Tag: کورونا

لاہور: بچ جاوبچا لو،احتیاط اپنا لو:نئہیں تاں میں آیا جے،لاہورمیں اچانک اومیکرون کے 37 نئے کیسز،اطلاعات کے مطابق لاہور میں اومیکرون کے کیسز میں خطرناک حد تک اضافہ ہو گیا ہے، لاہور میں اومیکرون کے 37 نئے کیسز سامنے آ گئے۔

تفصیلات کے مطابق محکمہ صحت کا کہنا ہے کہ اومیکرون ویرینٹ کیسز کی تعداد بڑھ کر 50 ہو گئی ہے، 37 نئے کیسز سامنے آئے ہیں۔محکمہ صحت کے مطابق ایک ہی خاندان کے 7 افراد بھی اومیکرون وائرس کا شکار ہو گئے ہیں، آبادی میں اومیکرون وائرس بہت تیزی سے پھیل رہا ہے۔

محکمے کا کہنا ہے کہ اومیکرون وائرس پھیلنے کی شرح ڈیلٹا ویرینٹ سے بھی زیادہ ہے، اس لیے شہری زیادہ احتیاط کریں۔

یاد رہے کہ کراچی کے علاقے گلشن اقبال بلاک 7 میں ایک ہی خاندان کے 12 افراد میں اومیکرون ویرینٹ کی تصدیق کے بعد متاثرہ علاقے میں مائیکرو اسمارٹ لاک ڈاؤن نافذ کر دیا گیا ہے، جو 14 جنوری تک نافذ رہے گا۔

کراچی میں اب تک اومیکرون کے 44 کیسز سامنے آ چکے ہیں، جب کہ ملک میں اومیکرون ویرینٹ کے بعد ایک بار پھر کیسز میں اضافہ ہو گیا ہے، گزشتہ چوبیس گھنٹوں کے دوران مزید 556 کیسز سامنے آئے جب کہ کرونا کیسز مثبت آنے کی شرح ایک فیصد سے اوپر ہو گئی۔

نیشنل کمانڈ اینڈ آپریشن سینٹر کے اعداد و شمار کے مطابق ملک میں 24 گھنٹوں میں کرونا سے مزید 6 افراد انتقال کر گئے، جس کے بعد کرونا سے انتقال کرنے والے افراد کی مجموعی تعداد 28 ہزار933 ہوگئی ہے۔

لاہور:پنجاب کے صوبائی وزیر میاں اسلم اقبال کورونا وائرس میں مبتلا ہوگئے۔ ان کی کورونا رپورٹ مثبت آگئی ہے۔اطلاعات ہیں‌ کہ صوبائی وزیر میاں اسلم اقبال نےخود کو گھر میں قرنطینہ کرلیا۔ میاں اسلم اقبال نے دوست احباب سے دعائے صحت کی درخواست کی ہے۔

صوبائی وزیر میاں اسلم اقبال دوسری بار کورونا وائرس کا شکار ہوئے، صوبائی وزیر نے تمام سیاسی سرگرمیاں معطل کر کے خود کو گھر پر قرنطینہ کرتے ہوئے صحت یابی کی درخواست کی ہے۔

دوسری طرف مسلم لیگ ن کے رکن صوبائی اسمبلی میاں مجتبی شجاع الرحمان بھی کورونا وائرس کا شکار ہوگئےہیں ۔ مجتبی شجاع الرحمان نے بھی خود کو اپنے گھر میں قرنطینہ کر لیا ہے۔
واضح رہے کہ ملک بھر میں مثبت کورونا کیسز کی شرح 1 اعشاریہ 8 فیصد سے اوپر چلی گئی، 556 نئے کیسز رپورٹ ہوئے ہیں، اس موذی وباء کے باعث مزید 6 مریض انتقال کرگئے۔

پاکستان بھر میں اب تک 28 ہزار 933 کورونا وائرس کے مریض انتقال کر چکے ہیں جبکہ اس موذی وائرس کے کُل مریضوں کی تعداد 12 لاکھ 95 ہزار 933 ہو چکی ہے۔

