Baaghi TV

Tag: کوہاٹ

  • کوہاٹ میں سی ٹی ڈی اور پولیس کی مشترکہ کارروائی میں 6 دہشتگرد ہلاک

    کوہاٹ میں سی ٹی ڈی اور پولیس کی مشترکہ کارروائی میں 6 دہشتگرد ہلاک

    خیبرپختونخوا کے ضلع کوہاٹ کی تحصیل لاچی میں پولیس اور کاؤنٹر ٹیررازم ڈیپارٹمنٹ (سی ٹی ڈی) کے مشترکہ آپریشن کے دوران مقابلے میں 6 دہشت گرد ہلاک ہو گئے جبکہ ملزمان کے قبضے سے بھاری اسلحہ بھی برآمد کر لیا گیا۔

    ڈسٹرکٹ پولیس آفیسر (ڈی پی او) کوہاٹ شہباز الہی کے مطابق خفیہ اطلاع ملنے پر تھانہ لاچی کی حدود میں پولیس اور سی ٹی ڈی کی ٹیموں نے مشترکہ طور پر سرچ اینڈ اسٹرائیک آپریشن کیا، کارروائی کے دوران موجود دہشت گردوں نے سیکیورٹی فورسز پر فائرنگ شروع کر دی جس کے بعد فورسز نے بھرپور جوابی کار ر وائی کی جس کے نتیجے میں 6 دہشت گرد مارے گئے۔

    حکام کے مطابق ہلاک ہونے والے دہشت گرد سیکیورٹی فورسز پر حملوں اور تخریب کاری کی مختلف کارروائیوں میں ملوث تھے علاقے میں پولیس اور سی ٹی ڈی کی ٹیموں کا مشترکہ سرچ آپریشن تاحال جاری ہے تاکہ کسی بھی ممکنہ خطرے کو ختم کیا جا سکے،اس کے علاوہ علاقے میں دہشت گردوں کے سہولت کاروں کی تلاش کے لیے بھی کارروائیاں مزید تیز کر دی گئی ہیں۔

    سعودی عرب کا ریاض اور مشرقی علاقوں میں 10 ڈرونز تباہ کرنے کادعویٰ

    امریکی محکمہ دفاع نےعراق میں طیارے حادثے میں ہلاک ہونیوالے 6 فوجیوں کی شناخت ظاہر کر دی

    ایرانی حملوں کی 51 ویں لہر:سعودی عرب میں امریکی فوجی اڈے پر میزائلوں کی بارش

  • کوہاٹ میں تیل وگیس کے بڑے ذخائر دریافت

    کوہاٹ میں تیل وگیس کے بڑے ذخائر دریافت

    آئل اینڈ گیس ڈیولپمنٹ کمپنی ( او جی ڈی سی ) نے کوہاٹ میں تیل وگیس کے ایک بڑے ذخیرے کی دریافت کا اعلان کیا ہے۔

    اوجی ڈی سی ایل کی جانب سے پاکستان اسٹاک ایکسچینج کو بھیجے جانے والے نوٹس میں بتایا گیا ہے کہ خیبرپختونخوا کے ضلع کوہاٹ میں تیل وگیس کے شعبے میں نئے سال کا سب سے بڑا ذخیرہ دریافت ہوگیا ہے،او جی ڈی سی نوٹس میں کہا گیا ہے کہ یہ نئے سال کا سب سے بڑا ذخیرہ ہے۔

    قبل ازیں گزشتہ ماہ بھی او جی ڈی سی نے صوبہ خیبر پختونخوا کے ضلع کوہاٹ میں واقع نشپا بلاک سے تیل و گیس کی نئی دریافت کا اعلان کیا تھا-

    سعودی عرب کی ریاض میں امریکی سفارت خانے پر ایرانی حملےکی شدید مذمت

    او جی ڈی سی حکام کے مطابق براگزئی ایکس-1 کنویں سے یومیہ 225 بیرل تیل اور10 لاکھ معکب فٹ یومیہ گیس کی پیداوار حاصل ہوئی، براگزئی ایکس 1 کنویں کی کھدائی 30 دسمبر 2024 کو شروع کی گئی تھی مختلف فارمیشنز میں ڈرل اسٹیم ٹیسٹ کے دوران تیل و گیس کے آثار پہلے بھی مل چکے ہیں، مذکورہ کنواں کی کھدائی 5,170 میٹر تک کی گئی نئی دریافت سے ملکی توانائی ضروریات پوری کرنے اور ہائیڈروکاربن ذخائر بڑھانے میں مدد ملے گی۔

