Baaghi TV

Tag: کولمبو

  • ایشیا کپ:پاک بھارت میچ بارش سے متاثر ہونے کا امکان

    ایشیا کپ:پاک بھارت میچ بارش سے متاثر ہونے کا امکان

    پاکستان اور بھارت کے درمیان 10 ستمبر کو سری لنکا کے شہر کولمبو میں کھیلے جانے والے میچ میں گرج چمک کے ساتھ بارش کا امکان ہے-

    باغی ٹی وی: پاکستان کی میزبانی میں کھیلے جانے والے ایشیا کپ کے سپر فور مرحلے کا آغاز آج سے لاہور کے قذافی اسٹیڈیم میں ہورہا ہےاس مرحلے کے پہلے میچ میں بنگلہ دیش اور پاکستان کی ٹیمیں آپس میں ٹکرائیں گی،قومی کرکٹ ٹیم سپر فور مرحلے کا اپنا دوسرا میچ 10 ستمبر کو بھارت کے خلاف کولمبو کے پریمیداسا اسٹیڈیم میں کھیلے گی-

    تاہم 10 ستمبر کوپاکستان اور بھارت کے درمیان سپر فور میچ کے دوران کولمبو میں گرج چمک کےساتھ بارش کا امکان ہے پاکستان اور سری لنکا کا میچ بھی واش آؤٹ ہوسکتا ہے موسمیاتی ماہرین کے مطابق میچ کے دن بارش کا امکان 75 فیصد جبکہ رات کے وقت بارش کا امکان 95 فیصد تک بڑھ جائے گا اس وجہ سے شائقین بہت کم ایکشن اور ممکنہ واش آؤٹ کی توقع کرسکتے ہیں۔

    ایشیا کپ سپُر فور مرحلہ:پاکستان اور بنگلادیش کی ٹیمیں ٹکرائیں گی

    پاک بھارت میچ بارش کے باعث متاثر ہونے کی صورت میں دونوں ٹیموں کو 1،1 پوائنٹ دیا جائے گا اس طرح دونوں ٹیموں کیلئے فائنل تک رسائی کیلئے اپنے بقیہ دونوں میچز جیتنا ضروری ہوجائیں گے۔

    واضح رہے کہ پاکستان ایشیاکپ کے سپر فور مرحلے کیلئے کوالیفائی کرچکا ہے، قومی ٹیم نے اب تک دو میچ کھیلے جن میں سے پہلے میں نیپال کو شکست دی جبکہ دوسرا میچ بھارت کے خلاف تھا جو بارش کی وجہ سے بغیر کسی نتیجے کے ختم ہوگیا تھا-

    ایشیا کپ: کیا بھارت پاکستان کے ساتھ کھیلنے اور شکست سے ڈرتا ہے؟،نجم سیٹھی

  • بابر اعظم نے ایل پی ایل 2023 میں میچ وننگ سنچری اسکور کی۔

    بابر اعظم نے ایل پی ایل 2023 میں میچ وننگ سنچری اسکور کی۔

    قومی کپتان بابر اعظم نے میچ وننگ سنچری بنا کر کولمبو اسٹیکرز کو لنکا پریمیئر لیگ (ایل پی ایل) میں گال ٹائٹنز کو سات وکٹوں سے شکست دیدی۔بابر نے اپنی اننگز کا شاندار آغاز کرتے ہوئے پہلے ہی اوور میں کاسن راجیتھا کو لگاتار تین چوکے لگائے، بابر اعظم نے کولمبر اسٹرائیکرز کی جانب سے کھیلتے ہوئے ٹی ٹوئنٹی میں 10ویں سنچری اسکور کی۔ اور اپنی ٹیم کےلیے بڑا ہدف حاصل کرنے میں کلیدی کردار ادا کیا۔ جبکہ ٹائٹنز کی طرف سے دیے گئے 189 کے ہدف کا تعاقب کیا۔
    پاکستان کے کپتان نے 34 گیندوں پر روانی سے نصف سنچری بناتے ہوئے اپنی طوفانی بیٹنگ جاری رکھی، جو مختصر ترین فارمیٹ میں ان کی 87 ویں ففٹی تھی۔
    ہدف کے تعاقب میں کولمبو کے اسٹار بلے باز بابر اعظم نے سنچری داغ دی اور اپنی ٹیم کو جیت کے ساتھ ساتھ دو اہم پوائنٹس بھی دلوادیے۔ بابر اعظم نے پہلی وکٹ پر ہی پاتھم نسانکا کے ساتھ مل کر 111 رنز کی شراکت بنائی۔ بابر اعظم آخری اوور میں 59 گیندوں پر 105 رنز کی اننگز کھیل کر آؤٹ ہوئے۔ ان کی اننگز میں 5 چھکے اور 8 چوکے شامل تھے۔ تاہم، بابر کے لیے آج کوئی رکنا نہیں تھا جیسا کہ 14ویں اوور میں، دائیں ہاتھ کے بلے باز نے اکھیلا داننجیا کو دو تابناک چھکے اور ایک چوکا لگایا، اس کے بعد 15ویں اوور میں راجیتھا کو چھکا لگا – وہ سب سے زیادہ رنز بنانے والے کھلاڑی بن گئے۔

