چوہدری طارق اقبال (باغی ٹی وی کوٹرادھاکشن)
جسم پر تشدد کے نشانات ۔پولیس تھانہ کوٹ رادھاکشن نے نعش کو تحویل میں لے کر کارائی شروع کر دی ہے۔
باغی ٹی وی کی رپورٹ کے مطابق پولیس تھانہ کوٹ رادھاکشن کو اطلاع ملی کہ راجباہ چھینہ نہر میں نامعلوم عورت کی نعش بہتی جا رہی ہے تو پولیس انچارج نے ہمراہ ٹیم موقع پر پہنچ کر نعش کو نہر سے نکالا ۔جس کی عمر تقریبا 27/28 سال تھی اور جسم پر تشدد کے نشانات بھی موجود تھے پولیس نے مقدمہ کا اندراج کر کے نعش کو پوسٹ مارٹم کے لئے ڈسڑکٹ ہیڈ کوارٹر ہسپتال قصور روانہ کر دیا۔
Tag: کوٹرادھاکشن
راجباہ چھینہ سے عورت کی تشدد زدہ نعش برآمد
قصور میں دن دیہاڑے ڈکیتیاں ، انتظامیہ خواب خرگوش میں مدہوش
طارق اقبال ،( نمائندہ باغی ٹی وی کوٹرادھاکشن)
کوٹرادھا کشن نئے ایس ایچ او کی تعیناتی بھی وارداتوں کے جاری سلسلے کو روک نا سکی.گزشتہ روز مین رائیونڈ اسپتال والی پلی پر واقع خان زرعی مرکز ( زرعی ادویات) پر شام 4 بجے کے قریب دو موٹر سائیکلوں پر سوار 4 عدد مسلح ﮈاکو دندناتے ہوۓ دکان میں داخل ہوۓ اور گن پوائنٹ پر سہیل نامی دکان مالک سے 4 لاکھ 90 ہزار نقدی چھین کر باآسانی فرار ہونے میں کامیاب ہو گۓ.دوران ﮈکیتی ملزمان دکان مالک کو جان سے مارنے کی دھمکیاں بھی دیتے رہے.پولیس نے معمول کی کاروائی شروع کر دی.پولیس تاحال ملزمان کا سراغ لگانے میں ناکام ہے.دن دیہاڑے ہونے والی ﮈکیتی کی ایسی واداتوں پر تاجر برادری اور شہری شدید پریشان ہیں.
کرسمس کے موقع پر ضلع بھر میں فول پروف سکیورٹی کو یقینی بنائیں گے۔ ڈی پی او قصور
قصور:- (طارق اقبال نمائندہ باغی ٹی وی کوٹرادھاکشن)
ڈی پی اوقصورزاہد نواز مروت نے کہا کہ ضلعی پولیس اقلیتوں کی عبادت گاہوں اور انکے جان و مال کی حفاظت کو ہرصورت یقینی بنائے گی،پولیس نے ضلع بھرکے 179چرچز کی سکیورٹی کے فول پروف انتظامات کیے ہیں، ان خیالات کا اظہار انہوں نے اپنے آفس میں گرجا گھروں کے منتظمین کیساتھ میٹنگ کے دوران خطاب کرتے ہوئے کیا،انہوں نے کہا کر سمس ڈے امن و آشتی کادرس دیتا ہے اور ہم سب امن کے داعی ہیں۔