر علاج ہیں، جن میں139 کی حالت تشویشناک ہے اور 16 وینٹی لیٹرز پر ہیں۔

دوسری جانب دنیا بھر میں ایک دن میں 25 لاکھ سے زائد کیسز ریکارڈ کیے گئے جبکہ 5 روز میں دنیا بھر میں ایک کروڑ کے قریب کیسز ریکارڈ سامنے آئے، امریکہ میں پانچ لاکھ 42 ہزار سے زائد نئے کیسز رپورٹ ہوئے ہیں 0

برطانیہ میں ایک لاکھ 94 ہزار،اسپین میں ایک لاکھ 37 ہزار سے زائد کیسز رپورٹ، اسی طرح اٹلی میں کورونا کیسز کی تعداد 1 لاکھ سے تجاوز کر گئی، رپورٹ کے مطابق اٹلی میں ایک لاکھ 90 کے قریب نئے کیسز رپورٹ ہوئے جبکہ ارجنٹائن میں 95 ہزار، بھارت میں 87 ہزار سے زائد کیسز رپورٹ ہوئے۔

پاکستان آنے والی پروازوں سے متعلق نیا حکم نامہ جاری

فرانس میں پہلی بار 3 لاکھ سے زائد نئے کیس سامنے آ گئے ہیں فرانسیسی صدر ایمانوئیل میکروں نے کہا ہے کہ وہ کورونا ویکسین نہ لگوانے والوں کی زندگی مشکل کردیں گے۔

فرانسیسی اخبار کو انٹرویو دیتے ہوئے ایمانوئیل میکروں کا کہنا تھا کہ وہ ویکسین نہ لگوانے والوں کو واقعی پریشان کرنا چاہتے ہیں اور ہم آخر تک ایسا کرتے رہیں گے۔

برطانوی وزیراعظم بورس جانسن نے کہا ہے کہ برطانیہ آنے سے قبل کورونا ٹیسٹ کی شرط ختم کردی ہے، نئےایس او پیز کا اطلاق جمعہ کی صبح چار بجے سے ہوگا لوگ گھر سے کام جاری رکھیں، پبلک ٹرانسپورٹ میں ماسک کا استعمال کیا جائے۔

بورس جانسن نے کہا کہ عوام ایس او پیز کا خیال رکھیں، یقین ہے موجودہ اقدامات کے ساتھ اومی کرون کی لہر کا مقابلہ کرسکتے ہیں۔

راولپنڈی:4 مریضوں میں اومی کرون کی تصدیق

عالمی وبا قرار دیے جانے والے کورونا وائرس کی نئی اقسام ڈیلٹا اور اومیکرون سے ابھی دنیا پوری طرح نمٹ نہیں پا رہی ہے کہ فرانس میں ایک اورنئی قسم دریافت ہو گئی ہے۔

عالمی خبر رساں اداروں اور مؤقر امریکی اخبار نیویارک ٹائمز کے مطابق فرانس میں دریافت ہونے والے کورونا کی نئی قسم کا نام ڈاکٹروں اور سائنسدانوں نے آئی ایچ یو رکھا ہے۔

فرانسیسی سائنسدانوں کے مطابق 46 جینیاتی تبدیلیوں والا کرونا وائرس کے نئے ویرینٹ آئی ایچ یو (B16402) سے اب تک کل 12 افراد متاثر ہو چکے ہیں۔

عالمی ادارہ صحت کے مطابق فرانس میں دریافت ہونے والے کورونا کی نئی قسم کا نہایت باریک بینی سے جائزہ لیا جا رہا ہے تاکہ معلوم کیا جا سکے کہ یہ کس قدر خطرناک ہے؟

کرونا کی پانچویں لہر، این سی او سی اجلاس میں بڑے فیصلے

ایک تحقیق سے انکشاف ہوا ہے کہ کورونا وائرس کی نئی قسم اومی کرون میں مبتلا افراد کو نیند کے دوران کئی پیچیدگیوں کا سامنا کرنا پڑتا ہے۔

باغی ٹی وی : غیر ملکی خبر رساں ادارے کی رپورٹ کے مطابق اومی کرون سے متاثرہ افراد رات کو سوتے وقت اچانک نیم فالج کی کیفیت میں مبتلا ہو جاتے ہیں ایسے افراد نہ حرکت کر سکتے ہیں، اور جاگنے اور سونے سے قبل ان میں بولنے کی سکت بھی کم ہو جاتی ہےاس کے علاوہ مریضوں نے رات کو سوتے وقت پسینہ آنے کی شکایات بھی کی ہیں۔

سرخ آنکھوں اور جلد کی خارش بھی اومی کرون کی علامات ہیں ،امریکی طبی ماہرین

دوسری جانب ڈاکٹرز کا کہنا ہے کہ نیند میں فالج کی کیفیت محسوس ہونا ایک نارمل عمل ہے، ایک عام انسان بھی زندگی میں کئی مرتبہ ایسے لمحات سے گزرتا ہے-

ایک تحقیق سے یہ بات بھی سامنے آئی ہے کہ قرنطینہ کے دوران مسلسل اکیلے رہنے کی وجہ سے بھی ایسے افراد میں یہ کیفیت پیدا ہوتی ہے۔

قبل ازیں امریکی ماہرین کی جانب سے ایک تحقیق جاری کی گئی جس میں اومی کرون اور کورونا کی علامات کو تلاش کرنے کی کوشش کی گئی، اس دوران تحقیقی ٹیم نے کورونا سے متاثر ہونے والے افراد کی معلومات جمع کیں اور اُن کے جسم میں ہونے والی تبدیلیوں کے حوالے سے جان کاری حاصل کی۔

یورپ میں کورونا کیسز میں اضافہ جبکہ پاکستان میں بھی 898 کیسز رپورٹ

ماہرین کے مطابق ڈیٹا سے یہ بات سامنے آئی کہ حال ہی میں جن لوگوں کو کورونا یا اومی کرون کی تشخیص ہوئی انہیں روایتی علامات جیسے بخار، سانس لینے میں دشواری ، نزلہ، جسم اور سر میں درد سمیت دیگر ظاہر نہیں ہوئیں البتہ 3 فیصد مریضوں کو آنکھیں سرخ، بال گرنے اور جلد متاثر ہونے کی شکایات تھیں علاوہ ازیں جن لوگوں میں اومی کرون کی تشخیص ہوئی انہیں جلدی بیماری یا خارش بھی شکایت بھی تھی۔

ماہرین کے مطابق کرونا وائرس جسم میں داخل ہونے کے بعد اینزائم 2 میں تبدیل ہوکر آنکھوں اور بالخصوص ریٹینا کو متاثر کرتا ہے، جس کی وجہ سے متاثرہ افراد کی آنکھ کی سفیدی لال ہونے، آنکھوں میں خشکی، کھجلی اور سوجن کی شکایت ہوتیں ہیں-

بوسٹر ڈوز لگوائیں اور 100 ڈالر انعام پائیں