  • کولمبو ٹیسٹ میں پاکستان نے سری لنکا کو شکست دے دی

    کولمبو ٹیسٹ میں پاکستان نے سری لنکا کو شکست دے دی

    کولمبو : پاکستان نے سری لنکا کو دوسرے اور آخری ٹیسٹ میں اننگز اور 222 رنز سے شکست دیکر دو ٹیسٹ میچوں کی سیریز میں کلین سوئپ کر لیا۔

    باغی ٹی وی: دوسری اننگز میں پاکستان کی عمدہ بولنگ سے سری لنکا کی پوری ٹیم 188 رنز پر ڈھیر ہو گئی۔ پاکستان کی جانب سے نعمان علی نے شاندار کارکردگی کا مظاہرہ کرتے ہوئے 7 کھلاڑیوں کو آؤٹ کیا جبکہ نسیم شاہ نے 3 وکٹیں گرائیں دوسرے ٹیسٹ کے چوتھے روز پاکستان نے 576 رنز پر اننگز ڈیکلیئر کی تھی سلمان علی آغا 132 جبکہ محمد رضوان 50 رنز بنا کر نا ٹ آؤٹ رہے۔

    سری لنکا کے اوپنر نشان مدوشکا 33، کپتان ڈیموتھ کرونارتنے 41، کوشل مینڈس 11، دھننجیا ڈی سلوا 10، سدیرا سماراوکراما 5، رمیش مینڈس 16، دنیش چندیمل ایک جبکہ پرباتھ جے سوریا اور اسھیتا فرنینڈو صفر پر آؤٹ ہوئے۔ انجیلو میتھیوز 63 رنز بناکر ناٹ آؤٹ رہے۔

    فواد عالم کے ہاں بیٹے کی پیدائش

    ٹیسٹ کے تیسرے روز پاکستان نے پہلی اننگز میں 5 کھلاڑیوں کے نقصان پر 563 رنز بنالیے تھے اور اسے سری لنکا کےخلاف پہلی اننگز میں 397 رنز کی برتری حاصل ہوگئی تھی کھیل کے تیسرے روز عبداللہ شفیق کی شاندار ڈبل سنچری کی بدولت پاکستان کی پوزیشن مستحکم رہی ،قومی ٹیم کے اوپنر عبداللہ شفیق 201 رنز کی شاندار اننگز کھیل کر آؤٹ ہوئے، عبداللہ شفیق نے 322 گیندوں پر 200 رنز بنائے، ان کی اننگز میں 19 چوکے اور 4 چھکے شامل ہیں۔

    سعود شکیل 57 ، شان مسعود 51 اور بابراعظم 39 رنز بناکر نمایاں رہے، سرفرازاحمد 14 اور امام الحق نے 6 رنز بنائے، سری لنکا کے اسیتھا فرنینڈو 3 اور پرابتھ جے سوریا نے 2 وکٹیں حاصل کیں تیسرے روز وکٹ کیپر بیٹر سرفراز احمد کی جگہ محمد رضوان کو کنکشن قانون کے تحت فائنل الیون میں شامل کیا گیا تھا۔

    پاکستان کا اسکواڈ:

    کپتان بابراعظم، عبداللہ شفیق، امام الحق، شان مسعود، سعود شکیل، وکٹ کیپر سرفراز احمد، سلمان علی آغا، نعمان علی، ابرار احمد، شاہین شاہ آفریدی اور نسیم شاہ شامل ہیں۔