    ایرانی وزیر خارجہ اور کرد رہنما بافل طالبانی میں ٹیلیفونک رابطہ

    اس سے قبل درس ویسٹ-3 کنواں صوبہ سندھ کے ضلع ٹنڈو الہٰ یار سے گیس کا نیا کنواں دریافت ہوا ، ابتدائی ٹیسٹ میں یومیہ 9.70 ملین معکب فٹ گیس اور 580 بیرل یومیہ کنڈینسیٹ کی پیداوار حاصل ہوئی،ترجمان او جی ڈی سی نےکہا کہ تیل و گیس کی یہ پیداوار لوئر گورو فارمیشن کےسی سینڈ سے حا صل ہوئی، گیس کو پلانٹ میں پراسیس کر کے ایس ایس جی سی ایل کے نیٹ ورک میں شامل کیا جائے گا۔

    رجیم چینج کی کوشش ہوئی تو اسرائیلی جوہری مرکز ہمارا ہدف ہو گا،ایران

  • کوہاٹ میں تیل اور گیس کے ذخائر دریافت

    کوہاٹ میں تیل اور گیس کے ذخائر دریافت

    کوہاٹ میں تیل اور گیس کے ذخائر دریافت ہوئے ہیں-

    پاکستان کی بڑی توانائی کمپنی، آئل اینڈ گیس ڈیولپمنٹ کمپنی لمیٹڈ (او جی ڈی سی ایل) نے خیبر پختونخوا کے ضلع کوہاٹ میں باراگزئی ایکس-01 (سلینٹ) تحقیقی کنویں میں تیل اور گیس کے نئے ذخائر دریافت کیے ہیں، یہ دریافت ملک کی توانائی کی ضروریات کو پورا کرنے میں مددگار ہوگی۔

    او جی ڈی سی ایل نے پاکستان اسٹاک ایکسچینج (پی ایس ایکس) کو بتایا کہ ’نشپا ایکسپلوریشن لائسنس‘ کے تحت او جی ڈی سی ایل نے 65 فیصد حصہ دار کے طور پر، پاکستان پیٹرولیم لمیٹڈ (پی پی ایل) 30 فیصد اور گورنمنٹ ہولڈنگز (پرائیویٹ) لمیٹڈ (جی ایچ پی ایل) 5 فیصد کے ساتھ مشترکہ منصوبے میں Samana Suk اور Shinawari فارمیشنز میں تیل اور گیس دریافت کی۔

    کمپنی کے مطابق’کیسڈ ہول ڈرل اسٹیم ٹیسٹ‘ کے دوران کنویں سے روزانہ 3,100 بیرل تیل اور 8.15 ملین سٹینڈرڈ کیوبک فٹ گیس حاصل ہوئی۔ یہ کنواں 30 دسمبر 2024 کو کھودا گیا اور Kingriali فارمیشن تک 5,170 میٹر کی گہرائی میں مکمل ہوا پچھلے ٹیسٹ Kingriali اور Datta فارمیشنز میں بھی تیل اور گیس کی دریافت کر چکے ہیں، یہ نئی دریافت ملکی توانائی کی پیداوار میں اضافہ کرے گی اور کمپنی کے ہائیڈروکاربن ذخائر کے ساتھ ساتھ ملک کے مجموعی توانائی کے ذخائر میں بھی اضافہ کرے گی۔