ملک کے دوسرے بڑے شہر لاہور سمیت پنجاب بھر میں اومی کرون تیزی سے پھیلنے لگا، دیگر ویرینٹ کے کورونا کیسز میں بھی ایک بار پھر اضافہ ہونے لگا ہے۔

پنجاب بھر میں اومی کرون کے سامنے آنے والے 50 کیسز میں سے 49 کا تعلق لاہور سے ہے۔

سیکریٹری ہیلتھ پنجاب عمران بلوچ کا کہنا ہے کہ کورونا وائرس کے اومی کرون ویرینٹ کی تشخیص بہت پیچیدہ ہے، پی سی آر ٹیسٹ کے ذریعے بھی اس کی تصدیق نہیں ہو سکتی۔

گزشتہ 24 گھنٹوں کے دوران صوبے میں کورونا وائرس کے 130 نئے کیسز سامنے آگئے۔محکمۂ صحت پنجاب کےمطابق گزشتہ روز لاہور میں کورونا کے 18 ہزار 42 تشخیصی ٹیسٹ کیے گئے، جن میں سے 114 مثبت رہے۔

صوبے میں کورونا وائرس کے مثبت کیسز کی شرح 1 فیصد ریکارڈ کی گئی، لاہور میں یہ شرح 2 فیصد پر جا پہنچی ہے۔راولپنڈی میں 4 اور سرگودھا میں 3 نئے کورونا کیسز رپورٹ ہوئے ہیں۔

کراچی :بچ جاو،بچالو،احتیاط اپنالو:نئہیں‌ تاں آیا جے”اومی کرون کراچی میں داخل ہوگیا:11کیسزسامنے آگئے،اطلاعات کے مطابق لاہور سے کراچی آنے والی فیملی کے 11 افراد میں اومی کرون کی تصدیق کی گئی ہے۔

اس حوالے سے تصدیق کرتے ہوئے محکمہ صحت سندھ کے مطابق کراچی کے ضلع شرقی میں رہائش پزیر ایک ہی خاندان کے 11 افراد میں اومی کرون وائرس کی تصدیق ہوئی ہے، متاثرہ افراد چند روز قبل لاہور سے کراچی پہنچے ہیں۔

متاثرین میں 8 خواتین اور 3 مرد شامل ہیں ، متاثرہ افراد کی عمریں 26 سے 77 سال کے درمیان ہیں۔ کراچی میں اب تک اومی کرون کے 44 کیسز سامنے آچکے ہیں۔

دوسری جانب وفاقی دارالحکومت اسلام آباد میں ایک دن میں اومی کرون کے 12 کیس سامنے آگئے۔اسلام آباد میں صرف 5 روز میں اومی کرون کے 32 کیس رپورٹ ہو چکے ہیں، ڈی ایچ او اسلام آباد کا کہنا ہے کہ عالمی وبا کے تناظر میں اسلام آباد میں اومی کرون مزید پھیلے گا، شہری افراتفری میں نہ آئیں ،احتیاطی تدابیر کریں۔

این سی او سی نے بوسٹر ویکسین کے لیے عبوری گائیڈ لائنز جاری کردی ہیں، این سی او سی کا کہنا ہے کہ غیر ویکسین شدہ افراد کو ویکسین لگانا ترجیح ہے ، ملکی آبادی کے 30 فیصد اور اہل آبادی کے 46 فیصد افراد ویکسی نیشن کرا چکے ہیں ۔

پاکستان میں کورونا کے مثبت کیسزکی شرح بڑھ کر ایک فیصد کے قریب آگئی ہے، مزید 482 نئےکیسز رپورٹ ہوئے ہیں اور کورونا سے مزید تین افراد انتقال کرگئے ۔

جنیوا: اومی کرون ویرینٹ کے پیش نظر تقریبات کو ملتوی کردینا چاہیے:عالمی ادارہ صحت کا پیغام، اطلاعات کے مطابق عالمی ادارہ صحت(ڈبلیو ایچ او) نے کورونا وائرس کے نئے ویرینٹ اومی کرون کے حوالے سے نیا بیان جاری کرتے ہوئے کہا ہے کہ کم شدت کے باوجود اومی کرون نظام صحت کو متاثر کرسکتا ہے۔