    کولبو،ٹیسٹ میچ میں پاکستان نے 5 وکٹ کے نقصان پر 563 رنز بنا ڈالے

  • کولبو،ٹیسٹ میچ میں پاکستان نے 5 وکٹ کے نقصان پر 563 رنز بنا ڈالے

    کولبو،ٹیسٹ میچ میں پاکستان نے 5 وکٹ کے نقصان پر 563 رنز بنا ڈالے

    کولمبو ٹیسٹ کے تیسرے روز کھیل میں بھی کامیابیوں کے جھنڈے گاڑ دیئے میچ کے اختتام پر پاکستان نے 5 وکٹوں کے نقصان پر 563 رنز بنالیے۔کولمبو ٹیسٹ کے تیسرے روز عبداللہ شفیق کی شاندار ڈبل سنچری کی بدولت پاکستان نے سری لنکا کے خلاف 5 وکٹ کے نقصان پر 563 رنز بنالیے اور 397 رنز کی برتری حاصل کرلی ہے۔عبداللہ شفیق نے 201 رنز کی اننگز کھیلی، وہ جاوید میانداد اور حنیف محمد کے بعد ڈبل سنچری کرنے والے کم عمر کھلاڑی بن گئے۔
    آغا سلمان نے بھی ٹیسٹ کیریئر کی دوسری سنچری اسکور کرتے ہوئے 132 رنز بنالیے ہیں۔پہلی اننگز میں ڈبل سنچری اسکور کرنے والے سعود شکیل نے بھی نصف سنچری بنا کر 146 سالہ ریکارڈ توڑ دیا، سعود ابتدائی 7 ٹیسٹ میں ففٹی پلس اسکور کرنے والے پہلے کھلاڑی بن گئے ہیں۔آغا سلمان 132 اور محمد رضوان 37 رنز کے ساتھ وکٹ پر موجود ہیں۔سری لنکا کی جانب سے اسیتھا فرنینڈو نے تین وکٹیں حاصل کیں جبکہ پراباتھ جے سوریا دو وکٹیں حاصل کرسکے۔
    واضح رہے کہ اس سے قبل سری لنکا کی ٹیم پہلی اننگز میں 166 رنز بنا کر آؤٹ ہوئی تھی، دھننجیا ڈی سلوا 57 اور دنیش چندی مل 34 رنز بنا کر نمایاں رہے۔پاکستان کی جانب سے ابرار احمد نے چار کھلاڑیوں کو پویلین کی راہ دکھائی جبکہ فاسٹ بولر نسیم شاہ نے تین وکٹیں حاصل کیں۔
    یاد رہے کہ دو ٹیسٹ میچز کی سیریز میں پاکستان کو 1-0 کی برتری حاصل ہے۔

  • کولمبو،بارش وجہ سے موخر کرنے والا میچ آج شروع کرنے کا امکان

    کولمبو،بارش وجہ سے موخر کرنے والا میچ آج شروع کرنے کا امکان

    دوسرے روز کا کھیل بارش کے باعث ختم کردیا گیا تھا۔ میزبان ٹیم پر12 رنز کی برتری حاصل ہے۔دوسرے دن کے کھیل کا آغاز ہوا تو پاکستان نے اپنی پہلی اننگز 2 وکٹوں کے نقصان پر 145 رنز سے شروع کی اور ذمے دارانہ بیٹنگ کرتے ہوئے سری لنکا پر برتری حاصل کی تھی۔
    کولمبو ٹیسٹ دوسرے روز بارش اور گیلے آؤٹ فیلڈ کے باعث کھیل وقت سے پہلے ختم کیا گیا تھا پاکستان کے 2 وکٹ پر 178 رنز، سری لنکا کے خلاف 12 رنز کی برتری حاصل، تھی عبداللہ شفیق 87، کپتان بابر اعظم 28 رنز کے ساتھ تیسرے دن کا کھیل شروع کریں گے،

  • پاکستان ، سری لنکا ٹیسٹ سیریز کے شیڈول کا اعلان

    پاکستان ، سری لنکا ٹیسٹ سیریز کے شیڈول کا اعلان

    پاکستان اور سری لنکا کے درمیان ٹیسٹ سیریز کے شیڈول کا اعلان کر دیا گیا-

    باغی ٹی وی : سری لنکا کے خلاف شیڈول دو ٹیسٹ میچز گال اور کولمبو میں کھیلے جائیں گے، ٹیسٹ سیریز سے قبل پاکستانی ٹیم 11اور12 جولائی کو دو روزہ وارم اپ میچ بھی کھیلے گی پہلا ٹیسٹ گال انٹرنیشنل اسٹیڈیم میں 16 سے 20 جولائی تک کھیلا جائے گا اس اسٹیڈیم میں قومی ٹیم نے گزشتہ سال 342 رنز کا ہدف عبور کرکے چار وکٹوں سے ٹیسٹ میچ جیتا تھا۔