  • کوہاٹ میں تیل اورگیس کے نئے ذخائردریافت

    کوہاٹ میں تیل اورگیس کے نئے ذخائردریافت

    خیبرپختونخوا کے ضلع کوہاٹ میں تیل اورگیس کا نیا ذخیرہ دریافت کر لیا گیا۔

    آئل اینڈ گیس ڈیولپمنٹ کمپنی لیمیٹڈ کے مطابق ضلع کوہاٹ میں تیل اورگیس کا نیا ذخیرہ دریافت ہوا اور یہ ذخیرہ نشپا بلاک میں واقع برگزئی ایکس او ون نامی کنوئیں سے دریافت ہوا ہے، ابتدائی ٹیسٹ کے مطابق یومیہ 4100 بیرل خام تیل حاصل ہونے کی توقع ہے جبکہ تیل کیساتھ اس کنویں سے یومیہ 10.5 ملین اسٹینڈرڈ کیوبک فٹ گیس بھی حاصل ہوگی، تیل و گیس کی دریافت کیلئے زمین میں 5ہزار 170 میٹر کی کھدائی کی گئی، منصوبے میں او جی ڈی سی، پی پی ایل اور گورنمنٹ ہولڈنگز پرائیویٹ لمیٹڈ شراکت دار ہیں-

    اسلام آباد ہائیکورٹ کے ججز کا آئندہ ہفتے کا روسٹر جاری

    حکومت یا وزیراعظم کی کوئی انا نہیں، پاکستان کا مفاد ہر چیز سے بڑا ہے،طلال چوہدری

    ایران میں مہنگائی کیخلاف احتجاج پر تشدد مظاہرے میں تبدیل،2 شہری ہلاک متعدد زخمی

  • کوہاٹ: نامعلوم افراد کی فائرنگ سے 7 افراد جاں بحق

    کوہاٹ: نامعلوم افراد کی فائرنگ سے 7 افراد جاں بحق

    کوہاٹ کے علاقے ریگی شینوخیل میں نامعلوم افراد کی اندھا دھند فائرنگ سے 7 افراد جاں بحق اور ایک شدید زخمی ہو گیا۔

    خیبر پختونخوا کے ضلع کوہاٹ کے نواحی علاقے ریگی شینو خیل میں اُس وقت قیامت صغریٰ برپا ہوگئی جب نامعلوم مسلح افراد نے اچانک اندھا دھند فائرنگ کر کے 7 افراد کو موت کے گھاٹ اتار دیا، جبکہ ایک شخص شدید زخمی ہو کر زندگی و موت کی کشمکش میں مبتلا ہے۔

    پولیس کے مطابق مقتولین تاندہ ڈیم پر پکنک منانے کے بعد واپس آ رہے تھے کہ راستے میں گھات لگائے حملہ آوروں نے ان پر فائرنگ کردی، جس کے بعد علاقے میں خوف و ہراس پھیل گیا،پولیس نے جائے وقوعہ پر پہنچ کر شواہد اکھٹے کیے اور لاشوں کو پوسٹ مارٹم کے لیے اسپتال منتقل کر دیا زخمی شخص کو تشویشناک حالت میں قریبی اسپتال منتقل کیا گیا ہے، واقعے کی تفتیش شروع کر دی گئی ہے، حملہ آوروں کی تلاش جاری ہے۔ ابتدائی طور پر واقعہ دشمنی کا شاخسانہ لگتا ہے۔

  • کوہاٹ،سابق پی ٹی آئی وزیر کا بھائی بجلی چوری میں ملوث

    کوہاٹ،سابق پی ٹی آئی وزیر کا بھائی بجلی چوری میں ملوث

    کوہاٹ بجلی چوری کے الزام میں سابق وفاقی وزیر شہریار افریدی کے بھائی سہیل افریدی کے خلاف مقدمہ درج کر لیا گیا ہے،پیسکو حکام کے مطابق سہیل افریدی غیر قانونی کنکشن کے زریعے بجلی استعمال کر رہا تھا جسکی وجہ سے پیسکو کو 2 لاکھ روپے کا نقصان پہنچا ہے،پیسکو حکام کے مطابق شہریار آفریدی کا بھائی سہیل افریدی نے 6 لاکھ روپے واجبات بھی ادا نہیں کئے گئے،زرائع کے مطابق سہیل افریدی اس سے قبل بھی بجلی چوری میں ملوث رہا ہے،لیکن شہریار آفریدی سیاسی اثر ورسوخ استعمال کر کے پیسکو ملازمین پہ دباؤ ڈالتے تھے،