ڈبلیو ایچ او کے مطابق حالیہ تحقیق بتاتی ہے کہ اومی کرون کی شدت کم ہے، لیکن اس کے پھیلاؤ کی رفتار بہت زیادہ ہے۔ عالمی ادارہ صحت کا کہنا ہے کہ اومی کرون پھیلاؤ کو روکنے کیلئے چین اور جرمنی نے دوبارہ سخت پابندیاں لگا دی ہیں۔

خیال رہے کہ کچھ روز قبل عالمی ادارہ صحت کے سربراہ ڈاکٹر ٹیڈروس نے کہا تھا کہ اومی کرون ویرینٹ کے پیش نظر تقریبات کو ملتوی کردینا چاہیے، اومی کرون ویرینٹ پر قابو پانے کیلئے ہالیڈے ایونٹس کو مؤخر یا منسوخ کردینا چاہئے، کیوں کہ ایک ایونٹ منسوخ کرنا ایک زندگی ختم کرنے سے بہتر ہے۔

ادھر چین میں کورونا وائرس کے سبب پابندیوں کا دائرہ وسیع کردیا گیا ہے، چین کے شہر یان آن کے مختلف علاقوں میں عوام کو گھروں میں رہنے کے احکامات جاری کر دیے گئے ہیں۔

چین کے شہر شیان میں شہریوں کو گھروں سے نکلنے کی اجازت نہیں ہے جبکہ شہر میں ہر 3 دن میں خاندان کے ایک فرد کو ضروری سامان لانے کی اجازت ہے۔

یورپ میں اومی کرون پنجے گاڑنے لگا جس کے باعث مختلف ملکوں نے پابندیاں لگانا شروع کر دیں۔

فرانس میں کورونا کیسز میں ریکارڈ اضا فہ ہوا ہے، گزشتہ 24 گھنٹوں کے دوران 1 لاکھ 80 ہزار کے قریب نئے کیسز رپورٹ ہوئے جس کے بعد ملک میں نئی پابندیاں عائد کرنے کا فیصلہ کر لیا گیا جبکہ امریکا میں آج ڈیڑھ لاکھ سے زائد نئے کورونا کیسز رپورٹ ہوئے۔

انگلینڈ میں24 گھنٹوں میں مزید1 لاکھ 29 ہزار سے زائد کیس رپورٹ ہوئے اور یہاں بھی جنوری میں نئی پابندیاں لگائے جانے کا امکان ہے جبکہ اسکاٹ لینڈ، ویلز اور ناردرن آئرلینڈ نے میل جول محدود کرنے کی پابندیاں لگا دیں ۔

اس کے علاوہ نیدر لینڈز ،سوئٹزرلینڈ، یونا ن اور پر تگال میں بھی اومی کرون کیسز میں اضافہ ہوا جبکہ جرمنی میں نجی تقاریب ویکسین شدہ 10 افراد تک محدود کر دی گئیں اور نائٹ کلبز بند کر دیے گئے ،فن لینڈ نے بھی کورونا ویکسین نہ لگوانے والے غیرملکی مسافروں کے داخلے پر پابندی لگادی ۔

دوسری جانب بھارتی دارالحکومت دہلی میں اومی کرون بڑھنے پر اجتماعات پر پابندی لگادی گئی ہے اور نجی دفاتر کو 50 فیصد اسٹاف کے ساتھ کام کی ہدایت کی گئی ۔اس کے علاوہ بنگلادیش میں اومی کرون ویرنٹ کےخطرے کے پیش نظربوسٹر ویکسین کا آغاز کر دیا گیا ہے۔

عالمی ادارہ صحت نے خبر دار کیاہے کہ اومی کرون سے اسپتالوں پر بوجھ پڑ سکتا ہے ، اور صحت کا نظام دباؤ کا شکار ہو سکتا ہے ۔