    شاہین شاہ اور انشا آفریدی کی شادی کی تاریخ آگے بڑھ گئی

    کولمبو کا سنہالیز اسپورٹس کلب 24سے 28جولائی تک دوسرے ٹیسٹ میچ کی میزبانی کرے گا پاکستانی کرکٹ ٹیم 9 جولائی کو کولمبو پہنچے گی، سری لنکا کے خلاف سیریز پاکستانی ٹیم کی آئی سی سی ورلڈ ٹیسٹ چیمپئن شپ25-2023 کی پہلی سیریز ہے-

    نگلہ دیش میں کھیلے جانے والے ٹیسٹ میچ میں مہمان ٹیم کو شکست

    واضح رہے کہ قومی ٹیم نے سنہالیز اسپورٹس کلب میں آخری مرتبہ 2014 میں ٹیسٹ میچ کھیلا تھا۔ اس میدان میں پاکستانی ٹیم 6 ٹیسٹ میچ کھیل چکی ہے جن میں سے ایک جیتا ہے ایک میں اسے شکست ہوئی ہے جبکہ 4 ٹیسٹ ڈرا ہوئے ہیں،پاکستان نے پہلا ٹیسٹ 4 وکٹوں سے جیتا تھا جبکہ سری لنکا نے دوسرے ٹیسٹ میں 246 رنز سے کامیابی حاصل کرکے سیریز برابر کردی تھی۔

    باسکٹ بال ٹورنامنٹ؛ بنگلادیش کو شکست، پاکستان سیمی فائنل میں داخل

  • گال ٹیسٹ کا چوتھا روز:کم روشنی کے باعث کھیل روک دیا گیا

    گال ٹیسٹ کا چوتھا روز:کم روشنی کے باعث کھیل روک دیا گیا

    کولمبو: گال ٹیسٹ کا چوتھا روز:کم روشنی کے باعث کھیل روک دیا گیا ،کولمبو سے اطلاعات کے مطابق دو ٹیسٹ میچوں کی سیریز کے دوسرے میچ میں سری لنکا کی جانب سے دیے گئے 508 رنز کے ہدف کے تعاقب میں پاکستان نے ایک وکٹ کے نقصان پر 89 رنز بنا لیے۔

    چوتھےدن کا کھیل ختم ہوا تو پاکستان نے ایک وکٹ کے نقصان پر 89 رنز بنائے تھے، بابر اعظم 26 اور امام الحق 46 رنز بناکر کریز پر موجود تھے۔ پاکستان کو پانچویں اور آخری روز میچ جیتنے کیلئے مزید 419 رنز جبکہ سری لنکا کو 9 وکٹیں درکار ہوں گی۔

    پاکستان کی جانب سے دوسری اننگز کا آغاز عبد اللہ شفیق اور امام الحق نے کیا تاہم عبد اللہ شفیق 16 رنز بنا کر 42 کے مجموعے پر جے سوریا کی گیند پر کیچ آؤٹ ہو گئے۔

    پاکستان نے 28 اوورز میں ایک وکٹ کے نقصان پر 89 رنز بنائے تھے کہ خراب روشنی کے باعث کھیل روک دیا گیا اور پھر چوتھے دن کا کھیل ختم کردیا گیا، کھیل ختم ہوا تو امام الحق 46 اور بابر اعظم 26 رنز کے ساتھ وکٹ پر موجود تھے۔پاکستان کو سری لنکا کی جانب سے دیے گئے 508 رنز کے حصول کے لیے مزید 419 رنز درکار ہیں۔

    قبل ازیں سری لنکا نے دوسرے اور آخری ٹیسٹ کی دوسری اننگز 360 رنز 8 کھلاڑی آؤٹ پر ڈکلیئر کر کے پاکستان کو جیت کے لیے 508 رنز کا پہاڑ جیسا دیا تھا۔

    گال ٹیسٹ کے چوتھے روز سری لنکا نے اپنی دوسری نامکمل اننگز 176 رنز 5 کھلاڑی آؤٹ پر شروع کی تو دمتھ کرونا رتنے 27 اور دننجیا ڈی سلوا 30 رنز کے ساتھ وکٹ پر موجود تھے۔