  • چار ماہ قبل اغوا شدہ خاتون بچوں سمیت بازیاب

    چار ماہ قبل اغوا شدہ خاتون بچوں سمیت بازیاب

    کوہاٹ پولیس نے کامیاب کارروائی کے دوران 4ماہ قبل اغواء ہونی والی خاتون کو بچوں سمیت کراچی سےبازیاب کر کے اغواء کار گرفتار کر لیا،پولیس کے مطابق ملزم نے خاتون کو ورغلا کر بچوں سمیت کوہاٹ سے اغواء کیا تھا جسکی گمشدگی کا مقدمہ شوہر کی مدعیت میں درج کر لیا گیا تھا، واقعہ کے بعد ڈی ایس پی صدر یوسف خان کی سربراہی میں ایس ایچ او ایم آر ایس اسلام الدین خان نے مسلسل محنت کے بعد خاتون کو بچوں سمیت کراچی سے بازیاب کرکے اغواء کار کو گرفتار کرلیا،

  • کوہاٹ ، فائرنگ سے ایک شخص جاں بحق دو زخمی

    کوہاٹ ، فائرنگ سے ایک شخص جاں بحق دو زخمی

    کوہاٹ لاری آڈہ کے قریب فائرنگ کا واقع پیش آیا جس جے نتیجے میں ایک شخص جاں بحق جبکہ دو زخمی ہو گئے،فائرنگ کے واقعے میں جاں بحق شخص کی شناخت میر قاسم جان ولد علی قاسم سکنہ اورکزئی کے نام سے ہوئی ہے جبکہ زخمیوں میں سید امداد حسین ولد سید سردار حسین سکنہ اورکزئی اور افغان مہاجر انعام اللہ ولد ثمر گل سکنہ ابلن افغان کیمپ شامل ہیں پولیس کے مطابق واقعے کی اطلاع ملتے ہی فوری طور پر جائے وقوعہ پر پہنچ گئی ہےواقعے میں ملوث مبینہ موٹر سائیکل سوار ملزمان فرار ہونے میں کامیاب ہو گئے،
    فائرنگ کا واقعہ سابقہ دشمنی کا شاخسانہ بتایا جارہا ہے،پولیس کا دعویٰ ہے کہ واقعے میں ملوث ملزمان کی گرفتاری کیلئے شہر بھر میں ناکہ بندی کر لی گئی ہے جاں بحق شخص کی لاش اور زخمیوں کو فوری طور پر ہسپتال منتقل کر دیا گیا ہے ،جبکہ واقعے کے متعلق مزید معلومات کی جاری ہیں،

  • ملک کے مختلف شہروں میں کارروائیاں ،منشیات اور اسلحہ برآمد،ملزمان گرفتار

    ملک کے مختلف شہروں میں کارروائیاں ،منشیات اور اسلحہ برآمد،ملزمان گرفتار

    اینٹی نارکوٹس فورس( اے این ایف) کی راولپنڈی سمیت ملک کے مختلف شہروں میں کارروائیاں ،منشیات برآمد،ملزمان گرفتار-

    باغی ٹی وی: ترجمان اے این ایف کے مطابق کارروائیاں راولپنڈی ،فیصل آباد،گوادر اور دشت میں کی گئیں ،ملزمان کے خلاف مقدمات درج کرکے تفتیش کا آغاز کر دیا گیا ہے-

    ظل شاہ کی موت چھپانے پر عمران خان ،یاسمین راشد پر مقدمہ درج

    ترجمان اے این ایف کے مطابق راولپنڈی جی ٹی روڈ پر ترنول پھاٹک کے قریب کار سے 2 کلو 400 گرام چرس برآمد کی گئی فیصل آباد ائیر پورٹ پر چیکنگ کے دوران مُلزم کے لیپ ٹاپ سے 500 گرام ہیروئین برآمد ہوئی –

    ترجمان اے این ایف کے مطابق خفیہ اطلاع پر کارروائی کے دوران دشت میں جھاڑیوں کے بیچ گہرے کھڈے میں نشیات برآمد ہوئی ایک اور کارروائی میں گوادر کے علاقے پشکان میں بھی کھڈے سے منشیات برآمد ہوئی-