عالمی ادارہ صحت کا کہنا ہے کہ حالیہ تحقیق بتاتی ہے کہ اومی کرون کی شدت کم ہے تاہم اسے نظرانداز نہیں کیا جاسکتا۔ اومی کرون کے پھیلاؤ کی رفتار بہت زیادہ ہے ، جس کی وجہ سے غیر ویکسین شدہ افراد متاثر ہو کر اسپتال داخل ہوں گے،اس سے صحت کے نظام اور دیگر ضروری سروسز پر دباؤ بڑھ سکتاہے۔

اسکواڈ ممبران اور کھلاڑیوں کے کورونا ٹیسٹ مثبت آنے کے بعد امریکا اور ائیرلینڈ کی ون ڈے سیریز باہمی رضامندی سے منسوخ کردی گئی ہے۔

رپورٹس کے مطابق پہلے امریکی ٹیم کے کھلاڑی اور امپائرز میں کورونا کی تشخیص ہوتی تاہم بعد میں ائیرلینڈ ٹیم کے سپورٹ اسٹاف کے 2 ممبران کا بھی کورونا ٹیسٹ مثبت آیا تھا۔

اسلام آباد: پاکستان میں اومیکرون کے 75 کیسز کی تصدیق:ایک بارپھرمعاشی سرگرمیاں معطل ہونے کے خدشات بڑھ گئے ،اطلاعات کے مطابق قومی ادارہ صحت نے پاکستان میں اومیکرون کے 75 کیسز کی تصدیق کردی ہے،

قومی ادارہ صحت نے اس حوالے سے تفصیلات جاری کرتے ہوئے کہا کہ اومیکرون کے اسلام آباد میں17، کراچی33، لاہور13 اور 12 کیسز بیرون ملک سے آنے والے افراد میں رپورٹ ہوئے، شہری کورونا کے خاتمے کیلئے ویکسی نیشن کرائیں۔ میڈیا رپورٹس کے مطابق قومی ادارہ صحت نے ٹویٹر پر اپنے بیان میں بتایا ہے کہ پاکستان میں اومی کرون کے 75 کیسز کی تصدیق ہوچکی ہے۔

ان کیسز میں اسلام آباد 17، کراچی میں 33 اور لاہور میں 13 کیسز سامنے آئے ہیں۔ اسی طرح اومیکرون کے 12 کیسز بیرون ملک سے آنے والے افراد میں پائے گئے۔ قومی ادارہ صحت نے ہدایت کی ہے کہ متعلقہ ادارے اومی کرون کے پھیلاو کو روکنے کیلئے کنٹیکٹ ٹریسنگ کررہے ہیں جبکہ تمام شہری کورونا کے خاتمے کے لیے ویکسی نیشن مکمل کرائیں۔

دوسری جانب وزارت نیشنل ہیلتھ سروسز ریگولیشنز اینڈ کوآرڈینیشن نے کہا کہ ملک بھر میں 15 کروڑ19 لاکھ51 ہزار 87 افراد کی ویکسی نیشن کی جا چکی ہے۔

گزشتہ 24 گھنٹوں کے دوران پاکستان میں 13 لاکھ 58 ہزار 181افراد کو کورونا وائرس سے تحفظ کی ویکسین لگائی گئی ہے۔ وفاقی حکومت نے کورونا وائرس کی نئی قسم اومیکرون کے پیشِ نظر معیشت پر منفی اثرات پڑنے کے خدشات کا اظہار کر دیا ہے

حکومت کی رپورٹ کے مطابق عالمی مارکیٹ میں خام تیل کی قیمت میں بڑی کمی واقع ہوئی ، زرمبادلہ کی قیمت میں کمی کا رجحان برقرار رہا تاہم حکومت کی بین الاقوامی اشیا کی قیمتوں میں مسلسل اضافے کے خلاف کوشش جاری ہیں۔

رپورٹ میں مزید بتایا گیا کہ جی ڈی پی کا سالانہ مالی خسارہ 1.7 سے گر کر 1.1 فیصد ہوگیا ہے، اسی طرح اگر جولائی تا اکتوبر کا گذشتہ سال سے موازنہ کیا جائے تو پرائمری بیلنس 156 بلین سے بڑھ کر 206 بلین ہوگیا ہے۔