    دونوں بلے بازوں نے اپنی ٹیم کا اسکور آگے بڑھایا اور کرونا رتنے 61 رنز بنا کر نعمان علی کی گیند پر عبد اللہ شفیق کے ہاتھوں کیچ آؤٹ ہو گئے جبکہ ڈونتھ ویلا لگے 18 رنز بنا کر محمد نواز کاشکار بنے۔

    دوسری جانب ڈی سلوا نے شاندار بلے بازی کا سلسلہ جاری رکھا اور شاندار سنچری مکمل کی، ڈی سلوا 109 رنز بنا کر رن آؤٹ ہوئے تو کپتان کرونا رتنے نے 360 رنز 8 کھلاڑی آؤٹ پر اننگز ڈکلیئر کردی اور پاکستان کو جیت کے لیے 508 رنز کا ہدف دے دیا۔

    یاد رہے کہ سری لنکا نے پہلی اننگز میں 378 رنز بنائےتھے جس کے جواب میں پاکستانی ٹیم پہلی اننگز میں 231 رنز پر ڈھیر ہو گئی تھی۔پاکستان کو دو میچز کی سیریز میں ایک صفر کی برتری حاصل ہے۔

  • دوسرا اور آخری ٹیسٹ، سری لنکا کا ٹاس جیت کر بیٹنگ کا فیصلہ

    دوسرا اور آخری ٹیسٹ، سری لنکا کا ٹاس جیت کر بیٹنگ کا فیصلہ

    کولمبو: پاکستان اور سری لنکا کے مابین سیریز کا دوسرا اور آخری ٹیسٹ میچ آج کھیلا جا رہا ہے۔

    باغی ٹی وی : سری لنکا نے ٹاس جیت کر بیٹنگ کرنے کا فیصلہ کیا ہے شیڈول کے مطابق پاک سری لنکا دوسرا ٹیسٹ میچ آج سے گال کرکٹ اسٹیڈیم میں کھیلا جا رہا ہے-

    سری لنکا کے خلاف سیریز کے دوسرے ٹیسٹ میچ سے قبل قومی ٹیم میں ایک تبدیلی کی گئی ہےجس میں مڈل آرڈر بلے باز اظہر علی کو ڈراپ کر کے ان کی جگہ فواد عالم کو ٹیم میں شامل کیا گیا ہے جبکہ انجری کے شکار شاہین آفریدی کو آرام کروایا جا ر ہا ہے۔

    قومی ٹیم کے فاسٹ باؤلر شاہین شاہ آفریدی گھٹنے میں انجری کے سبب سری لنکا کے خلاف دوسرے ٹیسٹ میچ سے باہر ہو گئے ہیں لیکن اسکواڈ کے ہمراہ آئی لینڈ میں ہی رہیں گے۔

    اس سے قبل پہلے ٹیسٹ میچ میں عبداللہ شفیق اور بابر اعظم کی شاندار کارکردگی کے باعث پاکستان نے سری لنکا کو 4 وکٹوں سے شکست دے کر سیریز میں ایک صفر کی برتری حاصل کر رکھی ہے۔

    سری لنکا نے میچ میں پہلے بیٹنگ کرتے ہوئے پہلی اننگز میں 222 رنز بنائے تھے جس کے جواب میں پاکستان کی ٹیم 218 رنز بنا کر آؤٹ ہوگئی تھی میچ کی دوسری اننگز میں سری لنکا نے 337 رنز بنا کر پاکستان کو فتح کے لیے 342 رنز کا ہدف دیا تھا۔

  • سری لنکا کے قائم مقام صدر نے ملک میں ایک بار پھر ایمرجنسی نافذ کردی

    سری لنکا کے قائم مقام صدر نے ملک میں ایک بار پھر ایمرجنسی نافذ کردی

    کولمبو: سری لنکا کے قائم مقام صدر نے ملک میں ایک بار پھر ایمرجنسی نافذ کردی۔

    باغی ٹی وی : ” الجزیرہ” کے مطابق سری لنکا کے قائم مقام صدر رانیل وکرما سنگھے نے آئندہ ہفتے ملک کے نئے صدر کے انتخاب کے لیے پارلیمنٹ میں ووٹنگ سے قبل ایمرجنسی نافذ کردی۔

    تیل کی پیداوار ایک کروڑ 30 لاکھ بیرل سے نہیں بڑھا سکتے،محمد بن سلمان

    اتوار کو دیر گئے جاری کیے گئے ایک سرکاری نوٹس کے مطابق، وکرماسنگھے نے اس اقدام کا اعلان "عوامی سلامتی، امن عامہ کے تحفظ اور کمیونٹی کی زندگی کے لیے ضروری سامان اور خدمات کی بحالی کے مفادات میں کیا-