    کراچی ائیر پورٹ پر ہنگامی لینڈنگ کرنے والا بھارتی طیارہ واپس دہلی پہنچ گیا

    دوسری جانب پولیس نے کوہاٹ میں مختلف کارروائیوں میں اسلحہ اسمگل کرنے کی کوشش ناکام بنا دی اور اسمگلرز کوگرفتار کر لیا کارروائی کے ڈی اے سے ملحقہ درہ آدم خیل کے پہاڑوں میں عمل میں لائی گئی،اسلحہ درہ آدم خیل سے خفیہ پہاڑی راستے کے ذریعے جنوبی اضلاع کو اسمگل کیا جارہا تھا-

    پولیس حکام کے مطابق اسلحہ اسمگلروں نے مختلف قسم کے ہتھیار بوریوں میں بند کر رکھے تھے ،برآمد ہونے والے ہتھیاروں میں 2 کلاشنکوف،ریپیٹر، 10 پستول، 24 چارجرز اور ایک ہزار کارتوس اسلحہ میں شامل ہیں،کے ڈی اے میں مقدمہ درج کرلیا گیا،ملزمان سے تفتیش جاری ہے-

    سی ٹی ڈی کی کارروائی:کے پی او حملے کا ماسٹر مائنڈ ساتھی سمیت ہلاک،2 دہشتگرد …

  • کوہاٹ: نامعلوم افراد کی فائرنگ سے ایک خواجہ سرا ہلاک دو زخمی

    کوہاٹ: نامعلوم افراد کی فائرنگ سے ایک خواجہ سرا ہلاک دو زخمی

    کوہاٹ میں نامعلوم شخص کی فائرنگ سے ایک خواجہ سرا موقع پر جاں بحق ہوگیا جب کہ 2 خواجہ سرا زخمی ہوگئے۔

    باغی ٹی وی: واقعہ کوہاٹ میں تھانہ صدرکی حدود جرما پل کے قریب پیش آیا جہاں مسلح شخص کی فائرنگ سے ایک خواجہ سرا جاں بحق ہوا جبکہ اس کے ساتھی زخمی ہوگئے۔

    مودی کا بھارت کو ہندو ملک بنانے کا منصوبہ بے نقاب

    کوہاٹ پولیس کےمطابق خواجہ سرا ایک پروگرام سے واپس پیدل اپنےگھر جا رہے تھے کہ راستے میں نامعلوم شخص نے ان پر فائرنگ کر دی-

    پولیس کے مطابق لاش اور زخمیوں کو مقامی اسپتال منتقل کردیا گیا ہے جبکہ واقعےکا مقدمہ درج کرکے تفتیش شروع کردی گئی ہے۔

    دوسری جانب پاک افغان سرحد کے قريب نامعلوم دہشت گردوں نے اے ایس آئی کے گھر پر حملہ کردیا۔ فائرنگ کے نتيجے ميں اے ايس آئی سميت آٹھ افراد زخمی ہوگئے۔

    پاک افغان سرحد پر پولیس افسر کے گھر میں دہشتگردوں کا حملہ

    سیکیورٹی حکام کے مطابق واقعہ پاک افغان سرحد کے قریب تحصیل غلام خان کے علاقے ڈانڈے سیدگی میں ہوا۔پولیس کے مطابق ابتدا میں دہشت گردوں نے گھر کے اندر گھس کر فائرنگ کی۔ تاہم جب زخمیوں کو اسپتال لے جانے کیلئے گاڑی روانہ کی گئی تو گاڑی میں بھی دھماکا ہوا، جس سے دیگر افراد زخمی ہوئے۔

    اسپتال ذرائع کے مطابق 3 زخمیوں کی حالت نازک ہے، جن کا علاج جاری ہے۔ پولیس نے جائے وقوعہ پر پہنچ کر تحقیقات شروع کردی۔ اسپتال انتظامیہ کے مطابق زخمیوں میں دو خواتین بھی شامل ہیں۔زخمیوں کو میران شاہ اسپتال منتقل کرنے کے بعد بنوں خلیفہ گلنواز اسپتال منتقل کردیا گیا ہے۔

    امریکا کی فضائی حدود میں ناقابل شناخت شے کی موجودگی کےانکشاف پرپریشانی میں اضافہ