پاکستان کے شہری ہونے کی حیثیت سے پولیس کا فرض ہے کہ بلاامتیاز رنگ ونسل اور مذہب کے تمام شہریوں کے جان و مال اور عزت کے تحفظ کو یقینی بنایا جائیگا، انہوں نے کہا ڈسٹرکٹ پولیس لائن قصور میں کرسچن کمیونٹی کے رضا کاروں کو ٹریننگ دی جائے گی جو پولیس اہلکاروں کیساتھ ملکر سکیورٹی کے فول پروف انتظامات کو یقینی بنائیں گے، انہوں نے مزید کہا کہ کرسمس ڈے پر تمام گرجا گھروں میں روف ٹاپ ڈیوٹی بھی لگائی جائے گی،ہر شخص کومکمل چیکنگ کے بعد داخل ہونے دیاجائے گا، پارکنگ گرجا گھروں سے دور کی جائے گی اور مشتبہ افراد کی نقل و حرکت پر کڑی نگرانی کی جائے گی، اس کیساتھ ساتھ گرجا گھروں اور کرسچن کمیونٹی کی آبادی کے اردگرد سرچ آپریشن بھی کئے جائیں گے، میٹنگ کے اختتام پر کرسچن کمیونٹی کے رہنماؤں نے سکیورٹی کے فول پروف انتظامات کو یقینی بنانے کیلئے پولیس کیساتھ مکمل تعاون کی یقین دہانی کروائی۔
سرکاری ادویات کی چوری ، عملہ سے نارواسلوک ، پٹرول کی جعلی رسیدیں ، بجٹ میں خوردبرد کرنے سمیت دیگر الزامات درست
کوٹ رادھا کشن: ڈی ڈی ایچ او فراز رشید کے حوالے سے انکوئری مکمل کر لی گئی ہے اور الزامات ثابت ہو چکے ہیں۔
رپورٹ ڈی سی او قصور کو ارسال کردی گئی ہے۔
ڈی ڈی او فراز رشید کی انکوئری کئی ماہ بعد مکمل کر لی گئی ہے۔
انکوئری رپورٹ میں الزامات کی تصدیق کرتے ہوئے کہا گیا ہے کہ سرکاری ادویات چوری ، ماتحت عملہ سے گالی گلوچ ، پٹرول کی جعلی رسیدیں ، فلیڈ میں جعلی وزٹ اور بجٹ میں خوردبرد کرتا رہا ہے۔
ڈپٹی ڈسٹرکٹ ہیتلھ آفسر رشید کے خلاف چند ماہ قبل ان کے ماتحت عملہ کی طرف سے مقامی اسسٹنٹ کمشنر کو درخواست دی گئی جس میں درخواست گزار کا کہنا تھا کہ فراز رشید اپنے عملہ سے نارواسلوک رکھتا ہے اور فحش گالیاں دیتا ہے اس کے علاوہ گھر یلو کام کاج بھی کرواتا ہے۔
کوٹرادھاکشن میں 4 سالہ گمشدہ بچے کی نعش برآمد
کوٹ رادھاکشن
نواحی گاؤں رکھ بُت کے علاقے کچی لائن سے گزشتہ روز غائب ہونے والے 4 سالہ بچے کی نعش گھر سے مل گئی ۔ مویشیوں کے چارے والے کمرے میں توڑی کی گانٹھوں کے نیچے سے نعش برامد ہونے پر گھر میں صف ماتم بچھ گئی۔
حادثہ ہے یا قتل معمہ پوسٹ مارٹم رپورٹ آنے پر حل ہوگا۔باغی ٹی وی کی رپورٹ کے مطابق کوٹ رادھاکشن کے نواحی گاؤں رکھ بت کھوکھراں والا کھوہ کے رہائشی محمد مشتاق کا 4 سالہ بچہ علی زین گزشتہ روز کھیلتے ہوئے گھر سے باہر چلا گیا تلاش کے بعد گھر والوں نے پولیس تھانہ کوٹرادھاکشن میں مقدمہ کا اندراج کروا دیا۔ آج شام جب ملازم مویشیوں کے چارے کے لئے توڑی والے کمرے میں گیا تو توڑی کی گانٹھوں سے بچے کی نعش مل گئی جس پر گاوں میں کہرام مچ گیا ڈی پی او قصور اور پولیس موقع پر پہنچ گئی اور تفتیش شروع کردی ہے تاہم بچے کی نعش کو پوسٹ مارٹم کیلئے ڈسڑکٹ ہیڈکوارٹر ہسپتال قصور روانہ کر دیا گیا
