Tag: کورونا

نورالحق قادری کا کہنا ہے کہ وہ پاکستانی حاجیوں کیلئے شرائط میں نرمی پر سعودی حکام سے بات کریں گے.
وفاقی وزیر برائے مذہبی امور نور الحق قادری نے کہا ہے کہ سعودی عرب نے حج 2021ء کے سلسلے میں پاکستان کے ساتھ ابھی تک مفاہمتی یادداشت پر دستخط نہیں کیے، پاکستانی حاجیوں کیلئے شرائط میں نرمی پر سعودی حکام سے بات چیت کریں گے۔
اپنے ایک بیان میں انہوں نے کہا کہ سعودی عرب کو حج پر آنے والوں کیلئے قواعد وضوابط بنانے سے پہلے کورونا کی صورتحال واضح ہونے کا انتظار کرنا چاہیے۔ انہوں نے کہا کہ حکومت حج کے دوران لوگوں کو پیش آنے والے مسائل سے بخوبی واقف ہے، اس حوالے سے سعودی حکومت سے مسلسل رابطے میں ہیں۔
نور الحق قادری نے کہا کہ گزشتہ برس بھی کورونا وائرس کی وجہ سے صرف 10 ہزار افراد کو حج کرنے کی اجازت دی گئی تھی۔ سعودی حکومت کورونا وائرس کے صورتحال کی سخت نگرانی اور تمام ممالک سے اعدادوشمار جمع کر رہی ہے، صورتحال بہتر ہونے پر سعودی حکومت پاکستان کو فوری آگاہ کرے گی۔
ان کا کہنا تھا کہ اس حوالے سے پاکستان اور سعودی حکومت کے درمیان امور پر تبادلہ خیال ہو چکا ہے، صورتحال بہتر ہونے پر حج انتظامات کو حتمی شکل دیدی جائے گی۔ وفاقی وزیر نے مزید کہا کہ حکومت پاکستان سے حج 2021ء میں شرکت کرنے والے عازمین کی تعداد نہیں بتا سکتے، اس کیلئے سعودی حکومت کے حتمی فیصلے کا انتظار ہے۔
ایک سوال کے جواب میں انہوں نے کہا کہ سعودی عرب کی حکومت نے یہ واضح کر دیا ہے کہ حج کے دوران کورونا پروٹوکول پر سختی سے عملدرآمد کروایا جائے گا، حکومت پاکستان حج پر جانے والوں کو کورونا ویکسین فراہم کرے گی، میڈیا حاجیوں کیلئے خصوصی آگاہی مہم چلائے۔

کورونا وائرس اپ ڈیٹ، 28 مئی، بوقت صبح 10 بجے
پنجاب میں 24 گھنٹوں میں کورونا وائرس کے 919 نئے کیس، تعداد22037 ہو گئی۔ لاہور میں 580،ننکانہ 3، قصور 2، شیخوپورہ 10،جہلم 17گوجرانوالہ 38سیالکوٹ میں 23نئے کیس سامنے آئے۔ ناروال میں 10، گجرات12، حافظ آباد 7، منڈی 6، ملتان 13، خانیوال 4، وہاڑی 4، فیصل آباد 95، جھنگ 6 اور رحیم یار کان میں 13 نئے کیس سامنے آئے۔ سرگودھا 7، میانوالی 5، خوشاب 19، بہاولنگر 3، بہاولپور5، لودھراں 27، ڈی جی خان 3، لیہ 1، ساہیوال اور اوکاڑہ تین تین، پاکپتن میں 5 نئے کیس سامنے آئے۔

کورونا وائرس سے 19مزید اموات، کل تعداد381 ہو چکی ہیں۔ اب تک217726 ٹیسٹ کیے جا چکے ہیں۔ کورونا وائرس کو شکست دینے والوں کی تعداد6326 ہو چکی ہے۔ عوام سے گزارش ہے کہ حفاظتی تدابیر اختیار کرکے خود کو محفوظ بنائیں۔کورونا وائرس کی علامات ظاہر ہونے پر فورا 1033 پر رابطہ کریں۔