    سری لنکا کی حکومت نے بیان میں کہا کہ ملک میں ایمرجنسی لگانے کا مقصد سیکیورٹی اور امن وامان کوبرقراررکھنا اورلازمی سروسز کی بلا تعطل فراہمی جاری رکھنا ہے۔

    نجومی خاتون بابا وانگا کی 2022 میں کی گئی پیشگوئیوں میں 2 پوری ہو گئیں

    حکومت کی طرف سے تازہ ترین ایمرجنسی کی مخصوص قانونی دفعات کا ابھی اعلان ہونا باقی ہے لیکن پچھلے ہنگامی ضابطوں کا استعمال فوج کو لوگوں کو گرفتار کرنے اور حراست میں لینے، نجی املاک کی تلاشی لینے اور عوامی احتجاج کو کم کرنے کے لیے کیا جاتا رہا ہے۔

    سری لنکا کے محصور رہنماؤں کی جانب سے سری لنکا میں کشیدہ حالات کے باعث اپریل سے اب تک متعدد بار ایمرجنسی نافذ کی جاچکی ہے۔گزشتہ ہفتے سری لنکا کے سابق صدر گوٹابایا راجا پاکسے ملک سے فرار ہوگئے تھے جس کے بعد نئے صدر کا انتخاب ہوگا۔ سری لنکا میں بدترین معاشی بحران جاری ہے اورعوام بجلی، گیس، ادویات اورکھانے پینے کی اشیا کی قلت کا سامنا کررہے ہیں۔

    بھارت کا اگلا صدر کون ہو گا؟ ووٹنگ جاری

  • قومی ٹیسٹ ٹیم نے عید الاضحیٰ کی نماز کولمبو میں ادا کی

    قومی ٹیسٹ ٹیم نے عید الاضحیٰ کی نماز کولمبو میں ادا کی

    کولمبو: سری لنکا کے دورے پر گئی قومی ٹیسٹ ٹیم نے عید الاضحیٰ کی نماز کولمبو میں ادا کی۔

    باغی ٹی وی : پاکستان کرکٹ بورڈ( پی سی بی) کی جانب سے سماجی رابطے کی ویب سائٹ ٹوئٹر پر قومی کھلاڑیوں کی نماز عید کے بعد ایک دوسرے کو مبارکباد دینے اور بغلگیر ہونے کی ویڈیو شیئر کی گئی ہے۔


    قومی ٹیم کے سابق کپتان سرفراز احمد نے عید کی نماز پڑھائی اور ایک دوسرے کو مبارکباد دی نماز عید کی ادائیگی کے فوری بعد قومی کرکٹرز ٹریننگ سیشن کے لیے اسٹیڈیم پہنچ گئے۔


    پی سی بی کی جانب سے قومی کھلاڑیوں کے پریکٹس سیشن کی تصاویر بھی سوشل میڈیا پر پوسٹ کی گئی ہیں۔


    یاد رہے کہ قومی ٹیم کا گزشتہ روز کا ٹریننگ سیشن سری لنکا میں ہونے والے پرتشدد مظاہروں کی وجہ سے منسوخ کر دیا گیا تھا تاہم آج سری لنکا میں حالات معمول کے مطابق ہونے کے بعد قومی کھلاڑی پریکٹس سیشن میں حصہ لے رہے ہیں۔

    واضح رہے کہ پاکستان کرکٹ بورڈ (پی سی بی) نے سری لنکا میں کشیدہ صورتحال پر موجود قومی ٹیم انتظامیہ اور سری لنکن بورڈ حکام سے رابطہ کیا تھا ترجمان پی سی بی کے مطابق پی سی بی حکام نے ٹیم انتظامیہ سے کھلاڑیوں کی سیکیورٹی اور دیگر امور پر بات کی پی سی بی سری لنکن بورڈ اوروزارت خارجہ سے رابطے میں ہے پاکستانی ٹیم شیڈول کے مطابق سری لنکا کیخلاف میچز کھیلےگی۔ آسٹریلین ٹیم بھی سری لنکا میں موجود ہے۔

    ملک بھر میں عید الاضحی مذہبی جوش و جذبے سے منائی جا رہی ہے،مسلمان سنت ابراہیمی میں…