کوہلو کے مختلف علاقوں میں موسلا دھار بارش، منجھرا میں تیز بارش کے باعث ایک گاڑی سیلابی ریلے میں بہہ گئی-
باغی ٹی وی : گاڑی میں 8سالہ بچہ سمیت3افراد سوار تھے،2 افراد کو نکال لیا گیا ہے بچے کو گاڑی سےنکالنے کے لیے امدادی کارروائیاں جاری ہیں جبکہ لاپتہ فرد کے لئے ریسکیو آپریشن جاری ہے –
خان پور میں آندھی اور طوفانی بارش کے باعث سائن بورڈزا ور بجلی کے کھمبے گر گئے کھمبے گرنے کے باعث بجلی کا نظام درہم برہم ہو گیا ہے ادھر ظاہر پیر ،سردار گڑھ اورفتح پور کمال میں تیز آندھی و طوفانی بارش کا سلسلہ جاری ہے میر پور آزاد کشمیر میں بھی بارش سے موسم خوشگوار ہو گیا ہے-
مری اورگردونواح میں وقفے وقفے سے بارش کا سلسلہ جاری ہے مری بارش اور ٹھنڈی ہواوں کے باعث موسم سہانا ہوگیا مری خنکی میں اضافہ کے باعث ہر طرف دھند چھا گئی ہے جبکہ صوابی میں بوندا باندی کا سلسلہ جاری ہے اسلام آباد ،راولپنڈی اور گردونواح میں بارش کا سلسلہ جاری ہے-
دوسری جانب ملک کے اکثر علاقوں میں آج بھی آندھی اور گرد آلود ہوائیں چلنے کےعلاوہ گرج چمک کے ساتھ بارش کا امکان ہے محکمہ موسمیات کے مطابق آج خیبر پختونخوا، شمالی بلوچستان، اسلام آباد، بالائی اور وسطی پنجاب، کشمیر اور گلگت بلتستان میں آندھی اور گرد آلود ہوائیں چلنے کےعلاوہ گرج چمک کے ساتھ بارش کا امکان ہے ملک بھر میں بارشوں کا سلسلہ پانچ مئی تک جاری رہنے کی توقع ہے۔
آندھی اور تیز ہواؤں سے کمزور اسٹرکچرز کو نقصان پہنچنے کا خدشہ ہے جبکہ بارشوں سے گلگت بلتستان میں لینڈ سلائیڈنگ کا بھی خطرہ ہے-
دوسری جانب لوئر کوہستان، پٹن میں شاہراہ قراقرم پر گاڑی کو حادثے کا شکار ہو گئی گاڑی میں ایک ہی خاندان کے 5 افراد سوار تھے پولیس حکام کے مطابق حادثے میں 4 افراد جاں بحق، ایک زخمی ہو گیا گاڑی جگلوٹ سے راولپنڈی آرہی تھی تمام افراد کا تعلق چلاس بٹوگاہ نالے سے ہے پٹن میں شاہراہ قراقرم پر گاڑی کو حادثہ پیش آیا-