وزیراعلیٰ پنجاب سردار عثمان بزدار نے کہا ہے کہ چاند رات اورعید پر بازاروں اور مارکیٹوں میں کورونا ایس او پیز کی خلاف ورزیوں پر تشویش ہے۔ عوام کو ذمہ داری کا ثبوت دیتے ہوئے احتیاط کے دامن کو ہاتھ سے نہیں چھوڑنا چاہئے۔ کورونا وباء کیخلاف حکومتی اقدامات پر عملدر آمد میں ہی شہریوں اور ان کے پیاروں کی حفاظت ہے۔ انہوں نے کہا کہ شہریوں سے اپیل کرتا ہوں کہ وہ عید سماجی فاصلے برقراررکھتے ہوئے منائیں۔ آج کا وقتی فاصلہ مستقل فاصلوں سے بچائے گا۔احتیاط، حفاظتی تدابیر اورحکومتی اقدامات پر عملدرآمد سے کورونا کا پھیلاؤ روکنے میں مدد ملے گی۔ انہوں نے کہا کہ ہمارا ہر قدم اپنے عوام کے لیے ہے۔ عید کے بعد صورتحال کا جائزہ لے کر مزید فیصلے کئے جائیں گے۔

وزیراعلیٰ عثمان بزدار نے عید پر کورونا مریضوں کے علاج معالجے میں مصروف ڈاکٹروں،نرسوں اور پیرا میڈیکل سٹاف کی خدمات کو خراج تحسین پیش کیا۔ کورونا مریضوں کی صحت یابی کیلئے عید کے لمحات کوہسپتال میں گزارنے والے ڈاکٹرز اورہیلتھ پروفیشنلز قابل تحسین ہیں۔انہوں نے کہا کہ ڈاکٹروں اورہیلتھ پروفیشنلز کی محنت اوراللہ تعالیٰ کے فضل و کرم سے ہزاروں مریض صحت یاب ہو چکے ہیں۔ عید کے لمحات ہسپتالوں میں گزارنے والے ہیلتھ پروفیشنلز ہمارے محسن ہیں۔کورونا کے مشکل لمحات میں ہیلتھ پروفیشنلز کی خدمات کو ہمیشہ یاد رکھیں گے۔ انہوں نے کہا کہ ڈاکٹر،نرسز اورہیلتھ پروفیشنلز ڈیوٹی نہیں خدمت کررہے ہیں۔ ڈاکٹروں کی خدمات کا ذاتی طورپربھی معترف ہوں۔ ڈاکٹروں کیلئے جو بھی ممکن ہوسکاضرور کریں گے، خدمات کو فراموش نہیں کیا جائیگا۔ قوم مریضوں کے علاج معالجے میں مصروف ڈاکٹروں کے مثالی کردار کو تحسین کی نظر سے دیکھتی ہے –

ﺧﯿﺒﺮ ﭘﺨﺘﻮﻧﺨﻮﺍ ﻣﯿﮟ ﺍﺗﻮﺍﺭ ﮐﻮ ﮐﻮﺭﻭﻧﺎ ﻭﺍﺋﺮﺱ ﺳﮯ ﻣﺰﯾﺪ 13 ﺍﻓﺮﺍﺩ ﺟﺎﻥ ﮐﯽ ﺑﺎﺯﯼ ﮨﺎﺭ ﮔﺌﮯ ﺟﺲ ﮐﮯ ﺑﻌﺪﺻﻮﺑﮯ ﻣﯿﮟ ﮨﻼﮐﺘﻮﮞ ﮐﯽ ﺗﻌﺪﺍﺩ 318 ﮨﻮﮔﺌﯽ ﮨﮯ۔ ﺻﻮﺑﺎﺋﯽ ﻣﺤﮑﻤﮧ ﺻﺤﺖ ﮐﮯ ﻣﻄﺎﺑﻖ ﺍﺗﻮﺍﺭ ﮐﻮ ﺻﻮﺑﮯ ﻣﯿﮟﮐﻮﺭﻭﻧﺎ ﮐﮯ ﻣﺰﯾﺪ214 ﮐﯿﺲ ﺳﺎﻣﻨﮯ ﺁﺋﮯ ﺟﺲ ﮐﮯ ﺑﻌﺪ ﻣﺘﺎﺛﺮﮦ ﺍﻓﺮﺍﺩ ﮐﯽ ﮐﻞ ﺗﻌﺪﺍﺩ 6 ﮨﺰﺍﺭ 61 ﮨﻮﭼﮑﯽ ﮨﮯ۔ﮐﮯ ﭘﯽ ﻣﯿﮟ 1783 ﺍﻓﺮﺍﺩ ﮐﻮﺭﻭﻧﺎ ﻭﺍﺋﺮﺱ ﺳﮯ ﺻﺤﺖﯾﺎﺏ ﺑﮭﯽ ﮨﻮ ﭼﮑﮯ ﮨﯿﮟ۔